潮州人 (已結業)

潮州人這小店不是吃潮州菜, 而是吃新鮮海鮮小菜以及米粉和湯飯, 特別足其花膠, 兩三塊大花塊煮得相當腍身, 配上同樣腍身而充滿牛味的新鮮牛頸脊肉, 配上新竹米粉也只是七十多元, 以麵食來說不算是便宜, 但想到其花膠的Size, 以及煮到其腍身所需要的火候及時間, 再加上重型的蠔油, 這算是物有所值. 湯的味道和外表十分清澈, 以大量的雞骨煮成, 沒有味精的人工, 無論是配米粉還是煮蠔, 在這寒冷的一週是一種很舒服的Comfort Food.

一直很想試這間舖「潮州人」，今次終於有機會品嚐。這間舖位於太子和深水埗中間，不算就腳，7:30左右進去時，還有數個位置空著，但很快就坐滿了。在這個因疫症而變得冷清的街上，一間爆滿的食店顯得格外耀目，也證明了「潮州人」有不少忠心FANS捧場。叫了招牌貨蠔皇花膠撈麵，還追加了溏心醉蛋。花膠多得舖滿了整個碗，滲入濃濃的蠔油味，份外開胃。溏心蛋吃得多，用酒釀還是第一次遇到，是花雕醉雞那種味道，很特別。同行者點了手切肥牛米線，我試過牛肉還不錯。在寒冷天下，吃一碗熱騰騰的米線，真的暖入心，把寒意都暫時驅走了。接下來香港將會面對種種難關，希望大家都能盡一點力，助良心小店渡過難關。

中午肚餓，見到大片連儂牆嘅餐廳，當然即刻入去試下啦。應該係剛剛開門，只有一個伯伯做樓面，行動較慢，但我哋當然唔介意啦！叫完野食之後，走去寫下連儂，睇吓文宣，轉頭就有得食啦！兩個人叫左一碗招牌花膠米粉，同埋清酒大蜆。佢嘅花膠順滑爽口，無煮過龍，而且湯底非常清甜，飲晒成碗都得。佢中採用咗新竹米粉，一絲絲吸收湯汁，好好味！清酒大蜆粒粒都好飽滿，食落鮮甜，酒味唔會太濃，煮得岩岩好，一D都唔UN。應該多啲支持呢類型嘅黃色小店，真係好有心機去做。

花膠麵早兩年都興過一排，不過一直未有機會試，到咗今時今日潮流過去咗，已經執剩冇幾間🥺。最初聽到 “潮州人” 呢個名，的確令我有啲卻步，因為我一向唔鍾意食潮州打冷，後來知道原來係食花膠米粉😍，咁就當然要去試下啦！]呢度嘅花膠米粉同湯飯一樣價錢，加三蚊可以轉紫薯麵，我就叫咗個花膠大蜆雙拼米粉，再加杯凍豆漿。米粉一上枱，即刻畀那大大抽花膠吸引住🤤，食落口，又滑又甜，很好吃。至於大蜆就更出色，既大隻蜆味又濃，可惜只有兩隻，絕對唔夠喉😅。另外值得一提就係個湯底，每日用鮮雞煲製，非常鮮甜。我食完個米粉，之後就開始一啖一啖飲湯，本來覺得有啲唔好意思，但偷偷望下隔離枱位大叔，見佢直頭將啲湯飲到一滴不剩，於是我就放心飲到見底😆。]食完米粉，很滿足，行出舖頭，見到何已完易拉架，就更滿足🤗。

小店取名潮州人，卻不賣潮州菜，據說是老闆Atta父親想他學習老鄉們的刻苦性格，好好經營。他一腳踢，他也確實勤力非常，只是人手有限，都希望食客可以有點耐性。招牌花膠湯飯餐牌上寫的是招牌花膠米粉， 但下方有註明"湯米粉與湯飯同價 "。 剛巧想吃湯飯， 我便轉了飯。招牌花膠很大塊，但是飯的份量相對較細小。但味道不錯， 湯有獨特的味道(但喝不出是用什麼煮)， 不是平時外出喝到的。 鹹度適中不會太鹹，喝完也不會口乾。總括而言唯一的缺點，只是飯的份量相對較少。 男士應該未必足夠。這晚的店員是那種也不會覆單， 別人叫他加飲品也不會應人，而是用動作做去表示。我很怕這種店員， 因為沒交流。而且他們做事很容易出錯。 因為覆單和回應是保證雙方的重要溝通方式，雙方沒有理解錯誤的前提下繼續進行。( 簡單來說也是一種double check)

上網睇到人地介紹 就特登去幫襯下試下招牌花膠湯飯（見人地推介湯米 但我自己中意湯飯多😋）+8蚊可以雙拼 所以多左兩隻蠔～～～好食到連湯到飲埋 飲完完全唔會覺得口乾～極力推介😜

