漢發麵家 (大南街)

營業中

休息中

🍴餐廳美食 搵食情報🍴💰自費分享💰深水埗既是舊區 保存住一份舊社區獨有的人情味同時近年亦隨著社區轉型 進駐不少文青小店 成為了年輕人追棒的文青蒲點 📸打卡勝地 區內街頭小食、歷史悠久的傳統餐廳定文青咖啡店應有盡有 新舊交融 魅力不衰🎈新舊交融 美食雲集🎈🎈45年老牌麵店 漢發麵家🎈💛豬潤麵💛呢度既豬潤每塊都切得厚厚一片 煮得剛剛好 口感爽口彈牙 完全唔韌 無渣之餘亦無內臟的腥味 而湯底清甜 帶有濃濃既豬潤同薑酒味 每食一口麵索晒d精華 好出色💛豬扒麵💛大大塊的豬扒 即叫即炸 新鮮熱辣 炸粉的粉漿夠薄 外皮脆卜卜 內面保持到鬆化香脆又多肉汁 唔會乾掙掙的 整體感覺唔太油膩💛法蘭西多士💛依度既西多士有別一般茶餐廳 唔係傳統四四方方的 而係圓碌碌一個面包甘 面層鋪了一份厚厚牛油配襯煉奶 好邪惡 西多士食落蛋味十分香濃 口感超級鬆軟 充滿空氣感 真係似吃梳乎厘 不會覺得太膩整體來講 環境乾淨企理 招牌豬膶麵實在做得不錯 👍🏻簡單一碗麵亦感受到店家投放左好多心機 梳乎厘口感既西多士 顛覆原有想像 令人想一試再試📌漢發麵家深水埗大南街192號#餓鬼食在深水埗#餓鬼食堂#餓鬼搵食#豬潤麵#豬扒麵#西

今日特登同幾個朋友去漢發食豬肉麵，之前食過大家都好掛住它的豬潤麵，就一大早過來食，我地食一丁都煮得幾好，麵好入味，但講到最重點的豬潤就給它的質感吓親，厚度就無變，但豬潤一d味都無，成快橡膠一樣，好怪，好似食緊一塊爽的橡膠，我d朋友同我coment一樣，覺得已經變左另外一樣野，主打食豬潤，點知原來豬潤最失色，反而奶茶同牛肉煎蛋麵水準仲keep得到，本人好少寫食評，真是頂唔順先會comment😅😅😅

肉肉🦊週末中午和小🐤胃打開了收藏已久的茶記，門口就有很多明星的合照，發哥，張智霖，林峰，陳奕迅等等，感覺半個香港娛樂圈的明星都來過，尤其是發哥，看照片不止來過一次！所以排隊是必然的哈哈.再來說說味道，首先要說，因為自己不吃豬潤，所以沒有點，這個是招牌，看到桌桌都有！！我點了招牌法蘭西多士🍞，好像棉花糖版鬆軟，煉奶好多，不愛甜的不要選，我喜歡！！炸雲吞，顆顆飽滿，飲料🥤點了仙草冰，切記，少甜！！

原本去食維記，老公話呢間仲正，咁就即管來試下。叫咗豬膶麵，練奶西多士，鴛鴦紅豆冰豬膶厚切，好爽口，好好味煉奶西多士，第一次配煉奶，感覺唔同我覺得好味過用糖漿鴛鴦紅豆冰，味道好特別，搞下新意思，好味兩個人食唔到好多款，今次好飽下次會再試吓錦鹵雲吞

一直都好想試呢間豬膶麵，有次直程係好傻仔咁星期日嚟到，先發覺唔開，最後喺附近是但搵左嘢食🥲🥲😂今次醒啦，特登星期六嚟，但成三點幾都仲係好多人等位，夏天等都真係幾辛苦，留咗勁多汗都未入到去🥵一坐低諗都唔使諗，即刻嗌左豬潤牛肉麵，加咗份西多士，同凍檸茶！等咗一陣就有嘢食啦，豬膶麵一上枱，我哋即刻wa wa聲，因為豬潤又大塊，又厚，咬一啖，爽口得黎又有啲粉嫩，好好味！勁快就食完碗麵，之後西多士就到啦，同普通餐廳啲四四方方嘅西多士唔同，呢塊有啲圓角😂都不錯！講完有啲掛住碗麵，好想快啲再去食🤣

係深水埗食完野口痕想食甜野，特登行過黎食呢到既法蘭西多士🤣。要等位..大約15分鐘好正！ 我可以自己食哂成份😌，完全唔想同人share。包烤到好鬆軟，同煉奶簡直係絕配！聽聞呢到既厚切豬潤都好搶手，下次早D排隊黎試下先！

