火箭餐廳

營業中

休息中

我平時初一十五都食素，咁岩今日入樂園玩係十五，好彩樂園既餐廳都有素菜食者。我買左餐券，可以揀$140蚊以下既套餐，我叫左植物肉扒漢堡套餐 $135，其實可以加$5加大汽水，但忘記左😢咁咪岩岩好$140🤣。叫餐個陣個收銀阿姨都幾好，有同我講漢堡有洋蔥，可能有啲食素既人唔食洋蔥？anyway我覺得餐廳員工都好有禮貌👍🏼呢個漢堡都幾大個，包軟熟，味道都唔錯，塊扒都幾厚。薯條雖然係粗薯，但淋哂😢😢

本人期待已久迪士尼城堡煙花表演，因為得知可以係火箭餐廳購買甜品自助餐連煙花尊享區，本人於當日下午5:30買下這個套票。食客也可以在官網預訂。火箭餐廳甜品自助餐連「迪士尼星夢光影之旅」特別觀賞專區入場套票，包括︰ 1 x 於火箭餐廳享用甜品自助餐 1 x 專屬位置觀賞「迪士尼星夢光影之旅」成人每位$458，小童每位$328。坐位設置在餐廳右邊。此項自助餐對奇妙處處通會員是無折。餐廳同一時段開售普通快餐，坐位設置在左邊。個甜品自助餐，飲品自助。有熱食，炸餃子、炸蝦球、炸雞翼。招牌美點有 Pancake、朱古力棒棒糖及朱古力噴泉。其他甜品全部是星夢光影之旅動畫故事中的造型。當中最精緻就係玩轉極樂園的爆米花及獅子王的MV “I Just can’t wait to be King”的造型。小孩子就最喜歡這類美點。杯火箭夜光杯是每位一杯。方便去看煙火時拍下動人照片。杯底有開關鈕。這裏的甜品跟迪士尼樂園酒店華特餐廳的甜品相約。但職員會為生日賓客製造意外驚喜。美好回憶最難忘。特別一提是火箭餐廳的橫裝仿似獨行俠的星戰餐廳。我不是指靚佬湯個套獨行俠。是星戰外傳 Han Solo。餐廳入口吊咗個大型飛船，

🍽 火箭餐廳 📍地址: 大嶼山香港迪士尼樂園明日世界區💰只供參考💰人均$100-$200😋難得入到迪士尼 本身都特登食左個早餐先出發 天公作美 無落雨 玩到2點幾已經頂唔順 開始肚餓了 跟住格價格左幾間餐廳 最後揀左食burger 因為人流實在太多 入去搵位都搵左一陣 冷氣位唔洗講 全部都係人 顛到爆炸 一張檯起碼有最少2個人捕實 我地退而求其次 出去搵位 一搵就搵到最近門口冷氣位既戶外位🥹🥹雖然係戶口但都有陣陣冷氣風間5中吹出黎 好正😭買包又係一個挑戰 條龍長到出去餐廳出面 買到已經唔理影相影得靚唔靚 已經忍唔住食 一食 好正 個魚柳包 外脆內軟 仲要好大條長條形 唔多油 食落岩岩好 野飲仲可以揀fuze tea👍🏻 薯條就一般貨色 而友人就叫左炸雞野 兩隻炸雞 但炸雞出色過老麥同埋kfc 好juicy 啖啖肉 仲要無骨完全補充曬我地一日既體力 超讚🫶🏻價錢黎講又唔算好貴 都係普通出面既burger set價錢 算係園內性價比比較高既餐廳👍🏻好味指數: 4/5性價比: 4/5環境: 4/5

今日入樂園。晚餐去咗火箭餐廳，點咗個$130香脆魚柳包套餐。個套餐包個魚柳包、薯條及凍可樂。個魚柳包好香脆。魚柳屬上等食材。個魚柳同麥記個形狀有別。但一樣好食。個薯條混入亨氏蕃茄汁，好好味。個薯條好脆，金黃色。賣相好吸引。另外杯凍可樂，食快餐真係一大樂事。個空杯可以去Ironman洗手間前飲水機，加水。

