澳門翠苑餐廳 (已結業)

一直都想上黎 OPEN RICE 寫食評同各位網民分享吓, 可惜一直只有想並沒有打的行動! 見放年假有D時間.....終於將我在這間店食過的所有食物相片一次過放上來同大家分享吓喇!!! 這間翠苑茶餐廳, 自從我跟男友剛開始拍拖時去過一次之後, 就認定這裡是我們的飯堂, 因為我們都覺得這間茶餐廳的食物好有水準, 而且老闆和伙記都好 NICE, 每次當我們出街諗唔到去邊度食, 就一定會到這間飯堂!剛剛年三十晚同男友睇完戲, 正正踏入大年初一, 我們又到這間飯堂食個零晨早餐才回家, 可能因為好多人剛行完年宵, 所以整間店都爆滿. 但老闆伙記都不忘招待我們, 而且老闆仲比左個驚喜我們, 真係好多謝佢!!!

我對翠華既豬扒包&凍coffee真係情有獨鐘. 每次出親花園街果邊,都會去呢度食.其實, 我已經帶過唔少朋友黎呢間食豬扒包嫁啦. 個個都話超好味!!豬扒包 : 個包做得好靚, 個皮好脆, 真係做到外脆內軟, 而塊豬扒,唔會好乾, 有汁, 裡面再夾洋蔥,加左小小香草粉, 正!! 蒜茸包 : 雖然無左塊豬扒, 變左蒜茸, 但真係同豬扒包一樣咁好食. 正正!! 如果大家鍾意飲咖啡奶茶的話, 簡直無得彈! goodgoodgood!!PS: 星期六及假日下午茶時段,唔好諗住無人,D人係多到爆炸!! 真係食完即撇嫁!!

這晚本來是想試試毗鄰那間甚麼寶石餐廳的，但和太太到門口時看見價錢有點不能接受，就在花園街找其他吃的。原來這條街有很多食肆，來到這裏以為只有豬扒飽之類的，就姑且試試。太太選了番茄牛腩粒湯螺絲粉（希望沒有記錯），這個餐還加上鮮牛油脆豬仔飽和餐飲要了熱奶茶。我就叫了焗咖哩牛腩飯。全部除了奶茶都是熱辣辣的出來，十分好。那個奶茶可能弄好後沒有及時出來，以致是暖的，有點強差人意了。番茄螺粉每方面都好味，番茄、紅蘿蔔、薯仔、牛腩粒的湯夠味，差不多飲盡整碗湯，螺絲粉軟硬適宜。牛油飽弄得香脆，雖然我們都是少吃牛油的人，但也很滋味的把它吃了。焗牛腩飯上枱時，醬汁還是沸滾的，要微等等才可以吃，牛腩有根和腩，咖喱汁很香不太辣，飯的份量也足夠。整體而言都滿意，若有機會可再來試其他的食品，似乎還有其他都會好味。

鮮鵝肝醬豬仔包 + 凍奶茶 ($28+$2 = $30)豬仔包好脆好好味 真真正正既脆爆豬豬! 依家 "翠娃" 果D已經唔脆啦 只不過係烘麵包，麵包裡面都係軟棉棉既鵝肝醬唔係好腥，加上烘熔既芝士，帶有點鹹味幾好味架 食落就有少少似鹹牛肉，但無咁鹹同消好多，的確係好味!麵包夾有生菜同蕃茄，食既時候唔會跌到周圍都係，因為夾得好有心機，客人係食得出架!!一個包連一杯飲品要$28真係唔平...得個包連沙律都冇，但係咁好味我都仲覺得係值既!不過希望佢可以平D，咁我就可以食多幾次!! 呢個下午茶...可以食到個lunch呢!!