花膠好大隻😹成隻碗面甘大👍🏻👍🏻👍🏻煮得好入味好彈牙👍🏻👍🏻真係原隻上好足料😍連跟麵來果個湯都真係煲出來，同啊媽煲既湯有得輝呀！！！唔係平時粉麵舖果d無味又淡，得d色既湯。米粉好幼滑好爽口，唔會煮得太淋成pat野甘👍🏻撈埋蠔油同d花膠汁一齊食真係一流呀！！個醉雞翼相對就無甘出色啦！可能天氣凍再食凍野所以無甘好食😅不過都好香酒香味，肉質都彈牙！整體都講好好食，下次一定會再去！

「潮州人」以平民價錢就可以吃到花膠、日本廣島蠔作招來，其招牌花膠湯飯與廣島鮮蠔湯飯亦確實非常美味，這裡沒有花巧的賣相，卻以平實的家庭味道取得食客的好評。來到「潮州人」，不可不試它們的招牌花膠湯飯，如果不想吃湯飯亦可以同價錢轉米粉。花膠份量很足，夾起來是一條條完整的花膠，並沒有將價就貨。花膠扒味道很鮮，加上發得厚身令口感十分彈牙，膠質含有豐富骨膠原，實在是女士恩物。配上自家製鮑汁雞湯底，清得來又夠味。個人不太喜歡米粉所以選了湯飯，這個湯底送飯實在一流，好吃得把湯都一滴不留地吃盡了。除了招牌花膠外，廣島鮮蠔湯飯亦是不錯的一個選擇。選用了日本有名的廣島蠔，每一隻都肥大飽滿，味道新鮮重蠔味，同樣配以無味精的鮑汁雞湯，湯底鮮甜味美。如果說花膠是女士必吃，這碗廣島鮮蠔湯花想必會是男士的首選。「潮州人」溏心蛋有別於一般以味醂浸泡，而是選用花雕酒入饌。陣陣酒香味撲鼻而來，蛋黃帶著半熟的流心質感，滑溜的口感伴隨著花雕酒醉人的味道，雖然價錢稍貴但值得一試。

師傅難得可以早啲離開監房，於是乎約友人女神食個飯，之後順便去飲杯嘢。師傅睇下有乜好食，左諗右諗又要就返個地段，就返啲時間，於是決定嚟呢一間食店試一試喎。又係一間良心到不得了嘅良心食店，所以同女神夾好時間之後，師傅就直接黎呢度坐定定 ，等埋女神一齊嗌嘢食。等候期間，又連儂牆，又優惠，真心感動。終於見到女神，點知女神黎到就話唔係好肚餓，冇乜胃口，真心唔知係咪見到師傅個死人樣，所以冇乜胃口。不過師父都慣，被嫌棄已非首天，於是唔理咁多，不過嗰日師傅好好胃口，但兩個人又不能柯打太多食物，所以商量咗一陣，決定柯打一個花膠湯米，清酒煮蜆，同埋嗌咗佢一個老火例湯。雖然唔係柯打左好多嘢食，但招呼一樣好好，好快就有得食。先登場係個老火湯，當然要同女神分左佢黎慢慢飲，碗湯女神話唔夠熱，不過對師傅黎講就啱啱好，如果太熱嘅話師傅就飲唔到喇。碗湯係椰子煲雞，椰子非常香甜，冇味精，入口非常舒服，味道超正，唔知係咪師傅太耐冇飲呢啲所謂住家湯，所以覺得好好飲，飲得得非常吃皮。之後就試下佢個花膠湯米粉，花膠湯米一碗唔算大，如果師傅一個人嘅份量嚟講可能又太少，首先講佢嘅米粉，係屬於新竹米粉，又幼又腍，米粉啱曬師傅口味，加上

🍜 主食蠔皇花膠撈米 $68花膠好大隻好足料，炆得夠䭃又入味，係呢度必食😋-新鮮元貝湯飯 $48見到通常啲人都係叫清酒大蜆，但係呢個都真心推介! 湯底係每日新鮮煮嘅雞湯，配埋白飯啖啖食落都好清甜好有住家feel😻-手切肥牛米粉 $53牛肉新鮮手切，唔會煮到100%熟哂，喺湯底浸一下就啱啱好，食落好䭃都食得出牛嘅鮮味🐮-🥢 小食溏心醉蛋 $18師父醉雞翼 $28半熟嘅溏心蛋同醉雞翼都醃得好入味，一上碟已經聞到陣酒香😌 -🥤 飲品龍眼花旗蔘蜜 $16宜家天氣咁乾燥，飲完呢樽花旗蔘蜜就滋潤返🥰 龍眼蜜中和左花旗蔘嘅甘味，飲落幾清甜

