潮式腸粉 (已結業)

今日叫左個扎肉粿粉外賣, 扎肉比想像中好味,粿粉一般,有潮州人like 既冬菜, 湯底好惹味, 食晒~店主非常好禮, 之前已試此店的豬肉腸粉 及 蠔餅,蠔餅好抵食, 又多蠔, 不腥,2x 蚊, 抵到爛~愛潮食既你, 不妨一試~

今日特登去朋友介紹概潮式腸粉，我本身都系潮州人，以前細細個概時候返鄉下最鍾意就系一早去市場食我地概潮式腸粉，最記得就系３蚊一碟！又平又好食！每日都嚷著要我表哥帶我去。聽朋友講話葵芳有間賣潮洲腸粉概店，我住大埔都要特登開車去試一試。地方系比較細，夏天去會比較熱，但系老闆非常熱情，同鄉當然有多一點話題啦，我叫了猪肉腸粉，同我系鄉下的味道一樣，非常感動，想唔到系香港都可以食到ｄ甘地道概野，食物地道正宗，價錢大衆化，一定會再回返黎，下次帶多ｄ朋友試～

我們常吃的粵式腸粉,又或是街邊的豬腸粉,不時也吃,但潮州腸粉,又真的未試過,聽說在葵芳有間小店,是賣潮式腸粉,店名直接叫"潮州腸粉".店外擺放了一些魚蛋,五香條等食物.其實似是一間外賣凍肉店,多過一間食店.不過有客人堂食的話,店員會即刻開張摺檯,坐在外面吃.除了潮州腸粉之外,亦供應一些潮式小吃,如蠔餅,炒麵線,同粿汁等等.女友胃口不大,我倆只叫一碟豬肉腸粉,和手打魚蛋粿汁.潮式腸粉即拉,製作須時,當上桌時見到的豬肉腸,第一時間便想起灌湯餃,用濃厚的湯汁,淋上包著以豬肉,蛋,土魷作餡料的腸粉上面.非常豐富.腸粉皮質感帶點煙齦,不是懷舊粵式的厚身,亦不是新派的晶瑩通透,皮包著的豬肉,混合了蛋,土魷,口感豐富有層次,土魷味道最為突出,腸粉下面放上芽菜,吸收了湯汁之後,也好吃.另一味手打魚蛋粿汁,魚蛋有濃郁的魚味,咬下去彈牙實在,粿汁是好像某牌子的即食卷心粉,不過質感夠煙齦彈牙.不敢說此潮式腸粉味道正不正宗,始終之前未吃過,沒有得去比較.有機會再來的話,會一試其炒麵線,或蠔仔腸等等...

約左個朋友係屋企附近唔知食咩好就諗起呢間成日經過但都冇試過既潮式腸粉覺得好得意,開左間甘既野既?食腸粉?所以今日終於都去左呢到試下~叫左3樣野食~豬肉腸粉~由於本人太揀飲擇食既緣故,呢個腸粉有好多配料我都唔係幾like~但係夾埋一齊都幾好味喎,係畀我走左土魷者,d腸粉都好滑手打魚蛋粿汁~呢個呢,d魚蛋普普通通甘la,但係個粉真係好好味~仲有個唔記得咩豬肉卷甘上下la~呢個都好味,不過入面有我唔食既馬碲- -"但係我都有係甘食XD會再去ga~不過由於係露天,所以夏天去就真係會熱左少少,雖然門口都擺左2把風扇,遲d涼少少去食會好d^^環境3分係因為夏天太熱la衛生3分係因為街黎ga...係甘上下laXD

葵芳多嘢食, 又平又正, 新意亦多, 要吸引人幫趁, 得花心思才可競爭此店卻平平實實的座落街巿之中, 還以魚蛋檔外型"掩人耳目", 若非做了功課才踏足葵芳,我定必已錯過。「潮式腸粉」, 老闆應並非刻意食字, 只因為它從內到外都的確好潮, (好潮州！)店子很小, 門前放了才兩張枱, 加上30幾都高溫, 我曾有一秒猶豫, 但為了美食, 我不介意, 下午2時, 老闆一家三口正用午膳, 潮州人好客, 我甫坐下, 老闆娘即轉來風扇讓我涼, 老闆放下吃到一半的午飯進店內準備, 同時着小女兒替我盛茶, 那時我confirm他們必定是傳統潮州人只要了一份蠔仔潮式腸粉($20), 即叫即製, 一碟份量不少, 蠔仔也算多, 我最愛口感QQ的食物, 這潮腸就是用Q軟的腸粉皮包着：蠔仔、雞蛋、生菜、芽菜、蝦米、魷魚, 還伴以花生 ... ... 滿滿的一碟。腸粉夠滑；芽菜爽脆；蝦米香口；魷魚有嚼勁,自行加上辣椒, 更是惹味！... 我愛蠔仔, 但下次也必定要試試豬肉, 也應很精彩~離開時, 外表超cool的老闆連聲多謝, 我心裏也多謝他為我帶來一頓美而廉的午餐。