是晚又開ot, 苦了綿羊白等小妹大半小時。 逛逛街等埋少爺放學, 1起吃東東。本想找間小店吃點心, 但竟然沒開門 - - 都已走到來太子, 就想起吃咖哩農夫包。 已經10時多, 客人漸少, 我們都很餓了, 坐下快看看menu, 放棄每日精選(類似快餐), 還是先點個農夫包。 這分別的跟旺角街市熟食中心的1樣有多款配料選擇, 此外更detail的是size和辣度有分大中細。 小妹和少爺都不太能吃辣, 就點個小辣的中size 咖哩雞農夫包。 翻遍整個menu 好像都找不到菜菜… 終於發現1大張照片有1行字, 忘了類似蠔油冬菇生菜的, 只是唯1的選擇吧。 怕份量不夠飽, 再左翻右翻, 就多點個海南雞飯餐。農夫包給小妹拍個照後, 已經被大家1片1片在吃了~ 1大碗咖哩汁另上, 麵包焗得外層脆卜卜, 裡頭滿滿塞了煎香的雞肉, 不會以醬汁濫竽充數, 而在碗內僅僅得3塊的薯仔又腍又入味~ 小辣果然是完全不覺得辣, 只是好少好少的香辣味道, 惹味得吃不停口~那個菜,,, 蠔油下得太重手好鹹, 而冬菇菇味欠奉, 切得薄薄的更加完全吃不出冬菇味道來。海南雞飯實在毫不吸引, 照片也不想拍, 味道跟白切

聞名已久的農夫包、蕃茄通。位於熟食中心,未必個個肯來,試問一個人,怎吃兩樣野呢?幸好發現它另有分店......常餐:蕃茄牛腩湯、蕃茄薯仔螺絲粉或大杭通、奄列、飲品。農夫包餐:咖哩雞、飲品。奄列看似平平無奇,其實蛋皮外熟,內仍有少許蛋汁,火腿絲切得幼幼,夾埋蛋皮香&火腿肉/蛋汁,好味。餐湯很濃茄味,略帶酸,濃得像茄汁。蕃茄薯仔螺絲粉,非常非常熱辣燙口。蕃茄薯仔湯比餐湯稀釋一點,飲完個餐湯,覺得呢個有D淡,不過都夠味。懷疑螺絲粉用湯滾熟。螺絲粉未見入味,但螺絲粉很軟滑!咖哩雞包,杰杰的咖哩汁味,很柔和,完全沒有香料味。麵包即叫即焗,當然好脆啦!奶茶唔係好得,多奶少茶,麻麻地。凍咖啡少冰。講到話「無敵」,確實幾好飲!味道、顏色都淺淺的,所以不用擔心「酸味」或太甘。這味道令我覺得似,好立克+咖啡味,又香又滑。面朕咖啡粉,怎樣「錦上添花」?太少了,加與不加也沒關係。

上網見咁多好評，於是琴日就拉埋同事去試。點幾鐘去到，都坐滿。咁啱有人走，所以我地都唔洗等好耐。餐牌中有好多選擇，又有是日快餐。最後同同事兩人各叫咗一個常餐。一個要蕃茄薯仔甘筍湯螺絲粉，一個要大坑通；一個要奄列，一個要牛油豬仔包，咁就可以share食。我要咗大家話好嘅凍咖啡。蕃茄薯仔甘筍湯底的確好濃郁。茄味十足，但又不會太酸，咸度也適中。有大大舊薯仔同蘿蔔。又有d牛腩粒。大坑通質地不錯，不會太淋，同個湯底好夾。奄列係大路野，正常味道。牛油豬仔包烘得外皮脆脆地，但味道就好普通。同勝香園仲有大般距離。凍咖啡也未如想像中特出。味道正常，不會太甜，但咖啡也帶酸。

