澳南閣餐廳 (已結業)

叫左下午茶炸比沙律同酸菜魚、炸比普通、有香草味、沙律有大紅豆、但太甜、酸菜魚等左30分鐘都未見、問就話煮緊唔取消得、40分鐘終於見到、味道正常、魚份量多、但係真係唔酸唔辣、完全唔係酸菜魚囉、服務ok、起碼會幫你跟、不過不失

這餐廳的肉餅是會令人想念的我又回來了水準依然 九點令去食老闆知道係熟客會例水任飲老闆推薦秋冬新菜 荔芋火鴨煲 男人最愛之一送飯一流不會太鹹太膩兩人去食 由於餸都比較大碟太飽 吃不下 加不到油菜😂將軍澳小店來說真不錯

呢間茶記嘅小菜真係好味又抵食，服務質素我會比100分，因為有厚厚的人情味，老闆同老闆娘大大聲話唔好食唔收錢，我問佢唔怕人講大話呃免費餐，老闆娘好有信心話唔會，就係呢份對人嘅信任，加上鑊氣十足嘅小菜，真正無味精靚湯，呢間街坊小店，值得一試再試。而且仲時不時有新菜式出，最近嘅酸菜魚，份量十足，比起好多主打酸菜魚嘅店更美味，叫人欲罷不能地回頭基本上每個星期都要去食一次先安樂，將軍澳難得抵食又好味嘅餐廳，必食推介。

難得屋企附近有茶餐廳，呢朝特登走去外賣早餐，叫左4個常餐，整體服務好，出餐速度快，下次有興趣試下佢地既小菜。《沙爹牛肉公仔麵餐 $36》配香滑炒蛋、牛油多士，連飲品一杯。沙爹牛份量不少，口感嫩滑唔會好粉，仲食到醬汁少少花生味。公仔麵唔會煮得過腍，炒滑蛋浸埋落沙爹牛湯底，索曬d汁又幾唔錯。《火腿通粉餐 $32》同樣香滑炒蛋、牛油多士，呢款口味清淡健康啲，特別中意佢地會加幾條生菜，細心之餘亦令成個早餐更豐富。厚切多士沾滿牛油，但烘得比較乾身少少。

今個星期六打電話叫了1個魚香茄子煲和1個黃金鮮尤外賣中餐20分鐘有得取，2個餐應該包小菜，飯，中湯和飲品，不過今晚落單時無話送完中湯，到取餐時話送完有D失望叫我明天再過來攞番，今天打電話去講番昨晚情況想取回2個中湯，點知太子爺話要有幫襯才可以攞番唔係貪你2碗湯係誠信問題，其實之前外賣都有8折依家變了得番9折無咁抵，而且小菜味道一般份量唔算多，這間餐廳我會Black List 唔會再幫襯，反正附近都有其他餐廳可以選擇。

日日午餐/晚餐都唔同久唔久會有新菜老闆差唔多日日喺鋪面 同客人吹水 佢地係家庭式經營老闆個囝 媳婦 老婆 孫仔時不時都會出現今時今日茶記黎講算幾有心做推薦菜色：- 土魷肉餅令人一試難忘- 雞煲 夠惹味- 炒蟹 夠風味- 午餐 黑椒汁/咖哩汁 都到位 味道非常平民 是熟悉的味道 - 炒菜都夠鑊氣👆🏻呢啲係我平時成日食嘅菜色 有段時間真係日日落去食😂唔駛用腦諗食咩 幾好 外賣自取有折個肉餅拎返屋企 再焗返5分鐘翻熱 仲香口👆🏻👆🏻真心推介😎唯美中不足 野食偏多油 不過中菜黎講 似乎油 是必須的

食物確實可以，但管理太差，立足在此做街坊生意，樓面不專業，不細心，服務質素下降，重點是太子仔只會收錢，不會協助管理，帶頭做好，唉！別以為獨市，旁邊還有一問王牌，寶盈的樓面的主動比此食品醒幾倍！😰😰😰

