澳門翠苑餐廳

營業中

休息中

久聞其名，約咗朋友來旺角行街。一于入旺角綜合大樓揾食。由朗豪坊二樓麥當勞旁邊的樓梯可以直接到。入到來，門口即是，非常易搵。直接點澳門咖喱牛腩農夫飽。等了15分鐘，錫紙包裹的農夫飽就出場了。一個餐有一個麵包，內有咖喱牛腩。一個羅宋湯，一杯飲料。我地兩個女仔夠食一份。我們風捲殘雲地K.O.澳門咖喱牛腩農夫飽！外焦裡嫩的脆脆農夫飽，滿腹軟捻的咖喱牛腩，沾上帶甜的馬來咖喱汁，撕扯麵包的快感，我們二人狂野的一餐！yummy。

澳門翠苑茶餐廳座落於熟食中心內裡面的座位編排極差 也坐得不太舒服不過為了心愛的農夫包 總得忍一忍大大個的農夫包被錫紙包住 咖喱汁分開上帶上手套後馬上急不及待起動了 照也沒來得及拍有些人會把咖喱汁倒進農夫包內但我覺得這樣子麵包會太濕 把麵包撕出來蘸汁會比較好麵包外脆內裡極富彈性 不會一捏就變形配上港式口味不太辣但很香的咖喱 實在是一流由於麵包實在太好吃 裡面的豬頸肉淪為了配菜其實豬頸肉也很出色 十分爽口另外也試了雞肉 也不錯 不過還是被麵包搶鏡了如果可以只吃農夫包不加配菜就好了一堆豬頸肉看著不吃就很可惜可是吃光豬頸肉後就吃不完我心愛的麵包人生真是充滿莫名其妙的矛盾

剛剛在朗豪坊買完野，聽講隔離MK熟食中心間澳門翠苑農夫包好出名，今日終於可以去一試喇大概兩點半去到，人雖然多，但都有位坐。落單時，老闆娘俾個牌我哋，叫我哋穩位坐低，擺個牌在臺，話會有人攞來。大概等咗八分鐘，老闆就上菜喇。不過碗羅宋湯入面俾我吾小心整咗張紙巾落去，老闆即刻好細心咁幫我哋換咗第二碗，真系好好人~~~個農夫包俾我第一感覺系好大，好彩穩人來幫手食 啊~麵包殼好脆，點D咖喱食就剛剛好，口感新鮮而細膩咖喱味好濃郁，D牛腩嫩滑而韌勁總括來講，味道高水準但系食法有D狼狽，雖然店主細心準備咗手套，但系我哋食得好尷尬，可能系新手，唔系好識點切個麵包好跟餐加兩蚊要咗杯凍奶茶，第一啖好正，但系D冰融咗就會沖淡D味羅宋湯有紅蘿蔔、包菜 ， 味道都ok....

在旺角SHOPPING，行得熱熱的跟餓餓的，很想很想可以喝一杯冰涼的!!由細到大都很喜歡喝紅豆冰，但怕肥，所以無飲好耐好耐了今天，很想放縱一下~~突然想起旺角熟食中心有一間賣紅豆冰很出名的，於是就決定到那處嘆一嘆從朗豪坊的2樓(定3樓呢? 總之係麥當當那層)有一條天橋直接可以走到熟食中心，不用行出冷氣地方，真爽到茶餐廳後，就點了咖啡紅豆冰和奶油豬仔包，也是$31~~付款後，拿著黃色的牌子，找個座位坐下來，當食物準備好以後，就會有專人憑牌子交到你手上，不用自己慢慢等，很細心環境沒有多特別，就是一般熟食中心的樣子，很光猛，四周也算清潔，不算太吵。座位也算多的，有四人枱，也有8-10人的大枱。當然啦，如果一大班人去，就真的要預留充足時間等位呀!!!大約等了10分鐘，我的3.3就被送到跟前呢。就在替食物拍這張寫真的時候，那陣陣的牛油香已飄進鼻孔內呢~~先呷一口咖啡濕一濕口，很香濃的咖啡味，喝起來也算香滑。拿起那個香香的包子，一咬下去，嘩，真的不得了!!!!!咬下去時你會聽到清脆的「擦」一聲，雖然包是那麼的脆，包身卻一點也不乾身，究竟是怎樣做到的呢???除了包子夠熱夠脆外，它的奶油味也是很香濃的

