澳洲牛奶公司

營業中

休息中

剛好路過澳牛便入去吃午餐不用5分鐘便很快入座了上菜速度一如以往的快速,味道始終如一炒蛋很滑很香,而且份量多未試過的,一定要試這裡的炒蛋,一試難忘而通粉份量也很多很大份一名女生吃真的差點吃不完

好耐冇食燉奶，呢日要去尖沙咀，專登早啲出門口，去澳牛食燉奶！真係好耐冇黎，仍然係咁受歡迎，平日下午都要排隊，不過好快就有位喇！天氣咁熱，緊係要食凍燉奶朋友就叫左茶餐通粉、炒蛋、多士、凍奶茶話明光速餐，好快就有得食！好滑好滑，而且奶味好濃，超級好味呀茶餐都到喇！最鍾意食厚多士，呢度整得夠晒脆，又唔會太燶炒蛋都好滑，不過食到最後會覺得有少少油膩，同朋友share就啱啱好叉燒通粉個湯就咸左少少，如果淡啲會更好奶茶就一如以往的好啦

牛奶公司是我的童年回憶，已經闊別很多年了，今時今日的味道仍然如初。公司通粉沒什麼特別，分量很足，通粉煮得有點太lum，整體來說味道還不錯，我很喜歡這裡的炒蛋，雞蛋味很香濃，不是很滑，但是口感很綿密，趁熱辣辣時吃最適合了。至於蛋白燉鮮奶，相信不必多言，鮮奶的味道很香，入口即化，甜度剛好，不會有一般燉奶那種很膠很人工的甜味，滑進口腔中就化成淡淡的鮮奶味和甜味，熱食比凍食更香滑。沒有令人失望，尤其是燉奶，是來佐敦必定要嚐嚐的甜食。

香港快餐文化，就是快靚正講就容易，做就難過登天！在呢個寸金尺土的地方，平不是話有就有，做到平又未必會好味，好味正常是慢功出細貨，所以速度未必快，顯而易見快靚正茶記根本少之有少。而香港最有名於快靚正的茶餐廳，澳牛必屬三甲。你見它人龍不斷，但其實話等又唔係等好耐，半個鐘必入。叫了一份茶餐，由入座、落單、上桌，前後不到3分鐘，完美表現「快」之美。茶餐中，炒蛋絕對是主角。炒蛋要有蛋香，要滑口而不可以「削」。它是表現一如既往的好，不論由色水、味道、質感，都非常出色，蛋香夠，蛋味濃但有嫰滑的口感，質感實在不像加上太多忌廉般易散開，好味！其次多士要厚身，烘得脆口，那才有外脆內軟的口感，這裡同樣出色！一啖炒蛋多士一啖凍鮮奶，何等的滋味享受，都只是$38蚊，你話咁還不是快靚正的表表者嗎

慕名而來一試，給我的印象，座位很迫，成間鋪的員工無一個有笑容，一埋位睇都未睇餐牌，伙記就走過來問你食咩，態度不友善，由於未睇得切，知道講遲啲都死，所以就求其點個茶餐，個伙記就好機械式問你：「通粉丶意粉？ 煎蛋、炒蛋？ 方包丶多士?」想講埋飲咩，就俾個夥計窒住：「冇位擺呀！遲啲先叫！」到啲食物到嘅時候，個伙記問：「邊個火腿、煎蛋丶多士」因為四個人之中，得我叫煎蛋多士，咁我咪舉手囉，點知其餘兩位搭枱仁兄竟然又舉手，跟住個夥計就發老脾 「Xx！唔好係又舉唔係又舉！」個客馬上都講「唔好意思，我聽錯」，喂，舉錯手啫，唔使講粗口咁惡吓話。食物方面，唔係傳聞中咁好食囉，通粉啲湯又咸，多士烘不夠，涷奶茶太多奶且很細杯，最緊要係唔值$48一個普通茶餐。 我只可以講，不會再幫襯。

