火箭餐廳

營業中

休息中

玩完整個「幻想世界」、睇埋遊行、部份「明日世界」，巳經三點鐘。唔肚餓，但好累。所以入火箭餐廳食東西。點了「蜜汁雞肉凱撒沙律」（$35）、「蜜汁叉燒漢堡包配雞汁白飯」（$35）、「可樂」（$20）。「蜜汁雞肉凱撒沙律」：沙律菜好新鮮、以米奇造型的烤白麵包代替烤麵包粒，creative。蜜汁烤雞肉較迎合東方人口味，比grilled 雞胸肉無咁乾和唔鞋口，做得對！「蜜汁叉燒漢堡包配雞汁白飯」：以蜜汁豬肉作漢堡肉，棄芝麻bun 改用中式蒸包子麵糰，好creative 亦相當好味。配食的有兩款選擇：炸薯條or 雞汁白飯。店家解說係類似海南雞飯的油飯，遂一試。係好好味，甘香得來不會吃到滿嘴巴油脂，product development 做得好好。大概係Maxim's 集團出品！？兩款食物都做得唔錯。

呢度食兒童餐抵好多,$25=飽+薯條+野飲,而大人餐就四十幾蚊,得飽+薯條/飯,冇野飲。唯一唔好就係兒童餐得兩個選擇,一係炸雞柳,一係漢堡包,同埋杯野飲好迷李。我試過佢當時哄動一時既叉燒漢堡,唔知係咪果陣岩岩開幕太忙,所以塊叉燒凍冰冰既,,食過一次唔敢再食啦...漢堡包我覺得好過麥記,冇咁乾;炸雞柳就略鞋;薯條真係唔錯,條條熱辣辣漲卜卜外脆內軟,好食過麥記果d又un又林又咸既多多聲。而買大人餐可以唔要薯條要白飯,我自己就未試過,始終覺得又食包又食飯九唔搭八。但聽人講過果d唔係白飯黎架,好似話好似雞油飯咁,好好食架喎,唔知係咪呢?有冇人試過??

作為一個主題公園的餐廳呢間好明顯係唔係太好一d特色食物都無完全提唔起我的興趣最後叫左一個雙層芝士漢堡一客雞翼一杯新地同火箭特飲要吸引其他人入場請你俾多些少誠意及新意吧

前日去咗廸士尼，就黎咗呢間餐廳試下。見所有餐都要成40幾蚊一個，仲要唔包飲品，唯獨得兒童餐先包飲品，所以叫咗個芝士漢堡餐喇。芝士漢堡比起麥記嗰個細小小，不過都算過得去。而薯條我就覺得麥記比較好食。如果不太大食的話，我相信呢個餐都夠飽既。

琴日黎迪士尼玩左一日中午時黎食左個1號餐($35)有魚柳包同薯條魚柳包有魚柳,生菜,蕃茄同青瓜魚柳炸得香脆但質地較薄唔似麥記咁厚身生菜,蕃茄同青瓜都新鮮麵包包面舖滿芝麻個人黎講唔多鍾意加上包身唔算特別軟熟,麻麻最有驚喜反而係薯條新鮮即食熱辣辣又脆口點埋茄汁(唔係李錦記呢)味道唔錯只係略嫌份量少左D如果個餐包埋飲品會抵食D

去得Disneyland食野貴又唔好食都預o左，但係佢呢度個兒童餐又算抵食喎！25蚊有雞柳，薯條，細汽水，d雞柳同薯條真係唔差喎，果個蜜糖芥末醬好好味，李錦記茄汁又真係麻麻...因為甜o左d唔夠酸，可能食慣老麥果隻~不得不提佢呢度d咖啡係幾香濃好飲，我daddy仲encore多次，仲要因為太好賣而要等15分鐘添~都係賣10蚊咋喎又算大杯，抵飲！

入迪士尼都無好選擇,只要唔難食就得啦.但望望價錢,一個包$45+白飯,真九唔搭八.所以選了兒童餐.個包唔熱,薯條賣相好過麥記,但無薯味,仲要用李錦記茄汁,唔好食.

