澳門翠苑餐廳

營業中

休息中

總括黎講: 食物一般, 但個凍咖啡真係好正!!!!農夫包, 個包要新鮮先夠脆, 凍左就唔係好掂咖喱汁其實唔錯, 不過包入面o個d 就比較鹹另外仲叫左個小菜: 西蘭花炒鮮尤, 不過不失咁啦.個凍咖啡, 唔太甜, 岩岩好. 正!!!!!

之前見D人寫到咁把炮 ,今晚就決定去滿足我呢個大胃王 ,叫左個什麼咖哩雜菜農夫包 ,叫左原來可以自已搵位坐住等 ,等左十幾分鐘就有位嬸嬸捧個餐過來 ,一來就即食 ,相都冇影 ,失策失策佢用錫紙包住個包 ,加個羅宋湯同碗咖哩送咁啦 ,我就叫左鑵可樂 ,個包應該係蒜蓉包來 ,好脆 ,一咬D碎已經周圍飛成台都係 ,D咖哩都係一般茶餐廳既唔辣咖哩D野就幾好食 ,但最敗筆同最討厭既係成日有D員工當張台係佢地工作台咁 ,鐘意就擺個餐係度行左去 ,鐘意就係度攪餐盤 ,想一個人靜靜地食下野都唔得

今日下午 2:00 左右, Thxdtsdd 及女友又來到旺角搵食. 由於之前見在旺角熟食中心內的澳門翠園茶餐廳係 Openrice 有很多好的口碑, 於是決定試一試. 原來熟食中心只是與朗豪坊一街之隔, 都算幾易搵. 我地兩人搵好位後, 就到了澳門翠園茶餐廳叫了 2 個餐:1. 咖哩豬柳農夫飽餐 ($43), 只睇賣相, 都嚇得下人. 可惜吃落就覺得一般貨色了. 首先, 個羅宋湯都 ok, 唔似 "開" 出黎既味道, 但碗仔細細, 入面竟然有 4 -5 舊紅蘿蔔, 咁即係得好少湯啦, 都飲唔到幾多啖! 幸好杯凍咖啡真係唔錯, 幾香濃, 叫做追返 d 分數. 至於個農夫飽都幾大個, 入面既豬柳數量都 ok, 唔算少又唔算多咁啦! 食落都唔 "鞋", 飽面都幾香脆, 可惜咖哩味又係一般, 食落仲會覺得個飽有點難咬開, Thxdtsdd 吃剩三份一就沒有再吃了. 2. 茄汁豬排飯配可樂 ($29), 一般茶餐廳水準, 幸好豬排不 "鞋"! 這午餐共花 $72, 都幾抵食, 食物既水準就係一般茶餐廳質素, Thxdtsdd 不會特別再來光顧, 如果順路行過, 喝杯咖啡都 ok 既!照片可

我地兩人叫左一個套餐咖哩牛腩,免得食唔晒就好浪費喇~~~等一陣就送到你枱上嘩...........好大個呀,摸落去熱熱地,好似拆禮物咁,拆開石紙後,就係一個大包包,仲有個蓋添,一打開,裡面全部都係牛腩食左個蓋先,沾咖哩汁一齊食,果然名不虛傳-好好味呀,麵包脆卜卜,新鮮食就最好,之後就開始食個南瓜身,都係一樣脆卜卜,牛腩夠軟夠"林",咖哩香而不辣,可以倒少少咖哩入去,索晒d咖哩汁,仲好夠味添,正正正~~~紅湯有雜菜加牛肉,牛肉就比較韌,味道都ok.凍奶茶都不錯夠濃夠滑.如果兩個人去食,又唔太大食或肚餓既話,一個餐兩個人食都夠飽

今天有緣去澳門翠苑茶餐廳 ，試了咖哩雞農夫飽農夫飽夠熱，外表夠脆，內裡夠鬆軟咖哩很香椰汁味，雞塊也不鞋口值得給一個ｇｏｏｄ但是更值得安哥的，還是配角們－－蕃茄薯仔湯＆凍咖啡凍啡不用說，人人都知翠苑的凍啡出晒名夠濃夠香，令人一飲上癮；蕃茄薯仔湯更是一絕超濃的牛肉味，看上去細細碗的，卻很飽肚呢！薯仔都化在湯裡，另湯身更杰，入口有點沙沙的感覺不可言諭的美味！！用農夫飽沾上此湯再吃，竟比沾咖哩更好吃！哈哈下次再去飲湯＋凍啡！

叫左個咖哩豬柳農夫包餐...紅湯幾好飲,但係個主菜就冇乜特別..味道普通唔叫好好味好特別..不過呢個價錢要求唔可以高...同埋1個女仔唔係好細食肚餓既都應該會食得哂....總結都會有下次

星期日一心留喺屋企抖抖，個人又冇咩胃口，但係個肚咕嚕咕嚕叫，又好似好肚餓咁，唯有打電話去翠苑叫咗個咖哩雞農夫飽，加多5蚊仲有一杯熱飲同牛腩粒湯，唔洗半個鐘就送到上門。一見到個農夫飽，已經食慾大增，外脆內軟，熱騰騰，麥味十足正。跟住再打開個咖哩雞，又香又濃，簡直同個農夫飽相當匹配，一點一食，好味到不能形容。咖哩雞肉好嫩好滑，一啲都唔嚡，而且大大件，仲有六至七件，份量夠，唔似其他食店，淨係得大量薯仔，得一兩件雞，值得一讚。個牛腩粒湯就好似稀版羅宗湯，而且比較咸，麻麻地。我一定會再幫親，大家都值得一試!

