潮鮮薈自助燒烤專門店 (已結業)

係fb朋友tag左我話想食呢間串燒放題店，這間是在太子c2出口過條馬路就到好方便喔！星期一至四晚市收費係成人$218一位每張枱都有不同既調味粉同醬油我地有4個人有海鮮拼盤送喔～好開心呀！有龍蝦、魚、鮑魚、聖子、扇貝同蠔龍蝦就燒10ᴍɪɴs之後再落蒜蓉燒多3ᴍɪɴs 就食得了~鮑魚好大隻同好新鮮..聖子好長，好香～ 扇貝大大粒，仲可以落鹽調味一下～我地一坐底就好興奮，因為我地4個都係第一食呢種自動串燒燒烤，唔洗自己轉動食物，將食物放係上面就會自己轉，岩曬懶惰的我們。食物就自己出去拎的食物方面有好多選擇，有肉、蔬菜及丸類肉包括有羊、豬、牛、雞仲有好多款串串簡枱還有一個電磁爐，可以打邊爐，煮d菜食

最近想食串燒 咁見到佢新開就諗住去試下佢見佢有咁多款野食又有咁多調味粉 搞到好吸引咁🤭Book咗位都係要等嘅等嘅時候有人Walk in想攞位 都話無位啦然後我地等左15分鐘就有得食啦😀入座後每位送半隻龍蝦佢會比碟蒜蓉你調味 都幾好食啲食物種類其實唔係好多有啲想食多次佢冇晒都冇再refill啦個爐得好慢 燒好耐先有得食個麻辣火鍋好淡 唔吸引整體黎講我覺得都OK嘅普普通通食得飽 冇咩期望嘅話都可以接受嘅枱枱櫈櫈碟都唔係話太乾淨我哋食咗兩個鐘我哋後面嗰張枱都係冇人嘅唔明點解有位都唔俾人上嚟食唔知係咪要製造好多人食嘅感覺呢🤭

中伏，食物唔新鮮，個爐又唔夠力，4人枱要坐8個人，話就話任食但根本就食唔飽！兩個鐘都唔知燒得乜？燒隻雞翼都要20分鐘！4個人以上送海鮮盤，來到個爐放唔得多食下停下非常無趣！唔會再去，

潮鮮薈跟自家燒吧 ! 自家燒吧 好很多，自家燒吧有自助熟食，飲品和甜品款式多的是，而潮鮮薈只得泡芙，而泡芙雪藏得太硬，待了 10多分鐘都吃不得，而吃的品種都差不多，但在潮鮮薈食兩小時是唔夠飽，而自家燒吧 因有熟食覺得可飽肚，而飲品方便亦較多，所以潮鮮薈一定不會再吃。

兩個人想食燒烤，就選擇了這間任飲任食的bbq店。地點很好，好近太子地鐵站，去到發現樓下是小肥牛。入咗餐廳坐底，發現枱上好多醬汁和味粉，有我好鐘意的孜然粉同岩鹽，正。外面有兩個凍櫃俾我地攞食物，我哋攞咗雞柳、雞翼、雞腎、牛柳粒、菠蘿、粟米！雞料理都好好味，雞柳幾厚肉，是我最喜歡的食物。雞翼有兩款口味，原味同麻辣味，兩款都好掂！雞腎薄薄地，有少少辣味，幾爽口。但牛柳粒就唔得，唔知係燒耐咗定點，好像食牛肉乾，食咗一淡已經放棄。順帶一提，佢旁邊有個煲烚菜同烏冬，但就只提供水，所以都幾淡口，但就健康啲囉。

朋友想燒烤但又唔想曬，所以同佢去食室內燒烤~有肉有蔬菜任燒，仲有飲品甜品同麵類揀。我地一人送半隻龍蝦，所有海鮮同肉類等都有教埋要整幾耐，仲有計時器提供，唔怕食物太生~先講龍蝦，燒咗13分鐘既龍蝦食落好鮮甜~而雞翼有原味和麻辣味，燒十分鐘再搽蜜糖醬，然後再燒三至五分鐘。想食最好既味道就要耐心等🙈原味加咗醬之後皮脆肉嫩，好juicy 。麻辣雞翼就惹味d，雖然本身已經有辣味，但燒燒下覺得乾所以又搽醬，不過兩者毫無違和感，反而仲更加好味tim😋後來發現佢支雞翼叉有2枝野可以拮，能夠平衡雞翼不會掉下去，貼心！雞柳本身調味調得好夠，佢厚肉所以要燒耐d。雞腎就有少少辣味，十分爽口，而且切得薄薄哋，咁就唔使燒好耐都有得食~食得太多肉，梗係食返啲菜啦。燒烤爐隔離放咗一個煲俾我哋煮下菜呀，粟米，烏冬等等，唔使怕成餐都係食肉。最後燒埋棉花糖，滿足！

