火間土 (已結業)

同幾個同事飯局，有個同事提議呢間，都好！還掂廣東道間成日都book唔倒，呢間易book，咁就不如試啦！先講裝修，又係好有格調黑色，冇話好唔好，呢期日本餐廳興嘛！不過好似全部都係坐房仔塌塌米，坐得就唔算舒服，勝在夠晒私隱，朋友聚舊就一流。至於食物，就樣樣叫，比較好食有軟殼蟹卷，火間土卷，八爪魚丸，炸雞軟骨，普普通通係壽司，同埋唔知咩日式炒麵，比較差係燒三文魚，因為真係好腥。仲有叫2個雪榚，比較特別係一個好似叫衝上雲霄，即係4色雪榚加番薯加幾片炸蘋果片，不論賣相同味道都值得一試。埋單6百零蚊，咁裝修，咁食物水準，都總算合理。同埋招呼都真係好唔錯，因為同事帶個坐bb 車bb，店員都識主動幫同事收起架bb車，等大家都食得安心，呢方便真係值得加分。

一行四人的生日飯，點了一個沙律、三文魚芒果卷、軟殼蟹沙律卷、是日串燒(5串)、蟹子紫菜冷明太子烏冬、凍豆腐、海鮮卷。本來想吃pizza，但替我們落單的經理提議我們多試其他較特別的日本菜，因為pizza 很多地方都可以吃到。串燒普普通通，咸了一點，要多加檸檬汁。海鮮卷不錯，口味清新，有點東南亞食品的感覺。盛冷烏冬的碟非常大，顯得烏冬的份量很少，經理說醬料加了芝士，芝士味不算很濃，烏冬的口感一流。接著當然少不了甜品，上次沒有試過，這次試了Tiramisu和沖上雲霄，水準都不錯。

之前睇過某周刊介紹,見呢度環境幾高格調,食物又好似有少少特色,一直都諗住試吓 ,終於同朋友book 到位,我地有五個人,叫咗 差唔多一千蚊野食.d野食上得好快,亦好快凍哂.我地叫咗 五款魚生,好新鮮!叫咗 個十串串燒拼盆,肥肉洋蔥串好肥,其他串燒味道一般.叫咗 一個十串吉列拼盆,食唔哂,炸完都完全估唔到係乜.仲有火間土巻,我無食,不過賣相ok.仲有個好似係炸蝦巻,好普通.個海鮮pizza實在太厚,完全唔好食.個炸蓮藕就清清地,幾得意.個炸雞軟骨太厚粉,我唔鐘意.有個好似係蒜片豬扒,過得去啦.又有個好似叫火間土沙律,無乜特別囉!仲有個唔知乜野炸豬定薯,總之有d沙律醬汁响 嚿吉列野上面啦,味道怪怪的.唔好意思,因為叫得太多野,都唔記得食物名稱.唔知仲有無漏,應該差唔多.老實講,食物質素就一定比和民高,但又未高到要咁貴,以咁既價錢(每人$200),食d更好既日本料理都得啦!

20040824 8pm響紐約睇《千機變2之花都大戰》, 近近地過o黎食個飯.personally 覺得北京道一號果間靚o的. service 就差的, 的waitress 有o的十下十下feel.2人吃:1) 蜜糖薯仔- 作為starter / 小食都太滯了, suggest個薯波波整細o的同埋唔好咁孤寒, 落多o的蜜糖唔洗死下話?2) 煎魚餅- 不俗, 彈牙3) 炸蓮藕- 推!!!!! 呢個得, 香口唔肥膩, 必吃!4) 火間土卷- 幾好啦, 有o的紫蘇葉咁樣, 鰻魚好難整得唔好食o既又,同埋擺出o黎個樣好靚5) 海鮮薄pizza - 唔得! 皮唔夠薄, 海鮮(?)無味, 芝士太多, 茄醬太少6) 凍竹筒酒- 即是溝了水o的Sake 雪凍, 不過都ok geoverall, 食裝修o黎講算平, 個presentation 靚, 挽回不少分數