🐷🐷🐷🐷▪️蜜椒薯仔牛柳粒煲($85)呢個煲牛柳粒嘅份量比我想像中嘅多，絕對冇偷工減料。薯仔粒加上蜜糖食落幾香甜，有少少似食緊甜薯😙 牛柳粒就比更煙銀有口感，油脂味較輕而牛味較重，係食多啲都唔會有罪惡感嗰種~ 整體而言鹹甜配合得幾好🙊〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️椒鹽肉排($78)我同男朋友一向對椒鹽嘅菜式要求都比較高，曾經食過一啲椒鹽xx有齊晒咁多隻ingredients但完全無若味既感覺😗 不過呢間嘅椒鹽肉排都叫冇令到我哋失望，整體而言香口惹味，食得出鑊氣比較重，而且份量十足，亦都夠晒重口味。〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️瑤柱竹笙扒時菜($75)係全晚最出色既一道菜！蔬菜煮得軟硬適中，佢嘅醬汁比較杰身，撈埋瑤柱竹笙一齊食口感100分！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️雜果冰紅豆冰($8, $8)更餸叫嘢飲只係加$8，冇諗過雜果冰入面嘅雜果咁足粒，直情係三分之二杯都係雜果肉嚟嘅！但係我同男朋友就覺得紅豆冰嘅紅豆煮得唔係好夠懶爛，但整體而言都好抵叫。〰️〰️〰️〰️〰️〰️〰️4/5🐷〰️〰️〰️〰️〰️〰️〰️🔸Overall ($254)📍 澳南閣餐廳 (將軍澳)將軍澳至善街3號Savan

母親節我和仔仔選擇係“澳南閣”食，因為我們拎左scooter 係附近玩，見到呢到價錢唔貴，侍應又熱情就入去食晚餐了。可能陪仔仔玩得好耐我地兩人都好肚餓，我們決定叫得豐富一點慶祝母親節，燒汁蒜片牛柳粒 ～ 超多蒜片，牛柳粒吸哂d燒汁好入味，仲有洋蔥中芹菜呀，我超鍾意食配菜的。黑松露醬蝦球炒蛋 ～ 仔仔必點系列，大蝦夠爽，炒蛋痴住黑松露，每一口都好香，仔仔最愛大大啖蛋來送飯。鼓汁蒸倉魚 ～ 時間掌握得好好唔會過火， 魚拎到來即食，好滑，咁大條都比我同仔仔KO哂呢到每款小菜都會包飯和湯， 加5蚊仲有凍飲我地選擇左羅宋湯，檸檬利賓納，龍鳳可樂。羅宋湯好濃郁岩我。最後我地仲叫左碗糖水為母親節作結尾。仔仔話下次來玩Scooter ，一定要再係到食晚餐，因為岩佢口味喎。

最近將軍澳海旁附近開咗好多新餐廳，同屋企人都想試下，佢地小炒唔錯，鑊氣十足。另外，想食到家常便飯感覺，我地仲叫左清蒸魚，估唔到咁好味！呢個ok wor。🔻燒汁蒜片牛柳粒肉質嫩滑之外 燒汁味道岩岩好 唔會喊 好有蒜香味.🔻黃金鮮魷魚（推介）食出一陣陣鹹蛋香味 好正呀！魷魚好新鮮添.🔻魚香茄子肉鬆煲味道不過不失，建議魚香味可以再加重d.🔻豉汁蒸倉魚（推介）魚肉滑脫脫 仲有鮮味 師傅將豉汁爆香淋落去 好香好夠味人均消費：$120

