澳門街水蟹粥雞湯米 (已結業)

得悉呢到有好少有既雞酒食，緊係即刻黎試下啦！夜晚黎食好多人排隊，等埋加埋等野食既時間，夾夾埋埋都成一個鐘。雞酒米超足料，好多雞件、紅棗、木耳，仲有煮到入哂味既冬瓜。個湯有幾濃既酒味，甜甜地，好濃郁，雞亦夠滑！鐘意飲魚湯既人記得要試下天麻川芎魚頭湯，濃郁既藥材味，配湯入面有好多川芎、杞子、紅棗，真材實料！魚頭既份量好多，加埋米線，又飽又滋補！

［外表茶餐廳，實質有料小店］澳門水蟹粥雞湯米，佢個餐廳名已經講左佢嘅招牌菜出黎！兩個人食，可以揀嘅野唔多，最後揀左天麻川弓穹魚頭湯加米線，同埋蟹粥！試左呢兩樣野後，下次一定要黎再食雞米！天麻弓穹魚頭湯米線先黎，一飲第一啖不能自拔！我本身唔鍾意食魚都唔鍾意呢個湯，不過保身靚靚嘅野女仔真係時時都要，一試呢個湯真係不得了！個魚唔係全熟晒咁膠狀彈下彈下咁，驚唔熟問老闆娘，真係學野了原來咁先好食，彈彈下嗰啲係最多骨膠原架，真係食完都覺得皮膚彈左！haha 等左陣就有水蟹粥喇！入面成隻蟹大大隻，啲殻一早夾開左好易食，啲蟹肉大大舊好甜，粥底撈埋啲蟹膏食真係一流啊！下次一定要試雞米！

睇住佢開見雜咩打水蟹粥一直想試，見哩間開咗一段時間，門口都仲係成日坐滿人，心血來潮今晚就試下佢啦！第一次就梗係試咗佢個蟹粥先啦！2個人，叫咗個套餐A，揀咗蟹粥同天麻川弓魚頭湯，$108無加一。先飲湯，好香，魚雲好滑同好多，冬天飲會更正，好暖胃再試蟹粥，嘩！好綿，唔洗落鹽都好好食，但唔係有味粥底嚟㗎。再試個蟹，一碗粥有一隻蟹，個蟹... 好。鮮。甜。 真係好好食，明顯新鮮，好緻口，啲殻朴開咗，啲蟹肉可以啜出嚟，真係唔多夠喉𠻹呀下次試埋個澳門雞湯先。（除咗蟹粥，見好多人都有叫小菜，應該都唔錯嘅）

自從供應米走雞那間小店關門以後，附近已有兩三年沒有店舖賣藥材雞/魚頭湯粉，要喝就只可買那些地鐵站老火湯店的無材料湯包，試過一趟之後超級失望，貴又小，如無必要不會再買。最近終於等到附近又開了澳門街，供應澳門雞湯、天麻川穹魚頭湯及多款其他湯可配粉/面/飯，每起跳價三、四十元，不錯，我一個人也可以自己來品嚐。澳門街是一間小店，店內大約只可容納廿人左右。坐座是茶餐廳式卡坐，沒有圓桌，但室外則有小量中圓枱供應。澳門街其實有粵式小炒，但我今次是為天麻川穹魚頭湯（$40）而來，我當然點它，再加錢跟白飯（$3）。等了大約十分鐘，湯來了，是中形湯碗，份量夠體頭，湯底濃濃的呈奶白色，藥材氣味非常香，喜歡川芎天麻味的老饗，單聞應該已口水流。下箸輕輕攪動就感覺到湯底材料很多，除了有魚頭有三大件，還有些木耳，頭魚一點也不鯹，鮮甜香滑又入味，木耳爽脆，白飯約有正常飯碗的一碗半左右，我相當連男士都能飽肚，我一口湯一口飯的伴着吃，非常滋味。整碗湯幾乎被我喝盡，細看餘下的材料，天麻、川穹、紅棗和給我挑來吃的杞子份量都不少，難怪味道如此濃郁芳香！老實說，比澳門兩間知名小店還要出色呢！老公點了澳門雞湯（$34）跟河粉（+$