潘記麵家

平時午餐時候會好多人食所以特別揀開店冇耐嘅時候食人流會比較少最常食的是魚蛋面，但呢間最好食嘅係雲吞啲面嘅湯底好有鹼水味好正，啲面條都好好食🤤🤤🤤成日都幫襯…查看更多

以前成日都會過黎依邊，每次過黎就一定會食佢地既雲吞麵。由17蚊一碗到依家26蚊一碗但味道一樣無變。招牌雲吞麵勁抵食，每碗麵都有4大粒雲吞每粒雲吞都食到啖啖蝦肉同肉蓉係入面蝦有蝦味唔會有腥臭味。而麵質方面幼麵既鹼水麵味唔會好重而且食落非常爽口彈牙。真係平民價美食！…查看更多

今日去咗搵朋友，未食野，又唔想食得咁heavy。佢話有間粉麵好好食，叫潘記，就去試下。潘記係間傳統麵食店，無論格局同食物都好簡單，冇奶茶，檸茶之類，只有汽水。亦都冇清湯腩，五香牛腩，只有炆牛腩。單拼由$22-26 不等，牛腩貴啲，我就叫咗牛腩，通菜加可樂。好傳統嘅炆牛腩，呢種似滷水炆出黎嘅牛腩，相信只有傳統麵食店先搵得返，好香濃，有別亦其他牛腩，呢種煮法牛腩會炆到好實。但好好味，如果切細粒啲會更好。米粉都好乾身，配埋牛腩湯汁好好味。通菜好新鮮，簡單嘅油菜方法，腐乳應該撈咗千島醬，好香甜，唔會好似純腐乳咁好咸。可樂都係少見嘅枝裝，夠凍，比一般多汽同冇咁甜，餐後一野飲哂黎埋尾冇得彈！傳統麵食真係買少見少，店家都係一班老一輩打理，值得支持，而且價錢非常大眾化。朋友話冬菇都好好食，下次黎到一定再黎試下！…查看更多

今日黎開依頭，同朋友想食啲平靚正既野，朋友就介紹左依間麵食喇，依間麵食坐無虛席，超級多人呀，又有人買下外賣粉麵，又有人買下生雲吞，應該無介紹錯喇。麵食價錢$22起跳，我地叫左魚蛋魚片米粉同冬菇米粉食，仲可以叫加腩汁同多青添。睇下幾多蔥!冬菇米粉($22): 依個係依間鋪既主打~~冬菇好大隻! 隻Spoon都就黎裝唔住佢! 好厚，好重蠔油味，但係好爽口，正，一碗入面有六隻冬菇添。魚蛋魚片米粉($22) :  魚蛋魚片份量多，魚蛋好多粉，所以咬落佢即散，係普通粉麵店既魚蛋!米粉份量好多，依得好飽。食飽加多2枝樽裝汽水，$5一枝，好抵呀! 所以埋單都係 $54，超平又好食既晚餐!…查看更多

潘記麵家嘅自製鯪魚球真係冇得頂，其實應該係叫乒乓波鯪魚球先至真，因為D鯪魚球真係好大粒，用料好新鮮又食到有果皮嘅香味，又彈牙，我之前去其他粉麵店食嘅鯪魚球，唔係講笑。。D魚肉真係好削好霉，有腥臭味，好彩潘記嘅出品有保證，麵質都可以，除咗鯪魚球之外，潘記嘅牛腩都認真唔錯，而且夠哂大嚿，而且牛腩嘅份量亦好多，唔好以為潘記食一碗牛腩撈麵要收$36元覺得貴，份量一定有保證，試過你就知，保證冇花假，我下次有時間嘅話，一定會專程再去食過…查看更多

平時周不時會到葵涌探朋友，朋友介紹呢間街坊老麵家，佢食左好多年，平價又好好食，冬菇粗麵$20蚊多蔥加腩汁，share左朋友一粒雲吞，呢度既蔥唔知點解特別好食，淋身有汁又香，所以次次食都要多蔥，外賣反到去放耐左，麵都唔會吸左湯，麵身依然爽滑，蛋味香，雲吞大小適中，皮薄，餡比例蝦比豬肉多，食落有蝦既爽彈，又有豬肉既鮮香，冬菇用上成本較高既炆冬菇，而非鮮冬菇，冬菇肉厚，size有大有小，炇得入味又夠淋身。…查看更多

如果不是因為這麵店，我都好少來這舊區逛逛，每次假期沒事做必來回味一下😋😋😋這碗麵無論材料分量質素都非常足👍👍雲吞：鮮蝦爽口+半肥豬肉甘香，比例4:6，size算大粒😍在我食麵短短十分鐘內，居然除了買麵食外賣，更有三人是買生雲吞回家，聽聞是非常受歡迎😱😱😍牛腩：是一舊舊size而不是碎碎粒粒的，有口感不會硬而牛味濃😋😋麵：麵質爽口彈牙湯頭：算是最平凡，但亦口接受～店內飲品有細枝裝汽水＆豆漿，每次必飲👍👍…查看更多

