潮庭 (太古城中心)

營業中

休息中

City plaza 內嘅食肆，美心集團佔咗唔少🤔北京樓、翠園、茶茶居、simply life……今日同屋企人來太古城飲茶，家人揀咗潮庭，又係屬美心食品旗下嘅食肆City plaza 第四期嘅潮庭，早前進行裝修，喺舊年8月已經重新開業。裝修前經常來飲茶，裝修後第一次來，感覺貴咗好多小食$22，我哋唔要🙅‍♀️無收錢茶錢$15/位，我哋八個人未計加一，就已經收120蚊🤑不過，呢度啲点心多樣化，質素唔差㗎，我同屋企人都幾鍾意食呢度嘅点心川弓魚雲、竹笙菠菜餃、蒜蓉蒸鮮魷、黑松露准山蒸素餃⋯⋯等等，都有一定水準食完鱼頭雲，重飲埋個湯皮薄料足，菠菜勁多，屋企人就話味淡啲，但我鍾意蒸得剛剛好，鲜鱿好嫩，蒜蓉味好香凍嘅，油條又係韌以為係甜點，原來係鹹嘅，有啲似潮州粉果，入面有花生同芫茜之類，一般般呢度點心大多數熱上(除咗個炸両)味道唔錯，但係價錢就偏貴，服務唔多掂，除咗唔夠人手，態度亦要檢討，我哋有兩個点心重未來，問個部長，佢竟然答:「係呀，一係你就等下，一係就取消啦！」🙄就因為咁，俾我扣咗分

屋企人生日，早早訂定枱，六點半已經八成滿，好厲害😆叫左幾樣餸，但名真係唔記得喇唔好意思🙈其中幾鍾意咕嚕肉，岩岩炸起，熱辣辣真係唔同啲👍🏻👍🏻好特別既係未試過係啲麵團圍住啲肉，麵團質地少少硬，我覺得似 bagel，仲可以點少少汁，酸酸甜甜幾唔錯架👍🏻👍🏻籠仔飯都好味，好香好足料👍🏻👍🏻係等得耐啲，啲餸食晒先有飯，所有想食可以要早少少落定！炸牛腩都整得好出色，牛腩好稔，個樣好似叉燒😂炸皮好薄，又香又脆，我地研究左一陣佢配果個汁究竟係咩料🤣🤣好似曾相識，淨係食到有話梅味！？😆總之好味好夾👍🏻👍🏻壽包出場～職員會倒熱水，之後就會好大煙，當堂拎晒手機出黎影相😆😆😆😆打卡一流，裡面既蓮容一般我地都唔食，撩走九成就差唔多👍🏻我地切埋蛋糕，美心東海堂唔洗切餅費，其他牌子蛋糕全部收一百蚊，原來潮庭都係美心旗下食肆😌😌

香酥炸拼Lunch去飲茶見到呢個香酥炸拼好似幾特別，就叫咗嚟試下，一嚟到的確係幾靚嘅精緻同埋吸睛，即刻要相機食先🤣 三個酥都唔同，分別係蘋果酥、黑松露帶子芋蓉酥同埋海鮮鳳梨酥，當考慮緊食邊個先嘅時候，朋友就話應該由咸食到甜，所以就試咗個黑松露帶子芋蓉酥，其實即係芋角加咗粒帶子落去，不過兩隻味幾夾，黑松露夠香，又唔會遮蓋咗芋角嘅味道海鮮鳳梨酥🍍🦐入面應該係蝦肉再加少少菠蘿，口感都幾特別嘅，最緊要個皮炸得夠鬆脆 蘋果酥🍎就好似食緊蘋果批咁，入面有啲蘋果肉，個皮就煙煙韌韌咁，應該係咸水角個皮咁食完3個其實都幾滿足，都唔會話係中伏嘅🤣