四點九左右入座，食完差不多五點半，冇阻住人收舖😂喺出面等位熱到熔咗，飲啖凍奶茶，即刻爽晒，但個人覺得甜咗少少🙈西多有得揀糖膠或煉奶，揀咗糖膠，見到舊西多咁厚身太興奮，係咁倒糖膠倒到停唔到，塊西多即刻林身晒，不過加埋中間嘅花生醬，林晒都好好食，肥幾磅都抵啦輪到豬手幼麵，有三舊豬手肉，豬手夠林夠入味唔痴骨，不錯唷

看法麵加嘅豬潤牛麵係我每次都一定order ，唔少得當然係呢度嘅勁正西多士！因為每次都係同男朋友嚟，所以可以嗌多啲野，食唔晒都有人包底呀嘛哈哈😂😂😂😂😂今次一個人嚟，鋌而走險，試吓呢度冇乜人嗌嘅撈麵，望到個樣其實都幾靚仔，但係講真原來蛋麵呢樣嘢真係澳門嘅又或者傳統面㗎係做得好啲，真係會彈牙啲同埋鹼水味冇咁重😛鮮牛肉當然冇得輸，但係個面底我真係有少少失望，下次嚟應該真係食返豬潤牛麵同西多士穩陣啲😂

星期六的下午十分多人，即使已是下午兩點都排滿了人。取票後大約等了四十分鐘才能入座。餐廳不算大，不過座位都不算太迫。叫了豬膶餐肉麵。一碗麵有五片厚厚的豬膶。份量滿意。豬膶的口感十分爽脆，不痴牙，而且不會有豬的「押」味，證明處理及清洗得乾淨。煮的時間掌握得很好，熟之餘又不會過老，保持爽脆口感。麵底是出前一丁，不像一般即食麵浸湯後會過於淋身。另外叫了份炸雲吞，香脆而不油膩。醬汁帶點芥末，帶點甜酸辣味，相當開胃。

常常聽到啲人話好好食，又常常要排隊，引起我嘅興趣去試一試。到達時大約兩點半，幸運地等1張枱就到我哋拉。叫左豬潤麵，豬潤有6塊大大片，湯底有濃濃酒味，不過豬潤既口感一般，可能我比較喜歡黃沙潤。叫咗一份炸豬扒，口感鬆化、一樣大大塊，有驚喜。叫咗杯鴛鴦紅豆冰，紅豆好淋，好味，鴛鴦底都做得好好，好飲。啲服務員態度都好好，第一次去都有講下笑，氣氛幾好。

平日早上唔使排隊試吓去食，豬膶麵味道唔錯，豬膶夠晒厚身，但可惜食落質感麻麻（好似泡水咁兼有渣），涼粉紅豆冰都幾好飲，侍應招呼有禮，以地區、環境來說價格屬中上水平。

招牌豬潤VS炸雞翼😍發覺佢嘅炸雞翼亦都係不得了仲有佢個西多士已經第三次食但唯一唔好飲嘅就係佢奶茶叫咗三次少甜都仲係偏甜，如果佢哋嘅奶茶再改善下我相信係一間非常了不起既茶餐廳

由街邊幫襯到鋪頭, 常常掂掛住炒牛一丁, 今天想食個任性早餐, 但徹底失望而回。炒牛已不像從前有鑊氣, 丁麵湯底沒有味, 也沒有麻油, 麵又比較淋身, 最勁就是價錢, 例不設早餐, 現在的時勢, 我都覺得太奢侈! 若非情意結, 堅唔會再來!

與朋友聞說這裡有超級好吃的西多，所以我們特別馳名而來一嚐的。它的西多等候時間較長，但好的美食也需用心製作的，所以也決定一試。它的西多不是普通的西多，而是圓形的。份量也不小呢！而且它可以選擇蜜糖或煉奶，我們選擇了煉奶。而在面層上了一份超邪惡的厚厚牛油 它的西多咬起上來超級鬆軟，而蛋味十分濃郁，不像普通的西多只有油和麵粉味道。吃這個不知道要做多少運動才能減掉，但也是值得的呢！因為它真的很好吃，美味可口的！

深水埗老字號茶仔由舊時嘅鐵皮檔入咗舖都有好多年歷史🍜豬潤麵豬潤厚切爽口，食落非常之有口感，上枱嘅時候仲有少少粉紅色，係僅僅熟。同維記唔同，佢冇薑絲嘅，取而代之嘅係一陣酒香味。🍞西多士同一般茶餐廳做港法唔同，佢係蛋黃同蛋白分開打，先浸蛋漿，炸之前在沾上蛋白👍🏻上唔到枱嘅時候係張卜卜。食落好香蛋味，口感就似疏乎厘，非常軟熟。要留意返製造時間比較耐😉大約都要20分鐘🥟炸雲吞蝦肉爽口，雲吞皮炸到脆卜卜，配埋個Wasabi沙律醬！停唔到口呀😋