澳洲牛奶公司

營業中

休息中

(承上華星冰室之食評)澳洲牛奶公司這個大名相信不用我多介紹了吧。年中都不時會來的, 多數都是吃早餐, 通常都不用等位。早餐 $24, 未坐定已經要想好吃什麼, 炒蛋 + 多士 + 火腿通粉基本上是固定公式, 來得多就自動波識叫的了。我計過, 落單後不出十秒, 奶茶便會出現, 未到第三十秒, 通粉「嗖」一聲的降臨枱上, 兩分鐘內什麼都到齊了, 絕無誇張。通粉湯鹹, 喝得多都幾口渴, 不過個通粉都不是重點。炒蛋呢, 全港佢認第二都無人敢認第一的了, 次次來都一樣的好吃, 鬆軟香滑兼備, 似乎下了牛奶去炒? 夾在兩片牛油多士內吃, 無以尚之呀! 我就有時喝奶茶有時喝咖啡, 味道正常。來得澳牛只要記住一個字 - 快! 整個服務的流程極之 synchronised, (如果你可以) 坐久一點的話, 就會留意得到這奧妙的流水作業。吃得快的人, 不出五分鐘已可俾錢出門口。我吃得慢一點, 10 分鐘啦, 都幾急的。侍應當然不會得閒同你打牙骹啦, 但服務講真唔算差的, 我來過幾次都認為無問題, 至少他們會耐唔耐問下你啲嘢齊未 (其實根本不用問, 佢地記得哂), 也不會黑口黑面 (那有點面如玄檀之收銀阿姐

　　夜晚八點幾去到，全場爆滿，好彩岩岩有人走，於是乎坐左二人卡座(面壁思過枱)。我地叫左兩個茶餐，由落單到第一碟野到真係十秒都無，世界級快餐店 --- 老麥 --- 大概都無咁o既速度，難怪旅遊小冊子都要介紹佢啦。　　我地叫左兩個餐，所以就盡量轉唔同款兩個人分黎食。叉燒湯意同叉燒通粉基本上無咩分別，有人話呢度通粉好好食，但基本上我地唔覺得有咩特別。如果只係無煮過火就值得歌頌(好多地方煮湯意都會過火)，咁呢度算係唔錯囉。至於個湯... 典型茶餐廳雞粉豉油湯。　　火腿雙蛋方飽正常黎左一份，另一份我地轉左炒蛋治。我之前無幫襯過唔知澳牛炒蛋可以幾出神入化，但就我食到呢份炒蛋治同煎蛋黎講算新嫩多汁有蛋香，屬中上品。　　餐飲跟左凍檸水同凍奶茶，檸片新鮮無苦味，奶茶就唔清楚喇，因為唔係我飲o既。　　計價錢當然係叫茶餐比較抵，勉強可以當一餐。如果你只想食好食o既野，炒蛋治加茶應該係唯一選擇，就係貴左少少又唔飽咁啫。有人話呢度D甜品同義順有得比，我無食過澳牛甜品，之但係你入去眼見食炒蛋o既人數同甜品o既人數，就知道嗌咩食應該最有質素。　　多口講句，食客一多出菜多，廚房就無可能有穩定水準，所以去澳牛切忌期

是日到澳牛朝聖，早上已有人排隊，幸好侍應也不是省油的燈，五分鐘左右就能騰出一個卡座給我坐下。立即叫了一個快餐飲凍奶茶，正打算拿出手機倒數上餐會花多少分鐘時，炒蛋就已比我先一步到達...過程少於一分鐘。 炒蛋依舊香滑得像忌廉湯一樣，厚多士烘得剛脆，和炒蛋是天造地設的一對。凍奶茶濃滑充滿奶味，比那些強調自己用日本奶的強多了。 坐了十分鐘就乖乖讓座，讓其他人體驗這美妙的炒蛋。 侍應服務其實不錯，沒有迫我走之餘，有一個看見我在拍照還笑說自己也被雜誌偷拍了一張做了明星，和我開玩笑。 也許飲食業界就是這樣，你識做時他也會識做，大家有來有往，相反也是？

After being told that I must go to the famous Australia Dairy Company, I ventured over one Saturday afternoon.Before going, make sure you note a few things:-You WILL share a table if you don't have 4 people-You will get about 15 min to eat your foodIf you're ok with the caveats then you can go for the experience.The menu is fairly extensive but really pretty much everyone gets the set. Either fried or scrambled eggs, toast and macaroni soup.The eggs were ok, but too salty. Nothing that made them

