火箭餐廳

營業中

休息中

上次帶小朋友同朋友一齊去迪士尼玩，帶住小朋友盡量少食唔健康嘅食物，以免佢哋有樣學樣，哈哈！點知小朋友玩完彈弓狗之後就好眼瞓，即刻斷咗電！於是就同朋友喺呢個時候即刻衝咗去火箭餐廳食！薯！條！唔知點解覺得去迪士尼或者主題樂園就一定要食漢堡包同薯條。今次就嗌咗一個漢堡包同薯條餐，但其實炸雞先係最好味不過由於中午已經食咗一個好飽嘅lunch，所以下午茶就唔食炸雞啦。以我多年食薯條嘅經驗，薯條一定係即炸即食就最好味，但亦都係最熱氣。下午茶來講，呢個價錢都算幾抵～

🎂生日月份黎食除返都係平均$70一個人🤩🥳嗌左炸鷄籃套餐同埋香脆魚柳漢堡套餐金卡生日優惠，可以有買一送一🫨比錢時要比貴d個個餐嘅價錢🍗炸鷄籃套餐 $135🐟香脆魚柳漢堡套餐 $140炸鷄即叫即炸，送到上黎仲係熱辣辣🥹服務員好貼心會比埋手套同大量嘅紙巾🥰薯條屬於粗身個種，食落一般般😯唔係好食得出薯仔味，調味唔係好濃亦唔會過咸，剛剛好🤏🏼薯條不過不失，勝在分量幾多，好夠飽🫡我同朋友4點中黎食，唔多人所以可能質素都唔會太差，服務幾好😆建議唔太肚餓嘅朋友可以遲小小先過黎食，就唔洗同人逼😗😌

Throwback : May 2023食評✍🏻火箭餐廳@hk Disneyland 試食指數⭐⭐⭐⭐店舖衛生⭐侍應態度⭐⭐⭐⭐((每項5⭐️為滿分)) ·通關後的迪士尼可以用「淪陷」嚟形容如果有時間我哋情願貴啲去酒店食因為所有園內快餐、洗手間🚾都好污糟唔係員工問題係更本清唔切唉😮‍💨·魚柳包餐大大塊魚柳算熱同香脆食物質素冇問題👌🏻素包餐我希望各大餐廳提供得素食都好好了解下何謂『素』醬有葱蒜味更本唔可以供應俾素食者呢個真係有啲失望😞·無論大鋪小店我哋都會盡試盡講Follow我哋bw.foodie

會員生日優惠會有一次買一送一，本來諗住去皇宮宴會廳，點知好似唔太啱食，咁就去最穩陣嘅火箭餐廳😄。我自己從未食過呢間，因為覺得食漢堡炸雞太普通。以前最常去係迷離莊園果間餐廳，但自從變左半自助餐都好少係樂園食嘢。以前迷離莊園間餐廳食物幾有特色，轉左經營模式都幾可惜😣。今次我哋叫左魚柳包同炸雞餐。魚柳包我覺得幾好👍🏻，不過唔鐘意食洋蔥🧅可能唔啱，因為都幾多洋蔥係入面，魚柳好長，算幾足料。炸雞🍗其實炸得幾好，不過小朋友話食到少少怪味，我有少少覺不過應該唔係變壞，可能係腌製材料關係。配菜薯條🍟份量都好足，食哂成個餐係飽的。

今日一早去排隊食最新套餐。$170鐵甲奇俠配辣薯條套餐再加$58購買無限寶石啫喱梳打汽水。個包係豬扒加新鮮菠蘿。紅色係Ironman主色。麥記都無豬扒包加菠蘿。相信只有火箭先有得食。豬扒肉質鮮新鮮好味，配搭新鮮菠蘿，入口清新，好開胃。個辣薯條只是微辣。配上頂級享氏茄汁，好味到飛起。好食過變形金剛快餐店個啲薯條。火箭出品薯條係新鮮出爐。銅記變形金剛個啲係炸好咗3個鐘放係熱爐保温。高低立見。個無限寶石汽水，記得要在取餐時攞埋木叉去食啫喱。啫喱跟足電影版，每粒寶石啫喱，一比一原大。色澤仿似無限寶石。食落好彈牙，每粒寶石啫喱，不同鮮果味。新奇又好味。個套餐名為鐵甲奇俠唔叫鋼鐵奇俠，相信漫威粉都明白另一位穿鐵甲係 War Machine。佢地兩位都係 Avengers。(以下是視頻，請點擊播放。)餐廳已裝修成為 Marvel Avengers 英雄聯盟餐廳。牆上掛畫及吊飾已由從前的星戰主題，改成漫威英雄。餐廳內外都播放漫威電影配樂。Marvel 粉絲萬勿錯過。紅日好旺場，建議家長最好在上午11時半排隊。天口熱，最好坐室內冷氣位。爆滿要坐出面。

