火車頭酸辣小窩

營業中

休息中

今天一行四人入嚟長洲閒遊，到達長洲行下市集，自然要找食，行了幾間食肆，最後我哋選擇火車頭，門口罷設一張小枱，有人帶著小狗坐着吃餐，好有外外國feel，鋪裡唔算好大，祗得幾張枱，還有兩三個巴枱坐位，坐位逼夾，但坐滿顧客，我們在門口排隊等咗十五分鐘，總算坐低咗，依度係用QR落單，店員叫我哋系餐牌選擇主餐/小食/飲品，下午茶餐＄39元凍飲加＄4元，經典餐由＄45至超級珍寶套餐＄63元，我哋叫咗四個套餐加埋有啲後加小食及凍飲。講真這個下午茶餐牌設計有點問題，我見其他食客都好難理解，因為我哋叫咗太多食物，如果我一一全部食物都介紹，相信要好多頁編寫，總括這店食物好好食，CP值高，長洲街坊長龍店，有好多街坊買走。

有時會疑惑, 何解餐牌不能精簡一點, 粉麵和配料選擇相同, 只是湯底不同, 便要分開數頁重覆相同資料, 換句話說, 一頁可以處理的資料, 要用數頁重覆展示出來, 客人會花更多時間去研究每個餐的分別, 但事實上分別不大。Btw, 小店以QR code自行下單。經典自選 $45- 湯底: 酸辣湯 (小辣)- 粉麵: 米線- 配料: 黃金魚片頭, 炭燒豬頸肉- 其他: 多酸菜- 飲品: 芒果乳酸 (少冰, 少甜) (原價$19, 跟餐價) $4吃米線最愛選酸辣湯底, 這裡的酸辣湯是我喜歡的種類, 湯頭偏濃偏辣, 略嫌酸味少。雖然叫了多酸菜, 但依然少得很, 感覺不到有添加。 米線份量多, 不會煮得太軟。黃金魚片頭和炭燒豬頸肉味道中規中矩, 豬頸肉部份肉質偏實, 部份偏軟, 沒有炭燒的香脆感。跟餐包括一杯小豆漿或精選熱飲, 看見加$4便可享用乳酸飲品, 沒多想便點了一杯芒果乳酸 (少冰, 少甜) 。第一口感覺味道有點似藥水, 但這個感覺在多喝幾口後便淡化了。

喺長洲已經食咗好多小食 但係都好想試吓佢哋嘅湯麵 所以就入咗嚟🙌🏻我真係食唔落一碗啦 所以就同朋友share蜆肉紫菜湯米線 上菜時店員會另外給你一個小膠碗 原來係因為佢哋啲蜆肉超多 食完碗湯麵之後 你就會發現蜆殼已經係個小碗入面對左一個小山丘🏔😂😂蜆肉紫菜湯味道清甜 其實落咗咁多海鮮 個湯點會唔好味呀 一啖接一啖 俾我飲晒啲湯🍲但係原來佢哋嘅豬軟骨先係精粹 入口即溶嘅感覺我冇諗過會係一舊豬軟骨上面搵到 滷得非常入味 食過返尋味 所以我哋再加多左一份豬軟骨 誇張啲講句 長洲嘅大魚蛋同芒果糯米糍都要讓開 呢度嘅豬軟骨一流🏆🏆🏆🏆🏆🏆