位於朗豪坊背後,旺角街市前的<旺角熟食中心> 裡, 有一間隱世餐廳...裡面的咖哩"農夫包"真係極好味!!(特別係愛好澳門豬仔包脆脆口感0既朋友就一定好鍾意喇)而且佢0個度0既~"凍咖啡" 真係得三個字唻形容, 就係 : 正~正~正~真係好味過三十幾蚊杯0既Starbxxxx coffee原本唔諗住叫 "凍咖啡", 但當老闆問我個餐飲咩0既時候,我地0係度諗左好耐...老闆見我地楂唔定主意就話:"你地飲唔飲咖啡0家, 我地呢度0的咖啡好正0家!!"我地話:"真係咁正!? 好啦,就要咖啡啦!!...我地第一次0黎0家咋..."另外,有個餐係包個"豬仔包"/ +$5要唔記得咩/豬扒包...我又再R晒頭諗...跟住老闆超好人做埋好味0既手勢咁話:"豬仔包好食呀!!"然後就叫0左老闆推介0既幾樣野喇...真係好好食,又唔貴...最後我地食完走0個陣我仲返去同老闆講:"老闆,你個凍咖啡真係好好飲呀!!"佢答:"真係好飲!?, 多謝晒!!"老闆真係超好人!!!bowl極好味推介一之:全日餐 $26蕃茄牛肉粒螺絲粉+牛油豬仔包+飲品(凍飲+$2)bowl極好味推介二之:農夫包晚餐 (

尋晚終於試咗啦 !! 圍住langham hotel行咗一圈先揾到熟食中心係邊, 一身濕曬,哈哈 !!! 入到熟食中心心知不妙, 空調並不強勁, 只有微風, 怕熱的我..... MY GOD . 但一場嚟到, 當然要試下喇.試咗咖哩軟殼蟹和牛腩農夫包, 牛腩睇落去有d乾, 但食落好腍, 好香, 軟殼蟹細隻咗少少,但味道也很好 ! 值得推介 !分量方面, 個包都好大吓, 2個人食一個包剛剛好 ! 之於價錢方面, 咖哩軟殼蟹餐, $65, 咖哩牛腩餐, $55, 一點也不便宜 ! 不得不提的是, 包蓋好脆 ,千萬不要忘記吃掉它呵 !

旺 角 街 市 上 層 , 食 肆 臨 羅 滿 目 , 穩 佔 首 位 的 , 莫 過 於 最 有 特 色 的 咖 哩 農 夫 包 是 也 。 何 解 ? ! 那 要 一 嚐 才 知 怎 麼 回 事 了。 一 人 嚐 了 一 個 大 大 既 咖 哩 雞 農 夫 包 , 可 說 是 三 餐 的 份 量 ... 香 濃 微 辣 的 咖 哩 , 滲 透 了 外 皮 脆 , 內 裡 煙 韌 的 農 夫 包 , 真 的 十 分 滋 味 , 怪 不 得 , 能 穩 佔 地 位 。事 隔 一 年 , 又 來 一 嚐 , 價 格 變 了 , 份 量 也 變 少 了, 以 前 是 兩 人 食 一 個 , 現 在 一 人 也 可 應 付 了 , 畢 竟 敵 不 過 通 脹 。 但 味 道 沒 變 , 依 然 好 吃 , 這 次 和 友 人 要 了 兩 個 , 一 款 咖 哩 雞 , 一 款 咖 哩 腩 , 原 來 咖 哩 腩 還 要 好 吃 呢 , 肉 質 鬆 化 入 味 , 好 吃 。好 吃 的 東 西 , 寧 願 加 價 , 也 不 想 消 失 。

最鍾意食脆口o既包o家喇 , 不論係蒜蓉多士還是奶油豬知道呢度個農夫包咁多好評 , 當然要黎試下啦果然好 arm 我口味 , 仲有驚喜羅宋湯添 ^v^見咖喱牛腩 , 雞 豬頸肉o個 d 都無乜特別 , 我地又想叫埋豬扒包 , 咁如果咖喱又係揀肉o既話 , 太 heavy 了於是貴多少少試左個咖喱軟殼蟹農夫包 =)1. 豬扒包餐~ 豬扒都幾大塊 , 半煎炸 , 唔會太油膩 , 不過醃得唔係幾入味 , 口感都尚可 , 配香脆香仔包加埋杯成罐上o既凍檸樂 , 都幾完滿嫁 =)2. 咖喱軟殼蟹農夫包~ 食士個豬扒包就有得食喇 , 唔係等好耐個包好大 , 熱烘烘的 , 個蓋好脆好好味呀 !! 羅宋湯有濃郁茄味 , ok 多料 , 少少辣 , 我鍾意 ^^咖喱汁唔係好夠 , 可能係我地初初撈得太勁 xp個汁唔係話特別好正 , 係過得去o既咖喱味軟殼蟹份量多 , 炸得恰到好處 , 粉漿厚度合格由於個包真係外脆內軟 , 就咁食都好味道 , 咁唔夠汁都唔驅o既## 呢個熟食中心位置唔起眼 , 都有咁多人識得上黎食證明呢個包包真係有佢o既魅力 , 4xx 個好評 ... 咁出名 ...唔知佢幾時先開分店

咁多人話好食...梗係要帶男友黎食下啦~叫左一個咖哩牛腩農夫飽餐+凍啡~同埋一個蕃茄螺絲粉+豬扒飽餐+凍檸茶首先同男友share左個豬扒飽...(最好食係呢個飽...)打開錫紙之後...就係半熱既農夫飽啦...再打開個飽...摷一摷得兩舊牛腩...ok啦...一舊大舊...一舊細舊...個飽點d咖哩都幾好食既...但係值唔值咁貴呢？就見仁見智啦...羅未湯 - 好淡凍啡 - 幾香..幾好味...蕃茄螺絲粉...螺絲粉太林豬扒飽...好味...有d野好食...但係唔係咁抵...

