火雞姐嗱喳麵 (E-Max) (已結業)

第一次嚟九龍灣EMAX就係食火雞姐嗱喳麵（辣汁小辣），佢嘅豬紅OK、咖喱魚蛋OK、咖喱豬皮OK、豬大腸OK，盛讚蘿蔔又甜又冇渣，十級推薦！另外叫咗碗自選嗱喳麵，試埋咖喱牛柏葉都好入味。適逢見到有爆漿瀨尿牛丸，即刻order嚟試試，真係爆漿㗎，好好味！呢度可以QR code落單，想食咩可以自己睇+落單，簡單方便。連飲品少冰少甜都可以揀，消費滿$100就有泊車1小時（電子消費）。可惜EMax就嚟拆，之後唔知搬去邊呢？

平時好少去九展，一黎地點唔就腳，二黎又無鋪頭行，平時真係做嘢先會去。今次就因為睇比賽，又俾一個機會我去哩個地方😝不過九展只係開到6月30日，算係佢閂之前去過一次。始終展覽廳上面仲有office，即使地點唔係咁方便，但餐廳選擇都比想像中多。由於時間唔係好夠，只可以食個快飯，今次揀咗火雞姐嗱喳麵。坐低之後就可以scan 枱面 QR code 落單，送出訂單後，等叫號碼就可以拎嘢食。食物準備速度都幾快，大約5分鐘左右就有得食。自選嗱喳麵 (鮮滑牛肉、生菜、魚腐)雞肉碗仔翅 ($25)樽裝奶茶麵嘅份量適中，女仔夠食，男士可以考慮加小食或者加多幾個餸。嗱喳麵味道中規中矩，係車仔麵嘅正常發揮。但係加分位係可以加炸蒜，有炸蒜點綴即刻成個麵香好多。但係細細個已經係太安樓常客嘅我，已經俾太安樓養壞咗，所以唔覺得好特別😅餸嘅選擇亦唔係特別，同一般車仔麵無異。至於個碗仔翅，食得出唔係落咗好多味精，但唔算特別出色。如果想食碗仔翅，我會推介太安樓 或者 筲箕灣嘅呂仔記，大家差唔多價錢。但個人認為附近無同類型嘅食物選擇，有時想食下comfort food，都可以試下，但唔好有太大期望🤔樽裝奶茶唔錯，同冰鎮奶茶一樣

本來就叫那渣麵就無謂話佢唔好食,但係食到一半要叫人坐第2個位!想好好地食個麵都唔得,撘枱我唔介意但係點解要我調位呢?對唔住都冇句!貼錢買難受!簡直垃圾!絕對冇下次!

本人對車仔麵零抗拒力小強嗱喳面油面+冬菇（細）+牛腩+蛋+雞翼尖早午餐人少有靚囡仲姐姐親自送面沙爹汁好味😋油面：一般（可免費改時菜底，下次記得改會健康些）冬菇：雖然細花菇不過量多，菇最吸味所以入味是必然的牛腩：淋，不多亦是必然的蛋：滷水..有驚喜喎！推薦叫！雞翼尖：入味好食😋唯一就是..整碗不熱有些少涼，對趕時間的人是一種方便，但麵還是要熱食會最好。餸可以微溫，但湯必需要熱。這方面扣了分希望改善😆

嚟到九龍灣嘅emax諗住四圍睇下有咩食啦，遠遠就被火雞姐個招牌吸引住，等我試下火雞姐係乜料先😛😛車仔麵有唔同嘅餸可以選，有9蚊同14蚊嘅配菜，醬汁方面都有6款可以選擇，有選擇困難嘅朋友就可以選小強嗱渣麵或者火雞姐嗱渣麵，咁就唔使逐款餸去挑選啦🥰🥰🤤我叫咗個火雞姐嗱渣麵，預設咗有五個餸，有豬紅。蘿蔔，魚蛋，豬皮同埋豬大腸，湯底好濃郁，飲落竟然仲係甜甜地添，好開胃。每款配菜都好入味，特別係豬大腸同埋豬紅，好滑好好食喎。米線就完全吸收曬湯汁嘅味道，惹味非常😁😁🤗👍👍

