潮鮮薈自助燒烤專門店 (已結業)

我地兩個一向喜歡捐窿捐罅搵食，有時真係對飲食特別消息靈通，我朋友睇到佢一篇食評，介紹【潮鮮薈燒烤專門店】，「自轉」燒烤吧都係懶人包嘅福音，鍾意燒野食但又唔使郁手郁腳就食到燒烤嘢真係夠晒懶呀！大熱天時都可以嚟過吓串燒癮，最正喺以放題形式，一個價錢定晒預算，唔使就住就住食，名暢快、岩晒我。由地下拾級而上踏進潮鮮薈，座位間隔乾淨闊落，抽風系統亦做得不錯，亦可能係特製烤爐無煙無火！完全沒有煙霧瀰漫的感覺，以主打自助串燒放題的餐廳嚟講算係幾好。呢晚全場都好Full，等左陣就有位入Lu，嘩...雪櫃食物多達幾十款!!!全場眼見既都係任食串燒，好吸引呀！知道每日即製就更加開心，另外又有凍櫃Keep住D生冷野，都算係咁。枱面上既醬汁同調味料都唔少架！好正！醬汁方面有三款︰「秘制沙嗲醬、地獄韓燒醬同蜜糖燒肉汁」呢三款汁個味道都比較重，最喜歡秘制沙嗲醬因為有D...含有花生的醬汁，好似D雞肉串牛肉串淋上沙嗲醬，剛好一口 ...我食到最後個味蕾都唔太分得清邊款打邊款了。而調味料有六款︰「紅椒粉、孜然粉、味椒鹽、七味粉、岩鹽同淮鹽。」可以先將啲粉倒落去自己個盤到慢慢點嚟食。不過啲調味料都頗鹹，每次都係點少少嚟

之前黎過三樓阿牛火鍋，見二樓有呢間無火串燒店，燒雞翼一向是我喜愛，呢啲天氣嘆住冷氣都可以燒烤，確係第一次，而呢度是無火兼且自轉串住燒，岩哂我呢啲吃貨懶人。店子分了大廳及房間，好在一早訂了位，而且安排可以有房，按人頭收費，價錢親民。燒烤食材種類多，雞翼、雞軟骨、雞腎、牛肉、牛丸、豬肉、貢丸、羊肉、多春魚、魷魚、台灣腸、紅腸、腸仔、午餐肉，還有部分蔬果種類粟米、茄子、秋葵、車厘茄、菠蘿、棉花糖本身店子自家調製了三款醬汁，蜜糖燒肉汁、沙嗲汁、地獄韓燒汁，個人口味比較歡喜惹味濃味，他們也提供了幾種味粉配合，包括味椒、紅椒、七味、淮鹽、岩鹽同孜然，任君選擇，過癮也有沙律、涼拌小吃及冷麵四人或以上有免費海鮮拼盤送，真係唔講得笑，有龍蝦、鮑魚、馬友、海螺、扇貝、蠔、黑毛豬腩、澳洲牛丸，而且為令食客清楚掌握及控制燒烤時間同技巧，食店提供計時器同燒烤指南貓紙，溫馨提示食物烹調時間，十分窩心！除了汽水啤酒，連梅酒、清酒都係任飲除了串燒，店子另可提供免費麻辣燙給客人，讚啊！總結，食物👉🏻種類算多，海鮮質量也很新鮮價錢👉🏻性價比高

在太子地鐵站附近，很容易就找到。一行4人去姊妹眾會，見有自轉串燒所以試試。一去到已經很快安排入坐，然後5分鐘左右就有海鮮拼盤送上。有兩個雪櫃飲品自取，汽水無糖茶都有，另外有清酒梅酒。串燒亦係自己取，食物補貨速度也很快。枱上有貼紙介紹每樣食物的燒烤時間，不會燒過龍。食品種類算多，味道不錯，雞翼比較費時但味道很好。烤菠蘿，烤台灣腸，烤牛肉很好食，燒烤爐自己轉所以可以安心傾計，坐位很舒服，下次會再去食。

