炎天丼 (已結業)

依間餐廳位於旺角市中心，非常方便，餐廳空間頗大，光線充足，裝修充滿日式風情。餐廳主打天婦羅炸物，顧客可以配飯或烏冬，貼心之處在於顧客可以按個人口味更換配料。老闆服務既十分好，會同客人介紹時令既炸物。依間餐廳係我同友人既心頭好之一，定時定候我地都會去幫襯，值得推介。海老天丼（$48）我同友人都鍾情於海老天丼，根據老闆建議，我地應該先食菜心天婦羅，因為蔬菜中含有水份，容易變淋身。其他配料亦炸得十分香脆，炸粉比例岩岩好，充分保留左食材既鮮味。日本菜黎講，餐廳性價比頗高，而且夠大碗，每人都係$50左右，實屬低食之選。👅好味指數:8/10💸抵食指數:8/10🍽餐廳環境:8/10👨🏻‍🍳服務質素:8.5/10❤️呃like指數: 7.5/10💃🏻回頭率:88%

又到旺角嘅時候 真係成日去咁😂有時唔知食咩咪去女人街發掘下今次見到炎天丼好似幾正就入左去原來佢係主打天婦羅我就點左#海鮮天丼 ($78)材料十分豐富的 有甲紋魷魚日本蟹肉棒 (這個超好吃的) 虎蝦流心蛋 菜心苗 茄子 和 蓮藕全部都超級脆卜卜的 正正😬而 #海老天丼($68)就會有一隻超大的海老天婦羅最特別的就是這個天丼的吃法就是先吃蔬菜的 然後吃完其他天婦羅最後篤爆流心蛋拌飯吃😛_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

今日難得早收工，去旺角買完嘢，之後搵地方醫肚。本來想食吓燒魚之類嘅嘢，碌完openrice見呢間似乎幾得意就過去試吓。間鋪既然主打天婦羅，雖然我平時少食呢啲熱氣嘢，但一場嚟到就試啦。睇住份menu，海膽天丼同海鮮天丼爭持咗三分鐘之後，海鮮天丼因為冇南瓜試倒多啲嘢同經濟少少所以贏咗 一嚟係個湯先。鹹味夠嘅，但麵豉味唔出。普普通通咁啦。之後就係主菜，擺盆好靚仔。個海鮮天丼有蝦，魷魚，仿蟹棒，流心蛋，茄子，紫菜，菜心苗同蓮藕。炸物逐樣講:蝦:炸粉唔太厚，都ok有蝦味，唔錯。魷魚k嘅，但唔覺得太特別，可能係我差不多埋尾先食佢啩？仿蟹棒:呢嚿嘢我本身對佢冇期望，粉唔太厚，唔散唔太油已係合格有餘。流心蛋:初見比預計熟多咗少少，但都有流心，幾滑，唔錯。蓮藕:炸粉唔太厚，唔太油，唔錯。紫菜:正常貨色菜心苗:呢件睇就靚仔食就跪低。菜心本身唔點重味，加埋炸粉之後，就算係夾埋一齊食都唔點食得出菜心味。再講食食吓炸粉自己甩埋出嚟，唔通真係食炸粉脆片咁搞笑??!我明炸紫蘇唔係個個頂得順佢陣味，但起碼我知佢做咩吖……呢個菜心苗天婦羅……真心fail。茄子:嗦油記主角。炸粉唔厚嘅，但嗦油嗦到東坡肉嘅級數，唔掂。之後

看報紙介紹特意過來品嚐，只是抱試下的心太結果不錯，以我喜歡日食幷在日本住過的食客來評，這家店算是水准可以，只是有轉用汁水的話更地道。在香港能有這樣水准的天婦羅可以打90分了，

...都唔知擺唔擺佢入#窮人恩物 呢個系列入面😂.我呢啲長期糧尾，旺角喎，60-70蚊有個即炸天婦羅🍤丼飯喎，去到簡直兩眼發光。佢地有教你要點樣做先可以好好品嚐佢地個天丼嫁，記得抬高頭睇下啲poster😆呢度既天婦羅的確做得唔錯，炸粉唔會太厚，又薄又脆👏🏻我個人最鍾意既係佢條菜心苗😂😂😂薯片一樣，條菜又唔會變左條柴😎..店家自己調製既天丼汁同埋帶有海膽口味既飯素大大支放台面任你落，我本身已經好鐘意用飯素送飯嫁啦😂😂😂🤣😂食得好開心。.唯一當日隻糖心蛋麻麻地，篤開無蛋汁🤦🏻‍♀️.印象中記得唔洗收加一，希望店家繼續努力，保持水準👏🏻👏🏻..