呢間鋪面細細但有唔少報刊介紹店內都貼滿唔同既宣傳環境雅緻，坐十幾人就會滿場👥餐牌圖文並茂 款式雖然唔多，但每樣都好想試😋最出名相信係招牌花膠米粉但清酒煮蜆同醉雞翼更吸引我🥢我對酒香既食物一向冇咩抵抗力🤤唔要米粉轉左湯飯飲品得2款，有機豆漿/ 媽咪龍眼蔘蜜(都幾有性格🧐)天氣乾燥就要枝左蔘蜜潤下。🍶師傅醉雞翼配清酒大蜆湯飯🍶🍯媽咪龍眼蔘蜜🍯* 雙併要另加$8嘢食好快就上枱望上去比想像中細碗大蜆同雞翼各2隻已經鋪滿成個碗先飲一啖湯 顏色好清透味道鮮甜唔會過鹹，配埋清酒大蜆既汁發揮加乘作用🈵大蜆食得出係新鮮貨 爽口冇沙醉雞翼醃得好出色有酒香但又唔會過苦 而且有淡淡藥材香下次可以當小食encore👍🏼湯飯係珍珠米 更加有咬口食到尾聲，加小小辣椒油落去做點綴又香又辣真心好正🌶本人相當怕苦尤其是苦瓜花旗蔘呢類有回甘既野😨不過最近真係太燥要潤下第一啖飲落去有少少甜 係龍眼蜜既甜味但唔夠1秒花旗蔘陣甘味就湧上嚟雖然唔算苦 但就唔鐘意陣蔘味👉🏻👈🏻好彩細細枝可以一口氣灌落肚

望落一個湯米要大約$50兼冇飲品，好似有啲貴，但見朋友好想食，就跟埋入去 🤔🤔我點廣島蠔湯米；朋友點花膠湯米先呷一啖湯，好有蠔嘅鮮味😍😍😍 一碗有四隻，味道鮮甜冇味精，就覺得呢碗湯可以飲多幾啖 (平時食湯麵 / 湯米係好少飲湯，太重味精）米粉同新竹米粉有啲似，幼身的，很喜歡😋😋不過碗米粉有啲細碗，未必太飽，可能要考慮加底。我地就加醉鷄翼，好重酒味，正 🤤🤤(不過鷄肉實左啲）呢間可以繼續encore😚😚值得支持嘅小店😎

潮州人嘅菜式我印象中嘅潮州菜 可以話係風馬牛不相及🤣🤣🤣今次同老公出開旺角 聽講呢間潮州人近排好火熱🤩所以過嚟試試 簡單下午茶叫咗個花膠米粉 細細碗 不過花膠大大件 入味又夠淋 米粉係好似新竹米粉嗰啲又生但係好爽醉雞翼 okay la 有個類似綜合海鮮拼盤嘅嘢 唔記得左叫咩名😛 有帶子 大蜆 廣島蠔 同醉蝦 正到冇得彈啲海鮮煮得啱啱好 好新鮮 醉蝦夠晒入味又彈牙。非常outstanding 最後當然唔少得嘅就係一樽龍眼參蜜。我覺得好好飲啊！參味同龍眼味平均 唔苦又唔會太甜👍細細樽$12跟麵 抵👍👍總括來講我覺得佢嘅味道好好 完全冇味精嘅感覺 啲面細細碗 可以食多一兩個小食 好啱女仔食

去到太子呢間小店，由於下午茶時間鋪頭無咩人，坐得算舒服。嗌左一碗醉雞米粉同一碗雙拼醉雞牛肉米粉。醉雞好重酒味好香，啲雞翼肥嘟嘟好厚肉，米粉屬於幼身個隻，吸晒啲雞湯既精華。我連湯都飲晒，一啲口渴感覺都無，湯底真係無落味精值得一讚

約了友人到旺角食飯，已有幾間心水餐廳，路線之下揀了潮州人，招牌是花膠米粉，聽落好養顏滋補，一於去試下。 小小的店子，裝潢簡約，6點多去到不太多人。 良心小店。 餐牌，既然來到就食花膠米粉。 據簡介，老闆是空手道教練(功夫米粉?!)。 自家製龍眼花旗蔘蜜，$16，花旗蔘味濃郁，微苦有回甘，味道清甜。 招牌花膠米粉，$53。 花膠份量十足，口感軟滑，雞湯底味道鮮濃，新竹米粉，入口滑嫩，幼細的米粉吸收了湯汁，味道鮮甜好味呀。食物有水準，十分足料，見廣島蠔都好吸引，下次有機再食。