舊朋友聚會，大家相約happy下。食物好吃但服務質素差就唔會再去。首先，這個店其實有三層下面兩層做火鍋，第三層先係BBQ, 行上去有點累。不過，我地一班人有book左所以有房坐，本來好開心，但係問題就係燒得好慢, 燒唔切. 好在有個煲俾你滾下滾下，清湯或麻辣，不過無咩野可以滾，菜。四位以上送既拼盤海鮮有點不太fresh. 份量好大，同埋無時間燒晒。最好味辣既雞翼，雞軟骨 要椒鹽粉!棉花糖，好快得要睇實海鮮有點梅梅地，所以我地無燒，同埋無時間燒 好在有一個冰櫃，任飲！阿姐係甘話重有15分鐘，重點出面無客等，我吃緊最後一串立刻沖入來關爐。 第一次吃到趕頭趕命，任吃未吃飽都都係第一次。雞翼好想燒多兩隻。

經openrice book 枱4人以上有海鮮盤食, 仲有九折, 埋單每人$215, CP值高4 天前經openrice book 左枱(7:30pm), 原本當天3:30 pm confirm左我booking, 一小時後再通知我黎到要等半個鐘, 話上一張枱7:30pm 先食完. 預我8pm 先有枱。有可疑。我們7:30pm準時到達, 催左幾次. 7:45pm就有枱。我一向對放題/任食都冇咩好感, 但係間唔中都係會食下, 我認為最重要有一種心態, 比幾多錢, 就食到咩質素。兩小時任食, 經openrice book 枱4人以上有海鮮盤食, 海鮮按人頭份量, 海鮮的質素亦都係唔差, 都算新鮮, 亦都好好肉地, 唔係毫屎咁又乾又細粒的。第一次食呢啲自轉燒肉肉, 個爐比想像中燒得快熟, 每串食物的size亦比想像大件, 肉質唔差, 可媲美平時 $300幾蚊的燒肉放題。任飲汽水、啤酒、清酒、梅酒，當然酒也不要期望太高$215一位, 係好玩又抵食! 夠時間食得飽! 不過唔知點解我地就係感覺係keep住好忙同埋企晒起身! 值得一試！

第一次食嗰陣係1個禮拜前~好似~~緣分嘅指引，我同我姊妹一起有咗12年友誼—之—呢個第一次難忘嘅~~用餐經歷。話說~嗰排我哋都係行緊衰運，衰到貼地果隻，飲飲下水都可以比水逐親...點算？“唯食不破”~正所謂：民以食為天，喺吃貨面前，人生之最大意義就係嘗試好多好多好多美食，陶醉美食，生在美食，哇喔極之幸福於是乎，我哋到咗呢度——潮—鮮—薈——呢個名都極得意吖聽講係啱啱開咗冇幾耐wor~一入到去，即刻有一種既陌生又熟悉の感覺，環境佈置啱啱好，ok滿意，磁場啱feel。我哋都好期待，躍躍欲試，抵唔住美食誘惑~阿姐招呼我哋，服務態度都好好，好耐心，笑笑下同我哋做推薦好快set好爐，覺得一切都進行得好順暢好開心，傾吓偈~歎世界結果食到半個鐘左右，隨著姊妹一聲：覺得好幸福吖啪嗒，OMG竟然全場跳閘？爐熄嗮火，冷氣亦沒左o(╥﹏╥)o場上，抱怨、道歉嘅聲音四起，我同姊妹兩人拿著手機，然後面面相覷。我：烏鴉口！然後，一起笑左出聲，可能係我哋兩大衰神來臨，影響左呢度嘅正常運作？噓！幾得意吖，睇嘢嘅角度不同，就有別樣嘅樂趣！雖然發生左件呢d事，但係最尾處理都幾好，有補送番多d時間我哋，道歉都幾誠心，我哋都

旺角太子【抵食】$198放題 | 串燒火鍋 | 任食 | 龍蝦 | 貴妃蚌 | 打邊爐 | BBQ | 自助餐【無煙室內燒烤】梅酒丶日本清酒丶任飲食品質素:送個D海鮮唔錯, 燒個D都正常, 好多醬料俾人揀正餐廳環境: 要行樓梯呢下對老人家唔太好坐位舒適:坐卡位都算幾舒服價錢低食: 百幾蚊任食真係幾低個人感覺:2個鐘唔太夠時間, 佢有個打邊爐冇味詳細食評請到YOUTUBE 到睇啦^^