順便介紹返上回咁啱當日去咗迪士尼樂園慶生適逢係素食日 午餐要找素 去咗最穩陣嘅火箭餐廳食植物肉漢堡套餐 其實整得都仔細植物肉漢堡內有沙律菜 蘑菇 茄膏 牛油果醬洋蔥🧅（五辛） 薯條 香脆🍟 汽水 都食得飽肚 同外面新潮素食Cafe價錢差唔多有埋會員咭discount $121咋 樂園嚟講叫合理喇重有全素（水果杯）Linebell飲品（奶蛋素）等 每間餐廳都有一款素食供應 所以都唔洗怕冇嘢食啦 #Disneyhk #香港迪士尼樂園#火箭餐廳#迪士尼樂園素食#素食日#迪士尼美食#香港迪士尼遊記#當日下雨天#hkfoodblogger #hkfoodblog #hkfoodie#hkfoodsnap#hkfoodlover#hkfoodpic

入左Disney咁多次，最好食既野真係可以話係呢到既炸雞食落去熱辣辣，皮又好鬆脆可以話係性價比最高既餐廳，玩一陣又可以坐低休息下 又夠飽肚🤤漢堡包相對地就無乜特別，識食一定係食炸雞籃套餐🤩🤩！------------------------------火箭餐廳🚦大嶼山香港迪士尼樂園明日世界區環境: 🔥🔥🔥🔥 (不錯，慢慢坐)味道: 🔥🔥🔥🔥🔥 (好味)價錢: 🔥🔥🔥  (樂園價)評分: 4/5------------------------------

差唔多每一次嚟Disney 都係去返火箭餐廳度食，貪佢算係樂園入面性價比最高嘅餐廳，食得飽之餘又有個位坐下休息下，用埋會員卡都係百零蚊就有個炸雞套餐。唔知係咪最近開返關，好多人落嚟，過左lunchtime都大排長龍，排到出出面，差唔多半個鐘先排到我地，expect 咁多人啲炸雞同薯條會新鮮啲，但唔係，今次應該算係食過咁多次最麻麻地嘅一次，好彩天氣唔算熱，坐戶外都涼涼地有啲風，但到左夏天應該搞唔掂。不過係樂園食都冇expect 咁多，快快趣填飽個肚就算，再出去玩過

玩完個蟻俠 Nano Battle。跟手去埋個火箭餐廳食返個蟻俠套餐。我揀咗個素漢堡餐。售價$140。個餐包括素漢堡、炸薯條及凍可樂。個素漢堡造到好似真豬肉。食唔出係素豬肉。個炸薯條炸到金黃色。賣相好正。加埋杯凍可樂。非常好味。

個人而言，入迪士尼都係陪女朋友架啦，所以有餐飽飯食好重要但呢間火箭真心抵食，叫左個double burger配辣薯條，女朋友就叫左個炸雞餐個double burger 係好飽既，夠熱，個肉都厚身，仲要有兩塊所以係滿足既薯條係粗薯條，薯條係粗身先好食既，辣粉都均既唔會一d辣一d唔辣，提一提，女朋友既炸雞餐內既原味薯條唔熱，係暖暖地既，薯條大忌唔夠熱丫。所以鍾意食薯條就叫辣薯條

同朋友入迪士尼玩 本身食左少少野先入去～但去到下午茶時間大家都有少少餓 又想坐下行到明日世界 就去左火箭餐廳叫兩個餐share食～🚀🚀🚀-元旦日去迪士尼竟然無咩人 同埋可能下午茶時間 所以都好多位可以選擇～～-一行4人叫左兩個牛肉漢堡餐同加左個芝士條漢堡無乜特別 比m記好少少 但絕對唔值呢個價錢 不過入樂園玩就無所謂啦🙂🙂芝士條諗住會熱辣辣可以做到拉絲效果可惜只係微暖 無特別😮‍💨