Blue monday, 樓上又係咁鑽野，唔煮喇～ 一於去飲茶～ 老爺奶奶都過嚟，就用app拎飛去潮庭～ 貪佢坐得舒服又光猛，啱晒小朋友因為只係12點多啲，仲未到office放飯，所以好快有位小食～ 青瓜好爽口，酸酸辣辣好開胃椒鹽九肚魚，起咗肉嚟炸，連小朋友都食得～ 炸粉唔係勁厚一舊，椒鹽落得啱啱好，唔係一味死咸，我同老爺食唔停口，米豬都食咗一件～碟菜就。。。。真係唔靚。。。。。。好un, 同埋凍咗，灼菜都凍上係咩玩法🙄飲茶點小得包包～ 奶皇豬豬包，造型包小朋友至愛～ 冇食開嗰啲咁爆汁，不過都好多涵，但係唔太甜，小朋友食都ok臘腸卷～ 我至愛～ 一個係臘腸，一個係潤腸，臘腸就肥咗小小，一路食啲油就滴晒落手，鐘意食肥嘅就開心晒～ 潤腸比咗老爺食唔知咩味奶奶叫咗個川弓魚雲，一打開勁香川弓同葯材味，見老爺奶奶食到湯都飲埋，應該好好味百花魚肚 即係蝦膠蒸魚肚，有啲重胡椒粉味，蝦膠就幾彈呀炸兩，好失望呀。。。。。又係凍㗎。。。。。同埋個油炸鬼un咗。。。。。。。。叉燒腸就熱辣辣，勁多涵，叉燒又唔會切到碎濕濕，都有啲咬口紅棗糕，其實有3件嘅，不過比我食咗因爲好味呀～ 煙煙un un同清甜～ 正～

同屋企人好鍾意係呢間食，有湯又算多餸揀，位又多好好坐。豬腳凍係我最愛既前菜，好有口感又唔肥膩。另外經常都會叫煎蠔餅，蠔仔算大粒，煎得好好又香口。杏汁豬肺湯落足料，可以飲到五至六碗，好飲。

年尾忙碌完一輪，終於可以放下假，同至愛睇下早場，飲飲茶，輕鬆一下啦。係太古城睇完早場，過左四期嘅朝庭飲茶。由於時間尚早，去到就有位。酒樓感覺挺舒服新淨，相信剛裝修不久吧。 酒樓嘅點心都有啲好精致特別薑蔥牛柏葉去酒樓飲茶，我定必會點嘅其中一個點心。呢樹嘅牛柏葉蒸得吾錯，充滿薑蔥香味，十分惹味又爽口。菠蘿叉燒包新鮮烤焗，外表相當吸引。金黃表層酥脆、熱軟軟。甜甜鹹鹹嘅叉燒餡料吾會太肥，多汁好味。黃金炸油粿傳統潮州食品，同廣東炸煎堆差吾多，外面金黃軟糯，中間餡料係花生同芝麻，相對甜左少少。晶瑩鮮蝦餃除了外表顏色鮮艷，味道同平時食嘅蝦餃分別不大。欖菜肉碎炒飯炒得夠幹身，米飯粒粒分明。肉碎配欖菜好夾，味道清新。

今日12月24號 #平安夜🎄 大家holiday mood勁濃，返嚟office都係預咗 hea 吓就走😉 不過既然返咗嚟 office， 梗係要搵班 #飯腳 聚一聚🥳#聖誕節 大家通常都會去去西餐，今日我哋特別啲... 去飲茶😆 今日我哋book咗太古城四期嘅 #潮庭，諗住試吓新嘢啦，環境係幾好嘅，落地玻璃感覺好通爽，不過侍應嘅態度就真係差到不得了 因為我哋臨時加咗人，都明白大時大節好難臨時幫我地再安排，所以最終七個人迫咗喺張六人枱🥴 無所謂啦，就當親蜜啲傾吓計。因為空間唔多，所以要求侍應姐姐拎走壺熱水，等張枱騰啲空間出嚟。侍應姐姐用眼神示意我哋自己倒哂啲熱水落茶壺先，之後冇聲冇氣就走開咗... 過一陣再黑住面返嚟收走熱水壺... 咩態度呢？😤 至於食物方便，都ok嘅，不過碟 #豉汁煎虎皮青椒 就太辣而且勁多油🥴 而另一碟 #潮洲煎伊麵 就一啲都唔脆口，仲有啲油膩感、淋啤啤咁。以「美心氣園」嚟講，呢間 #潮庭 嘅服務同食物質素都算最差喇😏

