火箭餐廳

營業中

休息中

入迪士尼要醫肚都有唔少選擇，有時候想經濟d會揀快餐店，而呢間火箭餐廳既性價比係樂園入面都算唔錯的了。呢度係食burger薯條既，最近入黎見到個新出既隱藏版二人套餐，就係收銀隔離既小餐牌先見到佢。呢個餐有兩個兒童餐size既飽（可揀牛牛、牛雞或雞雞）、薯條一堆、炸魚寶兩件、雞翼四隻、粟米兩杯同汽水兩杯。食物既質素唔好要求太高，其實食下薯條飲下汽水都幾開心。呢個餐勝在唔同野食都有，兩個人食份量好足夠了，開心share就最過癮，仲有個iron man紙盒俾你影相啊。溫馨提示：呢度所有餐具都係即棄，要環保嘅就請自備或者珍惜使用啦，為地球出一分力，謝謝。

在火箭餐廳內，遊人非常多，排隊等候時間大概約十分鐘。漢堡餐除了漢堡飽，還有薯條，漢堡飽比M記遜色，漢堡肉乾身，生菜偏黃。而炸雞餐有兩件雞及薯條，炸雞的脆醬厚身，沒有太多調味料，比較淡。

早前的食評都有提過，小編最近曾到訪迪士尼樂園，在園中亦有好野介紹給你們！---火箭餐廳！火箭餐廳算是迪士尼內最舒服的餐廳，餐牌食物一目了然，點餐及取餐過程亦非常順利，座位亦不難找到。今次點左炸魚寶套餐。呢個套餐有薯條同炸魚塊，炸魚塊外貌好似麥樂雞咁，但食落入面就係魚，魚味好重同好出，以沙律醬配食，非常合襯！好味！薯條亦係新鮮炸出，熱辣辣，脆口，粗度亦適中，金黃色，很有質素。如果一家人玩到累累地，可以黎抖抖差差電再玩過，係唔錯嘅選擇！

今天好朋友相約我到迪士尼玩哈羅喂鬼屋，下班後準時來到，真的是開心又興奮阿。我們拍完照後，已感到非常肚餓，便來到早已決定要吃的火箭餐廳吧。英雄漢堡餐$109每次到迪士尼，必定要吃火箭餐廳，火箭餐廳的薯條實在是太吸引我了，所以今天又來啦。每次光顧，漢堡的主角都不太一樣。這次的漢堡是IRON MAN哦，面包烤成微焦，印上主角的樣子，可惜面包足為乾硬。內裡夾著溶化芝士，酸青瓜，生菜，青瓜，蕃茄，漢堡肉，漢堡扒不算太大，幸好有大量薯條配襯，才有飽足感呢。炸魚薯條套餐$99套餐好像較上次來的時候又貴了，我還記得第一次光顧時好像是七十多元吧，不過也是多年前的事。炸魚一客兩條，長條直身，炸漿厚薄適中，魚肉非常腍滑入味，充滿肉汁，一口一滿足。薯條份量充足，炸得香噴噴，鹹香可口，但可惜已換上其他品種的薯條，不然更好吃呢。

迪士尼黎講，唔駛一百蚊一個餐真係平呢。下午我地食既就全部都要120以上啦。晚上本來我都有Idea食乜好，諗住行到去邊咪係邊食囉。點知仔仔話去玩多次巴斯光年，Summer後冇得再玩啦嘛，佢又話佢記得明日世界果邊間餐廳最平（其實係最岩佢食就真）。咁就去啦，又真係最平喎，下午我地係城堡果邊食，每個餐都過百的，依度D餐唔過百，係平D。叫左一個兒童餐同一個炸雞籃，都只係181蚊咋。係迪士尼黎講，應該抵到爆啦；係街邊買支汽水都要36蚊，一個D8公仔水樽要85；D8公仔水樽加支汽水一Set價要96。童真...真係好識搶錢呢兒童餐，最正既賣相就係個IronMan紙盒囉，執餐個阿姐重要唔問唔比我喎打工咋，駛唔駛同公司咁慳...炸雞籃，炸雞我就覺得麻麻地啦，薯條就OK既，但真係好老實，包又好，雞又好，都唔值近百蚊一個餐。炸雞，真係KFC好食好多，漢堡，同麥當勞D包差不多，重要係冇得同麥當勞比較貴果D包比。