我時不時都會同同事推介下餐廳比對方，有一次佢好嬲又失望咁同我講，呢間串燒餐廳明明確認左佢個BOOKING，但係出席當日先致電通知由於比人包場，所以取消佢個BOOKING，呢個經營手法相當令人不滿。最後佢當然佢無試到呢間餐廳啦，估唔到佢因為咁而避過一「伏」。平時我好少寫放題餐廳既食評，因為食物種類太多，而OPENRICE可供上載既相片數量太少，齋文字既食評又太沉悶，但今次呢間真係唔評論唔得，因為真係唔想其他人中伏。環境及服務方面：講食物之前，先講呢度既服務、態度、環境。我比較好彩，BOOK左枱無比餐廳臨時放飛機，不過無論電話BOOK枱定入座，餐廳都無講限時2小時，理據係廣告牌有寫到，唔需要特別提客人。好，就同你講廣告牌，廣告中話「四位以上送既海鮮盛肉盤」，但實際並無黑毛豬腩件、牛肉丸、有機啡菇。失實。而呢個海鮮拼盤前前後後共吹左三次，最終係入座後9個字先送到，職員表示因為要新鮮劏。(注意只係新鮮劏，因為朋友表示份到既龍蝦肉係霉既，而我好彩無份到。)每樣海鮮如按餐廳指示既時間烹調，根本燒唔熟，仍然半生狀態，最終仲要加多十幾分鐘先燒熟。結果我地只燒龍蝦同鮑魚，貴妃蚌、魚、蠔、帆立貝全部放入邊

星期五放工Book咗7:30食呢個，唸住成班fd傾住計燒烤又可以打邊爐係吾錯既決定啦，點知中伏，嘢飲都算多種煩，但抽風系統真係麻麻，好彩我哋被安排左係VIP房入邊其中一張枱，坐得迫啲，當起碼空氣流通d.食物方面呢都有好多肉呀，豬牛羊雞都有得燒，同埋就有海鮮送～每人一隻龍蝦、鮑魚、扇貝、貴妃蚌等等，仲有得+1個火鍋煲，有清水同麻辣湯，因為我哋同台有人唔食辣，所以叫咗清水，點知真係「清」水-0- 最後落咗啲沙嗲醬幫補下！！而個燒烤爐方面，吾係好夠火力，結果最後我哋將啲食物放晒落水寫 haha.... 不過佢哋每一台都會有一set,味椒鹽、七味粉、辣粉、韓式燒烤醬、沙嗲醬... 用完啲調味料都幾似平時出面食嗰種燒烤既～但想叫d職員都好好受氣叫極都無反應，好似吾想做咁⋯其實整體都幾特別既，香港無乜呢類自轉既燒烤。

因為之前食過都叫正常，所以前兩日再去食！但訂枱時已經有小插曲！食前幾日透過WhatsApp 訂枱，reconfirm 亞姐是否有9折優惠，但亞姐答我要兩個星期前訂枱先有！但我明明係Facebook 睇到係食前兩小時訂已經有呢個優惠！Look晒Facebook 最尾個幾個post 都冇話係兩個星期前訂先有！我話甘樣唔太老實喎！之後亞姐就打翻黎話比返呢個offer 比我地...其實限兩小時食的確只係啱啱好咋！因為個爐一次過唔係可以燒到好多串的！比較大件嘅食物仲要隔住黎燒先轉到！太密就轉唔到的！加上個爐嘅火力一般，所以燒一轉都比較耐！遇著串得唔太好嘅食物，因為太重又轉唔到身，要自己整理一下！放唔準位又會燒唔到！講到明超時要加錢的！所以全程係好忙...大部分食物本身都係冇乜味的！要靠自己加調味粉的！比較好食d嘅係龍蝦、鮑魚、雞腎、雞軟骨同豬頸肉！不過坐係垃圾房隔離加上壞冷氣，真係食乜都好似唔係甘好食甘...去到竟然比張近後門垃圾房既枱比我地！見到已經唔開胃！係甘既衛生環境下進食的確幾嘔心...仲要遇上壞冷氣，對住個甘熱嘅爐，堅好似係桑拿房或者沙漠食飯甘！我一隻手攞住把風扇吹，另一隻除左食就係用

