潮軒打冷小菜粉麵 (已結業)

有人接收工就喺附近食個宵夜, 呢間有雞粥又可以打冷就決定呢間啦～西蘭花班球🔸太肚餓食咗先記得影相, 夠鑊氣, 魚都好夠味鹵水鵝🔸底有花生同豆腐, 淨係相都知鹵得夠入味, 肉質唔韌乳鴿一隻🔸朋友想食, 味道ok唔會好騷雞粥🔸係我太耐無食嗎? 佢係類似潮州粥, 面頭見到一層雞黃油, 裡面加咗薑絲同蔥, 味道唔會好鹹豉油皇鵝腸🔸呢碟勁野味, 鍾意重口味應該都會鍾意食, 夠鑊氣令到豉油味好出奇妙炒粉絲🔸個名就夠奇妙喇, 其實係少少海鮮蝦菜炒粉絲, 可惜太辣我食唔到總括黎講, 味道ok的, 正常質素, 4個人$4xx價錢都算抵食。

今晚唔想煮，一於落街食，好耐冇食潮州打冷就入去尋食一番先，原來除左打冷，還有小菜叫，睇見好多款式，而且價錢唔係好貴但人唔多叫唔到太多，費事食唔晒浪費，只係叫左：鵝片拼盤、潮州煎蠔餅和馬拉盞通菜。當d餸送來時，賣相吸引而且份量十足，急不及待試吓味道先：鵝片拼盤：都幾多種類，有（鵝片、鵝腸、豬頸肉、鹵水蛋、豬大腸、生腸、紅腸、墨魚、鴨腎、豬耳、芽菜和豆po）鹵水都幾好味，但好多都煮唔腍，入囗幾硬潮州煎蠔餅：味道幾好，入口幾脆，如多d蠔仔就好馬拉盞通菜：冇乜馬拉盞味，唔夠惹味，太多菜梗有d硬，如用煲仔或沙窩上會更好今晚呢餐味道比較差d，只可以講價錢適中份量足，但唔味美。

點解會去食：2018-11-02 行過城門河，想起河畔有打冷食物新鮮程度：⭐️⭐️⭐️即叫即整，蠔餅、炸豬手全部熱辣辣。椒鹽鴨舌、小炒王即叫即炒，足料。食物合適溫度：⭐️⭐️⭐️⭐️好新鮮，夠熱，但唔會熱到辣嘴。食物驚喜程度：⭐️⭐️⭐️⭐️豬手唔乾，仲幾 juicy。蠔餅都幾多蠔。—————————————————服務員態度：有效率。願意協助。—————————————————最重要係。。。我會唔會再去呢？重遊指數：⭐️⭐️⭐️

同女朋友係附近拍拖，順路去河畔花園開餐。河畔伊頭有唔少餐廳都食過，唯獨係打冷未試，所以決定去試下。一睇個餐牌已經覺得價錢抵食，可以放肆咁嗌。餐廳差都唔滿座咁濟，睇黎唔會差得去邊。先黎一碗細豬紅，但份量夠兩個人食有突。豬紅有韭菜墊底，兩樣都非常香滑，仲有少少辣，好惹味。鵝腸墨魚。鵝腸略嫌煮得太熟，唔夠爽口，墨魚都比較淡口，但起碼有滷水味。大窩雞粥，粥多雞少，不過味道啱啱好，粥底算係綿，抵食仲嗌佐碟豉椒炒蜆，不過無影相，好味。埋單總共都係二百幾，所以係超抵食，值得推介。下次會試埋鵝片同啲小菜。

食潮州野，沙田有呢間。開左好多年，不少人都會誇區來食。早餐午餐茶餐通通不推薦，唯獨晚市食返潮州野就真不錯，有理由懷疑不是同一廚師出品。夜晚多人食，好有大排擋 feel 。牌餐有呢D：打冷唔想食滷水，所以叫左條鹽焗烏頭 $128。都算大條，肉質唔鞋唔滑叫及格，但黃油唔算多，唔夠香囉。魚肚部份有檸檬，加添香氣；而且魚肉點上豆醬，真係非常美味。另外叫左小炒皇 $88， 配料超多，有韮菜、腰果、魷魚、蝦干、魚干同菜𦡮⋯⋯又香口又惹味，熱辣辣又好大碟，送粥簡直不得了 👍再整多碟蝦醬炒通菜$55，大碟又惹味，火候控制幾好，唔會 over cook 。潮洲白粥 $9 一碗，滿到傾 😆環境一般，坐位逼夾，沒有加一，價錢算親民。

