火箭餐廳

營業中

休息中

黎到迪迪尼, 食野就預左唔多好架喇..是但食一餐啦..結果去左Tomorrow Land的火箭餐廳食burger...叫左兩個餐, 每個$35...個漢堡只係一個漢堡, 用兩塊包包住塊肉加多條菜就算...因為太口亁, $20一杯汽水都要飲...如果明日世界的漢堡係咁就...

上次來迪士尼玩去了皇室宴會廳食lunch,食了over$60都唔飽,所以今次試o下其他,所以今次選了火箭餐廳,在這裡叫了一個炸雞籃炸雞~ 有兩件雞+炸薯條,一件係雞腿、一件係雞胸,件雞表面炸粉厚o左少少,薄的會更好,有黑椒粒係面,吃的時候只有輕微的黑椒味,黑椒味再重多的會更好,肉質算滑炸薯條~ 外表比起麥記粗大,食落亦覺得脆,但味道不及麥記一半迪士尼裡面的飲品實在貴得太離譜,一杯16安士的汽水要$20,海洋公園都無咁貴,所以無要飲品總結來說:這餐是吃得飽的

第2次黎迪士尼上次去了美心食(因有人請)今次冇人請之下, 去了食快餐....呢度D SET 全部都只跟薯條! ,一杯汽水好似要$20預左貴! 暗嘆醒目帶了2支水入黎! 只叫了魚柳包...好難食, 連M 記既CHEAP 漢保包都好食過佢! 乾到一D 醬都冇, 夾左勁多西生菜! 留而著條OK, 夠粗口感好!

十二月三十日到左迪迪尼之後,我地就放低d行李o係酒店,再出去喇!我地10點去到樂園喇!之後就玩左巴斯光年,仲有車仔,仲有冒險世界,睇獅子王啦,仲有golden mickey好喇~老公仔話肚餓^^咁我地就去有"炸雞"食既地方!嗱係佢指明要食炸雞架!haha黎到呢度,好似好多得意野食wor!咁老公仔就叫左义燒漢堡+薯條,仲有炸雞+雞香飯!加埋zero!個义燒漢堡好食呀~~老公仔既選擇永遠是對的~~haha~個包好特別!塊肉好食呀!炸薯條好食呀~~~^^好食過m記!而炸雞老公仔就讚不絕口~~~佢話好食過佢好中意食既KFC 呀~~雞香飯都好食,好似海南雞飯既香飯咁~~估唔到呢度咁好食呢~~~~~~不過同老公仔食咩都咁開心好味~~~~真的!

同朋友來迪士尼玩朋友話去火箭餐廳食快餐,又好要左Set C --照燒雞漢堡跟薯條($35)。照燒雞漢堡個包賣相其實幾靚,但一食落就好差,個包好乾身,無咩汁,好難入口,塊雞扒好鞋,最好竟然係塊蕃茄同生菜絲!。薯條用杯裝起,滿滿的樣子份量可真不少,係粗身的一咬落去好有薯味,有口感真是不錯好過m記Burger Set可以將薯條轉油飯

第一次到迪迪尼第一次跟媽媽慶祝Halloween..踏入此快餐店跟媽媽的感覺都一樣怎麼跟日本的完全沒有分別!?迪迪尼的Control真好..** 照燒雞漢堡** ($35 w/薯條)媽媽說很不好味..只因媽媽常常以為這裡是麥當當經營的~** 叉燒漢堡** ($35 w/薯條)點這個聽下去便覺得不吸引的漢堡就是因為貪玩..想試一試所謂全球唯一迪迪尼的包..其實那塊由叉燒碎製成的扒..味道很怪叉燒的感覺只靠扒上塗上的汁料傳遞飽是饅頭來的~ 比起扒好味~但...也是麻麻了~** 薯條**份量可是很足丫粗粗的很有口感而且應是剛剛炸起的..不錯不錯這裡的食物算是便宜了相比起20大元一杯汽水$35的漢堡+薯條又能要求甚麼呢..!?最主要是..當晚想要感受到的Dreams Come true的氣份

27/9(六) 8:30pm迪士尼又有新搞作,實情萬變不離其中;但仍吸引充滿童真,涉足樂園不下廿次的男友入內,為的是那Halloween Parade及其較為可取的Haunted House.同行的還有兩件豬油糕.久等兩件豬油糕若干分鐘後,先到大街頭欣賞其略有看頭的Parade後;肚子不其然已叫喊著.本想到有Cast Member優惠的西餐廳一試,無奈早已滿座.察看手錶,距煙花綻放時間所剩無幾;權宜之計重臨Starline Liner來點簡餐.是晚試了Halloween Special 南瓜肉醬螺絲粉$35,另點了魚柳漢堡$35.南瓜肉醬螺絲粉--南瓜,紅黃椒,意大利茄瓜等多款什菜皆屬新鮮有口感,沾了茄醬的螺絲粉入口亦滿彈牙!魚柳漢堡--魚堡漢堡有Freshness Burger的影子,包身軟熟,魚柳炸得夠乾身,魚肉尚鮮,肉質吃起來也頗嫩口.豬油糕們的炸雞外表還蠻不錯,原來只是虛有其表;內裏肉心不夠熱,肥膏亦不少!每款均粗薯條一客,質素還過得去,$35填飽肚子,收貨!

