潮廷匯 (已結業)

上個禮拜,小弟又要去一個同事既婚宴,今次就係呢間潮廷匯,呢度係新裝修,個環境都算ok,而且都係冇柱位的,但就細左少少,最多應該可以擺18圍到,.食物方面都算ok,尤其係包魚,同翅,D包魚細左d,但好入味,有咬口,d翅雖然冇乜翅,但好多雞絲,味道不錯,條魚都夠大條,蒸得唔老,肉質結實,同幾滑,不錯,炸雞亦不錯,皮都算幾脆,果d蚌就差左少少,炒得太老,甜品都尚算可以,總括來講都算水準以上,不錯的.但佢d小二個個都黑口黑面,d部長都係咁,十問九唔應,而且速度奇慢,上菜亦好慢,大佬宜家擺酒wo.見到佢地咁樣咩氣氛都冇曬啦,而且佢地既放影同音響設備好差,成日會疾疾下咁,d咪亦都好差,好似冇電咁,成日收唔到音,各位book酒席前要認真諗下.

今次個fr叫幫手book枱wor, 咁好啦, 幫你book, 我地又去踩下場, 坐隔離bilibala下先. 今次有7個人, 都係叫番隻面包蟹咬下. 個沙律好正呀. 仲有扎肉伴碟. 之後黎個避風塘蟹, 辣度適中, 易入口, 突然黎隻糯米雞, 真係估佢唔到. 個皮好脆口. 而且仲有栗子呀, 正一個麻醬魚肚. 好新鮮呀. 麻醬又冇搶到魚肚既味. 食左咁多, 黎個菜清一清. 冇魚食, 唔成事, 黎多個魚煲. 甜品區, 有南瓜烙, 用黎送酒一流香芋千層馬拉糕紅豆沙, 紫米露, 綠豆爽, 杏仁茶.

亞哥從加拿大回港一行,相約了一班親朋到此酒樓一聚,貪佢新裝修和夠清靜,不料中招.預早兩日訂了張15人枱,不料去到時,張枱坐12人都會覺得迫,和侍應投訴後,佢地話有張可以坐18人的枱,咁點解唔一早預備呢!!攪左一輪,換了張所謂大枱,但其實張枱坐15人都是迫.之後叫了一個$1400的套餐,當時是晚上7:50分,轉頭就話無呢個餐,咁點解又要給客人選呢,不是應該收起嗎?之後改了另一個$1300的餐,等到20:15,又話無白灼蝦,要改蝦球,跟住等到20:40仍未上到第一個菜,追問之下,話一分鐘會到,不料他們的是神仙時間,正所謂山中方一日, 世上幾千年,又要等多10多分鐘才有第一道菜上到,之後上到瑤柱碧綠菜,又漏了瑤柱,海鮮卷就剪開了一半半,之後足足食到22:00才食完.如此的服務,就算裝修得幾靚,幾豪華,有coupon派都無用,人客下次點會再幫襯,難怪咁大個場,全晚都只是得4,5枱客.

上網見愉景開了新酒樓…潮廷匯，同媽媽去吃，行到去，開在聯邦隔離，格局咁似聯邦，原來係聯邦的分支，賣潮菜。地們菠蘿叉燒穌…咬落去，咩都無，叉燒都無粒，菠蘿都唔見，淨得叉燒醬，想點呀！芝麻蘿蔔餅…正…外脆，內裡蘿蔔絲滿哂，好味呀！魚湯小籠包…等了30分鐘，追單，再等10分鐘，再追單，5分鐘後到了，但我們 懷疑用微波爐叮過，因為太熱喇，個皮乾了硬了，只有微波爐先可 做到尼個效果，仲有個菜底，黑哂都無除去，點吃呀！梅菜包…梅菜好香，但食落無味，我懷疑梅菜浸得太耐，浸到連原有梅菜的味道都無了，轉了名字，改頭換臉，但內在無變，點改名都無用，客人不是傻的。

想說的是，上菜速度慢得離譜。酒樓預設好的套餐，足足吃了三句鐘，不說還以為自己在「嘆」法國菜。留意到左右隔離食客都在投訴和追單，樓面員工只懂不斷在道歉，廚房明顯又是「冧」晒檔。講一講呢個位置，以前是聯邦來的，如今就一分為二，一邊是聯邦皇宮，另一邊廂就是潮廷滙，兩者同屬聯邦集團。說回食物，話晒都自稱是潮州酒家，套餐肯定少不了鹵水拼盤。鹵水豆腐，並不入味；豬肉尚且鬆化，卻又是不太進味；豬耳並不特別爽脆；鵝肉有幾件是韌得無法咬開的。吃完拼盤，再等上超過十五分鐘時間，川椒季豆炒雪花蚌終於來到，可惜的是，川椒菜不脆也不香，雪花蚌炒過了火位，喪失了雪花蚌應有的爽脆口感，唯有多吃點四季豆好了。之後的柚子蜜汁脆皮蝦是較好的一味，起碼炸得脆口，蝦肉爽口；配上的窩巴，鬆脆，醮上甜甜酸酸的醬汁，吃得滿意。高山蘭紊冰梅骨，名字是厲害，感覺應該也很清新的。但是，排骨的肉稔得過份，完全是失了真的，再加上味道平凡的梅子醬，本人並不懂欣賞。真味瑤柱貴柱雞，名字正好反映其雪雞的味道，就是沒有雞味。肉質雖不算十分嚡口，不過無味的雞，即使連雞皮也不吸引，多加瑤柱也是無補於事。其實盡量想不食翅，但係發板的人不是我，也沒有發言權

.2010年7月28日 荃灣 ( 潮廷匯 - 1 )( 首評:193)聯邦酒樓集團，全港擁有各類型食肆分店約有16間，包括聯邦酒樓、聯邦皇宮、聯邦金閣、金滬庭及潮客，而潮廷匯乃是最新推出之品牌食肆，全港暫有兩間，一間是在尖沙咀，另一間就在荃灣愉景新城。愉景新城聯邦酒樓早前大肆裝修，現已竣工，同時分拆出潮廷匯之潮州酒樓，並已於7月20日正式開業。今天早上前往行山，從梨木樹經城門引水道行至荃威花園，再來到愉景新城，因利成便之下，幾個朋友，就來到這間新酒樓茗茶了。潮式糯米卷：一籠共有四隻，糯米卷是屬於袖珍類型的，兒時吃過的大型糯米卷，現在已經少有了，也許受潮流及口味的轉變而改良，現今酒樓的糯米卷，十之八九也屬袖珍類型，這裡的糯米卷，卷皮色澤白中透黃，麵粉皮有些不夠光滑，皮略嫌過厚，幸好卷皮鬆軟香甜，糯米腍甜，口感軟糯之餘亦帶嚼勁，糯米中釀有花生，花生質素也是可以的，嚼起來時，仍然帶着微微的香脆，花生似乎落得過少，假如釀入更多的花生，我會更為喜歡。潮州粉果：我視之為愛點之一，每次飲茶時也是少不了，這裡，一籠有四隻，外皮看來，仍算是晶瑩剔透，咬開後看到內裡餡料有花生、沙葛、九菜、肉碎等等，皮厚薄