今日我們到這潮州飯店食早餐。點了普通的常餐卻發現他的味道也可以。米粉份量挺多，豬扒很鬆軟很淋。蛋比較多油，但蛋王是流心的，讚！值得一提的是那個我平常不會食的方包，這個包真的很鬆軟，不會干干的，很有驚喜，好食！很帶兒時在學校canteen既感覺。

喺沙田行完街後想食打冷，於是專登揸車同朋友到河畔花園的新潮軒打冷小菜食宵夜。 餐廳大概可以容納50人，環境幾正。去打冷就當然唔少得食滷水雜錦啦！入面有紅腸豬大腸鹹蛋種種嘅款式加埋滷水汁，撈飯一流。 叫咗一碟蒜蓉黃金蝦。黃金蝦煎得十分香脆。蝦肉亦算十分新鮮，係推介嘅菜式之一。 炸蠔餅就相對上就比較普通。除咗蠔嘅數量比較少之外，粉皮亦都炸得有d厚，所以味道口感比較一般。 食咗咁多油膩野當然整返掂一碟炒菜——蒜蓉炒通菜。通菜新鮮得來同蒜蓉味真係幾配，連唔鍾意食菜嘅我都忍唔住食多兩條。 最後我哋叫咗一鍋雞粥，大概可以舀六個細碗，我哋三人就每人食兩碗份量都算多。食完粥即刻覺得溫暖晒飽肚晒！ 埋單都係＄400左右，唔算太貴。以後喺附近食消夜又多一個好選擇喇！

很久沒有食樓下打冷，就在樓下叫了外賣。 知道要带回家食。所以就叫了滷水鵝片大腸， 豬紅(之前食過九菜不好食)改了蘿蔔， 辣子雞，再加個肉碎粥。 首先個豬紅蘿蔔一夾就散，完全無味。 鵝片又乾又老。 辣子雞最為有味，不過係超級味精味。只食一口，我就要飲2大杯水。 從來沒有食過差的店舖而想留言的。 價錢為3xx。 不會再到呢家食飯。

潮州打冷，一般指冷菜式，還有滷水類，醃製類及潮州粿品類等，因為約了朋友在沙田打波，於是在附近初嘗打冷。一般小菜館的作風，整個玻璃都貼滿餐牌，介紹食物，種類繁多，煎、煮、炸、湯等等，看似豐富。餐廳剛裝修過，天花有天藍色的燈光，甚具特色。另一邊是打冷出品外，師傅正在忙碌地工作中。枱面有各式打冷整齊排列。半開放式更具透明度。找個座位坐好，茶餐廳的一慣作風，別寄望服務質素上乘，但枱面有茶、有杯、碗筷、餐牌等已供應貼足。來打冷店食東西，鹵水拼盆一定要試下，樣樣齊全，有豬耳、生腸、大腸、豬頸肉、紅腸、雞腸、雞腎、雞蛋、芽菜鋪底，可惜豬大腸有點不新鮮，破壞食欲。大眼雞跟豆辨醬上碟，肉質厚實，味道尚算鮮甜，但比相像中差。200元的價錢以茶餐廳水準計算偏貴了。

這間位於河畔花園的潮洲打冷小店,小弟近幾次晚飯時間光顧，都是客似雲來，如果想光顧此店的顧客，最好六点半左右到達，先可以唔需要久候，因我8點吃完飯離開時見門外都有十多人排隊，講番食物方面，一定要試呢度的滷水食物，昨天叫了價值88元的三併（大腸墨魚豬頸肉），一食難以停口，之後再叫多個蠔食餅，68元大大份，其實足三至四人份量，再加多2支青島，簡直是男人的浪漫，此間小店可以說成沙田中沙漠的綠洲。

同朋友經過河畔，聽講呢到好多好野食，最後簡左去新潮軒食打冷。呢間野服務態度令我喜出望外，d 員工好friendly。至於d野食，我個人認為比較普通。碟菜太過油，所以入口冇左菜個種清新ge感覺。另外，同紅腸同一碟ge個隻食物，我唔太知佢叫咩名，但個味道實在係太怪la，我個人覺得佢ge味道有d似藥水味。 不過，d蠔餅同鮮魷都唔錯，蠔餅炸得夠香夠脆，d鮮魷好夠鮮味。