隔左成個月，終於去試啦舖頭好細，可能我係夜晚去，有三張枱放係舖前俾客人堂食，可能新野掛，好多街坊走黎望我地食乜，好好奇！我地試左三樣野1) 潮式豬肉腸粉(走蝦米) - 好大份，幾好味，不過唔係好鍾意有蛋！2) 手打魚蛋粿汁 - d魚蛋好好味，好爽口，不過d粿條就麻麻地，可以試下..3) 蠔仔粥 - 唔腥，好味，好多飯，d蠔少左d，不過好鮮味，好想再食我地兩個人食以上三樣野，已經好飽，埋單都係$65，佢d服務態度又好，唯一唔好，就係要坐係條街度，佢又即叫即整，咁新鮮熱辣，真係好易搞到成身臭汗！

地點於葵涌廣場天橋後面的街市中間第1次去搵左好耐先見到，係小巴站果度，豆豆麵包對面間舖非常小，早上做主婦生意散賣魚蛋，等隔離的菜檔肉檔晚上收工才能開幾張檯做堂食2位男士應該是老闆+廚師+侍應，好客氣招呼MENU好簡單得2頁，叫左最出名果幾樣野：豬肉腸粉、手打魚蛋粿汁及煎蠔餅（各＄20）可能我地係琴晚第1臺客，老細親自幫我地用熱水碌筷子同碗，跟住又分左少少佢既送比我地加送，有幾條來自佢地家鄉的"炒麻葉"同埋潮州扎肉，雖然不是咩名貴菜式，但都令我地覺得好開心。先來的是魚蛋粿汁，有些像腸粉不過是半透明一片片的。魚蛋好彈牙有鮮味，佢寫住用海魚來做，看來所言非虛。不過個湯比較稠同埋鹹。跟住係豬肉腸粉，好似PIZZA咁，D料半露出來，又蛋有蝦米魷魚仔牙菜等等，好香，加埋蒸腸粉的清香軟滑，食一碟當晚飯都幾好，清清地不會肥膩。最後是煎蠔餅，來到其實像是家常煎蛋餅多D，蠔的份量不算好多，蛋漿可能落左薯粉，煙煙韌韌咁又不會太熱氣。總括來講價錢經濟實惠，好食又有特色，行過果頭又唔嫌UP DUP就去幫趁下啦

腸粉就試得多, 潮式腸粉咁新潮真係未食過, 雖然是否真正潮州風味無從得知, 不過真係幾特別幾好味始終呢d咁新式既野, 想叫邊款真係無從入手, 好在鋪頭有個女仔好比心機咁介紹佢地既招牌菜, 呢樣真係非常好, 家庭式經營就係有呢個好處 叫左個潮式鮮蝦腸粉, 妹妹話呢個同豬肉腸粉多人叫, 算係招牌菜, 呢味除左腸粉外, 配料有芽, 雞蛋, 冬菇, 蝦米, 土魷, 鮮蝦, 只見師傅整完碟腸粉之後, 係上面林上醬汁就完成原來所謂既潮式腸粉, 係腸粉包住用冬菇蝦米土魷做既煎蛋, 之後上面加上芽菜生菜, 加上醬汁就成, 鮮蝦腸粉就加鮮蝦, 豬肉腸粉就加豬肉腸粉尚算滑, 反而冬菇蝦米土魷煎蛋好好味, 連埋腸粉一啖咁食好特別, 唔錯, 不過蝦只得兩隻, $20黎講尚可接受 妹妹再推介左個煎蠔仔餅, 佢話同出面既唔同, 唔會煎到一味死油, 餐牌上講係晚上供應, 自少都鐘意食煎餅, 當然唔會錯過了黎到之後, size唔算少, 同埋真係無乜油, 不過亦唔係好燶, 個樣都睇得出真係慢慢"煎"而唔係超多油的"炸"蠔仔好有蠔味, 個人覺得幾多蠔仔, 果真要推介, 喜歡吃蠔餅既一定要試, 不過魚露偏咸, 最好唔好點太

今天與朋友係葵芳行街，行到咁上下，她話附近有一間潮式腸粉店係"飲X男女"介紹過，於是大家抱着試下無仿的心態去食。我們叫了一客蠔仔腸粉及一盒粿肉。蠔仔腸粉配料有:芽菜、雞蛋、冬菇、蝦米、土魷及鮮蠔仔。食後感：腸粉很特別一著著的，並不是廣東腸粉的一碌碌，賣相特別。食落爽口彈口，味道淡但可口。但可能用蠔仔的關係，味道較淡，相信若果是豬肉腸粉的話，味道更鮮美。下次有機會要帶泡菜人黎試下先...