晚上三人行過女人街覓食見到這間餐廳好像不錯，老闆熱情招待我們進餐廳嘗試一下，逛街逛得累了便進去了，坐下來的時候老闆細心拿一張椅子給我們放我們購物的戰利品餐牌上的選擇不多，不過食物質素好的話，選擇也不用多的這樣才能保持水準三人點了三款不同的食物牛肉丼，炸海膽丼和海鮮天婦羅烏冬牛肉丼普普通通最期待的炸海膽味道不算突出，不過它的炸粉和配搭都算好食海鮮天婦羅烏冬應該是最好的一個，烏冬很滑，可能有湯的關係，覺得食天婦羅沒有那麼乾

聽朋友講依間日式天婦羅專門店味道唔錯,而且店內有落地玻璃廚房可以見到天婦羅即叫即炸。依個海鮮天丼除左有平時食到嘅茄子,蟹柳,海蝦,南瓜天婦羅之外,仲有溫泉蛋同埋菜心天婦羅。菜心天婦羅食落香脆可口,又幾特別喎,而溫泉蛋天婦羅流出嘅蛋黃汁撈飯一流。枱面仲有一樽海膽飯素,可以任由加入飯度一齊食,另增一番風味。鍾意食海膽嘅我都係第一次是炸海膽咋,估唔到又幾好食。熱辣辣得黎,炸得香脆嘅紫菜包住海膽,又帶點鮮味。不過價錢就稍為貴左少少。

係旺角通菜街見到哩間炎天丼,絕對值得一試有夏日晚市麵食套餐,有天婦羅加個麵,都幾抵而我就叫左個海鮮天丼佢d天婦羅炸得好好食,唔會好油脆漿亦都好鬆脆佢既天丼會有隻流心蛋,炸左既流心蛋我係第一次見,蛋漿撈飯之餘重可以食到脆脆既蛋白野食唔算非常特別,中上左右,但佢d服務一流會因應餐廳客人多少安排位置,例如我見到有兩個客人坐低左兩人台侍應都主動叫佢地轉四人台,重同佢地講唔洗坐到咁迫,絕對加曬分而且都會主動添水而座位可以主到炸野既廚房,但有玻璃隔住,抽氣都做得好好,唔會攻出黎而且價錢相宜,所以絕對值得一試

沒有想到旺角鬧市還有這樣一家隱秘的日本美味。餐廳不大，餐單選項也不算多，但是食物精緻、美味，very impresssive。我點的是唐揚炸雞丼，雞肉的份量很足，中間還有一顆半熟流心蛋，配日本米非常好吃。圖二來highlight一下誘人的流心半熟蛋XD。我會再次來的。

先唔講食物，喺旺角區，人均消費唔過$90 ， 炎天丼 ，店員服務令人十分滿意 ，值得特別加許👍🏻 食品雖然選擇不多，但依家去快餐店食個飯都要$40-50 ，尼到喺旺區收 $50- 60 個飯 店內環境乾淨坐得舒服 ，抵食！當然你唔好拎 D 二、三百蚊碗既天丼黎比較。尼個價錢有甘既服務同質素仲想點😁 #食落仲有日本既味道 ， 如果老闆有機會睇到，希望你加果兩位哥仔人工la, 佢地係地令我會再黎同介紹俾朋友既其中一個因素，不過當然要keep 到水準😂

非常好 !!  I recommend itThe ingredients were fresh !  made the food after ordering and ate it deliciousOther foods were delicious , especially seafood udon is the best.

同朋友係旺角女人街覓食時經過呢間燈火光明既餐廳，見入面環境企理，加上朋友想食日本炸物，就選左呢間炎天丼！入去聽老闆講呢度岩岩開左冇耐，大埔有一間分店。可能係剛開張既關係，老闆非常熱情同細心，搵一個比較涼爽既位置比我地坐，坐低之後就不斷介紹唔同丼比我地，店員又遞上冷水，服務非常好！經老闆介紹招牌菜，就叫左兩客海鮮天丼(78hkd)：老闆仲好細心講解食法，首先可以品嘗自已最喜愛的炸物，然後弄破中間的流心蛋，讓蛋汁與日本飯混和，再把它食清光！留意入面既炸物非常多，有6-7件，最特別其中一件炸物係菜心，炸到好似食薯片咁，好惹味。炸物既粉漿一d都唔厚，同日本食既基本上一樣咁好味，加上價錢唔貴，CP值超高！呢度除左有炸物，仲有咖哩，夏天仲有冷面同冷烏冬，希望下次再黎試其他食物！