星期日下午茶時段！同細妹去左澳洲牛奶公司食野呢度炒蛋真是一流冇得頂！所以每一次都會叫他的炒蛋多士。一坐低 秒速落單茶餐就是、炒蛋、多士，叉燒意粉就這讓完成了下單的程序隨後就是等食物送上！通常1-2分鐘就有首先食多士，外脆內軟，麵包軟綿綿超好食！再試試炒蛋，又香又滑，正呀！湯意粉有好多片叉燒，我比較鍾意食爽口既意粉，呢度既意粉對我黎講真係夠爽口跟住食到一半再叫埋杯餐飲，熱奶茶好香濃，真係同出面好唔同！茶底真係好有茶味 好香！一定要試！而細妺叫既凍奶茶都好好飲！服務員就普普通通！出面有好多人排隊！食完立即埋單走

前幾日同個好耐無番hk既朋友行街,同佢一齊去拜訪下澳洲牛奶公司,聽就聽得多,出名排長龍,所以如果唔係朋友番黎香港,我諗我都唔會去,黎到門口,又唔係見到特別多人喎,入到去好多都係搭台,大家有大家食,遊客唔算好多,一坐低,望左2下餐牌,侍應就問食咩,其實都係試佢炒蛋既,但好似太快就會跟唔到佢節奏咁😂朋友落完單唔記得叫野飲就開始同我講野,個侍應哥仔就叫我地唔好講野住,都幾搞笑啊😅人地女孩子大熱天時行完街諗住照照鏡佢又唔比,有呢個規矩嫁咩?😂常餐到,其實講真,佢個常餐都ok好食,可能因為佢既做法外傳左?炒蛋雖然係滑,但無講到天上有,地下無既感覺,中規中矩,不過不失,但講到服務質素喇,真係可一不可再,好多人都話澳牛係比錢買難受,我都終於深深體會到了😂😂

光速餐並不是浪得虛名，今天心癮起又要過黎食！黎呢度食只需要選擇炒蛋/炒蛋，多士/方飽！我最鍾意食牛肉湯意粉，加埋無敵胡椒粉，超正！意粉放耐左唔會變腍！個炒蛋相當幻囗，夾多士食正到爆！加埋杯凍奶茶，茶香奶滑，超級滿足！

好耐冇幫襯過澳牛，是日在女童軍總會五點二左右教完興趣章課程後趕住要六點九返到元朗兼職開工，所以決定到此開餐，感謝從未試過澳牛的好友專登來陪我食，我地等咗唔係好耐就可以坐底諗食乜~~~見到快餐就叫咗，好友飲凍奶茶，我就另外叫咗支牛奶飲，因為我太耐冇飲過玻璃樽牛奶（其實去便利店應該平成倍= =)叉燒意粉，在澳牛預咗乜都要快，我們要兩分鐘內諗定要食乜飲乜，食物都上得快，所以唔好諗佢的賣相係有幾好~~~我個人喜歡厚多士，熱得來又落足牛油，在短短十幾分鐘內完成用餐同枱的兩位自由行女士叫埋單先，我見我和好友都準備走就叫伙記幫我們埋數~~~初初伙記寫咗一百蚊的紙仔我即刻表示我們一個餐加一個鮮奶冇可能咁貴，原來伙記以為同枱的兩位自由行女士那碗食物是我們的（圖中鮮奶旁邊果碗），好在佢地未俾錢，趕及改返佢地條數，否則我和好友或者伙記有機會食咗呢三十蚊的死貓= ="下次有機會再幫襯澳牛真的要小心，否則人地食野，自己幫人埋數就唔抵架啦！