入去disney2次無入去餐廳內食過野, 只係在一d主題公園既food court叫野食. 中午食過佢地既中餐....只係感覺局住無得選之情況下. 晚上我想食漢堡包+薯條餐, 所以拉大隊來食. 我叫左個兒童餐...我覺得幾抵比一個regular餐差不多只係細汽水之麻. d薯條都幾正, 個包就真係麻麻...我就覺得差過老麥. 不過無計, 無咩選擇. 最唔喜歡佢地用李錦記茄汁啦....

聽聞了叉燒漢堡好耐了...終於試到...叫左一個叉燒漢堡餐+雞翼+2杯野飲...已過一百元了...2個餐都有勁多薯條...個叉燒漢堡都ok..但唔係好食..試過就算...個包唔個點解只係微暖...佢又唔係忙...反而個雞翼幾好食...新鮮炸起...薯條都冇咩好評...但係好食過麥記*整體來講都算唔錯..服務員態度ok...係咁問佢野都會答...又唔會黑面...但係貴左d囉....

去disneyland, 為左快, 求其買個叉燒漢堡飽+ 薯條餐, 唔計汽水, $35 蚊一打開個飽, 好重叉燒味, 好得意, 但係哎落去, 完全唔知自己食緊o既係咩肉, 質感又唔似平時食開o既漢堡, 又唔似豬肉, 唔似牛肉, 感覺怪怪的, 如果有得選, 我寧願食番麥記喇..而薯條反而幾好食, 香香脆脆... 同埋佢會比埋李錦記茄汁, 幾好o丫!而裡面o既職員都算有禮貌.. 都帶住笑容! =)

聖誕節迪士尼開放時間延長至晚上九點, 八點幾去諗住買外賣然後出城堡等睇煙花。落完order 俾張飛俾櫃檯個女仔時已經講明要take away, 點知轉個頭又成碟漢堡飽薯條攤開晒俾我, 我唯有再講多次我想拎走, 佢竟然去拎個紙袋返黎然後木無表情話:『我俾個紙袋你自己整好唔好?』o下??? 咁都得???唔止呢位妹妹仔。成個迪士尼, 除左做音樂劇的演員之外, 80% staff 都就死就死兼好唔想做咁款, 其中印象好深刻o既包括負責做"森林河流之旅" 一位小姐, 佢直頭好晦氣咁話:『個旅程係咪好開心呢? 我都好開心呀! 所以一日都要坐返百零二百次先安樂架! 一日都係你地啦, 真係好鬼憎, 平時我做到七點咋, 而家要做到九點, 31 號要做到一點添呀! 真係多得你地喇! 』o下?? 咁都得???

兒童餐o既食物份量同正常一樣, 係杯汽水細d je, 不過就平10蚊~味道...好過麥記咁lor, 不過不失

20/12 6:30pm睇煙花前系度食d野,叫左叉燒漢堡餐跟薯條$35,燒雞caesar salad$35,男友系disney員工有半價,兼有2個free果汁,要左西瓜汁及橙汁.叉燒漢堡餐跟薯條---叉燒頗juicy及大塊,吾錯!薯條夠粗夠脆!點Mayo,Thousand island,mustard一齊食,幾好!燒雞caesar salad---燒雞4-5大件,肉質嫩滑,味道討好!salad亦夠fresh!mickey型crutons香脆芝士味濃郁果汁系100%鮮搾.半價左呢餐即$35,其實disney既餐廳都吾算好貴!旅遊區系咁既價錢架啦!香港人放鬆d啦!

那裡的薯條最好味！茄汁用【李錦記】挺新鮮。炸雞籃的炸雞用主要調味料是黑椒和胡椒。感覺奇怪但是還可以。在繁忙時候買漢堡是暖的，不是熱的。這是最可惜的事吧！uwu每款食品有套餐，不過不包飲品。一款套餐大概是$37至45元。

冇諗過d西餐會同快餐差唔多價錢囉...叫左french fries, burger, apple crumble, 2x chicken nuggets, coke...就o係咁多樣野..睇落去50蚊都嫌貴...原來已經$105...其實我寧願俾多少少去大街食個舒服少少有course o既西餐...但礙於之前冇research..又要掛住chur住玩...冇計啦!但食呢間真係冇乜特別...係d薯條大條幾得..其他都好一般..