#雪雪茄大滿足 😋🈵 味道：🔴🔴🔴🔴🔴🔴🔴⚪️⚪️⚪️👁‍🗨 環境：🔴🔴🔴🔴🔴🔴🔴🔴🔴⚪️💰CP值：🔴🔴🔴🔴🔴🔴🔴🔴⚪️⚪️🔙 番撻 : 🔴🔴🔴🔴🔴🔴🔴🔴⚪️⚪️好多時日式餐廳室內燈光都比較暗,呢次係旺角內巷搵野食時,就自自然然地被「炎天丼」明亮既燈光吸引⋯ 😀✨（騙照🙈 事實係店外內都好光好sharp的😂）見到佢地既招牌「天丼」有埋食法教學,好有心好pro咁～ 一於試下 😋（1）海鮮天丼 $78👉🏻 天婦羅：日本甲紋魷魚、日本蟹肉棒、虎蝦、流心蛋、菜心苗、茄子、蓮藕👉🏻 島根縣蜆肉麵鼓湯👉🏻 (頹)沙律（2）野菜天丼 $65👉🏻 天婦羅：菜心苗、茄子、蓮藕、南瓜、海鮮菇、粟米芯、流心蛋👉🏻 島根縣蜆肉麵鼓湯👉🏻 (頹)沙律我地2人大愛呢間既天婦羅粉！！❤️❤️❤️炸到又薄又脆！😋😋😋👍🏻👍🏻👍🏻自己好鍾意［菜心苗］［蓮藕］［粟米芯］❣️好有驚喜的說～ ☺️大推 🙌🏻另對溏心蛋表示失望,加飯素攪拌啲飯會更開心 😆成枝擺左係枱面, 好大方任你加 ～～最後都要讚下佢地既麵鼓湯～ 視覺上好足料～可惜唔合我地口味 🙈** 最後最後 ** 免加一‼️ 服務依然好好 ☺️

上年喺大埔開左第一間分店，已經食左幾次，開頭餐牌上只得三個選擇，愈來愈多，而且質素依然keep住！早排知就炎天丼衝出九龍，喺旺角開左分店，已經即刻約朋友一齊試，呢個月我地終於約得成啦，之前同朋友都係特登入大埔食，而家旺角有，真係好方便。地點都唔算難搵，我地大約7點半到左，本身都驚要等位，可能閒日嘅關係，唔需要等位，而且可以揀位坐，一睇餐牌，多左好多野揀，除左之前最原先有嘅海膽天丼，海老天丼同埋野菜天丼之外，仲出左唐揚炸雞同海鮮天丼，仲有一啲咖喱料理，牛肉飯，見到有一個好吸引應該係吉列牛，但因為仲未出，今次試唔到。睇左咁耐，我都係決定食返我最鐘意嘅海膽天丼，再加一隻海老天婦羅。其實上菜都好快，但佢依然都係即叫即炸，讚！仲有一碗麵豉湯同埋沙律，天丼非常足料，主角海膽，用紫菜包住再炸，配菜有菜心苗，蕃薯，茄子，蓮藕，仲有另一樣好少見，蛋~如果第一次去食嘅朋友，店員會教你點食，首先篤開隻流心炸蛋，之後撈埋啲飯再加佢地自制嘅醬油，撈埋一齊食，真係好好味，我同朋友每次都用左人地好多醬油，再重口味啲嘅朋友，另外仲有飯素可以加落去再撈。海膽炸得外脆入軟，正！而另外特別嘅就係菜心苗，咬落去超脆口，索索聲

見哩間專食天婦羅嘅食店幾好評，要試一試先~海膽天丼 - 先食件海膽天婦羅，頗驚喜，由於炸過關係，紫菜固然脆口，海膽熱咗味道更濃；其次係隻流心蛋，外面亦炸過幾得意。其餘都係炸蔬菜，當中首推菜心苗，外脆內juicy, 正！其餘如南瓜呀蓮藕比較木獨，一般。而飯粒淋咗適量醬汁，不錯。海鮮盛合 - 有甲紋魷魚，日本蟹棒同虎蝦。用料實在普通，魷魚同蝦都冇乜味道。唐揚炸雞 - 炸得外脆內嫩，但非常油膩炸東菇 - 咬開菇裏面比較乾，麻麻桃汁及提子汁 - 桃汁較甜口，提子汁頗酸，兩者味道都唔假，不錯。後記 - 除咗海膽同菜心天婦羅較好味，其他都一般，而且頗油膩。如可用較優質食材更好，寧可價錢提高一點。