講真 同我屋企樓下的茶餐廳味道差不多 不太值得等這麼久......叉燒意粉只得幾塊叉燒、而且味道普通、沒甚麼特別之處多士烘得脆囗 炒蛋滑但有點油奶茶幾香滑 但茶味不夠濃食物送到、進食過程到結帳只花了15-20分鐘左右，比排隊等候的時間快假日想要享受早餐慢慢進食的人這裡就不太合適了！

一個月食1-2次,水準冇變過,炒蛋實在冇得彈,我最鍾意就係同屋企人一齊食澳牛茶餐,食極都唔厭我就最鍾意食茶餐炒蛋多烘底(熱辣辣嘅多士配牛油係最好味)叉燒通粉熱好立克/熱華田/熱奶茶唔使1分鐘就上菜,真係快靚正侍應其實好體貼,見你拎住個袋唔方便,會開張圓凳比你擺嘢侍應都係熱情,見有遊客就傾多幾句,推介吓澳牛招牌菜一聞餐廳嘅水準,咁多年冇變過,真係有實力炒蛋仲係咁滑,多士仲係熱辣辣落去有牛油嘅味道,奶茶嘅奶.茶比例啱啱好,真係好難得揾倒間接近完美嘅餐廳

Went to Australian Dairy Company for lunch with a friend who recently returned to Hong Kong from Sydney, Australia for the semester break. How ironic. Despite we believe this restaurant has nothing to do with Australia. There was a long queue outside at around noon on the Saturday. The wait was rather short relatively speaking. Well, the restaurant is known for its efficiency after all. We shared a table with a couple. Sharing table is the rule at this restaurant if you don’t have enough people

路經佐敦, 第一時間諗串串貢澳牛,細個去親佐敦睇醫生媽媽都會帶我食澳牛, 真係由細食到大架!七點左右到左, 都唔洗點等, 都係跟啲伙記哥哥指示安排入座~由於我同我男朋友都幾大舊, 去到個卡位,我問伙記哥哥我地係咪要兩個坐一邊(驚唔跟指示會俾人小哈哈),佢用串串地又搞笑嘅tone回應我地:你地兩個咁大隻一人一邊啦(內含粗口)~雖然佢都串串地咁應我地, 但聽到夾雜廣東話粗口嘅對話,真係有份香港人先明嘅親切感...坐低真係諗都唔洗諗, 大家各要一個茶餐~只要跟住伙記哥哥嘅引導, 你就會好快完成點餐嘅動作"通粉?意粉?" "煎蛋?炒蛋?"而餐飲就會係你食到一半嘅時候, 伙記哥哥就會主動埋黎問你飲咩~澳牛嘅節奏就係咁快~落單唔洗一分鐘,就上左"煎蛋+火腿+多士"同"炒蛋+火腿+多士"真係好快呀~~~~~~~~~一如概往, 炒蛋依然滑溜有蛋香, 牛油多士外脆內軟, 真係食極都唔會厭!唔洗隔幾耐, 叉燒湯意粉同叉燒湯通粉都到左,識食一定係飲啖湯先, 湯係好飲嘅!佢係似雞湯咁, 配埋叉燒係個好正嘅配搭~但係通粉意粉麵質都偏林, 令成個粉質素真係DOWN GRADE晒!餐茶就叫左凍奶茶同凍檸茶~好彩餐茶

周日天晨早起床天清氣朗☀️行完海濱晨運🚶🏻‍♂️🚶🏻‍♀️腦袋閃起澳奶這就來了想吃就吃一如既往，條龍長到🤦🏻‍♀️但 ⋯但 ⋯但⋯真係好好味飽嚐一頓豐富又美味的早餐後滿足了一個美好的早晨後記：等位時需20分鐘～

不愉快經歷！服務態度差勁。送餐時，我答遲一秒，送多兩句粗口。請他們寫單時還把單飛在枱上。香港的茶餐室服務態度差是常見的事，但沒想到是這麼的。如果我有親友從外國回來，我一定不會帶他們去試這間食肆，以免失禮。而食物方面，他們的火腿通粉亦可算是不錯。