澄 (已結業)

大埔越開越多高汁日本食店，咁啱今日做冬，一於一家人嚟開心下。店舖位置對外區人士嚟講可能會比較難揾，但其實大埔人一睇 Google Map 都知大約喺邊。店面光鮮，舖頭內燈光明亮但又唔會覺得燦眼。細佬一早 book 左位，所以一入到去就有店員招呼。不得不讚店主細心，每個座位下面都有蘇位同差電器；而廁所乾淨得嚟仲係日本果種電暖廁板，好揼本喎喂！好講返野食，我就唔逐樣講，重點係大吞拿魚腩真係入口即溶；海膽一啖食晒滿足到暈；松葉蟹天婦羅粉薄鬆脆；紅酒鮟鱇魚魚肝清甜洽到好處；新鮮帆立貝壽司好爽口；日本蠔好大隻配埋自家制柚子醬，係一啲都唔漏，仲好有海水味。因為係細佬請客嘅關係，我都唔係好知埋單幾多，不過佢話價錢大約係 800 蚊位。呢個價錢有咁嘅質素，我都幾推薦大家去試下！完。