漢城美食

營業中

休息中

呢間家庭式韓國餐廳位於尖沙咀金巴利道，由01年開到依家，歷史悠久，主打多款地道韓國料理，價格經濟實惠，店內環境好大，空間感十足，適合同朋友仔開心聚餐。店員推介醬油蟹，淡淡醬香油味，膏唔算好多但食落鮮甜。另外搭配紫菜飯團，以紫菜、麻油、芝麻混合而成，飯粒軟糯可口，主食比配菜更有驚喜，唔知有冇得單點呢🤣湯類都有唔少選擇，牛尾湯味道清甜，飲落暖胃，裡面有成四大塊牛尾，肉骨分離，肉質軟嫩，吸滿精華，建議撈埋碗白飯落去變做湯泡飯，整體層次味道Level 🆙

呢間係尖沙咀區內開業好耐嘅正宗韓國餐廳，原來2001年已經開業到而家，相當厲害。餐廳都幾多野食選擇，幾岩一家人黎食飯。韓國人主理嘅餐廳，食物都好正宗。環境整齊乾淨，座位夠大坐得夠舒服。而家開始涼涼地，佢地仲有燉湯系列，都幾吸引。醬油蟹+紫菜拌飯 $190醬油蟹大隻睇起上黎新鮮，個拌飯紫菜夠多，撈好晒個飯之後擠埋D蟹肉蟹膏入去個飯到好香。隻蟹都幾多肉同膏，食起上黎雖然鹹左D，但真係夠鮮。年糕人參雞湯 $119雞湯入起上黎感覺真係好暖胃，入面有D年糕個口感幾軟糯咁。原條人參係入面，連埋條人參都可以食埋。生米酒 $105同朋友食飯順便叫左支米酒飲下，幾鍾意佢地會比個碗當杯咁樣飲，同埋都唔好睇少，支米酒成6%酒精，飲飲下都有D醉

經常聽到朋友去韓國旅行一定會食炸雞飲啤酒，但係尖沙咀都有個小韓國，短短一條街已經林立10多間韓國餐廳，如果想食由韓國人親自主理，正宗炸雞就留意下低地址唔好去錯！而且呢度d坐位非常寛敞以及整潔，絕對適合一家大細以及朋友聚會！▪️ 招牌芝士炸雞：雞肉仍然相當嫩滑，完全超乎我預期，Meun上有8款不同口味嘅炸雞，希望日後可以全部食晒美味指數:🌟🌟🌟🌟🌟▪️ 香辣雞肉芝士石頭飯：有6款石頭飯選擇，比起炸雞我更加鍾意呢度嘅石頭飯，什至係比以往食過嘅煲仔飯或石鍋飯更出色，因為低部整個鍋都係我最喜歡食嘅飯蕉，食落香口卜卜脆但冇燶飯，所以係必食！美味指數:🌟🌟🌟🌟🌟

📍漢城美食（金巴利道）今日收工同朋友來金巴利道覓食，搵到呢間韓國料理，店內位置好寬敞，好適合多人聚餐，菜式亦好多，我就揀咗呢四樣：🧀芝士雞翼（4件） $58拌碟有撒咗芝士粉嘅炸年糕，炸咗都唔會好硬，仲係啱啱韌韌。雞翼好香脆，入邊有汁，配上芝士粉好味👍🍜拉麵 炒年糕 $95年糕嘅甜辣醬很入味，汁好香甜，食落又甜又辣好過癮。入邊有年糕、魚片，拉麵好q彈，吸咗醬汁味道好濃郁。🍙漢城紫菜包飯 - 吞拿魚 $69我叫做吞拿魚紫菜包飯，好足料，入面有雜菜、蛋、黃蘿蔔、火腿、吞拿魚等等，唔會好鹹，飯粒食落好有口感。◾️炸醬麵 $99入邊除咗麵仲有煎蛋、薯仔，炸醬麵鹹甜口味，好惹味。麵粗身彈牙，食落好爽口。♡♡♡♡♡♡♡♡♡♡♡♡♡♡♡♡♡🍴門店： 漢城美食 (尖沙咀)📍地址：尖沙咀金巴利道74-76號地舖💸消費：180@♡♡♡♡♡♡♡♡♡♡♡♡♡♡♡♡♡#韓國料理 #韓國菜 #拉麵 #年糕 #炸醬#雞翼#芝士 #炸醬麵 #尖沙咀 #尖沙咀美食 #尖沙咀韓料

