瀛香園 (已結業)

我是禮拜三晚上去的，不知何故除了友人和我外，館內竟然只得3人，正因如此飯菜都很快來。叫了豬腸雞煲、王牙白和小籠包。三吃菜都好吃，沒什麼值得挑剔。豬腸雞煲值得推介，辣度很適中，友人喜辣而我怕吃辣，但也一致認為好！最令人窩心是老闆/店員竟主動問我們冷不冷，可以調高溫度！天啊在香港還是第一次有店員如此周到！事實上原本冷氣是適中的。總結：未試過的值得一試；去過的值得再去！

來渡船街同友人午飯，聽友人說又開了新店，有飯有麵，鎮江骨麵，肉林，酸酸甜甜，幾開足胃，小籠包，豬肉，味道麻麻，菊花杞子茶，有菊花香味，有三粒杞子，好甜，面好但湯底好淡！

昨天到渡船角揾嘢食, 又唔知食咩好, 見到一間話食上海菜嘅餐廳, 咪入去試下.見到個餐牌, 又有啲其他小食, 點咗米拉雞排, 賽螃蟹同埋鱔糊加清炒菜心.原本諗住都係普通一餐, 但點知有啲驚喜....啲雞排外脆內軟, 外表好似吉列, 但食落有啲似以前我係德國食啲炸雞小吃, 加咗啲香草味, 食落唔會淨係單一味道. 如果配埋啤酒, 簡直一絶. 跟住, 個賽螃蟹, 老板改良咗啲上海做法, 加咗鮮帶子同埋瑤柱, 食落有咬口, 唔會淨係得蛋白, 撈埋啲醋食, 又香又好味. 我以前有個朋友話食上海菜, 首先要試下個鱔糊, 因炒鱔糊好難, 又唔可以多油, 但如果唔夠油, 啲鱔就會"鞋"口, 鱔唔新鮮就會有臭泥味, 所以好多師傅都唔會整. 但呢間小店啲鱔糊就冇呢啲問題, 鱔糊炒得好夠味, 食完個碟底唔會好多油, 連啲獻汁都唔會一pat pat...真係好耐冇食過呢啲我中學時期食過啲上海菜味道, 因為宜家啲上海菜唔係fushion就係多油....可惜, 開初無諗過小店居然有驚喜, 所以無影相.下次會再去試下其他菜,  因老板娘話佢地仲係新開店, 遲啲會加多啲款式tim.

好正！尤其個鱔糊同賽螃蟹，好耐冇食過咁傳統，咁好味既上海嘢啦！鱔糊唔會偏咸，鱔肉冇泥味，獻汁唔會一pat pat。賽螃蟹冇油，仲有頗多既帶子同瑤柱，口感超正。大廚自創既麻甩雞，醬汁少辣，同雞肉非常匹配。米拉雞排係大廚混合左南美式既配料所制成。加埋冇味精嘅靚湯，同自家製菊花杞子，係呢個天氣乾燥既轉季最合時宜，真係超潤！價錢可以話超抵！幾十蚊食到呢個質素，冇得頂呀！！ 3個人食左5個餸，埋單每人$90，抵到爛！！