呢次係我第一次跟openrice去"開飯", 感覺幾得意.因為我未試過同咁多唔識o既人一齊食野, 仲要係"生o野"!!哈!咁都唔止,而且仲有TVBo既人拍我地食o野...今次o既聚會地點係位於銅鑼灣o既"火間土"食物方面,都有幾多我唔係咁"咩"o既刺身.不過唔緊要,因為都有熟食o既1]吉列白汁炸蝦餅 可能係同偶像一齊偷食,而且肚仔餓同埋炸起夠熱 所以都幾好食2]串燒 豬+ 雞翼+ 蝦+? 太乾唔好味!而且仲凍左3]海鮮卷 唔好味!之前以為係熱o既,點知係凍...有d怪總括講,我覺得呢間店只係d食刺身o既人去，熟食免問!

昨晚剛剛去完，比廣東道果間差好多(其實廣東道果間都係ok咁啦)，銅鑼灣呢間唔掂，非常失望。1) 炸生蠔，生蠔：粉= 1：3，不過只是正常size。2) 是日串燒共5款，有豬肉(肥膏多過(肉+洋))，腸(如較幼小紅腸般)，雞翼(無味，可能原汁原味，多一粒鹽都唔敢落)，雞肉(有怪味及雪味)，蝦(都叫最正常)3) 刺生，帶子(似剛由冰箱取出，凍到有點硬，有雪味)，三文魚(有點乾，似擺放了一會兒)4) Pizza，上面有無味芝士5) 所有熱盤都唔熱6) 綠茶Tiramisu，都似剛由冰箱取出，有冰呢!仲好好咁叫我嚫凍食7) 招呼方面，我坐塌塌米房，侍應都是時時見唔到，叫極都冇人理，應加翻個鐘都唔知點解咁都仲時時爆滿!!!!！!!!

今日係我第一次出席飯局,因為有贊助(我呢個平民食家實在好少來呢d日本料理店食野),所以破天荒出關.向崇光同ray(roadshow明星,不過我好少坐巴士,所以唔識),mushroom(原來佢阿婆住我樓上,這體現到什麼叫世界真細小),零(究竟有冇出過post?)+記者集合(初時以為有藝員,可惜冇,之後得知原來係拍新聞透視,oh,my!點解唔係飲食節目?).初次見面有點生保(由其是我幾怕對生因為都唔知講乜),之後就上去火間土了.一上到去以為去左戲院,門口比想像中黑好多.地下有個魚塘投射.可惜冇附設魚糧比我掟.之後入到一間(房?),第一次坐呢種格式既房.見到另外三位食家:終極纖體(未見之前我一直以為佢係十幾廿歲,原來………?!),小黑貓(真係黑色),同埋…係咪honey?唔多清楚(第一眼好熟口面因為向以前openrice首頁見過,而家刪左睇唔番).之後叫左一堆食物,有魚先生,收屍,寸標等(仲有我喜愛的枝豆♥).其實就唔係咁有特色既食品,部份食品自助餐都有得食.(其實我係期待食到d比較稀有既食品例如活魚刺身.).不過就有我一直想試既海膽.

D食物來得都幾快,一陣就堆滿張.之後幾位食家開始向佢地拍攝遺照.d食物賣相都唔錯.(個罐頭湯卷一定係比少咁件,冇理由咁長隻碟得兩件.)跟住開始訪問,基本上都係問d怕唔怕食生野有事既問題.其實呢d叫做貴價d既店舖對食物生應該注重d既,佢地都唔想做壞招牌.因為要訪問既關係,d生野都唔可以即食.訪問主要都係問終極纖體,ray,小黑貓同honey(可能佢地比較上鏡),不過咁樣反而我最著數,全程好似只問過我一條問題.那個close up應該都唔會出街.完一輪之後終於開餐,而我終於可以一嘗海膽既味道,可惜味道冇我想像中咁好,我不嬲以為應該好鮮甜,而我則食到d甘甘地既味.可能貴價海膽會好食好多.希望將來有機會食.Mushroom原來唔食生野,一直少左好多人生既樂趣.當然來到呢道一定要食,佢好似開始冇咁抗拒.其間honey示範拆蝦頭神技(日本人直傳),我都試過可惜失敗.食完野,吹完一輪水之後就完了.最終每人要貼多一舊.之後其中五個(包括我)仲去食甜品.最後完滿結束.有時去下呢d聚會都幾有趣既.講番食物,可能我食慣平野,我對魚生既要求其實唔係咁高.所以覺得間野d食物都ok.串燒都唔錯.其他野就一般.服務