聞名不如見面的咖哩雞農夫包2 個人食一個是夠的....先上枱是一個熱烘烘用錫紙包小心的把它切開淋上汁.,,,,,,,其實很怕把汁全倒進去後會瀉2個人把包慢慢割開慢慢食個包吸了汁之後很好味雞肉也很滑農夫包是好味,,,但送的湯還OK下次再去試其他

之前嚟食過下午茶 已經試過凍咖啡 亦知道農夫包好出名 所以今日突來一試 我哋嗌咗一個咖啡豬頸肉農夫包 同一個黑椒雞扒鐵板餐 先來兩個羅宋湯 都幾濃味 亦有好多雜菜 之係鐵板來了 有兩大塊雞扒 仲要跟一大碟飯 坦白說 跟一般鐵板餐一樣 勝在價錢合理 凍飲都只係$58 男生實可飽肚而要等十五分鐘的農夫包亦出場 果然好大個 一個普通大漢都未必可以食得哂 有一大碟咖喱汁 不太辣 D頸肉都好好食 都有十幾塊架 個包外皮好脆 但我比較鍾意入面軟身的部份 不過個真係要襯熱儘快食 如果唔係好硬 整體來說都幾好 值得再來

第二次來品嘗翠苑既咖喱農夫包價錢好似係貴左，水準依舊農夫包依然係外脆內軟，滲埋D咖喱汁落去一齊食，十分滋味 豬頸肉亦都焗得幾好食，爽口凍咖啡保持一貫既水準，夠濃味，就算飲到最後都仲係好有咖啡味，不過散嗌要$16略嫌貴左D今次學精左，同女朋友兩個人share一個餐，再外加一杯凍咖啡，埋單七十分蚊有找，已經飽到上心口

上網睇openrice，呢間餐廳over 400個like, 真係唔講得笑，其實一直想試好耐，今日經過開旺角，就去實地考察一下！要$55蚊一個餐，其實唔平．係熟食中心已經貴過其他食店好多～order完之後阿姐比左個牌我，叫我搵位坐先，之後會有人送個餐比我，呢個服務又幾好，out of my expectation! :先飲個湯，個湯overall ok...唔係金寶湯貨仔～～　飲完之後好醒胃之後戴上手套，食我個牛腩農夫包！而頭果塊包係超脆，沾落咖哩汁一齊食，真係好正！佢地ｄ咖哩汁係幾香幾好食！飲品我當然揀凍咖啡，平時去茶餐廳飲開奶茶，今次見到個個都讚佢ｄ凍啡，我當然想試，一飲落口，真係好滑，好香咖啡味，一ｄ都唔酸！不過飲到最後比ｄ冰溝淡左ｄ味～最後我食唔哂成個餐，建議個份量可以少ｄ，價錢就可以優惠ｄ～

食左好多次翠苑，除左係個環境有d差，但高質素已經掩過呢個問題常餐($39)呢個價錢真係好吸引個通粉好好食，湯既味道真係好濃，真係想湯都飲埋加$5就可以轉做豬扒包，個包面好脆，用手指輕輕打下佢，有＂卡卡＂聲，好脆呢！比起好多店既好食！咖喱雞農夫包 ($56)好特別既一個翠苑美食之一!有羅宋湯送，真係好好飲，唔會係辣，有肉味，足料！個包一打開個蓋有陣陣燒雞味，咖喱汁是另上，可以隨喜好倒落個包。個包其實係同豬扒包一樣，一樣好食一樣脆！包同咖哩果然係最佳朋友!真係好好味呀兩人行都係$100，好開心好滿足！平價之中既極品！

难得到旺角办事，顺便想找个地方吃个晚餐，经过在openrice的一番研究，选了这家在市政大楼熟食中心的明星食店。 点了是最出名的农夫套餐（56），包括：咖哩牛腩；咖喱味道非常浓郁，而且香气四溢，有股特别的奶油味，而且不会太咸或辣。农夫包，烤得很透，特别是皮又松又脆，蘸着咖喱汁特别好吃。罗宋汤非常浓郁，可以和西餐厅的媲美。环境比较差，熟食中心的典型格局，坐的比较局促，而且要搭台。会有送餐。