係太古城見完客，約咗舊同事喺太古城中心四期嘅潮庭飲茶。裝修後第一次嚟，整間酒樓感覺空間感大了，比以前更舒服。欖菜肉碎鹹水角鹹水角外脆內軟糯，但餡料同廣東嘅完全吾同，採用欖菜碎肉又係另一種口味。馬拉糕鬆軟嘅外型，叫人忍不住立即動筷。口感豐富彈牙香口，充滿糖香同蛋香味，食落吾黏牙又吾會太甜。竹笙菠菜餃皮薄見餡，菠菜嫩綠，不過味道就比較淡。炸雲吞雲吞皮炸到脆卜卜，完全冇油膩感，沾上甜酸醬，非常好味。糯米包黃色嘅燒賣皮内包住香軟嘅糯米，吾係咁多酒樓可以食到，呢個係一個唔錯嘅點心。

星期日飲早茶一定要預早D排隊攞位，否則在酒樓門口等個零鐘是基本了！今天卜咗位去太古城果間潮庭，新裝修，好企理，服務員D制服好醒目，潔而有禮貎！坐落開茶叫點心食，叫咗一個XO醬炒腸粉（$55)一個滷水小四拼（$68）一個海鮮煎薄罉（$48）XO醬炒腸粉，畧帶微辣，引起食慾，腸粉軟滑，混和有瑤柱絲的XO醬，十分可口！滷水小四拚，以潮式滷水鵝片，滷肉、墨魚片、滷水豆付，仲有海蜇舖底！這個小食，有潮州滷水製作的精髓！好味！海鮮煎薄罉，有墨魚，蟹柳、蝦肉香芹，荽茜等等做配料、鲜甜而香口但嫌味道畧淡！整體食物水準不錯，座位舒服，觀景開揚（因為近窗口位置是看到外面公園景色的）景色怡人！

之前與家人來過這裏晚飯, 今次來飲早茶, 試其早市點心如何。 黃金炸油粿(3件) : 經典傳統潮州食品。 炸得脆脆的外皮, 内裏是甜甜的花生和芝麻, 有點像煎堆的餡料。 不過這個炸油粿的餡料有點流心, 暖暖的味道更好 晶瑩鮮蝦餃(3件) : 賣相比平日所見的蝦餃漂亮。 內裏蝦肉也新鮮。 蜜汁义燒包(3件) : 不過不失。 竹笙菠菜餃(3件) : 皮薄餡足, 味道略淡。 蟹子蒸燒賣(3件) : 普普通通, 沒甚特別。 鮮蝦炸雲吞(3件) : 脆口的雲呑皮, 以小小蝦肉作餡。 沙侓明蝦角(3件) : 體積小小的, 一貫食味。 韮黃鮮蝦腸粉 : 腸粉皮略厚, 不夠滑, 韮黃和蝦肉份量一般。註: 點心即叫即做, 所以要耐心等候一段時間。

喺鰂魚涌公園打完網球，接近午餐時間，兩口子上左四期1樓嘅潮庭嘆茶。之前喺尖沙咀分店食過飯，覺得食物質素吾錯。好欣賞佢哋嘅功夫茶。煎韭菜粿韭菜粿脹卜卜，煎到甘香，脆脆哋，好味道。豉汁蒸鳳爪大大隻鳳爪吸收豉汁，蒸到好稔入味，花生同樣稔甜。竹笙菠菜餃皮薄見到餡料，菠菜新鮮嫩綠，餡料爽口。蒜蓉蒸鮮魷火候控制得剛好,吾會蒸得太老影響口感。如果再多d豆卜就更加好喇。海鮮煎薄罉而家好少酒樓做得好味 , 唔係太多粉漿糊口就喺油淋淋。呢度做得吾錯。薄罉厚切，粉漿同海鮮比例均勻，薄罉兩面煎至金黃脆口，再加上蔥粒散發嘅香味，令人食完一件又一件。