R係學校補完課之後,就趕住同Esperanza既盟友出發,去到呢一間勁出名既澳洲牛奶公司。搭西鐵去到柯士甸站之後,我呢個路痴唯有跟住盟友行啦,但行下行下,發現原來R上年都來過呢到附近。係上年既跆拳道學界,R同埋D師弟妹去過附近既體育館,當時都有打算試下呢間澳洲牛奶公司,可惜因為太多人,就係隔離既一間糖水鋪食野算啦...講返澳洲牛奶公司先,我地一行兩人,叫左兩個茶餐,同埋凍檸茶,凍奶茶。炒蛋--凍既,火腿--凍既。下!!咩事呀? 點解送上來D野,係凍既?而且都D炒蛋好溼..半生不熟..好聽D,可以講做滑既..不過件牛油多士好好食,夠脆,夠香!通粉不過不失,又係一般野。湯底無咩味,但唔知點解幾深色..有D怪。最後R飲既凍奶茶! 細細杯,用碎冰。夠凍夠滑,奶味夠..但飲唔到咩茶味,但都叫做過得去既。其實R覺得..如果為左森美同呢間野既名聲,去下都OK但經常去就唔好啦..因為D野自己都做到..

Been there a zillion times. This time is about showing a Taiwanese friend about the HK cha chaan teng culture, also for something small in portions as this is our 2nd spot for our dinner!For this place, Scramble eggs in toasts is THE thing. Eggs cooked in perfection - tender, slightly moist and fragrant, and toast is about twice as thick compare to market average. Such simple thing but not easy to be done so nicely and so quickly - basically they never fail to deliver your order within 5 min

尋日係屋企發悶, 心血來潮搵咗個朋友去食返個tea. 雖然好耐冇食過, 但味道仍然同以前一模一樣, 特別係隻煎蛋真係好味到不得了. 一個茶餐$28, 有叉燒意, 多士2塊, 2隻煎蛋, 2小塊火腿, 呢個價錢唔算貴. 另外凍飲+$2, 雖然細細杯, 但比足檸檬, 茶味十足. 好野真係不妨一食再食呀 ^^

六月二十六日 (星期六)上一次來是五月頭,亦即是差不多個多月沒來過,很掛住這裡的炒蛋和多士呢今天下起大雨,但我們仍照原訂計劃,到澳牛吃午餐還以為因此來的食客會減少,豈料都是要排隊,而且還要排到後面的糖水鋪呢幸好,隊的前行速度還是預期的快不消十五分鐘,我們已經坐下來午餐我選了义燒通,老公仔則點了牛肉通仍舊是配角,不過牛肉還真不錯今日的多士似乎稔了少許炒蛋當然是全港最好味的!

我最欣賞佢既紅豆冰.紅豆軟硬適中, 大杯又有鮮奶香味, 每次去都好想食佢.只不過有時食套餐太飽食唔落.至於套餐既湯, 我就覺得太鹹, 炒蛋多士奶茶都超好味, 不過份量對我黎講就多左些少, 食唔晒.有好多人話此店伙計態度唔好, 我覺得佢地好有生命力, 好落力咁幫客人搵位, 只係落單時個腦要跟佢地轉得一樣快....要炒蛋定煎蛋....多士定方包...等等.

下午5點零去到,好彩都唔係好多人....唔洗等位就有得坐卡位~嗌左兩個茶餐,加個蛋白燉鮮奶~叉燒通/意粉都冇乜特別....炒蛋真係好有蛋味,好滑,應該加左好多牛油....不過真係幾好味...厚多士都好正~塊火腿就勁普通....凍奶茶都幾好味~叫左蛋白燉鮮奶,佢上左熱既,叫佢換番凍既佢都冇話我,好意外~!!食完我都唔敢多留,即走~茶餐+凍飲$30,貴左少少~

星期日下午來到吃個Brunch~一到門口,嘩好長人龍,不過都好快就有得入座。舖頭裡擠滿了人,很迫。餐牌都無睇,同男友點了兩個茶餐($28),眼見差不多人人都吃茶餐。牛油多士: 唔洗加錢的多士,好香的牛油味,麵包軟綿綿,外面略烘至金黃色,索晒牛油的香味,好好味。叉燒意粉: 叉燒好甜。原來可以轉牛肉/火腿意粉/通粉。牛奶炒蛋: 都好滑,不過蛋有點散。熱谷古: 好少地方有得飲谷古,一路都唔知係咩味,見到呢到有所以試一下,其實同華田差唔多,唔覺有朱古力味。食到咁上下,我地想叫飲品,不過有性格侍應唔畀我地叫,因為我地未食晒d野,張枱唔夠位。結果我地快快食少d,清少隻碟,先可以點飲品。在這裡食野,好趕急,我個頭將最後一口炒蛋放入口,放低隻叉,侍應已立即伸手拎走我隻碟。男友見到侍應咁快手,直頭未食完都唔敢抬頭,怕侍應收左佢碟意粉。真有壓迫感。無論係侍應,廚房同.............食客都唔敢怠慢。