試業果陣食過廣東道一號店，上星期又柴娃娃同個朋友來看過一眼，不過就無入來吃，見餐牌食物是大同小異，沒有什麼吃的衝動。其實第一次試是在熊本的月出，而香港兩店的裝修係沿用九州店的風格，都係深色木，還記得日本的報導是「次世代型居酒屋」，就字面睇即唔係傳統居酒屋，可歸類為如「天狗」、「魚一丁」等的居食屋。呢類地方係多數係賣環境為主，食物種類多而不精，好多時亦加上不少「洋風創作」，對象多是日本時下年青人。他們沒有耐性去料理專門店去「欣賞」食物，亦縑其地方殘舊亦老餅，反而喜歡這裡好坐又多選擇，亦是呢十年居食屋在日本興起的原因。居食屋在香港之所以受歡迎，除了各大飲食雜誌大力吹奉外，講真都幾配合個市場。睇眾多對一些地道的居酒屋食評都知，好多人都彈正宗日式料理店選擇少，如去居酒屋食唔到拉麵，去拉麵店又食唔到壽司，去壽司店又無串燒咁。而其中又以正宗居酒屋最不受歡迎，大家普遍認為食物細碟，食極唔飽，價錢又貴，殊不知那些是送酒的，就好似大家不會happy hour落pub食薯申花生當飯一樣。咁居食屋呢類地方好坐，食物種類一網打盡的食肆就對胃口了，看魚一丁、和民同火間土門口的長人龍便可見一班。所謂的「京都風」，

we are ordered to leave the restuarant by the japanese manager (on behalf of the owner?) just becuz of the FAULT OF THEIR OWN STAFF!! they never admitted it was their fault, no apology at all and they were not willing to take up the responsibility! what a shame.

朋友間談起火間土，我竟然未去過，問係咪我有問題?新店估計應該易搵位，即本撞下，去到聽知客講，星期一二三四五晚都己訂滿，不過依家有位，好一個依家有位。睇睇裝修，實在唔多欣賞，講扮野，山葵扮得入型入格，哩處則完全係用Gimmicks，唯一好處係房多。講食物，真係無野講，好一般。某雜誌話佢係京都風味，唔知寫稿個位大佬食過D乜野京都風?唔係話佢好差，實在係唔明佢點解佢咁紅，尖沙咀個間有海景? 係咁多，仲有無第二個原因呢? 咁受歡迎，點解我唔覺? 我愈來愈唔明，仲有點解Starbucks評分仲高過炭爐專科雲吞麵，我又唔明，係咪我有問題?

今日新開將,我本來都唔知,諗住去黃珍珍食飯(8/f),經過7/f部停左開門,就聽到好多人講'歡迎光臨'當然係用日語講.先至知道開將,就試下(都係要食飯)!!修好靚,一入門口,環境比較黑,因為要特出佢同投射方式影D錦鯉係地面,令人有錯感地下有魚缸.經過一段長廊,兩面都有流水(瀑布),仲有D竹,完全有仿如隔世,去到一個好清休的地方!!到食品叫左白汁焗蟹肉飯($68),刺身拼盤定食($98),同蔥吞拿腩飯定食($58).三個定食都好好味,每一個都有蒸蛋(有帶子肉),麵豉湯,沙津.而蔥吞拿腩飯定食仲有煎魚餅,所以非常抵食!而個刺身拼盤都有7款,款有2-3片,幾新鮮,連我平時唔良的甜蝦都有食.至於個白汁焗蟹肉飯係芝士味重左少少.第一次試整體印象都好好.