招呼差 態度差無冷氣 焗到難呼吸加水變著火 呀嬸閃得快過我 自轉得慢 兩個鐘都食唔飽 又話遲5分鐘要加$50。價錢吾值！自轉得個gimmick 環境一般差少少未食完阿姐都催我地走餐廳設計好差，冇通風系統，冷氣唔夠，抽氣扇又無，油煙不斷係餐廳入面，令到啲眼好痛

今晚約左7位中學同學happy friday，之前見到廣告新興的室內燒烤潮鮮薈，好似幾特別幾過癮，所以一早book左枱試下。今晚我地係book 7點，未到7點已經到左，但餐廳職員嚴重不足，行來行去不停問我地係米訂左枱就走，至少4次。終於等到7:15分先安排入座（但我地到時明明得幾枱）我地係book左7大1小。佢竟然安排一張6人枱比我地，好彩我地多女仔，逼埋一齊勉勉強強坐到，但安排令人有點失望！間餐廳係全自助，自助拎食物飲品自助燒自助調味。因為提早預定關係，送左個海鮮拼盤。有龍蝦，生蠔，鮑魚，扇貝，魚塊，象拔蚌，牛丸，冬茹。由於係7位大人，所以所有食物都係7件。各種海鮮都尚算新鮮，但鮑魚明顯無清洗乾淨，內臟令人反胃 而且無咩海鮮的鮮甜味，頗令人失望！食物種類選擇算多，牛肉，豬肉，羊肉，雞肉，雞翼，有辣有唔辣。蔬菜有秋葵，翠玉瓜，茄子，仲有芝士腸，台灣腸，廚師腸，獅子狗，魚蛋，午餐肉等等，不能盡錄。能夠滿足到燒烤慾望。至於爐就係上面燒串，下面燒海鮮。不得不講佢個爐既設計係不足以應付大量燒烤，開到最大腸仔蔬菜都要燒一段時間先熟，肉更加係keep住燒都未得，肚餓人士就千其唔好大量燒。而個爐會時

一個差勁的體驗，本住試新野心情去，帶著超失望心情回，最慘還是替朋友祝壽的日子，首先是冷氣及通風不足，中段還發生跳制事件，全場熄燈熄冷氣，擾攘數分鐘後才復原，令本來已很熱的地方更加熱，從沒試過要一邊食一邊撥扇，其次燒烤爐只有一邊可用，另一邊跟本不能用，因連接爐的鏈鬆脫，另外坐位安排有問題，食物種類不多，質素麻麻，唯一可取的地方是飲品種類多，但此乃食店，應食物致為總要，總括是一間令人一定不會回頭的食肆

串燒 - 正常，台灣腸，菠蘿👍🏻飲品 - 正常，但無可樂餐具 - 油笠笠，用紙巾擦有污跡洗手間 - 正常位置 - 算闊落入坐率 - 9成滿，有吉枱但唔人walk-in海鮮 -龍蝦，帶子正常魚片無食唔知如何鮑魚，螺 - 極不新鮮隻螺烤完放上碟到食，螺係有泡泡，成碟水但水是灰色的隻螺係臭架太嘔心，隻碟一張相都無影食完肚痾左一日食二個鐘，停二次電好在係二樓啫，要撘lift 的話燒死都唔知咩事明明有9折，埋單又話我地爆滿，無做優惠啦呢間野到底點x樣呀？？？食到把幾火

朋友生日當然要食好西啦！一於試一試呢款好玩又新潮的活動餐廳位子近太子站，非常容易搵到，而且門口大大個招牌，絕對一眼就睇得出啦！餐廳環境好寬敞，所有食品、飲品都是自助的，真係想食乜就自己拎啦！除左紙包飲品、罐裝飲品外，竟然會有日本清酒、梅酒任飲，真係好難得呀食物一串串地串好，而且都係雪住的，絕對係即夾即燒。操作簡單安全，只需要將每一串擺上去，之後就會自動轉動，食物大約7-15分鐘就可以食了。可以一邊等、一邊傾下計，真係幾好！而對於只等食嘅朋友嚟講，絕對係福利！另外，價錢仲會有海鮮食添，4人入座仲會有更多款式呀！大大隻、啖啖肉，好爽口！弱弱地說，其實餐廳配有各種醬汁，可以燒時落的，三款都好味，不過蜜汁燒肉汁就最夾的，值得一試！