買咗套票入嚟感受吓迪士尼嘅萬聖節氣氛，樂園佈置得好靚，影相排隊排咗好耐，淨係排個南瓜都排咗20分鐘。排完隊有啲肚餓，特登上網搵定食評睇吓邊一間好食啲，入到樂園食物同飲品當然貴過出面，貴都冇問題梗係揀間好食啲啦。好多人都話呢間好食，呢個時間冇乜人快啲入去食返餐，我叫咗魚柳包拼薯條，落單之後唔使1分鐘，個餐已經ready攞得，心諗：有冇咁快啊！ M記都冇佢咁快！果然係迪士尼服務係唔同呀!坐低，快影一張相，即刻食條薯條先，哎呀!薯條應該放咗好耐，一啲都唔脆！特登揀啲細細條邊位嗰啲再試真啲，都係唔脆㗎！唉！食埋個魚柳包，塊魚柳都係唔脆㗎！佢係咪驚人哋熱氣，所以炸定放低一段時間先俾客人，咁體貼（曲嘅要說明)連杯汽水都汽㗎！成個餐要成$1XX，都已經收得咁貴，又唔係有人排隊，佢哋一啲都唔忙，點解要炸定㗎？好失望！睇定食評做資料蒐集，都好易中伏。。。。。。

中午時份，最好就係去火箭餐廳嘆返個新出既聖誕狂歡拼盤。個餐$188無得用會員優惠。加埋杯中可樂$25。總共$213。個餐有薯條、炸雞粒、炸魚柳、泡菜。混入亨氏蕃茄汁，咁就滋味無窮。成個餐好大份。三五知己一齊當下午茶咁食，都好抵。個炸薯條好脆，好食過M記。炸魚柳入口即溶。好美味。炸雞粒好重韓風味。上等雞肉。泡菜屬上等韓國泡菜。入口開胃。加埋杯可樂，可以將滋味無限擴大。火箭餐廳上午11:30開門。個人建議一家大細最好一早去到霸位。

香港廸士尼在政府疫情措施稍為放寬後，晚間城堡🏰煙花show已經重啟了，晚上8時準時開始。入園的廸士尼粉絲會早一兩個小時坐定靚位等待。不過等還等，在園內除了餐廳外，依然要長戴口罩。等到肚仔餓，坐在園外一邊食一邊等可能會比職員勸阻。而且小朋友企在美國小鎮大街看煙火，極有可能被前方人士遮擋。這次我無意間發現了火箭餐廳戶外位置，原來可以無遮擋坐近城堡，一邊吃，一邊欣賞煙火🎆。至於餐廳食物方面，除了炸雞薯條在水準之上，還有魚柳包，呈不規則的長方形，肉質和平時快餐店的正方形魚柳有些少分別，加上麵包🥯配洋蔥絲沙律醬，一啖咬，味道甚不錯。魚柳包餐定價$140，有會員全年入園證享75折，折後$105。

以往年少，就可以一早吃東西(breakfast+brunch+lunch)，吃到飽一飽先至入去這些主題公園🎑，然之後離場之後再出外面吃東西。但現在帶着小嬰，你不累他也會累也會肚餓🍸於是這次便在這間火箭餐廳試一試它的快餐。炸雞和麥當勞，麥炸雞有點相似，還減去麥炸雞的辣味，小嬰都可吃吃雞肉。但薯條就更見出色，夠新鮮，但又不算太鹹，而且外皮不算太厚。另外，漢堡的麵包，都有點香，小嬰也連忘搶吃；內裏的肉亦都蘊含些少肉汁，除此之外，就有些大量芝士，洋蔥以及蘑菇調味。以往讀書時見80-90元一個漢堡餐，當然覺貴；現在外邊求其一家BURGERMAN/嘉寶都要七八九十，那麽入到來即使見百二三蚊，都不會覺得特別過份大大舊的落單櫃、出餐枱，極之舊式般。大家一見到入去嗰邊，即是餐廳入去嗰邊，座無虛席，大感驚訝。我們推咗嬰兒車，更加不能走入狹小的通道，於是唯有叫外賣，拿着外賣的餐具。豈料！原來有另一邊餐廳座位區，發現了很多🈳位置，世事就是如此，未能解決的問題，原來換個角度，迎刃而解🤷🏾🥃