潮州佬餐廳 (已結業)

之前有間車仔麵已結業，唔知關唔關..........事呢？入去裝修無乜改，原來上手餐廳做唔住，連裝修頂讓，新頂手老闆為潮州人，所以改名為潮州佬餐廳。點了獅頭鵝飯($48)，有獅鵝肉、豆腐及例湯，凍檸茶(跟餐飲品加$7)，例湯是蓮藕湯，夠熱夠味；普寧豆腐賣相不覺滑，但食落好滑，同阿鴻小吃之豆腐一樣咁滑，堅好食；雖說不是獅頭鵝片，但有幾件鵝件也是無骨的，鵝肉好咬口又不會太韌，是有骨連住之鵝肉比較難咬，味道是不錯的，如果鹵水味再濃一些更好；連白飯也是硬而且乾身。飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍，合格！再點了一客脆皮素春卷($14)，春卷夠脆，但餡料較少，不過$14有4件，仲要點？為何見到有5件？侍應話老闆炸多咗件！