影片
招牌菜
間野真係差到無人有, 千萬唔好團購. 我第一次團購就 lai 野, 等我仲諗住同朋友開心食餐好嘅所謂嘅火鍋城, 其實大細同茶餐廳差唔多, 無乜人幫診. 攞起張 order 紙就知出事, 除左肥牛同所謂芝士腸之外, 其他全部都係菜同菇!!!!! 咁你唔好話自己係任食火鍋丫, 頂! 同麥肉兜兜一樣, 諗住加錢要啲蝦啦, 呢樣又無, 嗰樣又無. 老實講, 我真係想去消費者委員會投訴!! 唔知有無人和應? 就算唔係團購都唔應該去呀!!!!!!!!講起火都黎!!!! 仲限時限刻, 等我驚死唔夠時間, 仲同朋友搭的士去!!!!!!p.s. 以後團購食市一定要做下 research 先~~~
繼續閱讀
買咗火麒麟嘅團購。間舖屬中型, 唔算大亦唔係細, 有 20 張枱左右。整齊乾凈, 雖然離旺角 MTR 唔算好遠, 但係棕樹街真係好多人都唔識去架!Order 咗花甲湯底。女侍應先尼一個火焰 show, 用點火器點著個鍋底嘅花甲, 見到藍色火光, 所以鍋底應該係落咗酒, 然後佢跟住先至倒湯落鍋底。呢個火焰 show 真係幾有特色同埋 spectacular 架! 花甲都幾大隻, 係真材實料。女侍應先送上任食嘅安格斯牛, 碟頭不算大。但係每次 reorder 都係幾分鍾內就送到。至於火麒麟最正嘅就係佢哋菇類嘅選擇好多, 有可能係全港最齊全, 由最細嘅金菇至到最大嘅鮑魚菇都有。蔬菜嘅選擇亦都唔少, 連懷山都有。火鍋落懷山, 我係第一次試, 結果係好好食架! 由於個火鍋除咗花甲, 牛同埋芝士腸外, 就全部係不同種類嘅菇同菜, 所以鍋底嘅湯係好清, 冇油浮面, 係可以飲都唔駛怕膽固醇嘅。火麒麟係 vegetarians 嘅好去處!任飲嘅竹蔗水, 個樽裏面係浸住半條竹蔗嘅, 賣相甚佳。至於服務方面, 染咗茶色頭髮嘅女侍應, 招呼十分周到, 抵讚! 結論 : 火麒麟嘅服務好。花甲鍋底火焰 show 有特色。菇類、蔬菜選擇多, 係 vegetarians 嘅好去處!
繼續閱讀
因團購的關係, 一行8人訂了任食安格斯肥牛火鍋餐券. 一月購買等到昨晚終於出發, 十分期待, 大家都留著肚子, 放工後去食餐勁的. 到達時, 老闆招呼不錯, 介紹左個蟲草雞煲, 想試既木瓜雪耳..無喎, 咁叫穩陣既沙嗲啦, 之後叫野食, 俾左張order 紙, 一張是for團購, 得A5 size咁大, 裡頭只有安格斯肥牛同蔬菜 , 無丸無餃 得芝士腸, 但咬落去都無芝士既, 好明顯只係普通既脆皮腸囉. 仲有另一張係要俾錢, 因團購唔包果d食品, 呢張係A4size黎, 咁我地就心有不甘咁俾錢order囉. 點知隔左10分鐘, 老闆返黎話好多野都無得供應喎, 你地再揀過啦... (所有手打丸無, 海鮮無, 得番一款白菜餃, 連魚片頭, 炸響玲都無)下 有無攪錯呀, 俾錢都無得食. 咁無法啦, 鬼叫團購左咩, 唔係真係想起身走人呀! 湯底... 蟲草雞煲,都幾似湯, 不過鹹d囉, 可能做湯底係要咁掛. 到肥牛出場, 紙都唔夠佢薄, 仲都好肥下添, 張相既已經叫瘦, 我忍唔住問老闆有無d瘦少少架? 佢話安格斯牛係咁架, 咁先好味, 放湯度兩三下就食得喎...唔係嘛!!! 味道方面, 佢同普通肥牛並無分別 我地有成8個人, 黎到既野都係細碟都痺, 配給都唔夠分呀, 好似冬菇得4隻, 豆腐得3小塊.... , 次次追親佢就話黎緊, 肥牛要解凍喎.... 我地等到人都癲, 個個食到夠鐘都唔知食左d乜同埋無mood再食落去.....其他野都唔駛影啦, 都係一d 普通既新鮮瓜菜咁囉, 全晚最多就係菇, 呢餐絕對唔係任食肥牛火鍋, 只係任食蔬菜火鍋啫. 成餐野盡興就無喇, 好興就有! 同場加影食客食煙, 醉酒爆樽....離譜, 下次有人請我都唔會去!
繼續閱讀
一間新開火鍋店。地方雖然比較細一點，但勝在食材新鮮，湯底多創意。首推麒麟烈焰龍蝦鍋，用原隻波士頓龍蝦。還有紅袍首創藏嬌鍋，滋潤蟲草花鷄鍋和其他應有湯底。食材方面有自家製炸魚皮、嚮鈴（腐皮卷）及手打丸等。喜歡食牛人士，可以一試佢哋自創「麒麟牛皇大拼盤」，拼盤內除咗牛肉外，仲有牛鞭及牛脷托。而其他推介有新鮮牛胸尖（白牛肉）。
繼續閱讀