澳門茶餐廳 (已結業)

早幾日落雨...冇得出去食...又要留係信德中心...唯一得澳茶是比較好食的....一行三人12:45出發....嘩...又排隊啦....呢間野由朝到晚都咁旺...lunch打哂蛇餅..可能天雨關係呱...但今次只等了15分鐘就入得...算好采了...因為之前成日都有位疑似男經理既物體成日留D枱俾D熟客入先....出面D客就有排等..我都係熟客黎架..我都成曰黎架...哼..跟住問下門口嗰位姐姐...原來嗰位疑似男經理己經冇做....黎左嗰新既四眼哥哥...見佢快快手...應該好過之前嗰個呱...我地仲叫佢寫單....我2個fd就食常餐叉燒通粉....我就食午餐C雞扒炒烏冬....可惜四眼哥哥話烏冬賣哂轉左意粉..算啦...照叫啦.....不過味道都可以雞扒都有5-6件....飲埋我最愛既凍咖啡...滿足了...食飽埋單後...出面門口仲排梗隊...四太應該賺唔少...期待下次唔駛排咁耐啦....

果日夜晚差唔多接近11點前行入餐廳，有個類似經理既人同我哋講11:30收，要宜家即刻落order，咁我哋就即刻叫咗個"咖哩牛腩飯"和"魚蛋米粉"，食物好快就送到，個仕應講"魚蛋米粉"跟住就放响我哋張枱, 但實際我望咗一眼發現根本唔係"魚蛋米粉"而係"魚蛋麵"，於是我就叫個仕應幫我換,仕應: 麵唔得咩?我: 我唔食麵架.仕應: 唔食無架啦喎, 廚房收工.  (態度超差)我: 但我真係唔食麵架 (已廿年以上無食過麵), 咁我唔要啦.跟住個仕應攞走咗碗麵, 好大聲同個經理講, 取消佢碗魚蛋米, 經理好細聲, 但應該係問佢點解, 跟住個仕應話叫錯咗喎 (好似講到我自己叫錯嘢食咁), 之後經理又好細聲唔知講咩, 個仕應先講真話話佢叫魚蛋米, 但整咗魚蛋麵, 之後經理應該係同佢講叫佢換, 所以佢先死死氣走去換比我.

因為是下雨天，於是留在信德中心食午餐， 因為想起澳門餐廳的咖哩牛腩飯， 所以就選定澳門茶餐廳吃午餐了。 信德中心下雨天特別多人吃午餐，而澳門茶餐廳會排著長長的隊伍等吃午飯， 所以必須於十二點前攞位食飯澳門茶餐廳招牌葡撻，要新鮮進食，正！咖哩牛腩飯是這裏的招牌， 咖哩牛腩咖哩味濃郁，牛腩很淋，還有薯仔嘅配搭，用咖哩汁撈飯一流 咖哩牛腩飯份量大，兩人食到卓卓有餘！還叫了一份午餐菠蘿火腿扒半金沙骨意粉，味道一般，下次不會再試

嗰日約咗個客喺上環見面......點知個客遲大到....當我火都嚟埋嘅時候.....唯有自己諗下點樣打發時間....就漫無目的係上環信德中心都周圍逛......堅個肚有少少打鼓.....不如搵間餐廳坐低玩吓手機....但係又唔想食炒粉麵米.....就戇居居走入去澳門茶餐廳.....環境睇落去都幾舒適.....品種都幾多選擇....只可惜下午茶冇奶油豬嘅套餐.....唯有散叫你個奶油豬又真係幾脆bob bob......外面脆脆地中間軟綿綿....又真係幾好味😆😆😆不過唔係幾夠飽.....都係叫多個葡撻試吓不過冇野飲.....因為冇套餐......呢個係最可惜嘅

强买强卖的消费，每人消费最低30港币。点餐服务员态度不耐烦，催促、强迫下单，套餐中少给饮料没有任何歉意。如果我们不仔细阅读菜单根本不会发现。提醒大家消费时要注意。

好多旅客都喜歡在港澳碼頭食個早餐先搭船過大海，我哋今日就只係路過見客人唔太多就入嚟試吓佢。早餐選擇不少，部份有澳門特色，跟港式茶餐廳不一樣。今天兩人共點了B及F餐。B餐 - 鮮茄牛腩粒餐肉湯通粉配牛油火腿豬仔飽豬仔飽果然香脆，水準之作，但食埋塊厚牛油就太高脂了。個通粉就非常之普通，湯底似罐頭羅宋湯（當然係稀嗰隻😒），牛腩同餐肉粒亦相當少😞F餐 - 澳門皇牌咖喱牛腩撈公仔麵配牛油薄多士見到「皇牌」兩字好似好勁，即點😅上枱覺得佢唔似早餐，似細份少少嘅午餐，食完十分飽肚。牛腩好多而且夠淋，仲有兩大舊薯仔。咖哩味香但汁不是很濃稠，反而撈公仔麵剛剛好，讚👍🏼餐飲熱奶茶， 好稀，欠缺港式奶茶嘅香濃味。本人覺得是水準之下👎🏼總括嚟講，間中經過食吓都無妨，唔駛專登嚟😑

今日去跑揹水一戰，同各位隊友每年都會約左係上環既澳門茶餐廳度食完早餐再搭車一齊去出發點比賽。呢份就係我既早餐，雖然話貴，但份量真係好足架！好大份，大份過大家樂好多，咁當然價錢亦貴過大家樂十幾蚊啦。但講到味道呢，睇相見到個煎蛋係可以煎到個蛋黃飛左出邊爆晒，就知啲廚做野幾咁求其啦。而個公仔面亦煮到好淋，至憎架喇我！唯一好味既就係個半塊多士，個方包好厚好鬆軟。而最impressive 既就係杯奶茶，勁大杯！食晒成份餐真係飽到我嘔。