想出一系列長洲黃店美食好耐。作為曾經嘅島民，長洲的確有好多隱世美食。平靚正。呢一間米線係我當年每日嘅午餐！佢每一種嘅湯底都好好食。當年我經常食嘅就係麻辣湯底、酸辣湯底、胡椒豬肚湯。近日返過去見到原來佢嘅湯底越來越多款式。我都好想試吓佢嘅紫菜蜆肉湯。不過我都係鍾情於我嘅麻辣湯底，小辣大概係譚仔嘅三小辣。佢呢度最出色嘅莫過於係豬頸肉同埋豬軟骨。我三點幾去到，佢嘅豬頸肉已經賣晒，好彩仲有豬軟骨。豬軟骨煮到勁淋同入味，啲軟骨都化成膠狀，勁好味。豬頸肉雖然今次冇食到，但係以往就係醃得入味，煎得香。另一個我經常點嘅配菜就係芝士竹輪。不過今次take錯咗墨魚春卷，味道都係OK嘅！我亦都會經常嗌佢嘅小食，其實每一種都唔錯，而我最喜歡嘅就係蝦仔雞翼。佢足料得誇張，蝦仔嘅鮮味加上胡麻醬，估唔到佢夾！所以每次返嚟都會嗌呢一樣。勁具長洲特色。

我地一去到長洲就去左google評分最高呢間米線黃店☺️，冷氣超涼，完全唔想走，佢全程係用電子落單🍜蜆肉紫菜湯+豬軟骨米線 $52 (8/10)個價錢本身係包一種配料，我揀左豬軟骨、好大嚿夠淋，佢啲蜆肥美得嚟比得超多，個湯非常之鮮味，好好食，好少見米線鋪會有蜆，我影張相都影唔哂啲蜆，個底仲有勁多，紫菜同啲米線幾夾，佢一啲辣味都冇，個人覺得佢個湯同豬軟骨唔係好夾，下次可能配料都會揀返啲海鮮類會好啲🍜 酸辣湯中辣+ 叉燒+墨魚春卷米線 $45 (8.5/10)佢本身包兩種配料，佢啲酸辣唔係譚仔嗰隻，而係似返傳統米線鋪嘅酸辣，叉燒偏瘦、春卷有少少似南記，我覺得中辣啱啱好🥴，好好食🥛水蜜桃乳酸 $4 (7/10)加得$4就有杯特飲真係好抵，呢杯一啲都唔甜，飲落似係可爾必思嘅味☺️🍷芒果凍茶 $4 (8/10)呢個好濃芒果味，飲落似係出面$10幾蚊先買到杯嘅質素，我好鍾意#sorriso_長洲-📍 火車頭酸辣小窩長洲新興街36號地下🕑Tue to Fri 11:30~21:00; Sat and Sun 11:30~17:00-

假日去長洲逛，隨便行下見到衣間食店。點左個蜆肉紫菜湯米線配豬軟骨1. D蜆肉好多，無欺場，好似叫左碟小菜咁既份量2. D湯加埋紫菜，極之鮮甜，我飲哂3. 豬軟骨好蝦人整，好多食店整到舊軟骨變白色硬骨，佢就保持到軟啫喱狀再去長洲時我的不二之選。

復活節假期長洲一日遊米線嘅愛好者入到長洲都一定要食返米線一開OpenRice睇就發現火車頭米線由於假期嘅關係入長洲比較多人所以都等咗半個鐘——————————長洲米線首選推薦！麻辣湯米線小辣都已經夠辣（平時食開譚仔麻辣二小辣）米線送兩個餸紫菜蜆肉湯米線-推薦！送一個餸好多蜆肉而且冇沙個人認為魚腐同蟹棒係必吃！米線嘅份量啱啱好而且會送凍豆漿或者熱飲好味好味好味超好味！食到舔舔脷！唯一嘅缺點係舖面比較細座位唔太多

👍🏻兩餸蜆肉紫菜湯米線 (包嘢飲) $52蜆肉份量比想像中多，有成廿隻咁多，食極都有嘅感覺，超有驚喜🤩！仲要粒粒蜆肉都好飽滿，性價比加哂分呀🤣紫菜無沙無腥味，份量唔少，每一啖米線夾起都會痴住紫菜，紫菜都可以當一餸呀🤣豬軟骨煮得好淋身，係骨膠原黏黏地入口即溶個隻🤤不過醃得唔算好濃味，入味啲會更好🥺墨魚春卷有兩條，外皮可能係俾湯浸淋哂所以唔脆，嗌另上會好啲🤭墨魚肉彈牙，好食👍🏻湯底味道鮮甜，飲埋湯都唔覺頸渴😛呢個價錢仲包埋嘢飲，抵食😌！味道：8/10性價比：9/10-📍火車頭酸辣小窩長洲新興街36號地下