每次黎迪士尼都係呢間快餐最多人龍🤣因為價錢相對之中比較平民化🙊今日先發現原來有個火箭裡面既座位🚀 食物都係大路嘅快餐店質素😋⭐️ 火箭特選牛肉漢堡套餐 🍔調味比較港式 牛肉質素一般🐮 優點係醬料唔會太重口味👍🏻洋蔥增加了甜度🧅⭐️ 炸雞籃套餐 🍗炸雞份量夠大塊🐔 但係脂肪比較多偏肥🌝薯條唔會太鹹🍟⭐️ 香脆魚柳漢堡套餐 🐟比起一般魚柳包好似冇咁香脆🤡 但係至少無腥味😂⭐️ 火箭餐廳 (大嶼山)📍 大嶼山香港迪士尼樂園明日世界區

📍迪士尼火箭餐廳-#5🫶🏻係最高 環境：🫶🏻🫶🏻🫶🏻🫶🏻食物：🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻-炸雞籃套餐 -$125 （$93）佢包左一舊雞髀🍗同埋一舊雞胸肉 但有啲鞋🥲 但薯條每條比平時食嘅長同埋都脆卜卜如果有全年卡嘅朋友仔 可以比錢嘅時候show埋比佢地睇 咁就會有折架啦！！！！

🍴金卡生日禮遇 套餐買一送一 經歷了第五波疫情後，迪士尼樂園終於再次重開，趁着假日趕快入園跑一轉，好好玩樂一番。想把握時間遊玩，又想可以坐在餐廳內補給，必定是選迪士尼火箭餐廳了。餐廳出名優質快餐，趕快吃完，又可再次把握時間，繼續遊園，投入玩樂。擁有迪士尼會員卡的朋友可享一次生日禮遇，套餐買一送一優惠，平時筆者只會點炸雞餐，這次點了一個漢堡套餐來試試，味道也不錯。🍔 火箭特選牛肉漢堡套餐 $125由於店員說這是和牛漢堡，所以這次點了漢堡試試。目測漢堡排厚度大概1.2cm，富有肉汁。夾層有蘑菇片和芝士，加上千島醬，層次豐富美味。🍗 炸雞籃套餐 $125 一客有兩件炸雞，炸雞金黃香脆，皮脆肉嫩，雞件保留了肉汁，熱辣辣，美味可口。套餐配一客薯條和一杯中汽水，轉鮮橙汁加$15。茄汁是獨立包裝的地捫牌，方便衛生。套餐中的粗薯條的份量頗多，炸得香脆，吃了十分飽肚。🔸小總結：還記得去年套餐價格$119，現在又加價了。幸好金卡會員生日禮遇有套餐買一送一優惠。餐廳的食物去貨量快，所有食物都新鮮熱辣，深受遊客歡迎。👅 味道：4.5/5💰CP值：5/5🕴🏻服務：5/5🔰餐廳環境：4.5/5👀回頭率：5/5🍽

呢間係我喺迪士尼樂園入面最鍾意嘅餐廳之一因為佢款式比較大眾化，而且價錢相對比較平不過佢轉左Menu，所以啲嘢食都唔同咗以前佢有個雞扒飯好好食不過可惜而家冇咗試咗三個餐，分別係牛肉漢堡、炸魚寶、芝士素菜堡套餐個人覺得佢啲牛肉漢堡冇乜特別，味道普普通通，反而佢個素菜堡幾好食唔會覺得佢啲肉好假，而且調味唔錯炸魚寶都炸得好脆，加埋佢個醬一齊好食

每一次入迪士尼玩都想留耐啲，即使快餐可以喺出邊食到，為咗氣氛同埋留喺園內耐少少，每次都會選擇入園之後去火箭餐廳食快餐。呢度嘅炸雞係我覺得比起一般快餐店好食10倍嘅～每次一咬開啲肉汁都會漏出黎，而且係兩件每一啖肉都咁juicy！加好多分～炸皮同埋雞肉係行輕微皮肉分離嘅路線，不過炸皮嘅厚度適中、調味都唔會太重手，加埋雞肉一齊食都係完美嘅配搭！薯條亦都炸得脆身香口，加上喺迪士尼樂園入邊火箭餐廳都算係比較平價嘅選擇！

