濤點茶餐廳 (已結業)

今日經過屯門華都商場附近，一向都知道華都樓下都好多茶餐廳，但一路都冇機會試，今次事但去左一間叫濤點既茶餐廳，食左3個小菜，有辣酒雞煲，有辣同唔辣選擇，好入味，有配料洋蔥,青椒等，少少辣味好惹味，另外再叫左一個椒鹽豬扒，皮好脆口，好鬆化，D炸椒仲可以用泥撈飯，白飯都大大碗的，有例湯跟埋，仲有個菜心炒牛肉，份量都夠。而且價錢都唔貴，下次都會再去!

還記得上次在華都花園開餐，已經是在去年十一月，當時還吃了個豬扒包，今次又是走到華都花園開餐。上次走過來已經留意了這裡有好幾間食店，故此今次也刻意走過來。在華都轉了一個圈之後，就在這間小小的茶記開餐。這間茶記實在太小了，還比其他茶記小約三分一，內裡只有廿四個座位，而且非常貼近背對背的，就算左右相連座位，也見得較狹窄。入座的時候幾近高朋滿座，幸好尚有四個吉位讓在下坐下來用餐，打開餐牌，全都是茶記應有的食食物，而且價目也較街坊價和大眾化，一個午餐索價都是三十二個大洋，凍飲也只需加兩個大洋。這個蘋果雪耳紅蘿蔔湯較為清徹，味也很清甜，內裡也較多蘋果味，感覺上與雪梨雪耳的味道差不多。咖哩豬扒紅腸飯的賣相一般，豬扒已經切好一小塊，並不是完塊上碟。豬扒煎得未見香脆且有點腍，也沒有燶位，口感並不算是有勁嚼；咖哩汁不辛辣，較容易入口；碟上的薯仔份量適中，也是小塊的；紅腸味道不用多提了。熱咖啡並不算是香濃，喝下仍有咖啡的味道，也不算得濃郁，奶和咖啡都算適中，但未見媃香味，不算得很滑。整體味道過得去，不至於難吃的，可能就是做街坊生意吧！

今天無聊出門閒逛，逛到差不多想搵下午茶食～聽朋友講過呢間ｄ嘢食又好食又抵，就嚟試下叫左個下午茶餐 - 薯條雞翼加一杯熱飲通常叫呢ｄ油炸食物，一係多油，一係乾爭爭，見到都唔開胃，不過呢度又出符意料喎！ｄ薯條脆卜卜又唔會油膩膩～啱啱好！ｄ雞翼一樣唔會油膩到會滴晒ｄ油出嚟，食到最後，墊住雞翼嗰張吸油紙都得一兩點油漬ja！雞翼炸得啱啱好，唔會乾晒好似柴頭咁～埋單都係廿幾蚊，抵啊！下次會再幫襯！

呢間茶餐廳好似係農曆新年期間開張, 一路都無時間去試, 今日即管食下!我地三個人, 叫左一個二人餐, 再單叫一個小菜, 不過老闆娘都好好人咁請我地飲多碗湯, 今日係蘋果豬展湯, 好足料, 好甜好好味! 不過我太心急唔記得影相, 哈哈!先黎一個京都肉排, 好開胃, 而且肉唔韌, 啱晒我女食!之後就係老公指定嘅西檸雞, 啲雞炸完唔乾, 仲好JUICY, 個汁酸酸甜甜, 見到有新鮮檸檬都零舍好FEEL 啦, 真係贏李錦記十條街, 我平時都會煮呢個, 但就只會用李錦記, 有衝動入廚房問下大廚究竟點整!最後就係我至愛嘅魚香茄子煲, 因為我好鍾意用嚟送飯, 基本上我去邊度食都會叫呢個小菜! 上枱時, 個煲仲滾緊, 超香, 雖然有椒絲, 但落唔會太辣, 反而帶出果種鹹香, 我爬晒成碗 呀, 哈哈哈!食完埋單$120, 個人覺得抵, 會再幫襯, 等我!