一共有八款自家製湯底特別既有 胡椒豬肚 同 芫荽皮蛋湯最吸引我嘅係 超濃蕃茄湯同蜆肉紫菜湯🥰同樣地可以自選配料 亦都有拌麵同輕食~每個米線仲有埋野飲除佐蜆肉底其他都會配兩餸der🙆🏼‍♀️.◽️蜆肉紫菜湯米線 $49 + $6多一餸😋👍🏻：👅👅👅👅.3/5分🔖配豬頸肉蘿蔔：飲返出係親自煲🤤落佐勁多蜆，起碼廿幾隻走唔甩🙈夾極都仲有 勁din!! (秒懂點解淨係配一餸😂）所以個湯飲落好鮮甜😍我簡佐蘿蔔夠林之餘仲索埋個湯～～甜度up💜 不過豬頸肉就扣佐少少分，因為佢唔係一大片，好似啲瘦肉既feel🙈.◽️超濃蕃茄湯米線 $49 😋👍🏻：👅👅👅.8/5分🔖配肥牛溏心蛋：真係好濃郁蕃茄味🍅仲有蕃茄肉～酸酸甜甜咁😚米線都卦到湯 過佐咁耐先食都keep到彈牙肥牛都幾好食 但溏心蛋就整得唔夠平衡😶.總結，米線控表示食到不一樣既湯底 好滿足🥰店家豪不吝嗇比佐好大碗湯😍為佐答謝佢 我差唔多隊晒成個蜆肉湯🙈相對地都好似無咁多味精好似飲住家湯咁 ～～同埋佢配料選擇都幾多店員仲超nice🙆🏼‍♀️

入到黎長州已經兩點幾！肚仔餓當然要搵間餐廳醫醫肚🙈經過呢間餐廳已經俾佢個招牌番茄湯吸引咗🤩就等咗大概十分鐘入座試下我最鍾意嘅番茄湯底！叫咗個超濃番茄米線($49) 配腩肉同響鈴😍仲包一杯細豆漿👍一上到臺就睇到超濃番茄湯果然名不虛傳，係濃到有少少🤏”傑”！食落雖然無想像咁濃味，不過可以食得出番茄嘅清甜🍅響鈴吸曬啲湯勁入味勁好食！十分推薦😋腩肉都唔鞋口，有四五片十分足料😁如果經過嘅朋友不妨一試，發現長州除咗大魚蛋都好多好嘢食！

今日6點後禁堂食於是5點左右過左黎食碗粉做晚餐本身以為酸辣小窩淨食酸辣米線點知入到黎幾驚喜😍叫左碗蕃茄豬頸肉溏心蛋稻庭烏冬及蜆肉紫菜湯米線連墨魚春卷蕃茄湯底超濃郁😍甜甜地超好味豬頸肉量都非常足料烏冬亦彈牙49蚊碗仲有溏心蛋及雪梨蜜飲真係唔錯蜆肉紫菜湯底就略鹹不過都好味👍蜆肉超多😍巨滿足要留意墨魚春卷不是脆皮的不過真係唔錯女仔一個我食唔晒一碗要男友清埋佢🙈兩個食飽飽勁滿足繼續夜晚行長洲👍