諗諗吓上次可能係最後一次去迪士尼啦😞，睇返相發現未介紹「火箭餐廳」，應該係迪迪尼入邊嘅快靚正之選😏，慳返啲時間又可以去玩啦！話時話火箭餐廳好似冇變過，同細細個去嗰陣一模一樣————————————————👅炸雞籃套餐（$125）👉🏻肉質唔乾唔嚡🍗，以主題樂園質素算係咁，當然比唔上專門嘅炸雞店啦👅火箭特選牛肉漢堡套餐（$125）👉🏻食完無乜印象😆，不過不失啦⋯喺迪士尼食嘢都係為咗填飽肚啫———————————————— 🚩總結：由細食到大🤪———————————————— 🌟注意：坐戶外位小心有雀仔偷食啊🦜————————————————📍 火箭餐廳地址：大嶼山香港迪士尼樂園明日世界區.🗺地區：#bem離島📥分類：#bem快餐💰人均消費：#bem_101至200蚊

每次嚟Disney 都唔知點解會想食d 邪惡d 嘅野，所以lunch 會食火箭餐廳🤩burger 個底係有烘過嘅，會有小小脆好正😍每次有餐廳甘做我都好欣賞佢對細節嘅執著芝士加埋漢堡扒係最完美嘅combination🤪其實成個餐最好食係佢嘅粗薯條，整得決不馬虎～ d 薯條好熱，熱到一開始要攤凍先食到🤤跟餐包一杯野飲，記得係樂園玩都要補充足夠水分呀😝~120 pp (lunch)味道：3/5環境：3/5性價比：3/5回頭：⭕️

我哋三個人share兩個餐其實都夠食，薯條都係金黃色！炸雞好脆！同埋超級熱！佢熱到拎上手揸住食都好難🤣🤣真係要擺係度攤一陣先得😂😂炸雞既肉質都幾滑～幾好味😍反而burger 個包會覺得有d乾😂其他野都ok~仲有叫左個salad😂但係因事個樽打直就好難食到😂😂

香港迪士尼樂園-明日世界-火箭餐廳😋😋黎親多數食呢間，平日會好d, 假日有排排隊要等勁耐🥲先到俾錢買野食。食物: 兩份香脆魚柳漢堡套餐😋炸雞翼😋雜果啫喱香脆魚柳漢堡套餐: 個包唔錯，塊魚柳勁大塊👍🏻👍🏻，鐘意呢度啲薯條，好好味。炸雞翼: 呢個幾好味，值得試下雜果啫喱: 麻麻地，唔太好味，個人覺得唔值得買呢個食，冇乜味。飲品:汽水總結: 比出面貴，但好味，不過如果撞正假日去食，要排好耐隊先買到仲要搵位。分數 食物: 6/10環環: 5/10服務: 6/10推介: 6/10上菜速度: 5/10地址: 香港迪士尼樂園

聖誕節黎迪士尼都預計到會多人，所以一入園就去左餐廳食咗嘢先，之後慢慢玩。之前上網買左餐飲套票，有好多園內的餐廳都可以用到，呢間就係其中一間。有幾個套餐可以揀，我同朋友都揀左魚柳漢堡套餐，跟埋薯條和飲品。因為人太多，所以我先搵位，朋友就去排隊買餐，問番朋友話今次開多咗收銀，同埋執餐都快咗，所以唔算等得耐。環境就配合餐廳的主題，有少少科幻元素，但座位基本上就是普通商場的food court。魚柳包比想像中好吃，包軟熟，魚柳不是廉價魚。薯條是厚身個種。總體來說，以樂園餐廳黎講，正正常常，價錢用網上套票不算貴，建議早點吃，離開時1點半已經開始好多人。

買咗$699嘅套票入足2次入迪士尼玩返一日去迪士尼玩足全日唔少得一定要食返餐今次揀咗我其中之一最鍾意食嘅餐廳仔火箭餐廳位於明日世界，上網訂咗一個二合一$130喺樂園可以揀一間餐廳如果高過$130就補差價就可以了，除咗咁仲可以揀一款小食係送，炮谷或雪條！咁樣就其實賺咗小食，所以呢一個係比起現場買系超值價….喺火箭餐廳叫咗炸雞薯條揀咗一個食物肉嘅漢堡包薯條，兩個套餐都分量十足價錢相對於其他餐廳呢一間係比較加持相對於較低，加上種類都比較大眾化