o係呢度食dinner,漢堡同薯條都ok, 炸雞反而幾滑幾好食呀!Dinner 的價錢都唔算貴了

叫了兩個餐share 食。炸雞籃配雞味飯& 雞扒漢堡配薯條，加多杯coke。炸雞籃配雞味飯($40): 有三大件雞，不過脆漿還脆漿，雞還雞，完全分開的，應該係將雞先整熟，再上脆漿去炸的，因此脆漿同雞分離。幸好雞唔係好鞋。要大讚雞味飯，很有雞油香，比出名海南雞飯的勝利還夠味還好味。雞扒漢堡配薯條($35)：雞扒漢堡ge雞扒好鞋，水皮過M記。薯條剛炸起，很熱很脆，不過用李錦記ketup就爭D，無咁好食。環境都唔錯，唔會好迫好多人。

為左要陪外藉迪士尼super fans，唯有再去迷你迪士尼。因為要趕住睇水花巡遊，所以求其食快餐算數。每個餐都成$35/個，仲要唔包汽水($20支!!)，今次叫左個叉燒飽+薯條/雞油香飯(即係海南雞個隻飯)，個麵飽係白色既，比一般麥記d飽好似仲柔軟d，但係舊叉燒好似肥肉多d，d汁甜甜地咁，唔似一般叉燒醬，有d怪。d薯條好細包，不過俾女仔食夠哂喇。

妹妹聽人講豆腐包幾好食,一場入到去當然要試下啦!點了豆腐包加多個飯.由於妹妹,我和媽媽share食個包,我用刀切好後發覺成手都係油,好恐怖,至於個包唔係好食,係得意.雞藍就真係幾得.二件雞和雞脾都幾好味.薯條如果再熱就更加好啦!總括而言-ok la 3個人食了$75

個义燒包好好味, 好得意, D 著條好正, 又粗又熱又脆, 正~~~但套餐唔包飲品

我們食時已2點多，其實可以說是下午茶了。order了一個炸雞籃share食:3件雞:都幾香，不是難食的。薯條:很脆，又有薯仔味，但是用的是李錦記的茄汁，真的不太喜歡。餐不包括飲品，收$40，在迪士尼來說都ok吧!是日並不多人，有很多位，可以舒舒服服休息一下，真的很難想像當時"逼爆"樂園的情景!!題外話︰其實我認為迪士尼少人時真的很好玩的，只是面積小了一點。而且我們買了杯pop corn，只是$15，價錢都算合理。

玩完整個「幻想世界」、睇埋遊行、部份「明日世界」，巳經三點鐘。唔肚餓，但好累。所以入火箭餐廳食東西。點了「蜜汁雞肉凱撒沙律」（$35）、「蜜汁叉燒漢堡包配雞汁白飯」（$35）、「可樂」（$20）。「蜜汁雞肉凱撒沙律」：沙律菜好新鮮、以米奇造型的烤白麵包代替烤麵包粒，creative。蜜汁烤雞肉較迎合東方人口味，比grilled 雞胸肉無咁乾和唔鞋口，做得對！「蜜汁叉燒漢堡包配雞汁白飯」：以蜜汁豬肉作漢堡肉，棄芝麻bun 改用中式蒸包子麵糰，好creative 亦相當好味。配食的有兩款選擇：炸薯條or 雞汁白飯。店家解說係類似海南雞飯的油飯，遂一試。係好好味，甘香得來不會吃到滿嘴巴油脂，product development 做得好好。大概係Maxim's 集團出品！？兩款食物都做得唔錯。

呢度食兒童餐抵好多,$25=飽+薯條+野飲,而大人餐就四十幾蚊,得飽+薯條/飯,冇野飲。唯一唔好就係兒童餐得兩個選擇,一係炸雞柳,一係漢堡包,同埋杯野飲好迷李。我試過佢當時哄動一時既叉燒漢堡,唔知係咪果陣岩岩開幕太忙,所以塊叉燒凍冰冰既,,食過一次唔敢再食啦...漢堡包我覺得好過麥記,冇咁乾;炸雞柳就略鞋;薯條真係唔錯,條條熱辣辣漲卜卜外脆內軟,好食過麥記果d又un又林又咸既多多聲。而買大人餐可以唔要薯條要白飯,我自己就未試過,始終覺得又食包又食飯九唔搭八。但聽人講過果d唔係白飯黎架,好似話好似雞油飯咁,好好食架喎,唔知係咪呢?有冇人試過??