之前買左平飛同老公入迪士尼，可惜幾星期都不停落雨。見今日天氣幾好，即時興起出發。入去玩完一大輪，見肚餓就去醫肚。行左幾間，啲價錢都幾貴，有啲得個熱狗已經$53，仲要係露天無冷氣。直至黎到呢間「火箭餐廳」，裏面坐位多，冷氣夠，價錢算比出面嘅合理，相信佢應該係公園內最抵食同最大嘅一間餐廳。門口大大架車吸引食客~環境大，座位多，有長長人龍炸魚薯條套餐 (中可樂) $99炸魚有2件，算大件薯，而且薯條份量都唔少因。人流多，唔係擺好耐，所以新鮮脆口。附有沙律醬同茄汁。雞扒飯套餐 (中可樂) $99飯就一般，比較硬身，但雞扒有茄汁醬，撈左飯都可接受。雞扒就亦唔算滑，都係靠個醬汁配合。

作為迪士尼迷成日都想入迪士尼樂園玩番一日，玩最新的樂園設施，找迪士尼卡通朋友影相，總之入樂園就很愉快放鬆😛 難得朋友有門票折扣優惠就一起開展這個奇妙之旅👭在樂園的時間過得特別快，不知不覺玩到下午2點多，開始有點餓，我就提議去火箭餐廳食美式快餐🍴與其他餐廳相比，我覺得火箭餐廳算是全樂園性價比最高🙋火箭餐廳是以「未來與太空」作主題，每次到明日世界總看到巴斯光年在餐廳外跟旅客拍照，吸引不少大人小朋友排隊📷 餐廳分室內及室外用餐，空間感挺大，座位數目也足夠!眾多選擇中我覺得炸雞籃套餐是最抵食，個餐都要$99，加了$4 加大可樂，畢竟在樂園消費所以貴都係預左💰套餐包了兩件炸雞，粗薯條同可樂，看似吸引先講薯條部份，份量頗多，剛炸起的薯條一定較好食，特別用上美式粗薯條，比幼薯咬落更有口感，外脆內裏是滿滿的薯蓉😋 雞件大大塊，食炸雞油油的是常識吧，但這個炸雞籃反倒給我驚喜，沒有過多的油脂，雞皮炸得酥脆又不油膩，光食雞皮都覺得很滋味，炸過後的雞肉不乾，肉質嫰滑，肉汁充盈，唯醃料有點過咸，但以樂園餐廳水準來說，我覺得已是合格以上✔

其實我都經常食火箭餐廳，因為貪佢方便，相對便宜同好味！而我也多數選擇cheese burger，包類黎講佢最吸引，而且仲有fresh veggie!用黎平衡返我食薯條嘅衝擊。今次有主題嘅包包，很是喜歡！呢排樂園推廣梗鐵甲奇俠，所以佢地喺包包上烘了ironman個樣，吸引非常！上一次叫了外賣，所以都沒留意包裡有沒有烘了嘜頭，當時只覺得被搵笨，心裡仲咒罵著貨不對相，只是包裝紙有ironman logo而已⋯⋯今次堂食，才知道上次冤枉了它，因為包包真的有烘燶，只是在面果塊包包嘅底部然而我鍾意嘅係薯條，粗粗地幾好味。除左呢個吸引我，我仲覺得喺呢度食比較便宜，不是比起其他快餐，而是我覺得要我在大街餐廳同華特餐廳點選漢堡包，我寧願食快餐放棄那點點service la....哈哈....雖則它們餐牌寫的是和牛漢堡，可能我唔識食啦⋯⋯我就覺得無分別喇...食完就可以繼續迪士尼之旅....爽呀！

去迪士尼玩就唔少得入去食一餐既火箭餐廳係最平嗰間因為之前屋企人去左倫敦玩，狂食炸魚薯條搞到我都好想食下炸粉好薄，所以好脆身，外脆內軟既餐廳都有俾他他醬點屋企人試左少少炸魚，話只係比英國嗰d遜色少少，炸得幾好😂不過食左一舊魚同薯條就已經好飽係比較膩左D

其實已經諗唔到食咩 男朋友話想食漢堡就黎左..睇黎睇去全部都係炸野 漢堡只得一款而且望落又有小量蔬菜伴碟 都好似唔錯即刻點左個英雄漢堡套餐 到底英雄係邊呢？ 原來係iron man個嘜頭簡簡單單咁..幾片生菜兩塊青瓜一塊蕃茄..薯條食落唔錯..同平時食既冇咩分別主菜—個包：皮太乾 食果下即刻掛住老麥個豬柳強😭 呢個價仲可以食好多個環境方面 梳化位好多炸野既碎碎啊......總括而言：m記真係又抵又好食呀！😂😂

