潮爆魚蛋 (已結業)

阿媽同我講想今晚炒魚片食，佢話深水埗有一檔特別正、特別抵，叫我如果方便嘅就買條返去比佢煮😂。好啦，我就變身師奶仔Lunch去買餸。舖頭位於深水埗荔枝角道同桂林街交界，我印象中佢已經喺呢樹屹立多年。首先，我嘅任務就係買條黃金魚條，大嘅$15，細嘅$8，真係好鬼抵👍。我買咗條大嘅，勁大碌下，目測有20cm！以下為阿媽嘅成品圖🙈。魚片幾好食，唔算超級彈牙，但阿媽話咁先證明無落太多粉。除咗黃金魚條外，舖頭仲有賣花枝卷、魚片頭同魚棗等。全部價格都好相宜😉。另外，舖頭另一邊係有賣熟食小食，包括咖喱魚蛋、燒賣、腸仔同腸粉。價錢真係平到你唔信，其中仲有個招牌套餐有齊四樣嘢添，只係收你$13，傻的嗎？邊到搵😱？招牌套餐有：- 魚旦4️⃣粒- 燒賣4️⃣粒- 腸粉4️⃣條- 腸仔1️⃣條阿姐有問我洗咪落甜醬、辣醬同豉油，一於混醬啦！Combo真係好豐富，估唔到除咗平之外，味道仲要幾好食喎😋。咖哩魚蛋雖然細細粒，但好鬼正。燒賣個口感同平日魚肉燒賣有少少唔同。至於腸粉，我認為不比排隊店合X泰差，帶有米香同幾滑。食完呢個$13餐已經飽咗，可以當午餐。呢個價錢簡直係時光倒流啊！我以後應該會忍唔住係咁幫襯，哈哈🤤。總括嚟講，「潮爆

深水埗小店云集，隨便就見到一間小食，首先佢喺街角好起眼，就去咗試。價錢黎講係平嘅：13蚊有4粒魚蛋、4粒燒賣、4條長腸粉、1條廚師腸。魚蛋味道一般，燒賣就略嫌「粉」，咬落唔爽口；腸粉份量就唔差嘅，只係有啲鬆散，拮唔到🙈

魚旦燒賣😛$8/2串每次響SSP等車之前都買兩串共10粒👍食左佢哋好多年☺佢哋個醬汁真係好出色😉以前真係會叫一盒多醬🙈然後返屋企整個麵🍜直接放入去撈🤤潮爆魚蛋 (深水埗)深水埗荔枝角道362號地下

見到有人排隊買魚蛋，我都湊熱鬧買返串食下，一串原味一串有醬汁，原味真係麻麻地，但個醬汁先係重點，好好味同魚蛋好夾，雖然冇試燒賣，但估應該都幾好食，過完口癮之後去食返正餐先。

尋日(3-5-2014 Sat)晏晝出深水埗會合男友出太子食晚飯,經過o黎o度見有小食,而且有幾個人買o緊,就停低睇睇,寫住魚蛋$5.00,燒賣$5.00,於是就買o黎同男友試吓啦,我同亞姐講要魚蛋同燒賣唔辣,佢問我要唔要豉油?我答要.咁佢就自然用紙杯裝俾我,我就俾$10.00走人,佢就嗌返我話有錢找.有錢找?唔係每樣宦都係$5.00咩?佢找返$3.00俾我.睇吓啲魚蛋好細粒,去到男友屋企食,魚蛋口感一啲都唔彈牙又有啲過腍,麻麻.而燒賣呢?口感好過魚蛋啲啲,冇咁腍o既,但都唔特出啦,豉油就甜甜地咁啦.最後男友都冇食到,由我一個人食晒.

每日行返公司前必定經過此店舖初頭以為都係旺角平民檔...因為6蚊2串燒賣魚蛋畢竟唔係此店獨家咁便宜!!此店仲要係6蚊先可以2串...唔係3蚊1串!對比旺角黎講~ 稍為遜色了一點!!其後幾次經過都比4,5個排隊既人龍吸引著....間中仲聞到此店自製的獨家咖哩醬味道!!早上8時20分經過看見店舖內的人自製醬汁是真的自己調教出來的~還是每天自製唷...偶然一次經過下見沒有人龍,立即去買6蚊黎試試啦! 買之前已經發現好多人都會買11蚊套餐!有魚旦 燒賣 同腸粉! 但對於我黎講,本人剩係想試下其店舖咖哩醬的味道!第一次食既時候 係魚旦燒賣各一半....但第二次後 剩係會吃燒賣!因為此店的自製魚旦並不是本人喜愛食的魚旦!我比較喜歡元朗大橋街市獨家批發的細粒又彈牙既魚旦!燒賣的味道應該是拎貨返黎 並不是親手製作的!味道應該同出面旺角食的一樣!只有其咖哩醬味道不辣,放入口有一種輕微咖哩味在口腔滾動的感覺!這種醬的味道很難形容...總之就是被其吸引著....哈!!而家我偶然經過都會買6蚊醫下肚,對比旺角平民檔!我覺得呢度贏既係D咖哩醬!!本人不太喜歡排隊~ 所以當看見有人龍時!就打消食此店的想法....

是日約了老友在深水步食飯，路見街角有人排隊，原來是排長龍買魚旦﹗街邊魚旦都有人排？細看下原來魚旦同燒賣$3一串﹗呢個價位我估十幾年前就會有，而家街邊起碼都6蚊先買到一串﹗我都唔執輸排兩串試試﹗$6，竟然每串仲要有5粒﹗魚旦彈牙好o趙口，有魚香，加上微辣既辣汁，惹味﹗燒賣反而麻麻地蒸得太腍亦無味，怪不得人人都食魚旦，我都知自己笨左﹗$11仲要有4串，真係平通港九，見好多人收工一盒一盒買走返屋企加餸，呢個價錢真抵讚，絕對要推介﹗

早幾日行開深水埗買電腦野,見有小小肚餓, 但又就到開飯時間,行下行下點知就見到里間小食店,諗住比10蚊吉串野食,點知驚喜地5蚊就有交易,最不可思異既竟然5蚊有一大杯, 有成12粒!!係咁既時勢真係係邊到搵丫!最重要既係5蚊唔會比d垃圾你!魚蛋彈牙唔粉!誠意推介!! 下次來一定要翻卓~!

最初是無意中看到海嘯價的標語, 5元2串好像很抵. 見有不少人買心想應不會太差, 所以就試下看是否真的益街坊.魚蛋用杯上所以食時很方便; 雖然只是5元但沒有將貨就價, 都有12粒魚蛋.魚蛋彈牙唔會好粉, 再加上有少少辣既沙嗲汁後都幾好食. 5元能有這種質量真係算益街坊了.