天氣太熱唔想煮飯, 近近地試下將軍澳海濱附近既《澳南閣餐廳》～茶餐廳裝修，我地2個有得坐卡位，枱上放好了消毒用品及紙巾，讚！第一次黎咩都想試下，我地叫左黃金鮮魷（$85），用邪惡鹹蛋黃做脆漿香口惹味！澳南小炒皇（$85）用料好足，有韭菜、蝦仁、蝦乾、魷魚、最正係有菜脯，簡單的小炒已經好好味，送飯一流！蜜椒薯仔牛柳粒煲（$85）牛柳粒唔會好硬，味道不錯，薯仔炸過甜甜地好有驚喜，好正，差不多全部薯仔比我食晒！金銀蛋肉鬆浸時蔬（$68）仍然是大大的一碟，唔似有時有d餐廳得幾條菜份量咁少，用上湯浸菜心味道鮮甜！飲品方面，天氣熱當然想飲汽水，我地揀左加8蚊特飲鹹檸七和龍鳳可樂，原來龍鳳即是檸檬加青檸，值得一試！

尼排少左外左食飯，多左外賣自取～今日落樓下買飯時，發現尼間茶餐廳外賣自取有8折！抵！跟餐仲有湯飲😍2款都係中式湯～而且足料無味精！個人最愛羅宋湯，勁多蔬菜又夠酸！紅酒汁鮮茄焗牛脷（$52）牛脷夠淋好好食！面要佈滿芝士，趁熱食仲有少少拉絲咖～茄汁味好濃 紅酒味反而唔係好食到🤭鮮椰汁葡國雞（$58）好香椰汁味，食到有少少椰絲tim～薯仔同雞都好夠淋 可惜雞有少少骨碎，要小心食用兩個飯 夠哂3個人食～而且仲熱辣辣！

今日見攰攰地就自我放假一天唔煮飯🤣做一日無飯主婦就係屋企附近睇下買咩外賣食好無乜頭緒食啲咩好 就揀左間茶餐廳因為見到茶餐廳裝修幾靚懷舊風又帶一點時尚 環境乾淨是日晚餐又幾吸引仲做緊外賣自取8折優惠😋我地點左兩個餐欖菜肉鬆四季豆同 乾蔥豆豉雞煲配飯同例湯 再加2杯凍飲 兩個人都係$130真係好抵食🙈最重要係唔係得個價錢平 而係食物都有質素 好夠鑊氣份量又夠多 調味適中拎到返屋企都仲係熱👍總括來講兩個餸都好好食 送飯一流 跟餐嘅例湯都不馬虎 飲得出唔係普通味精湯除咗晚餐 都見到餐牌有好多款炒小菜 值得我哋下次黎encore ❤️

煮飯煮到悶的我，唔想再諗煮咩好，放工就同媽咪直接出去澳南閣食。點解會同媽咪來食，係因為同事住呢頭話呢間餐廳唔錯所以就來了。睇左餐牌就叫d媽咪和我係家都唔常煮的餸。黃金蝦@@佢的炸漿唔厚加咸香味勁濃的咸旦去炒真係一流。澳南小炒王@@ 蒜心好爽甜，又有齊腰果，蝦仁，什菇大什會夠大碟。蜜椒薯仔牛柳粒煲@@ 惹味之作，我好喜歡佢蜜汁甜甜地的牛柳又夠 嫩滑。清蒸盲曹@@ 即叫即蒸，火喉控制得剛剛好，冇咩細骨魚肉又夠滑。估唔到茶餐廳都咁有水準，大件夾抵食，餐飲我仲叫左龍鳳可樂爽下，而媽咪就飲紅豆奶茶，媽咪話奶茶好滑紅豆好淋成杯野都好正喎。

將軍澳天晉附近開左好多新餐廳，今日經過呢間茶餐廳，見價錢合宜又吾貴，仲有糖水食，一次過滿足兩個願望，就入左去一試店內好多卡位，坐得舒服！每張枱上仲細心附設左一枝消毒搓手液，呢個時勢真係窩心兩個人叫左兩個晚市套餐，每個餐包一碗飯、一碗湯及一杯飲品，七十幾蚊左右真心抵！碗湯仲講明無味精，又多料，又甜又好飲餸叫左咕嚕魚球同啫啫鷄煲尔球炸得好脆，鷄煲亦好香口最後仲叫左碗芝麻花生糊！好有驚喜好滑同吾會太甜！只係加廿蚊咋！真心推介呀