星期天同老爸係附近運動場打左場波出左身汗,餓鬼上身既我就係附近搵食~見到澳門翠苑茶餐廳分店,諗住應該唔會衰得去邊就衝左入去喇~!蕃茄薯仔碎牛腩大坑通 大大粒有坑紋既通粉入口彈牙唔會淋劈劈 好有咬口 比起平時食開既通粉是有分別的 真係好味好多呢!湯底濃郁茄味十足 入面仲有幾舊煲到淋晒既粉粉薯仔 似飲緊真材實料蕃茄薯仔湯咁 健康之選~如果牛腩再多d會更好呢跟餐鮮油豬仔包 呢個豬仔包真的超讚 外層夠熱又夠脆 中間咬落軟綿綿 加埋厚厚的溶溶地既牛油 真係肥死都抵呀~木糠布甸 都怪自己衰多口叫左呢個做甜品 一入口....唔夠凍唔夠硬已知出事 面層餅碎小到呢...中間仲要得個一層餅碎 太多忌廉仲要無奶香又唔滑 雖然十五蚊平平地但都唔係俾d咁既貨仔我呀fa...我自己整都好食過佢呀唔計個把鬼甜品的話呢餐其實都幾滿意 所以都值笑臉開飯之選呢

星期天，去完Church已經差不多兩點了，第一時間當然是去找吃的。來到附近，見到這間澳門翠苑茶餐廳，不知其質素是否和朗豪坊那邊一樣呢，所以就進去試試了。一進去有卡位坐，所有服務生也挺好人的，而且差少少時間也讓我們叫下午茶，真好! 看看MENU，其食物類型是和朗豪坊相近的，不過不同的是這裡更多選擇，茶餐款式也比那邊多，而且價錢也相對貴少少，大概是因為租金問題吧。原本想叫鹹牛脷公仔麵，不過佢話無牛脷，最後要了個芙蓉蛋飯。另外再叫了一個茶餐，附有豬仔包和飲品。兩杯飲品分別叫了奶茶和咖啡，不過它們寫在MENU的名字是很威風的，分別是澳門無敵咖啡 和 濃滑絲襪奶茶，哈哈，不過的確兩杯飲品都是不錯的。咖啡超香濃，有奶味，更重要的是不太有一般茶餐廳的酸，很好喝。另外奶茶也是一樣，茶味挺重，會停留在口腔裡，味道香濃，真的不錯呢。豬仔包依舊好味，麵包脆脆的，再加上溶化的牛油一起放進口裡，香味四溢而出，好吃。我們要了鮑魚豬頸肉米線，當然不是真鮑魚，不過卻真的有像鮑魚的味道，煙煙靱靱的。我很喜歡芙蓉蛋飯，因為有我最愛的蛋，而且所有材料也是我愛吃的。這個下午茶芙蓉蛋飯份量對我們來說剛剛好，材料很豐富，叉燒，火

食過番尋味，上次在這裡是吃晚飯，只係試左呢度的咖喱農夫包，呢日下午茶時間行到呢頭，醒起呢度的豬扒包，就入去幫襯啦。叫左下午茶餐，當然係豬扒包同呢度最正嘅凍咖啡啦。凍咖啡一如以往，都係一樣咁好味。豬扒包都有水準，個包好脆，豬扒都唔錯，唔係死死實實不好吃嗰種。總的來說，呢餐又令自己對呢間茶餐廳加分啦。下次如果再來，試下呢度嘅奶油豬包或者鵝肝醬豬仔包先。

行完花墟，來到太子搵食，知道澳門翠苑茶餐廳的分店開了在附近，想再吃它的咖喱農夫包，特去一試。兩公婆叫了一個咖喱牛腩農夫包餐，跟蕃茄湯同另一樣翠苑有名的出品----凍咖啡。另外仲散叫了一碟翡翠蝦球炒麵添。呢度d咖喱牛腩農夫包同凍咖啡兩樣名物的水準拍得住旺角老店，咖啡香甜可口，添加的咖啡粉是神來之筆。咖喱牛腩農夫包也一貫地好吃。至於碟翡翠蝦球炒麵，也見賣相吸引，味道殊佳，雖然蝦球少不免是雪藏貨式，欠缺了鮮蝦的鮮味，但以茶餐廳的價錢，有如此的質素也算收貨了。最後還有的是那隨餐送上的蕃茄湯，亦算得上是湯味濃郁，飲得出有濃濃的蕃茄味，以例湯來算，也可算在水準之上呢。這裡的食評有那麼多人大讚呢度的豬扒包超正，下次到來可一定要試試呢！