話說見到facebook廣告就一試其實懶人串串燒之前已經食過一間係觀塘的 款式多肉夠入味又有餐前熟食 不過就海鮮另外收費今次呢間4人以上送海鮮拼盤 我既批價係：龍蝦：味道一般 口感沒有爽口彈牙扇貝：鮮甜美味 不過燒熟左都係痴殻 食起來有點麻煩鮑魚：還可以 不過不失貴妃蜆：鮮甜美味配燒汁生蠔：燒完有意外驚喜口感有的似食既金蠔馬友：無試到因為樣子不吸引另外肉類都算多選擇，有牛有豬有雞翼雞軟骨羊肉，不過肉類多數無醃，試過哂所有肉類後發現雞軟骨、同豬頸肉係最好食 ，建議雞軟骨配燒汁，豬頸肉配沙茶醬另外仲有丸類同腸仔，我地食左9條台灣腸 ，佢係肥粗果隻好juicy 不過呢個燒烤爐係敗筆，真係令人有失望，佢個爐火力開到最高100 但係的野食都係燒好耐好耐先熟 我地第一回合燒左三個字先有得食 ，都係燒的丸呀 腸呀同豬頸肉，比起觀塘果間串串既烤爐 呢間真係差左的 變相係果2個鐘內你就要不停把握時間去加野落去燒 因為到2個鐘會趕你走 會同你講坐多過5分鐘就會收你加時費 $50蚊一人 但係我想反映係佢地個爐每次燒都估用左佢十分鐘 基本上係有的呃時間食到後其見工作人員會refill串串 廚房新鮮出係會一款肉

呢一排見係facebook post介紹到呢間無煙自動燒烤放題同燒海鮮 睇落幾吸引 就book黎試一試!.入到去檯面已經放左調味料6款同醬汁4款(最右果支係滨燒汁) 我最鐘意蜜糖燒肉汁 是特別調製的 咸甜夾雜 好適合加係丸類上😊.出面兩個大雪櫃放左已經特製鐵簽串好左嘅串燒👍🏼.食物款有丸類 肉類 蔬菜類 亦都有我鐘意嘅燒菠蘿🥰.開爐之後 只要將鐵簽放岩燒烤爐位置 串燒就會自動轉 😆.落左孜然粉同蜜糖燒肉汁嘅豬頸肉 好juicy野味😋.2個人去食 每人會有半邊龍蝦 🦞 放係爐底燒 再上蒜蓉 龍蝦好新鮮 肉質彈牙鮮甜 😄..燒烤嘅同時重有麻辣燙食 推介蜂巢豆腐 索晒麻辣汁 真係好好味🤤.自動燒烤真係好過癮 唔似平時傳統燒烤要眼定定望住驚燒到燶晒(平時我燒條腸好易變黑炭😂)👍🏼👍🏼👍🏼👍🏼又唔洗自己郁手轉黎轉去 嘆住冷氣的確好爽🙈🙈

初初以為呢家新開張，啲食評又好似幾好咁，所以就諗住去試試。但嘢食有啲失望，款式少就不在話，嘢食大多都好鹹。其次，如果有四個人或以上一枱，佢每人會送一set海鮮拼盤。但佢話冇貨嘅原因，結果有近一半都冇提供，包括廣島蠔、黑毛豬腩、牛肉丸、大啡菇等。另外，佢聲稱甜品會有雪糕泡芙、雪米糍同是日精選，結果淨係得泡芙提供，因為佢仲話其他冇貨。仲有佢話like咗佢facebook page，再逼你俾個五粒星，就可以每人送一杯Häagen-Dazs雪糕，但like完佢先話冇貨，無奈到爆。再者，佢有啲賤嘅一樣嘢係，差唔到夠鐘就熄咗少少燈同wifi，同埋收起一部份飲品。唔明點解佢要咁做。但都有嘢讚嘅，地方係幾闊落，職員態度都未算太差嘅。仲有，佢夠鐘都唔會趕人走，雖然佢會熄燈熄wifi收埋啲飲品。如果想體驗下自助串燒，都可以試。但我唔會再推介人嚟。

先前黎食阿牛火鍋果陣 有留意到呢間自助燒烤專門店 今日帶埋好友黎食店鋪乾淨企理, 成間店都無油煙味另外, 檯上有計時器⌛️同埋貼左係檯面既燒烤指南教你點樣燒有日本梅酒同清酒任飲唔想飲酒既仲有檸檬🍋水任食30幾款肉類🍖🥩同蔬菜🥬包括有：西班牙黑毛豬🐖M5和牛🐂雞翼, 雞軟骨, 台灣丸類, 多春魚🐟等等除左有唔同既罐裝啤酒🍻汽水🥤之外仲有枝裝茶同雪糕糯米糍可以任食任飲燒烤果程中可以灑上6種唔同既調味粉同3款醬汁每位入座既客人都可享有半邊龍蝦🦞第1次食呢款”懶人自轉燒烤放題”將串燒放上去就會自轉燒烤,完全唔洗自己郁手反轉燒, 唔驚會燒焦, 夠哂方便!