行過旺角無數次..第一次去哩度的熟食檔..好易穩..在朗豪坊的M記過一條天橋就到..只因在OPEN RICE睇過好多的好評..因此有心去試下..整體感覺唔錯....個包真係好大..外脆內軟..加上咖哩汁..配搭唔錯..個人比較喜歡個湯..好味YUMMY..一個TEA SET的話一個女仔一般都食唔晒..呵呵呵..好在我同友人一起去..2個都食到飽飽先閃人環境：熟食檔來講算係OK噶啦..服務：送餐服務..態度唔錯哩個價錢確係抵食

2008.09.21(日) 响金魚街買咗幾包貓糖糖氹下嘟嘟，佢好鐘意食GIMPET既營養產品架。正當諗緊去去食米線之際，腦中閃出 "農夫包" 來 港式既香噴噴咖哩﹑軟棉棉豬扒件(有D肥)﹑大大個脆皮包包 好不吸引 上次來應是四月時份，幸而並沒被這通脹大勢牽著鼻子走，套餐仍售 $45 農夫包(咖哩汁另上)﹑紅湯﹑凍飲 ... 抵食紅湯一般喇，淡淡的料不多，在冇要求的抵線下都OK既。奉上一雙即棄膠手套給你自自在在的吃個痛快，這點點的貼心小動作值得加許啊

星期六，第一次去旺角熟食中心，環境唔錯，都算乾淨。我同我女朋友叫o左個咖哩雞農夫包餐。晚飯時間，唔算太多人，咁岩有一張抬。坐低o左一陣就有人送埋份餐過黎。個餐$43仲有埋蕃茄薯仔湯同凍咖啡。農夫包入面好鬆軟，外面好鬼脆。D 雞都幾滑唔太肥，咖哩唔太辣，o岩晒本人心水。杯凍咖啡比一般茶餐廳好飲。咁既價錢認真超值。一定會再去 !!

這裡有很多選擇：中式小菜、焗飯、鐵板和農夫飽等。而今次便點了一份小菜晚餐。$48 蠔仔煎蛋角晚餐：配上白飯例湯及飲品。這裡的例湯是標榜沒有用上味精的，但味道沒有特別的清甜，就是一般的豬用瓜菜湯吧。主角煎蛋角是令人失望的小菜，只是幾片薄薄的蛋皮，配上四五粒的蠔仔，份量根本就是少得不能接受！$10 菜+白飯：另外加上的，可以吧！喊：沒有餡料的淨煎蛋角！

經常見榜上有名, 所以慕名而來, 從朗豪坊到另一個世界今日氣溫非常熱, 雖然場內泠氣開放但都有點熱, order咖哩牛腩農夫包,配蕃茄湯, lunch時間好多人, 當然要搭枱終於等到農夫包上場, 搭枱既朋友出現好奇目光打開個包, 點解d牛腩禁少, 不過個包好大,包皮好脆, 點上加咖哩汁, 係一個好配搭分量足夠, 一個人食唔晒個包可以一試!

呀~估唔到langham place附近有d咁正既地方, 又平又多野食又衛生!!我地一上去就決定要試下呢個餐啦, 又因為我lau計既關係我地叫左咖哩牛柳農夫包有個牛尾湯, well, 我食到肉架, 都幾好味, 係就係多油dd...個包呢好似泰簡單既金枕頭咁架, 個味道其實唔錯, 賣相圓圓的好可愛, 裡面有好多舊牛柳, 幾抵~~~~~ 不過可能因為佢似金枕頭, 所以少左dd新意呢..但係就平好多既...haha最好味係個凍咖啡, 真係超香同超滑... 爭住飲...下次再上去果度試其他店, 我都會再叫凍咖啡!!!!!!

尋日唔知係唔係唔好彩撞岩廚房師傅心情唔好！我見食評講到呢間餐廳咁好食特登去試一下個農夫飽，我order左個雞農夫飽，拎埋黎見倒個買相就真係幾吸引，先試左個湯，唔錯，味道好好，但就真係凍左d，杯凍檸檬茶都幾好，個飽做得好脆，但一試個汁，嘩！咸到食唔倒咁濟，d雞又鞋，我走去同個應該係負責人嘰後生仔講，佢答我話可能師傅重手左，但又無其它表示喎！我跟住唯有買一個白飯撈左小小汁食飽就算數哪！真係失望

真係唔係講笑, 平靚正!中秋之夜, 同D fd去食去到, D伙計好Nice, 又會幫你攞埋野食(須知好少food court會幫你攞埋野食), 又平, 又夠大份(小弟好少可會話食得飽, 不過今次都真係夠飽, 呵呵)佢個飽夠香, 點埋汁真係perfect!而且D肉又夠香, 簡直係"蔗渣價錢, 鮑魚味道"如果想再食飽D, 叫埋雜錦扒, 一次過有更多選擇!!好味程度不能以筆墨形容, 還是煩請各網友親嘗吧!!!!!好難再搵到地方有佢咁平靚正了