火鍋撚 (已結業)

有食辣有唔食辣既朋友，咁就叫個鴛鴦湯底啦，一邊係祖傳秘製麻辣鍋(細辣)，另一邊係媽媽滋補老火湯鍋，個老火湯係家的味道，d料同媽媽用既根本係一模一樣，感覺打完邊爐都冇咁熱氣，食到最後d栗米好入味咁打邊爐最重要係肉架啦，d肉係出色既，無論個手切肥牛定頂級梅花豬定極品安格斯肥牛都真係好正，咁靚肉就當然淥得岩岩好就fit個響鈴卷同炸魚皮同魚腐係即炸，拎出黎都feel到佢地有幾新鮮，點埋個甜酸醬，明知好熱氣但真係好香口，食左再講啦丸既話我地比較鍾意個法式龍蝦湯爆醬牛丸，牛丸彈牙有咬口，不過要小心辣親個嘴，一咬落去d龍蝦汁飛左落我朋友到哈哈其他配料就冇咩特別，我個人認為個韮菜餃麻麻地，個皮有d厚飲品就推薦杞子龍眼菊花蜜，清甜透心涼，我地都有試個個金桔檸檬蜜，就唔係好夾，飲完個喉嚨好似有"拿住"既感覺最後餐廳免費送上腐竹雞蛋糖水沙冰，降溫清熱滋潤～總括黎講，食物質素係的確唔錯都坐得舒服，不過價錢都唔平食物份量都比較少

🙆🏻‍♀️ 2023新一年，同朋友去一齊打邊爐聚聚。朋友揀咗依間，全晚叫咗不少嘢食，有啲有影相有啲冇影相 😜［ 亂闖試食 ］🥘 龍鳳鴛鴦鍋 😋😋😋😋由於大家都想試辣同唔辣兩款湯底，揀咗祖傳秘製麻辣鍋(小辣)同蜂巢豆腐白湯鍋。🧐 麻辣鍋嘅小辣都唔係好辣，大約係連鎖米線舖嘅5小辣左右，椒麻味比較重啲。小編個人覺得白湯好味啲，豆味出啲又香滑啲！兩個鍋都配有幾舊蜂巢豆腐，索湯真心正！仲有鴨血tim！😚以下有叫有影相 😁🥩 極品安格斯肥牛 (大) 😋😋😋😋🥩 骰子牛肉粒 (半) 😋😋😋😋🥩 極品黑豚肉 (半) 😋😋😋😋🍡 五色丸丸拼盤 😋😋😋😋以下有叫冇影相 🤪🐟 脆鯇魚片 (半) 😋😋😋😋😋🍽 蜂巢豆腐 😋😋😋😋😋🍽 即炸三秒響鈴卷 (例) 😋😋😋😋😋🍽 肥美鮮鵝腸 (半) 😋😋😋😋晚餐 💵💵💵💵💵💵💵 約港幣$330/人💁🏻‍♀️ 小編同兩個朋友仲有叫啤酒🍻飲，而打邊爐設有限時。如果想邊打邊傾多啲偈，就要諗定下場啦！🙆🏻‍♀️ 最後，喜歡嘅話，歡迎follow @foodirectory.hk！

今日同朋友去咗旺角嘅火鍋撚度打邊爐餐廳夜晚時間都非常多人 好在今日唔使等位 裝修好有地道特色同時冷氣夠曬涼 坐位闊落坐得舒服自家熬製嫩滑鴨血 預先已經炆得夠曬入味索曬麻辣汁嘅味道超正椒鹽九肚魚 非常香脆肉嫩滑 送酒一流除咗傳統嘅湯底之外 重新出咗一人一鍋我哋叫咗個酸菜白肉鍋 同埋古早沙嗲麻辣鍋 酸菜白肉鍋材料好足脆鯇骨腩 夠曬新鮮 一啲泥味都冇鴛鴦雙蚌（珊瑚蚌拼桂花蚌)流心鹹蛋黃豬肉丸 外面豬肉丸夠曬爽口彈牙入面有粒粒鹹蛋黃非常惹味 鵝腸西班牙黑毛豬杞子龍眼菊花蜜 味道清甜有淡淡嘅菊花味每人仲送一杯阿華田沙冰唔會太甜飲落去透心涼

今日收工嗰時朋友話想去打邊爐，但係個朋友就一直都唔鍾意食任食火鍋，因為覺得啲嘢唔新鮮唔夠好食，所以佢就話黎火鍋撚食。一坐低個服務員就問我哋要邊種湯底，咁我見個餐牌有一人一鍋，咁就我嗌咗個酸菜白肉鍋，而我個朋友就嗌咗個麻辣沙嗲鍋，嚟到個湯底都好濃味唔似任食火鍋嗰啲淡茂茂，咁我哋嗌左個椒鹽九肚魚同埋一個麻辣鴨血食住先，嗌咗個鹹蛋豬肉丸係火鍋店自己做嘅，仲嗌咗個一份鴛鴦蚌，一份鵝腸，同埋一份黑豚腩片，原本佢送兩杯糖水俾我哋但係咁岩賣晒所以送咗個阿華田沙冰俾我哋飲。