剛刚飯後悶悶地, 便想起睇咗今期「ＸＸ男女」介紹的潮式腸粉。 立刻叫丈夫同我一起落街去八吓, 去到得到疑似店主女兒的熱情招待和介紹, 我們叫了「蠔仔腸粉」及「魚蛋粿汁」, 各$20。 最初丈夫聽到疑似店主女兒介绍的「魚蛋粿汁」嚇了一跳:「魚蛋同果汁混來吃???」 後來經講解, 原來此「粿汁」不同彼「果汁」(只是讀音相同), 原來「粿汁」是一片片灰色的粉皮, 粗糙感, 有小洞洞在皮上, 用上豬骨湯同煮, 無味精(因為到現在為止也沒有口渴), 我覺得「粿汁」味道偏淡, 不像腸粉般濃味。「蠔仔腸粉」有很多配料: 腸粉皮、芽菜、雞蛋、冬菇、蝦米、土魷、生菜、蠔仔 再淋上芡汁。 土鱿味道很特出, 蠔仔也鮮味。 同樣是無味精(因為到現在為止也沒有口渴)。下次再來的時候要試一試煎蠔餅$15、豬肉卷$20、潮州炒長壽麵$20 (疑似店主女兒說炒長壽麵是全港獨加)

係雜誌見到一篇關於呢間潮式腸粉既介紹，覺得介紹D賜粉好特別，於是我地今日就一行3人係下午去試下啦。我地4點鐘度去到,老闆同員工都好積極咁招呼我地。攞起張餐牌睇吓，嘩....好陌生，點解咁形容呢，因為單睇D食物既名稱係想像唔到係咩黎既，可能我地少食潮州野啦，於是問D職員，D職員就好熱情同好細心咁逐一解釋比我地聽係D乜野，雖然同一時間有好多人買野，但係佢地都無覺得我地煩，招呼一流 VERY GOOD~!問完一大輪之後，我地終於點左一個蠔仔潮式腸粉同埋粿肉，兩樣夾埋先至$40蚊；因為係即叫即整既，等左大概10分鐘啦，腸粉終於出場啦，見到既時候真係有驚喜，因為好靚又好多料，而且份量又多，正丫! 跟住粿肉都搞掂啦，份量相對價錢真係好低食，岩岩炸起仲好脆添!腸粉已經有牙菜、冬菇、蝦米、土魷，最正係仲有雞蛋，D蛋好香，同D腸粉好夾，唔加其他配料既一碟只係十五蚊。腸粉仲有D自選配料，豬、牛、蠔仔、蝦、通菜...，一碟都係廿蚊。超低食~~粿肉係薄薄既腐皮包住D豬肉然後炸，勝在即叫即炸，夠脆夠新解~! 盛惠廿蚊~最後我地發現個餐牌上面有D "XX粿汁"，我地好好奇咁又問D職員粿汁係咩黎?佢地又好細心咁形

四月中看一個街市的擺陣，大概能反映出該區居民對飲食的要求，中環鬼佬多，結志街市「聯合國」材料百花爭鳴，荃灣歷史因素下海鮮大鳴大放，楊屋道街市集長州、西貢、大埔花多眼亂漁獲，比較起來葵芳這小社區，住宅少工商業區多，五分鐘可走完的街市下實難期待日光之下多新事．．．坐在離蒸櫃半步之隔的路邊檔睇老闆表演，見他先蒸米漿皮再加入生菜、銀芽還有蛋及蠔仔，一派內地街頭小吃的風情，這邊廂的家鄉腸粉，是掛了濃芡的「味湯」,而餡與皮同蒸，餡熟皮就更熟，又厚又腍，餡料雖然是潮汕慣常用作腸粉材料，但來到香港，食材欠鮮，出到來的味道與當地是一天一地。想知正宗潮式腸粉是怎個樣子@http://foodxfile.blogspot.com/2010/04/blog-post_21.html

繼續在高芳街一帶搵食, 忽然發現有新食店在豬肉店側,潮式腸粉?! 我這腸粉怪當然不會錯過任何是腸粉的食品。食店簡單陳設,門外只有一張圓桌供堂食和外賣魚片牛丸,餐牌只有一張, 除潮式腸粉外,就是另加配料的潮式腸粉! 配料幾款有鮮蝦/牛肉/通菜?!/蠔仔.....一家人似的店員向我推薦新鮮蠔仔, 蠔仔腸粉我真沒試過耶,那就來一份。由於蒸製爐具在店內,也我不知道製作方法如平時布拉腸粉般了,只見年輕小伙子舀了幾殼湯汁在大碗裡,這就我的蠔仔腸粉唄??我還以為是加醬油的哦。潮式腸粉原來很大條的,撥開看似飽滿腸粉,裡面還有芽菜/冬菇絲/魷魚粒和雞蛋 ,碗底還有幾條生菜,好多配菜!腸粉黏性很強,吃來彈彈的,滑溜溜的跟港式腸粉不一樣,浸了加了香蒜的薄芡後像吃泰式濕炒河般,浸久一點也像浸軟了的餃子皮; 冬菇切得幼細但有陣不似冬菇香的味道,而且浸得未夠軟身,還有點硬硬的;雞蛋鮮黃打成蛋花在餡料中;乾土魷切得細細,牠的鮮味令腸粉有了更鮮味道,也加多了嚼勁;芽菜爽口令腸粉吃來沒那麼黏答答,但主菜蠔仔只有寥寥幾粒而且不太肥美, 小小幾粒總算有點點蠔味。看似不配的食材原來也能製成這種蠻特別的食物,也令我認識到潮州腸