店舖在石蔭路小巷內街，平日不太起眼，主要做街坊生意，有很多公公婆婆在吃。點了個淨水餃外賣$22，外賣無需加$1。回家後打開，一共5隻大水餃載浮載沉。湯底不算突出，每隻水餃都好飽滿大粒，目測有3隻蝦，皮亦夠滑、不過薄點會更好，另外如果有少少菜墊底就好了。支持街坊小店…查看更多

中學時代經常都會到潘記食午飯貪它的食物質素貪它的優惠價錢貪它的厚厚人情味我最喜愛是這裹的魚蛋河加腩汁 ($18)以前十一元就可以食到了或許價錢上升了不少但質素依然熟悉的椅熟悉的桌都讓人回味講到食物質素魚蛋魚片爽口而且腩汁好香至於油菜很足量物有所值當然這裹的雲吞 牛腩也十分有名但因有感而發未能附圖請讀者們見諒…查看更多

今晚落咗嚟呢度買碗麵同豆漿返歸食入到嚟可以見到空間好大好多位同埋個廚房係開放式,店員仲好有親切感,做嘢爽手,每次啲麵都整得好好味,水餃仲要係自家製,不過相比起上年,又加咗價,但都冇計,租金唔平,要體諒下老闆冬菇米,隔好遠都聞到啲香味,啲冬菇好大,非常軟韌,好濃嘅菇香,並且味道鹼而提出鮮味,非常鮮甜,啲米粉柔韌細膩,爽口彈牙,湯底更係難以形容,一道道嘅清甜味,仲有香味,味道一流涷豆漿,飲落去非常香滑,豆味好濃,甘而滑口,唔會過甜,雪涷咗口感更係爽呀…查看更多

一間陳設比較似茶記既粉麵檔,裏面冷氣夠大,店員煮食同整理食物既距離好近, 但都尚算乾淨我叫左個細蓉, 雲吞吾正宗,冇燕尾而且麵在下面,但十分抵食大件,4粒雲吞粒入面既豬肉同蝦都多, 而且麵都吾少,尚算爽口彈牙,埋單只係17蚊以抵食黎計係十分不錯既粉麵檔選擇!…查看更多

同區內.....粉麵店唔算好多，我係呢間食一來就腳，二來佢真係抵食~~我叫碗墨丸米+油菜.....都只係要俾$21咋~~真係抵到痴咗~但係唔算話相當好食~~墨魚丸唔算香口，質地係實實地，冇墨丸應有口感或香味~米粉係比較粗鞋.....好一般啦~最近米粉好似轉咗另一隻....口感又唔同咗了......油菜就唔錯嘅...不過有時佢用咗d太老個d就真係咬餐懞但太部份時間都唔錯~…查看更多

十蚊十幾蚊一碗的雲吞麵鋪通街都係, 但令我食過返尋味的, 潘記可算是其中之一, 我由幾年前佢的雲吞麵11蚊一碗開始食,到今日加到15蚊一碗(11月開始加的), 我都對佢不離不棄。招牌菜：雲吞麵($15) : 我經常食！雲吞大大粒絕對足料！蝦肉比例剛剛好，軟身有少少彈牙, 又唔會食落好似一舊粉咁。淨買生雲吞一打$30，都幾抵食。牛腩麵($15): 好多人食, 我食過幾次, 個人唔太好牛腩, 無咩特別大印象。冬菇米($13): 近排常常吃, 佢的冬菇炆得好林好入味, 但偏咸, 用來送米粉一流。油菜($6): 最鐘意食通菜, 冬天無得吃了。魚蛋河我都食過, 唔算好驚為天人。牛肉河我都食過, 牛肉好滑, 但唔太夠味。重點推介：辣椒油！不能不試！送雲吞麵最夾！是目前為止我最鐘意的辣椒油, 佢辣得來勁香,食過就知有幾好食。買過兩支返屋企, 但都係新鮮係鋪頭食最正。平靚正的麵鋪香港買少見少, 人工租材料都貴, 要多多支持下呢D咁有實力的鋪頭！…查看更多

今日3:00 p.m.路經此地,入去食翻碗麵滿足下。入到去的感覺是店內有很多客,大約20多個, 很旺場 。我點了一碗雲吞麵及涷豆漿, 不消5分鐘熱騰騰雲吞麵及樽裝涷豆漿已到齊。雲吞大大粒有4粒, 蝦肉夠新鮮及彈牙, 麵是爽滑一族, 絶無梘水味, 豆漿不是太甜, 剛剛好, 正 ! 這問店舖不是太明眼, 但味道一流, 值得推介 。 今次無食到牛麵, 下次要試試, 因為3:10 p.m.已賣晒, 而老闆不斷包緊水餃 , 忙個不停 。…查看更多

2010年1月14日 ( 1 ) 潘記麵家潘記麵家近期經常光顧的麵店，吃過這裡的牛筋河後，每次都是 ( 牛...筋...河 )。每碗12元，十分抵吃。牛筋夠腍...入味...非常美味。河粉夠滑，湯底腩汁好味，吃後也不太口渴。…查看更多