潮興粥麵美食

營業中

休息中

今次係閒日禮拜一既朝早9點黎到，計埋我坐左5個客人，整體唔算太旺場，但一般晏晝時段會好少少既。鋪頭有7張4人枱，餐牌、地板都有種癡粒粒既感覺，如果係極度注重用餐環境衛生既話，呢間野就未必太啱你喇，不過屋邨商場既普通麵檔，就無謂對佢太苛刻啦。今次嗌左牛腩雲吞湯麵 ($48)，凍檸茶跟餐加$5。7分鐘上齊晒兩樣野，等候時間合理。先講牛腩雲吞麵，牛腩汁湯底味道ok，有乾蔥+蔥花喺面，西生菜2條，牛腩6大件，牛筋2條，雲吞3粒，生麵底。麵底軟硬度適中。牛腩既五香鹵水味非常入味，可惜肉質偏鞋口左小小，因為牛腩唔係爽腩，係偏瘦既部份。牛筋既情況就同牛腩啱啱相反，味道唔夠入味，但燘得夠冧。呢方面係比較奇怪……雲吞就大大粒，皮薄夠滑，入面既餡料就1隻蝦+豬肉，好食。凍檸茶用既糖漿係坊間茶記比較少用，會偏甜一啲，我個人都幾滿意個甜度既。黎個簡單小總結，埋單5x蚊有碗牛腩雲吞麵+凍檸茶，五個字講晒，抵食夾大件。野食我個人會比較推介雲吞麵，牛腩就中規中矩啦，入味但食落偏鞋口，凍檸茶都值得一試既。環境可能會係扣分位，餐牌、地板都癡粒粒既，不過個人就冇乜所謂，食物好食就得啦。

下午茶的時候，在這裏吃過一碗魚蛋粉，想講他的魚蛋非常彈牙，很有在九龍城買的魚蛋的質素，而且知道這裏的店家非常用心地製作魚蛋，所以非常推薦這裏的魚蛋，配上河粉，加埋佢嘅辣椒油，就真係非常值得一試。

近日飯局太多週末突然有吃粥的念頭於是到大元邨街市覓食去很喜歡這家的粥底夠綿夠米香又不會稀稀的而且不同口味的粥品確實吃得出味道上的差別完全不會有那種所有粥味道一樣的感覺事關用料十足圖中左邊砂碢的是生滾豬潤粥(29元)豬潤不少粥也有香口肉味另一碗艇仔粥(19元)粥底鮮甜用料十足即包炸兩(19元)腸粉皮薄滑滑的因為即包，油炸鬼保持香脆街坊小店價格實惠仍做到用料豐富份量飽肚實在難得呢而且粥品經過本人易敏感體質實證應無甚味精過關可納入可食用清單

情緒不穩、心情煩躁，路過是但坐低食個麵舒緩舒緩。依家連街市食麵都好貴，多謝領展、領滙、地產﹗牛腩魚蛋麵，極幼麵恰似台灣麵線，微爽而掛湯力超強，發覺麵越幼就能帶更多既湯汁，食落更滋味。款款好大路穩陣，中規中矩、不過不失。彈彈魚蛋雪白大大粒，仲好鬼圓添，乒乓波一樣。清湯腩大大舊，入口鬆化軟滑，無渣無筋無肥膏，又做得幾好喎，唔差。湯底普普通通貨色，略清甜。辣椒油普普通通貨色，不夠香不夠辣。四眼阿嬸我叫左兩次走蔥死都要加蔥，叫您比隻碗仔我又走那左去扮聽唔到，火都黎！咁我倒晒落枱您自己抺啦！誰知第二個無辜阿姐過黎執手尾抺枱，真係唔好意思喇。

下午茶黎點左個粟米瘦肉粥，粥味道剛好唔太咸，個人鐘意落勁多胡椒粉攪好多次都冇稀到加多個葱花叉燒腸，等左一陣都未黎原來係即叫即拉的，終於黎左腸粉熱辣辣加埋辣醬真係好得推介