火鍋館

營業中

休息中

好食呀!!朋友介紹，唔少Artist都會去幫襯呢間打邊爐。好彩book定位，否則真係要排隊!湯底做得好好，蕃茄湯底最少有廿幾舊蕃茄，上桌時雖然湯唔夠濃，但因材料好足，煲煲下就越來越出味，食到尾都有仲有蕃茄食，好開心!同桌都叫左雪梨湯底好清甜!沙嗲不錯，好入味!十幾人叫左三款湯，大滿足!-店長推介的鵝腸夠肥，勁好味!有人話瘦先好食，個人覺得想瘦唔好打邊爐勒!瘦腸即係食腸衣咋喎!-本地牛係必定要食!好到不得了，勁有牛味!開頭諗住食少d牛但真係停唔到!反而美國牛可以慳返，相比之下美國牛淡而無味。本地牛真係要食呀!我一路食一路嗌：痴線!超好食!點可以咁好食!-墨魚滑等等好出色!-如果想坐得好d其實可以訂房，但大廳空氣亦流通，嘈左少少啦，有電視睇!-一定會再去的!

莊友帶路，一行十人，預留了房間(surcharge $150蚊，包茶醬介)，個人認為抵玩，因為大堂環境烏煙障氣。我們點了兩款湯底-雪梨無花果湯和招牌蕃茄豬骨湯。雪梨無花果非常清甜，無花果有吸油作用，較其他湯底健康，招牌蕃茄豬骨湯卻丁點茄味都無，一致通過唔掂！這裡的牛肉認真唔錯，比我和男友鍾愛的「謙記」還要好。大部份女孩子都喜歡本地手切牛肉多過雪花肥牛，我也例來，雖然雪花肥牛較淋身，但手切手肉味較濃而且有咬口。男孩子則prefer較多marble的肥牛。推介這裡的墨魚丸和墨魚滑，鮮味十足。菠菜餃和雲吞都唔錯，魚皮餃偏咸，可以不試。牛丸非常巨型，我和男友都覺麻麻，但大部份莊友都讚好。羊肉勁膻，我OK，男友怕怕。最最垃圾的是魚蛋滑，有異味，口感帶粉。埋單$160蚊位，價錢我覺得OK，不過我哋少男仔，如果男仔多，係數都幾襟計。

料靚, 帶子真係大件, 但係略貴, 手切肥牛真係好味, 值得推介!湯底係花膠響螺雞湯, 都ok, 幾好~油炸鬼釀魚蛋幾有特色, 味道唔錯!魚蓉麵幾好玩, 又幾好味~~總括而言食物味道唔差, 但價錢始終貴左d, 汽水都要成$10一支, 服務方面, d哥哥仔無問題, 但係d阿姐就好似爭dd咁囉......一試無妨!

Beef - OKSoup - tastyEnvironment - dirty and small placePrice - not cheap

招牌手切肥牛，口感一流雪花肥牛，入口即溶招牌鵝腸，爽日本肥生蠔，鮮職員又好招呼雖然係好貴，但值得值得

第一次去都算有可以, 牛肉真係好好味, 火鍋料又多, 不過價錢可以低少少就更加好!

星期五一行四人，六點幾七點到，得好少人，不過要一早訂位，如果唔係有排等。唔講食物，先講服務，d 哥哥姐姐直係好有禮貌，又會介紹d 食物( 牛肉)。不過就唔係好醒目，件外套放係椅背成個鐘，先至有人用衫套笠着件衫。到食物1)招牌牛肉，手切肥牛，很好，份量就少d。2)招牌鵝腸，爽、正。3)自製鮮墨魚丸，滑。4)日本肥生蠔(例)，$98有五隻，好味，偏貴。美國桶蠔低食好多，不過係無。有兩樣食物有唔掂1)黑柏葉，無論灼幾耐，試過一二秒，三四秒，五六秒，長灼，都係柴皮，失敗。2)牛柳粒，切得又大粒，又入雪，唔係中間唔熱，生、有雪，就係要灼好耐，又係柴皮，失敗。可樂就無特價，好多酒樓都做到$15三支，呢到十蚊一支，雖然都係差幾蚊，感覺上都係唔低。試過一次，下次都係去第二間食。洗手間都很整潔。RE:最後，編輯可否加入洗手間指數，就算間食店d 食品幾好，服務幾好，但一進洗手間就.....，即刻扣晒分，飯都唔想食。

原本想去口福街煇叔，但原來個friend話已關門大吉兩個月，見openrice重有record就同個friend坳，點知打電話證實真係無左，openrice要檢討下update程序啦(編按：食肆結業，需要依靠各位食家繼續提供資料，謝謝) 。講番閒火鍋，2樓鋪，無裝修，感覺同煇叔差唔多，一樣有手切牛肉。5個人點左手切牛肉（大），蠔，脆魚皖，珊瑚蚌，豆腐，豬紅，魚面，魚滑，金姑，2兜菜，椒鹽九肚魚，3支啤酒，3搾飲料。問老闆手切有咩特別，佢話新鮮，因爲機只能切冰鮮牛肉，大家吃過也知道冰鮮的有陣雪藏味，唔知係o米心理作用，聼完吃落好似特別新鮮，哈...其他也正路ok好吃，吃到7：30重開始有人等位添。埋單千一蚊，請果個猛話好貴，吃果幾個就係o甘話料靚，料靚，都幾適合用來總結我對呢閒食店的評語！！

牛柳粒同肥牛都真係好、好好味...但係整體真係貴d...人少去食既話更加唔抵...

同個靚女客食晚飯傾保單，點了2碟肥牛、邊、脊任君選擇。再加條細魚同花竹蝦及水蛟，埋單一千冇找。食物當然有水準，靚女即晚被搞掂，有翻D收入至冇咁傷。

墨魚滑值得推介!!

沙爹湯底+ 蕃茄薯仔瘦肉湯$50~<br>肥牛肉$108/例牌~<br>鮮鵝腸$28~<br>鴕鳥肉$28~<br>水餃$28~<br>脆肉鯇魚片$28~<br>西洋菜$28~<br>茶芥$30~<br>一支嘉士伯$10~<br><br>1) 沙爹湯底好香~<br>2) 水餃即叫即包,好好味~<br>3) 鵝腸好新新鮮~<br>不過...............<br>1) 明明話鴛鴦湯底會以較貴者收費, 我o地選兩個都係$50, 但佢收我o地$60~<br>2) 就算湯底計$60, 加埋一都只係$352, 但埋單$383~ 我朋友已經特登睇下張單, 因為比?心目中貴, 但見d item 又o岩.....原來係總數出古惑!!! 收多我o地$30!!!!!!<br><br>點好食都無第二次~~~~~ >_<

這裡出名的是牛肉刺身, 當然有其他美食啦. 可訂檯, 這裡是通宵營業的. 又好招呼, 食得開心舒服,無搭抬!