昨晚與友人敍會，一顆緊張嘅心去嘗試新菜色。四週環境同之前食評一樣，食物也多元化，與BBQ食物也差不多，當然四人去加送海鮮也另作別論。以下為大家分享一下1) 部分已醃製食物過分咸, 可能想掩蓋食物不新鮮或雪藏的味道2) 菜種類較小，因有小火煱，可以用作火鍋食法。3) 二人去享用一爐，六人去也同樣，大家只有二小時享用，請你想像一下時候夠唔夠用餐？4) 未用完餐就埋單，也沒有提醒盛餘用餐時間，也沒有介紹不同食物擺放地點，唔係見到隔離枱攞其他食物都唔知道有雪糕糯米糍享用5) 由於我哋冇察覺到用餐時間已過,去攞雪糕糯米, 職員問我哋是否需要加時間,當然我哋話無需要, 但佢哋語氣同態度極之不好。 為免再加深唔會我哋詢問剩餘食物可否繼續進食, 職員在請示上頭回答係可以,對我哋嚟講係唔想浪費食物, 但係職員轉頭就將我哋個 燒爐關掉, 食物根本仍未熟透我哋點樣可以繼續進食。 希望貴電能夠重視服務質素同員工嘅態度值得一讚係昨日 招待入席嗰位姐姐， 非常有禮貌同懂得彈性處理事件, 值得表揚。

夏日炎炎 又想燒野食 又唔想咁熱有咩選擇今次就去試下呢間無火放題燒烤 潮鮮薈仲要特登約齊四個朋友 因為四個人會送 海鮮盛肉盤四人檯都幾闊落 自動串串燒好岩好懶既我牛羊雞肉串 台灣腸 魷魚 午餐肉 多春魚 雞軟骨當中我個人特別特別推薦大家燒雞翼再配返唔同醬汁燒烤 個人最愛蜜糖燒肉汁飲品櫃有汽水 同多種茶 如果鍾愛飲酒 都可以試下梅酒/清酒 都係包埋之後上既海鮮盛肉盤 龍蝦甜美 飽魚好鮮 馬友魚配燒烤好香 帆立貝同蠔同樣鮮甜 因為今晚冇哂貴妃蚌 所以轉左蟶子比我地 但都好出色因為同平時明火燒烤唔同 餐廳都好貼心每張檯貼上作地建議大家既燒烤時間同方法雖然唔同平時燒野食但坐係度 掃下汁 嘆住冷氣傾住計咁食燒烤絕對岩香港人放工約朋友去聚下

今日同朋友去左太子店附近的新開串燒放題店食野，原來間店仲有放題打邊勞。但今次試下串燒放題先，下次先再試打邊爐。放題價錢唔貴只係218四個以上仲有海鮮拼盤送。一坐低職員就幫我地即時開着個爐，個爐係同我地平時韓燒或者曰式燒烤唔同佢係用電發熱，食物放上去佢會自己轉，勁方便，最岩懶惰既我。然後我哋就去攞食物啦，食物裏面呢有好多肉，有羊，豬，牛，另外有我最愛既午餐用同台腸。蔬菜就有有機菇，菜，秋葵，仲有番茄仔，菠蘿。因為我哋有四個人所以佢送咗個海鮮拼盤個海鮮拼盤份量勁多勁大又鮑魚，聖子，扇貝同龍蝦。由於我哋太肚餓嘅關係，已經放咗好食物落去燒但係個爐比較慢所以一開頭等左一陣先可以食。我覺得最出色係雞翼有麻辣味同蒜蓉味，麻辣味非常之出色味道啱啱好，我燒左好多串。另外枱上面都有好多調味料有孜然，粉辣味粉，豉油。仲有蜜糖味嘅醬料同埋辣醬嘅醬料，加埋落啲食物度真係好野味。而且佢哋啲員工都非常之好好熱心咁介紹我哋點樣燒啲海鮮。我哋燒緊嘢食嘅同時又可以燒埋海鮮啲鮑魚好大隻同埋啲龍蝦非常之鮮甜。所以我覺得今次嘅放題非常值回票價💕

見價錢唔貴，所以想試試。原來係呢個位，有印象！潮鮮薈喺二樓，行樓梯會經過火鍋店。餐廳面積唔算好大，但幾闊落嘅坐得舒服，尤其是應該係新開冇耐。除左梳化位，仲有一般方枱，基本上四人座位主，完全唔逼。自助燒烤方面 串串放上架中，自動會旋轉，只需要等待就可以食得，不定時幫啲串串查下醬汁，鍾意食辣可以加辣，惹味嘅可以加沙茶醬。除左串燒燒烤仲有火鍋，湯底係麻辣火鍋，配料有鴨血、黑柏業、鮮鵝腸，仲可以將串燒既食材放落去打邊爐。

It’s my first time to do BBQ like thisIt just rolls and grill by itself, while we have nothing to do hahahaaWe can simply focus on chatting and eating..There are a lot of foods and drinks!Kinda all-you-can-eat! Beef, pork, chicken (for meat)Pumpkin, corns, eggplant, tomatoes, okra, mushrooms (for veggies)Lobster, fish, abalone, oyster, scallop, razor clams (for seafood)All of them are very food in quality! No worry for the hygiene!Seafood bbq is especially tasty and fresh!It only costs $240 per