濠軒餐廳

營業中

休息中

咁啱嚟長沙灣探朋友，見到佢附近有啲茶餐廳，睇落係唔少的士司機嘅飯堂，就決定入去試下。首先講食物質素，第一次食到咁淡嘅梅菜扣肉，梅菜入面又有好多沙，扣肉都幾老下，就連白飯都係偏軟，甚至可以話係爛。再嚟講份量，一個40幾蚊嘅午餐，得四舊扣肉，梅菜都係得少少，重點係完全冇汁咁滯，好誇張。飯嘅份量係夠嘅，但係同餸嘅份量完全唔成正比。整體嚟講性價比好低，如果你唔介意餸嘅份量少，淨係食白飯都滿意嘅話，咁應該都冇問題嘅。唔會再食第二次。

中午去咗長沙灣嘅濠軒餐廳食飯。叫咗一個臘味炒飯。味道算係正常。不過我覺得最有特色嘅就係：你會喺露天食飯。即係如果你係着得靚靚囝囝，當然就唔建議你去露天嘅位置，你可以選擇入去餐廳裏面坐。而如果唔介意，又可以享受下涼風、秋涼嘅感覺，或者大排檔嘅感覺，你可以選擇坐喺露天嘅地方。而我就坐咗喺露天嘅地方，因為依家係秋天，天氣乾爽，而且有陣陣涼風，所以一路食飯，一路都好舒服，即使嗰陣時係中午一兩點左右。午餐價錢相宜。

啱哂食煙嘅朋友，佢位置喺東京街及懷衛道之間，去完李鄭屋泳池游水，着住人字拖，就係最好坐係街邊食返個下午茶，嗰種感覺自由自在，有啲客人食煙就最啱啦，食物質素我覺得不過不失咁啦！

今日下晝一點半左右，獨自來到這間新餐廳食晏，舖位很細，裡面座位有限，想坐就要搭枱！但我這種什麼都要『相機食先』的人，同人搭枱只會滋擾別人，又會影響拍攝效果，還是出去室外座位，更可以自己一個人，獨坐一張圓枱餐牌 :簡簡單單，就揀個常餐！室外座位更多，空間更寬敞，也可隨時加摺枱。店外的另一邊亦如是，當時天陰陰，有微風，無冷氣也沒所謂！