漢寶皇宮酒樓 (已結業)

有新同事返工, 故又一次來這裡食午飯兼迎新.依然叫了十幾款點心, 加多一個海鮮泡飯及一個涼瓜排骨炒米粉, 本來想叫半隻五味雞, 但無特價賣$80, 算了吧. 炒米粉及泡飯上來算快, 米粉烘乾成餅形再切開等份, 涼瓜排骨及芡汁另碗上, 米粉外脆內軟, 芡汁濃淡適中, 涼瓜排骨炆得剛好, 有水準產品, 海鮮泡飯也不俗, 午市人害不算多, 一進來就有位, 午餐飲茶好地方.

經常去漢寶飲茶,今天首次試試晚飯。先看看魚缸,看見鮑魚肉身比湯匙還要大,決定清蒸半打。肉質彈口且有鮮味,但奇怪的是內臟,那種顏色綠得教人吃驚,當然不敢吃咯。小塘菜河參- 河參爽口,就是火侯剛好,配上少許蝦籽亦是個不錯的做法。可惜河參本來就是不入味,所以汁變得太鹹。草莓排骨- 強烈果醬味,感覺就是很假,人工而不是天然果鮮味。最後是大龍躉尾,唉,太鹹了,把魚浪費了。

昨日一行十人食迎新lunch, 點了兩個菜及19款點心, 上菜時間算快, 款款點心都有不俗水準, 結果全部掃清, 一件不留, 好味.

由於大家各有各忙, 團年飯變左團年下午茶. 有人幫趁過呢間話抵食, 好彩(定唔好彩呢), 年廿九都唔駛等位.下午茶時段, 點心同粉麵飯都有特價. 一行七人, 記得食左:上海粗炒一貫地油膩, 平時我一定唔會點, 不過有長輩鍾意食, 即叫.奶黃包個餡係白色的, 奶味真係比一般果d強喎, 不過我都係鍾意普通果d.蠔餅係炸既, 略油膩但可接受, 起碼炸得鬆化, 亦幾足料.擔擔麵既麵條好似鹼水麵咁, 湯亦唔香濃, 不必試.豆沙鍋餅等左好耐, 上檯只係微暖, 皮厚而不香, 又係不必試.其他仲有鍋貼、紅油抄手、叉燒腸、山竹牛肉、灌湯包、喳咋等, 水準都可以接受. 總括黎講, 咁既價錢算係抵食.

今日係度飲茶... 客唔算多..D服務態度超差...尤其安排座位方面....我O地同個知客講要兩位好幾次...完全唔理我O地!!都已經等佢安排好其他幾個客先再講兩位KA喇...結果都係飛仔又唔俾...答又唔答...都唔知佢做緊乜..我地就企係度白等...仲要大條道理話問緊同事有冇檯...喂?!咁可以講聲掛...應都唔應..一句"唔好意思"都冇~~仲想同我地嘈...(但佢作為服務員..好明顯地都唔應該同個客嘈掛?!)坐低之後..其餘樓面..服務都只係一般...greeting都冇句...真係好唔得~~唔知佢地係咪對得自由行客多...得小貓三四o既walk-in客o黎羅飛等位都叫人排隊...唯一好係食物方面都算唔錯...

12/06/2005 星期日同家人及男友0黎呢度食晚飯, 叫0左小炒王, 蒸頭腩兩味, 豉油皇煎蝦($68), 炒通菜, 仲好似有一兩樣唔係好記得.最好味要數豉油皇煎蝦, 煎得好入味, 殼都"吝"埋. 當然, 質素同新兜記係有距離, 但係新兜記食一隻可以響呢度食碟幾(每碟都有7/8隻), 況且d蝦都算唔細(熟0左都有4/5吋), 我認為係好味同抵食.蒸頭腩呢, 個炒球就真係令人失望d, 竟然用雪櫃野, 扣分; 但係個頭腩本身就好正, 因為食得出用0左新鮮野, 好味, 又可以加返d分.其他, 都算中規中舉, 唔錯, 係碟頭較細, d飯亦比較細碗.聽爸爸講早幾晚0黎食飯d老板好緊張落晒去睇住, 日後水準點樣就未知, 但係家下0黎講算係幾好, 但係就略嫌較多雜項收費.爸爸找數, 好似食0左大約400幾蚊.

15/05/2005 13:00今日係一個都幾重要o既日子，就係我同女友雙方家長第一次見面，地方就揀o左將來會o係度擺酒o既漢寶皇宮酒樓。呢度o岩o岩新裝修完，五月初先重開，裝修唔算好豪華，但簡潔。呢度有個優點，就係咁大個大廳都冇柱，可惜樓底比較矮，有少少焗促感。講番正題，呢o的咁o既場合，雙方都可能有少少拘緊，而且主要係黎傾正經o野，所以都預左唔會食好多野。但我就好少理，一於趁機試下個廚房水準如何。咁就叫一個點心套餐($188)再額外寫點心啦！點心套餐包括：貴妃雞半隻、金銀蛋萈菜、自選點心四款(揀了鮮竹卷、雞扎、節瓜甫同燒賣)同自選粉麵飯一碟(揀了楊州炒飯)。唔知係咪新開張要打響招牌，全部食物都非常好，簡評如下：貴妃雞- 有雞味而且好滑，就算係雞胸肉亦唔覺鞋，雞身亦唔肥。金銀蛋萈菜- 份量足，似是中牌，咸蛋和皮蛋都很靚，唯獨菜有少少渣。鮮竹卷- 造法不是傳統的先炸後蒸，鮮竹卷炸了後淋上蠔油芡，所以入口還是脆的，豬肉的比例較以往少，味道較清新，不錯！雞扎- 兩大件，以腐皮卷著雞、火腿和魚肚，還有一舊滿以又是芋頭，誰不知換上了一舊鮑魚.........菇，總算有一點驚喜。節瓜甫、燒賣-

有次去飲茶, 入到去叫完點心後就冇人招呼!!離譜!而且D碗都幾dirty!食物都係麻麻, 個腸粉酸的, 蝦餃唔好食, 雖然好平, 但我唔會再去...

The seafood is really cheap here! But the service is just ok and the food quality is just ok.