久不久就會想吃一次澳牛，某天有人提及炒蛋癮又泛起了；hmm對上一次大概是半年前?對那個通粉沒有大興趣喇，也不喜歡它那奶味很重的咖啡，二人就分吃了一個常餐和一份腿蛋治。剛坐下時其實有看到同桌的食客那份炒蛋是很碎和有點乾，就好像最近的一些食評所說的囉! 但幸好我們的那份水準屬正常，炒蛋癮也算是順利地滿足了啊 跟餐的那份多士也烘得剛好，就趁還有熱度時把它弄成「油砂多」滿足甜齒(!)散叫的三文治的蛋也夠嫰滑和澎湃，二人分吃一份剛好 (說到這裏，又想起廣成冰室的蛋治囉!)。通粉的叉燒出奇地不難吃(!)，但通粉就一貫地淋得老幼皆宜喇。下次炒蛋癮泛起又會是何時?

經過一輪等打靶一樣既輪侯，一野俾班 MK 侍應指左去角落頭左。落單果然係要小心，對 MK 哥態度要尊敬，對答要快狠準，轉數要快，唔準答錯野，總知就係你入去係乞食。炒蛋一食就知加左奶，唔錯。但外面一樣好多地方做到。其他茶餐廳 waiter 反應快，食物賣相靚，坐得又舒服過佢。完全唔明點解咁多人反而去呢間野受罪。俾錢重要入去乞食咁 ？我真係覺得無需要做得咁折墮囉。永不錄用。

一向都知要嚟這裡食嘢,就好似同時間玩遊戲一樣,一味要快快快,叫嘢要快食嘢要快埋單都要快,不過我忍因為想食這兒ga炒蛋多士擺了 但隨著人流越嚟越多,現在除了要快之外還得在門外排隊,這......都不緊要,最失望係這兒ga炒蛋水準下降了呢!!!炒蛋沒有以前般香滑,連蛋味也少了 若果沒有了我愛食ga炒蛋,那我已經沒借口再嚟這兒等位,亦沒有必要食那麼急了,倒不如搵一間食得過又自在點ga餐廳吧 火腿通粉 - 腿通不過不失唔夠熱,記得加這裡ga楜椒粉勁正ar 炒蛋多士 - 多士水準依舊可惜是炒蛋沒有以前般香滑,連蛋味也少了 餐熱奶茶 - 我除了奶味之外,一點茶味也找不著呢

已經很久沒有惠顧澳奶了, 星期6沒有回公司, 一朝早由屯門跑到佐敦去回味一下到了門口, 驚見長長人龍, 以前都是一樣多人, 但不會嚴重到要排隊吧, 不過也沒關係, 心想好食就自然多人排隊~~好彩澳奶特色就是不會比你坐得耐, 所以不一回便有位了和朋友一樣點了早餐, 轉炒蛋多士!不一會食物已上台, 先來火腿通粉, 普通啦, 不過不失, 只要不是難食便可接受~~再上台的是炒蛋多士, 呢個係成份早餐既精華來, 好期待, 但一見到炒蛋已深知不妙, 濕到一PAT PAT, 不要以為是因為炒得滑的滑蛋, 睇得出不是滑蛋, 吃了一啖, 只覺得好濕, 吃糊仔一樣, 又沒有蛋味, 我好想知佢加左幾多水來炒, 是否不夠蛋用多士呢, 厚是厚, 但完全沒有多士感覺, 像吃普通白麵包一樣, 不脆, 不夠熱, 只是表面有少少顏色便叫多士=0=" 真令人非常之失望出名是茶餐, 早餐中的炒蛋多士, 其實這都是普通食物, 要是肯自己在家做都不難, 但人有時就是懶, 每日趕返工, 返學, 不會有時間自己動手煮, 想吃好味早餐就會想到茶餐廳, 而澳奶會是一間令人想到的好味茶餐廳, 然而今日的水準, 卻差得過我自己在家做, 那