最近多次來迪士尼，都在幻想世界的 Royal Banquet 皇室宴會廳 用餐，因為那裡的芝士牛肉漢堡包自己很喜歡，質素超越 OOO！上週由於集中玩明日世界的鐵界奇俠，改到同區火箭餐廳享用下午菜／eary dinner，原來也不錯！首先點了 Hero Burger 英雄漢堡套餐 ($115)，有印著 IronMan 的漢堡，加上新鮮蕃茄、生菜、大量粗薯條及汽水／Fuze Tea。配套與皇室宴會廳相約，用上 muffin 以稱致口感較乾身，不過共有兩層漢堡扒更為足料，配搭芝士還是挺好吃；又粗又長的薯條更是兩兄妹的至愛（其實我也喜歡），重點是不會太油，偶爾就讓他們放肆歡樂一下吧～而成份餐份量不少，大食兩兄妹分享一份餐也夠飽；媽媽及姐姐就再吃另一份牛扒餐 ($135)，這與皇室宴會廳水準真的一模一樣了，不同是又配上長長粗薯條，喝著汽水嘆薯條，感覺真特別爽。仗著這頓，我們由下午3點未夠一直玩到近9點，絕對是由日頭玩到夜晚才滿足離開。最後順便送上鐵甲奇俠體驗影片，IronMan粉絲不要錯過哦～

去迪士尼玩，玩玩吓見肚餓就去咗火箭餐廳食嘢！呢間係樂園裏面最大嘅餐廳，係食快餐為主，有幾個唔同嘅套餐仲有一啲甜品同雪糕。用咗差唔多＄100買咗個炸雞籃套餐，包括炸雞兩件，薯條，飲品。另外，我加錢買咗一碗白飯，再叫佢哋比d番茄汁我。炸雞味道非常好，外脆內面嘅雞肉好juicy!!!薯條非常大條，而且好香脆，最值得一讚嘅係佢哋能夠保持食物嘅溫度而個茄汁本來係跟其他套餐嘅，不過顧客要求佢哋都會俾！但係個茄汁一啲都唔好食咁樣就食咗百二蚊左右

炸魚薯條，幼幼的薯條微暖，睇黎放係保溫爐有段時間了，外脆但裡面已開始乾涸，混上大量茄汁滋潤一下較易入口，酸酸甜甜濕濕地都蠻滿意。炸魚薯條，炸魚絕對係翻熱食物，一咬便知是龍定是蟲！女朋友仔淺嚐一口已完全棄權，唯有讓我收拾這個爛攤子吧！從冰櫃取出解凍，翻炸加熱出貨。蛋醬死實無生氣無生命，帶著咸味。包著沒有靈魂的青魚柳，結實肉質欠鮮味欠魚味，唔講唔知食緊魚。沾上沙律醬感覺好一點，唔難食的。行左兩轉米奇魔法書都 full 左，早前攞左星戰 fast pass 又差不多夠鐘，唯有食個 Tea 坐陣休息下啦。步入火箭餐廳，發現坐客比食客多，瞓既瞓、打機既打機、傾計既傾計，所以基本上無需排隊買野食呢。食飽休息一會就出發，睇完星戰不礙如是，舊酒新瓶，畫面跟效果都好削，舊既巴斯光年色彩繽紛又刺激，好玩百倍呢！

其實本人已經來過很多次，但都沒有特別想寫食評，因為覺得只是一般的快餐，沒什麼值得記錄。今次本人終於有想寫的衝動了。因為今次我試的係米奇老鼠樣子的飯。雖然這個飯應該出了一段時間，但我到今天先有機會試一次，因為想試這間的牛扒是否好吃。以下便是其真實樣貌：這個扒餐，按餐牌應該配薯條，但我們要求改飯，職員都很願意幫忙，令我感到很高興，扒的口感普通，全熟的，像快餐店的早餐扒餐，但比快餐店厚身，蘑菇汁都很夠味，但如果再多些會更好，各位，如有興趣點這個，應該可以要求多汁，這個飯有些驚喜，就是它的配菜，蕃茄很新鮮，差不多每桌點這個餐的客人都食了這個配菜，所以加分。其實我還點了炸雞，很好吃，招牌菜的確係招牌菜。

每次黎迪士尼我都必定食呢度既火箭餐廳無他既,主要係呢度既炸雞係全港最好食必點既當然係佢既炸雞籃套餐($109)，一個套餐包含2件雞，薯條同飲品炸雞籃套餐食評：呢度既炸雞高質既地方係佢一定係新鮮炸同D油係日日換，唔會好似其他餐廳咁無限重用D油，所以食落口不單係熱辣辣，而且D油係炸到個表皮好乾身，但係肉質就KEEP到好JUICY，唔需要特登要度要邊部份，因為佢就算係雞下脾都係大舊，但絕對唔係比炸粉包到咁大舊，對比起出面價錢的確係會貴D，但質素係贏幾條街的！！