想食澳門茶餐唔一定去澳門，香港也有得食，星期三那天我和同事就去到澳門茶餐廳食中午。雖然這是我第一次食，但估唔到款式幾多，而且份量好多，以中西區而言，這間算是抵食。來到澳門茶餐廳，不得不提澳門飲食文化，澳門烹飪吸收了廣東地區的烹飪法，以及楺合了香港，葡萄牙，印度，東南亞等地區的特色，創造出別具特色的澳門茶，如吐司（多士），葡國雞，沙嗲等，因為澳門曾是葡萄牙的殖民地，所以澳門的葡國菜較多。這天我點的是葡式豬仔骨意粉，豬仔骨份量很大，好耐未食過豬仔骨，能夠食到甘多豬仔骨，感覺很滿足，醬汁是茄汁，感覺汁唔多，而且較淡，意粉份量很多，好像食極都食不完，意粉幼滑，但食太多有點油膩，餐飲方面，熱檸水同樣大大杯，是暫時我見過最大杯的熱檸水，檸水夠熱，沒有苦澀味。整體而言，這間餐廳算大件夾抵食，如果食量少的朋友，建議可以同朋友分享，相信都會很夠飽。

平時好少會喺信德食野，多數係上船落船先會喺度食，所以呢，無乜選擇下我揀左澳門茶餐廳既下午茶餐，貪佢夠快又唔算好貴！細個跟媽媽飲下午茶通常都係食雪菜火鴨絲炆米，而家都好少去酒樓所以好少食到，難得呢度有湯米，雖然食唔返細個時既味道但都係唔錯既選擇，成個細鍋上，熱辣辣，好岩冬天食！值得一提係餐廳冷氣好凍，其實冬天都唔須要開咁涼冷氣丫，攪到尐野食凍曬又要俾貴電費！

同屋企人去澳門～搭船之前肚餓 就去左食澳門茶餐廳～其實周不時都會見到澳門茶餐廳，但一直都無機會試。今次一於試試佢！我地每人點左佢最出名既豬扒包～果然好食 豬肉好入味 一咬落去 肉汁出晒黎 唔錯唔錯

過澳門做野. 係等船中入去食野. 常餐. 服務吾駛講. 你食食下野. 阿姐執枱. 會吾話你知就郁張枱. 仲無反應. 行左去.. 炒旦炒到見到d 生旦白真係有料. 比三件叉燒d有一半係肥豬肉. 點食. 成50蚊架.. 下次食其他店就算..

過馬交看陳綺貞演唱會，購入的是套票是門票+船票的。Turbojet的普通座並無早餐供應，就帶一份葡味早餐上船吧！ 凍咖啡是大大的一杯，啡香濃郁沒有酸澀之味，奶滑得很，一直是我的心水之選。  葡撻酥香脆身，牛油味重。蛋芯黃澄澄的，雖有蛋香，但甜味有點不真實，是在蛋漿添加糖水了吧，始終就是比在地的澳門葡撻差一點點。  反正，不消一個小時，便可到澳門嚐到真正的葡撻了。

呢個 早餐E餐，非常豐富好味，有厚多士火腿煎雙蛋加五香肉丁米粉，香辣嘅五香肉丁，為米粉增添了味蕾嘅刺激，米粉好彈牙，五香肉丁嘅肉好滑，有嚼頭，正，辣野陪凍奶茶系最正架啦，奶味夠濃，又滑，大滿足吖

Lunch又黎到我們最常到的上環信德中心，貪呢度夠近夠平等位又夠快！今日睇到澳門茶餐廳條隊難得地不是太長，就食呢間啦！揀左澳門蘿蔔豬軟骨煲配飯($54)，行過好多人都叫呢個餐食，應該不會太差。好快熱辣辣香噴噴冒住煙既豬軟骨煲加一大碟飯就送到我面前。 一試湯汁不錯，蘿蔔很入味，大大啖咬落豬軟骨很過癮！肉質很軟腍，不會"乾憎憎" "hai sai sai"，又不會很多肥膏在肉邊，真的都是軟骨和肉，不錯不錯。難怪咁多人點這個吃！不過飯就偏硬，粒粒分明到好似隔夜飯，好在有汁配著吃還可以。在中環附近搵到$54 lunch夠飽肚又平靚正真係唔易！

早前試了澳門茶餐廳的早餐後覺得有點小失望，這次的午餐為餐廳加分不少。雖然午市等候入座的時間十分長，而且位置又擠逼，不過能吃到好吃的午餐，一切都值得了。精選午餐的價格都算中等，不過如果A-G都看不上眼，要散叫其他食物，就覺得一點也不值，因為主要做遊客生意，價錢都偏貴。看見隔離桌很多人點了海南雞飯，賣相看起來十分討好，我也點了一個。今天十分幸運，分配到雞腿的位置，啖啖肉，而且肉質結實，沒有冰鮮雞的雪味及鬆散質感，就算不點醬汁，吃起來也非常咸香嫩滑。是近期吃到最好吃的海南雞，怪不得成為招牌菜。餐飲熱華田的味道偏淡，水多了，華田粉不足，奶味又不夠，只有兩顆星星。因為等候的時間太長，只好匆匆忙忙吃完午餐。也是因為這美味的海南雞飯挽回了對這餐廳食物的信心，期待下次光顧...