以前潮軒曾經係我同朋友成日食宵夜嘅地方，但有一次去食，發覺食物質素嚴重下跌之後就有一段時間再無去食~直至到尋晚食宵夜，友人提議去潮軒再試一次，咁耐無食，博下會唔會轉左大廚，點知...唉...瀨野~我地兩個人叫左四樣野，分別係九菜豬紅，辣子雞，辣酒煮田螺同埋梅子醬爆骨~四樣野只有辣子雞一道菜係味道無出事，不過要揾舊雞食下都好困難，要好似尋寶咁~九菜豬紅成碗油浸豬紅咁，得油味，d豬紅質地仲要怪怪地，同以前食開嘅唔同左~辣酒煮花螺，一d酒味都冇，d花螺細粒過一節手指尾，價錢牌寫$58，實收$68，問佢先話因為加左價，令人失望~令我激氣就係梅子醬爆骨，一上菜，同友人都有同一個疑問：做乜俾碟生炒骨我？因為以往梅子醬爆骨都係我地必點嘅菜，首先齋講個樣，以前係一條骨，而家切碎左？！於是問侍應叔叔呢碟係咩黎，侍應叔叔答我地話係生炒骨，我地同侍應叔叔講我地係要梅子醬爆骨，佢拎去換之際，另一個侍應嬸嬸問咩事之後話冇得換，因為佢話呢碟就係梅子醬爆骨~咁我地話加$轉蒜茸蒸中蝦得唔得，佢第一個反應話可以轉，於是我地話轉，但佢隨即反口話都係唔得，佢話你可以加多一樣餸，但呢碟梅子醬爆骨都係要俾$，一定冇得轉，好似被

前文不多說，是晚點了魚香茄子煲、菠蘿咕嚕肉及𧐢仔粥，先講講魚香茄子煲，搵唔到魚香，茄子唔入味，汁還汁茄子還茄子，感覺似烚完茄子再倒汁上去係咁二係個煲度煲兩下就上枱，失敗！至於咕嚕肉，炸粉唔脆，肉又醃得完全唔入味，成味餸只係得返個酸甜汁味，失敗中嘅失敗！最後只係靠碗𧐢仔粥填飽個肚，擰擰頭埋單。

30 几度高溫下去打冷, 仲要坐門口, 真係唔識死 ! 一行 9 人去大排檔燃燒青春 !!! 雖然已經有2把大風扇對住我地, 但真係好熱好熱, 不得不一人隊罐汽水先, 好彩, 佢地D 汽水非常夠凍, 消暑解渴! 暢快!豬紅 - 冇乜豬紅味, 太淋, 夾起就爛左喇, 要用匙羹好D .. 什錦鹵水拼盤 - 很大一盤, 鹵水味很香貴妃雞 (半隻) - OK蒜蓉蒸蝦 - 炸過的蒜蓉味很香, 拌粉絲底好好味, 但唔知D 蝦係梅左定未熟, 質地太淋, 就是不好吃 !糖醋骨 - 很好, 外皮有少少脆方魚肉碎粥 - 始終不及蠔仔粥美味, 太淡!椒鹽尤魚 - 脆漿很薄, 仍食到脆口感覺, 不辣, 厚厚的尤魚肉質, 很豐富蠔餅 - 蠔仔肉很多, 而且很新鮮, 沒有鯹味, GOOD!

又到左觀貓星期日，朋友相約黎我地屋企睇貓b們，七點未夠落黎呢個框框搵地方食晚飯，行左一圈，見呢間打冷平時都好多人食，咁啱室內有檯，跟朋友們一致贊成試下佢，點知......一致劣評佢！1.大蠔餅~用細碟上，摺叠成四層，於是啲油一層壓一層咁積落去結果最底嗰層係食唔到嘅，直頭係好似有汁浸住咁，蠔仔份量算合格，蛋同粉漿比例都ok,但只有邊位係脆其餘嘅就好似煎蛋咁，味道不過不失，但實在係太多油喇2.蠔仔肉碎粥~五個人叫左一窩，我做分五小碗嗰個，可以肯定講句成窩蠔仔粥都唔夠30粒蠔仔，湯底好味精，淨係得個咸字3.椒鹽三寶~我睇過menu嘅幾樣椒鹽小食後揀左要三寶，點知中招我以為係椒鹽鮮魷+九肚魚+椒鹽骨，但上檯時只見數片魷魚每人分唔到一片，下面一粒粒嘅係雞軟骨，第三寶我搵唔到而除左魷魚同軟骨，就只有腰果，我真係接受唔到@@*雞軟骨帶有微微南乳香，只係炸左，同椒鹽扯唔上關係4.薑蔥田雞煲~田雞份量少，味道好淡，仲要有啲位係未熟透，叫薑蔥但佢成煲野都係蔥同蒜，一條薑絲都搵唔到睇返張手寫單，原來佢係寫“冲田雞“，咁都唔知係邊個錯喇5.金銀蛋豆苗~阿姐話無莧菜，所以轉左豆苗，份量算幾多，但味道麻麻金銀蛋見