老公話要帶我食好好味的「農夫包」, 究竟係乜東東??去了花墟附近一間完全唔起眼的茶餐廳, 就係澳門翠苑茶餐廳, 但原來內有乾坤!!有好多澳門式的食物!叫了個咖哩牛腩農夫包, 噢, 原來係好大個包入面裝住了咖哩牛腩, 仲有一兜咖哩汁另上~個包嘛, 嘩, 包你一食就會愛上佢, 外層烘得好鬆脆, 裡面又十分軟綿綿, 加埋咖哩汁(唔會太辣), 絕對係一個極品的包! (身為一個好鍾意食包的人, 憑我多年的食包經驗, 呢個包真係好得!)牛腩都煮得好好, 好林好入味, 切晒細細粒, 容易食!還有一個常餐, 呢個係「越南海防米線」, 即係咩呀???原來係真係自己煲的豬骨湯+ 蕃茄蛋肉碎的米線,個湯好真材實料, 好飲呀!跟餐有牛油豬仔包, 又係好脆好好食啊! 太滿足的一餐了~今晚係個湯稍咸, 其他所有嘢都好好食, 極力推介!

今日下午 4 點鐘要去旺角學整蛋糕, 知道呢間澳門翠苑咁出名, 順便嚟試吓, 叫咗個 常餐A, $28 有螺絲粉 + 鬆脆鮮油豬 + 熱咖啡先上咖啡, 真係並非浪得虛名, 果然夠晒香濃, 落咗兩包黃糖再飲, 好正之後到 螺絲粉, 好熱呀, 如果趕時間的話, 最好叫過第2 樣了, 因為要攤凍一陣至可以食, 味道唔錯嫁, 又大碗, 食咗好耐, 最終都係食唔晒要放棄,有點可惜重點要試既梗係 鮮油豬啦, 嘩, 好鬆脆, 又夠熱喎, d 牛油又在半溶化狀熊, 好正啊, 食完仲想食多個, 下次嚟到旺角要再食過 埋單時同老細傾咗幾句, 原來隔籬既 澳門大豐新翠苑係佢既第 2 分店, 青衣第3 分店係最新開張

下午茶時間去到六時許，選擇也很多要了蕃茄薯仔湯螺絲粉 + 豬仔包 + 熱奶茶蕃茄薯仔湯螺絲粉及熱奶茶就一般，不過不失！ 豬仔包份量不少，可以二人分來吃。

一早鎖定這間想試很久的翠苑分店為弄頭髮前的午餐, 只是從街外望進店內發現坐無虛席,正打算找另一間餐廳之際, 原來數步之遙有另一個同是翠苑的舖位,還剛好有個近門口位置,真的太好了!簡略地看看餐牌己決定來個常餐A配馳名凍咖啡! 蕃茄薯仔甘筍牛腩粒螺絲粉用大飯碗送上,很有家庭風味; 店方用上雙色螺絲粉算是頗有誠意, 螺絲粉煮得有嚼頭,雖沒有彈牙感覺但也不是入口淋淋的水準,每條螺絲粉鎖住不少湯底真的好吃! 湯底很有老火湯感覺,蕃茄和甘筍早已煮得軟爛入口即溶,薯仔也是粉粉的很軟綿入味, 四件薯仔吃得我很滿足!! 幾粒牛腩粒雖然沒吃,但其肉味真為湯底生色不少!! 蕃茄湯濃郁鮮甜, 加上薯仔真的太對胃口了, 結果吃至碗底朝天,滿足!!鮮油豬仔包一分為二, 豬仔包烘得又熱又脆, 外表香脆中間柔軟,咔嚓咔嚓的吃至滿桌麵包屑....牛油份量看似不多,其實相當足夠!! 牛油很有牛油香,跟某些用上沒味道牛油的餐廳優勝很多,麵包熱度足夠所以牛油全都溶掉滲進包中,一咬下去竟會滴出牛油,勁!! 只是忘記加些砂糖做油砂包,失策極了!!一早聽聞翠苑凍咖啡非常出色,事實證明真的很讚!! 真的很有咖啡香而且還有after