上星期到太古城舊公司附近見客，之後約左舊同事去潮庭飲茶。預先訂左位，所以吾使等就可以入座。裝修後嘅潮庭感覺比以前舒適同光猛左。點心款式新穎，形象栩栩如生。我哋兩個人點左4樣嘢，份量剛好。豉汁鳳爪(中)豉汁鳳爪係點心中我最愛其中之一，每次到茶樓都會點。用豆豉同辣椒等醬汁蒸出嘅鳳爪非常入味！ 蒜蓉蒸鮮魷(大)鮮魷大大隻，啖啖爽口，豆卜吸收蒜蓉汁同樣好味。燒賣(大)燒賣亦係飲茶必食嘅點心。大大粒燒賣，蝦肉爽口彈牙。海鮮煎薄罉見到隔離檯點左碟薄罉，份量超大。於是我哋都叫左碟試下。味道吾錯，好香口完全吾油膩。吾知係咪心理作用，裝修後嘅點心好似好味左。

潮庭，我係未裝修之前，一次都未去過，係裝修之後，我都係第一次去。 今次去的原因係因為另一間要等太耐，而咁啱呢一間有位，所以就嚟呢間。兩個人永遠都係坐埋一啲最角落的位置，不過勝在環境光猛，夠開揚， 會有兩，三個侍應係左近。 花生青瓜雲耳豆腐乾份量都算均勻，其中花生脆口，鹹鹹的最惹味。 香酥炸拼$39賣相好精緻，好吸引人，由左邊起分別係蘋果酥，帶子芋蓉酥，鳳梨海鮮酥蘋果酥甜甜地帶子芋蓉酥， 芋蓉香脆，帶子微涼鳳梨海鮮酥唔係甜，係鹹的，好奇怪 叉燒包$34叉燒包餡多汁多，個包都幾軟熟 點心拼盤$60粒粒都大大件， 個皮夾起唔會散下次應該會選擇呢一間飲茶

早前此店裝修完畢, 臨近中秋節, 便訂位去跟家人聚餐, 順道看看其裝修後的環境如何。 內部餐桌的設計有改變, 以前是中式酒樓格局, 大部分是圓桌。 現在多了卡位和方桌。 今天我們一行五人, 就坐在卡位, 坐位新, 又坐得舒適。梅羔醬烤骨: 酸酸甜甜, 但不會覺得膩。煎蠔烙: 煎得香不油膩, 蘸以魚露, 是必食之選。黃金蝦棗拼蟹棗: 蝦棗的蝦膠加入了馬蹄, 口感爽滑; 而蟹棗𥚃是有絲絲的蟹肉。魚蛋素菜㷛: 魚蛋算爽口, 除了雜菜, 另有蝦干, 不過不失。椒鹽九肚魚: 鬆脆外皮, 九肚魚肉是滑滑的。欖菜肉碎炒飯: 炒得油膩了點。

剛剛有工作要到太古城，做完後因為時間尚早，未能吃午餐！決定和朋友仔去飲茶啦！雖然係愛吃西餐，但話哂都是中國人呀⋯⋯咁都會有愛飲茶的時候出現！其實太古城有很多茶樓，但點都會找些集團茶樓啦！我們終於選擇左 潮庭 作為我們去既地方！ 10:20 到達，都竟然有很多枱茶客，係就有伯伯，婆婆們，但都有年輕的一群人，包括我在內！睇了點心紙，決定要叫 豉汁蒸鳳爪，沙茶金錢肚，點心拼盤，海鮮煎薄罉當中的點心拼盤，要10:00 後才能 order! 價錢：60元包括有的點心款式：冬菇包，白菜瑤柱蝦餃，燒賣，黑松露淮山蒸素餃，家鄉豆蓉餃！味道非常好吃，賣相也很吸引，每款1件，如果要分享來吃，就有點麻煩！ 但是每人一客的話，又不能享用太多美食，所以有得都有失啦！海鮮煎薄罉價錢：48元味道香口，很脆，但吃到最後，底部果一塊就會濕了，唔脆豉汁蒸鳳爪中點沙茶金錢肚大點這2款點心，是我最喜歡吃的，一來味道濃郁二來煮得入味這間潮庭的服務態度，不過不失啦⋯⋯環境都可以接受，光線充足，碗筷很完整評分：服務：8/10食物：9/10環境：7/10價錢：6/10因為早茶時段，2人都要210元，真的有點昂貴