趕住睇show，得半個鐘食飯，肚子已經咕嚕叫。路過見到火雞姐嗱喳麵，不禁會心微笑，無諗過可以咁啱遇上食神！選擇小強嗱喳麵，因為不用煩惱選配料，嗱喳麵已經貼心地選好配料。而且，服務迅速，很快就上桌了。滷水雞翼尖和冬菇都好入味，味道濃郁。麵上還撒上了炸蒜，風味獨特，有驚喜！

火雞姐嗱喳麵地址: 九龍灣展貿徑1號國際展貿中心地下2號舖Lunch想食車仔麵～食唔食好🤣？呢間九龍灣3餸車仔麵$50都幾抵食🤩，自選嗱喳麵(沙嗲麵)🍜$50(肥牛; 四洲魚皮餃; 自菜豬肉餃)和瑞士汁米線啦🍜(炙燒芝士丸;牛丸)。沙嗲麵湯底就較為出色😂，味道夠夠開胃😚，而且湯底唔會讓人越食越飲越口乾，不錯。米線質地滑溜溜軟硬適中，其他都正正常常，如果太掛住車隻麵嘅你可以一試😆。#nicefoodie九龍灣—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk  #香港 #香港美食 #美食 #九龍灣美食 #打卡  #九龍灣 #香港口味  #隱世美食 #隱世小店 #半價優惠 #人氣餐廳

外賣叫左火雞姐嗱喳麵，配料有豬皮、蘿蔔、豬紅、咖喱魚蛋，想動腦筋，選這款最適合，魚蛋普通，蘿蔔不錯，豬皮夠咬口，份量亦都算合理。多種麵底任君選擇!之前都食過呢間，試過唔同醬汁，麻辣汁香味不錯，唔太辣，略咸，再麻再香一點會更佳。沙嗲汁少少似沙茶醬，辣味比較重，辣中帶甜香，幾惹味。個人推介沙嗲汁。

麵底$12 l 清甜蘿蔔$9 l 六十六座咖喱魷魚$14 l 進擊的九菜餃$9呢間餐廳係我係E-Max食過咁多間 暫時覺得最好食既😭佢湯底相當之唔錯 個沙嗲汁好濃好夠味 之後佢米粉嘅質地都煮得好好 好索汁 簡直拯救咗我個味蕾🍜😂😂佢咖喱魷魚嘅份量都幾多 蘿蔔都甜 唯一係佢個韭菜餃雖然好大隻 但係我自己覺得比較粉 食落麻麻🫢·📍火雞姐嗱喳麵 (九龍灣展貿徑1號國際展貿中心地下2號舖)·

到九展見到之前759車仔麵的位置轉了火雞姐嗱喳麵， 就入去一試。 店內的裝修同之前差不多， 唔想用腦，所以就點了兩款餐廳設定的車仔麵🥢，火雞姐那渣麵$56、 小強那渣麵$39、 樽仔奶茶$14、芝麻豆漿$10。 ▫️火雞姐那渣麵 ～ 豬大腸、豬皮、蘿蔔、豬紅、 魚蛋和油麵， 我點了瑞士汁湯底甜甜地， 油麵我覺得唔夠腍， 五款餸都幾入味。 ▫️小強那渣麵 ～ 雞翼尖、 柱侯牛腩、糖心蛋、冬菇配油麵， 牛腩口感軟腍，糖心蛋有流心效果、冬菇爽口美味。 ▫️樽仔奶茶 ～ 樽仔奶茶，茶味香濃。 ▫️芝麻豆漿 ～ 樽裝豆漿，味道普通。 九展其實都唔係好多餐廳， 所以見到新開多數都會想入去試下😆。 🏷️溫馨提示～ 整個用餐體驗均屬個人分享意見， 只作參考😊。