特地在平日請假一天，與放假的朋友去長洲來個久違的悠閒遊。到長洲剛好正午12時，便直奔「火車頭」吃午餐。位處的小巷有數間眾所周知的食店，而「火車頭」門面低調，灰黑外牆，如不是正門對面剛有一「易拉架」餐單，便會錯過了。店子不大，限聚令下約可坐3桌4人吧! 當時剛到午餐時間，不用等位，下午1時後就有絡繹不絕的客人了，更見不少穿校服的學生! 當日都是女店員，站在小巧的半開放式廚房旁; 客人在每種食物的顏色紙上點菜，再去收銀位置下單。價錢合理，一碗麵基本可選一餸，配飲品，食物味道香鮮，只是湯底沒想像鮮甜。 -#蜆肉紫菜湯烏冬 加溏心蛋 $55 蜆肉紫菜湯是我來「火車頭」的目的。上桌時還附一小膠碗可盛蜆殼，整碗超過二十隻蜆，除一兩隻有點沙，其他均鮮。湯底有小蝦，與蜆合作下，似乎令湯有點鹹，幸只是偏弱的鹹味，不礙。紫菜如軟軟彈彈的薄海帶，遍布碗中，有點爽口。為了留肚量予其他美食，選了溏心蛋，軟心蛋黃，近蛋黃邊的蛋白有點流心效果，整隻無雜味。雖然這裡賣米線為主，我還是改選了「扣底」(即平日叫的少麵) 稻庭烏冬，煮得合我意--彈牙而不軟爛，吃着還覺得煮得比烏冬專門店更好呢！ -

🍴超級珍寶號 63 蚊 🍜酸辣湯中辣 米線 其車中辣都唔算辣🌶️ 而佢米線係比較爽口粗身嗰 d 餸點左豬軟骨🐷帶 d 軟骨 豬肉入味 墨魚春卷 🐟 出面條腐皮夠爽 . 入面既墨魚好夠彈牙足料 盡叫辣湯 芝士竹輪🧀 熱辣辣 獅子狗入面充滿香濃芝士 冇得輸 再加埋韭菜調味 🌿 整體十分唔錯配一個小食 芥末炸雞🐤炸雞外脆內軟 雞肉彈牙 佢個醬汁好香 帶 d香甜又有芝麻同芥茉味 幾襯炸雞🍴蕃茄稻庭烏冬 49 蚊肥牛蕃茄🐂加溏心蛋🥚肥牛同蕃茄都好足料 蕃茄新鮮 肥牛軟熟 蕃茄同佢蕃茄湯底都冇落糖 足料蕃茄味 稻庭烏冬夠爽口彈牙份量多🍜配埋香濃 蕃茄湯好正 仲有勁正既流心溏心蛋 d蛋汁連埋蕃茄湯烏冬 好味#蕃茄 #烏冬 #炸雞 #黃店 #黃色經濟圈 #黃藍是政見好食是良知Score 平均分< 7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#火車頭酸辣小窩長洲新興街36 號地下~~~~~~~~

食物偏咸。服務可以更好。事關當日星期四，我同先生湊住兩位未夠四歲小朋友,唔小心倒瀉成碗熱麵係自己身上....我同我先生趕快清潔塊地，又搞掂埋小朋友,到離開時我都仲係濕哂但服務員由始至終都係無動於衷(好似睇唔到咁）連俾塊抹布或收走d碗都冇...為一可取係佢地冇趕人地快D埋單...

大半年前打算試呢間，但因為果次店員話要企定定響度排45分鐘，冇得拎飛所以冇食到，今次早左入長洲，等左15-20分鐘就有得食。（間舖終於放左個板比人填名排隊！）我點左豬軟骨溏心蛋蕃茄湯烏冬，有3舊豬軟骨，煮得幾淋，肥瘦適中，食落唔痴牙溏心蛋都正常發揮，要注意係烏冬好大份！好彩我俾左d俾男朋友食，唔係就會食剩。蕃茄湯係似茄膏煮出黎，再加少少蕃茄咁煲，食食下就會覺得愈食愈酸，下次轉食其他湯底先我地另外叫多碟餃子，有條蝦尾仔咁好似角落生物隻炸蝦尾入面個餡有少少蝦，其他食唔出係乜，唔點醬就冇乜味，唔食都得。