約咗朋友韓國野~因為星期六好多地方都有限時所以揀左依間食店內待應係菲律賓人每枱會有泡菜,煎餅,魚糕嘅前菜🐥人參雞湯配白飯好淡無乜味,雞夠嫩滑🐮牛骨湯配白飯牛骨湯夠味👍🏻👍🏻🦀醬油蟹配紫菜飯未食過仲咸過醬油蟹嘅紫菜飯勁多飯素好彩有白飯自己溝返醬油蟹唔夠多膏甜辣炸雞炸得唔香脆,只能講好難難食,但佢唔係好食蜜糖牛油炸雞好甜,d粉唔夠平均韓式豬手醬料唔夠正宗食食下見到廚師都係菲律賓人😮😮

依間韓國人主理嘅韓國餐廳好有氣氛，入到去就覺得環境好闊落，一班人嚟食都冇問題，最適合家庭聚會👍 食物選擇好豐富，最吸引係炸雞、豬手同埋醬油蟹😍 今次同朋友試咗兩款食物🍖韓式豬手半隻豬手經過慢煮，肉質軟嫩，好肥美😍 搭配特製的醬汁，風味獨特且香氣四溢。每一啖都食到豬手的豐富膠原蛋白，好滿足，特別適合搭配米酒享用😋😋🥘年糕人蔘雞湯滋補的傳統韓式湯品🥰 湯底清澈，雞肉鮮嫩，搭配Q彈的年糕，口感豐富，仲散發好香嘅胡椒味～人蔘的香氣加上雞肉，讓人感覺好暖胃🍶生米酒食韓國嘢一定要飲米酒😛 酒香濃郁，口感柔和，帶有微微的甜味，女仔都好啱飲！

呢日嚟到韓國街食晚飯，門外嘅壁畫夠晒eye catching，聽聞呢間係尖沙咀開店最長時間嘅韓國餐廳，由韓國人主理，環境乾淨企理~前菜三小碟，除咗泡菜，竟然仲有魚糕同煎餅，都係我鍾意嘅韓式小食~ 🔘牛尾湯 $128 望落去湯頭清澈，入口味道卻非常濃郁，牛尾煮得軟身，加入大蔥同韓式粉絲，全部食材都好入味，熱辣辣撈飯食一流~🔘醬油蟹➕紫菜飯團 $190醬汁不是死鹹，而係偏甜嘅口味，加分!! 蟹肉味道鮮美，用手能夠輕易唧出蟹膏同蟹肉，伴入紫菜飯一齊食，食唔停口，唔過$200嘅價錢都算實惠~🔘生米酒 $105 無論米酒定燒酒嘅選擇都非常多，入口清甜帶有淡淡米香，酒精濃度唔高，啱女仔飲~

今日去 咗由2001年開既家庭式韓國餐廳🇰🇷原來呢間係區內開店最長時間食物質素有保證蜜糖蒜蓉炸雞半隻（$108）外皮好脆 雞肉入面有醃制過食落幾鮮嫩 表面有一層蜜糖醬幾好食🤤牛肉石頭鍋飯（$119）牛肉份量好多 肉質幾嫩撈埋秘製醬汁 食落好惹味純豆腐豬肉湯（$99）唔會過辣 湯汁用作拌飯一流豬肉亦嫩滑仲配有豆腐同金菇

今日係尖沙咀金巴利道發現一間韓國餐廳「漢城美食」，位置方便，由尖沙咀地鐵站行去只要幾分鐘。 漢城美食係2001年開店，是尖沙咀區內開店最長，而且係同區最經濟實惠既店舖。 座位寬敞闊落，適合同朋友聚會，亦適合家庭聚餐，坐得好舒服。菜式種類繁多，價錢合理，特設學生優惠價。😋 💢蜜糖牛油雞翼(4件)$58有4條年糕和4件蜜糖牛油雞翼，雞翼即叫即炸，炸粉唔厚，件件啖啖肉，肉質鮮嫩，外脆內軟，食起上來好juicy，有濃濃的蜜糖和牛油味，好食到停唔到口。 💢炸醬麵$89將煎雞蛋、青瓜絲、洋葱、紅蘿蔔粒等和特製醬汁撈埋D麵，醬汁好香，好多，麵粗身爽口，煙韌有咬口，好食又飽肚，好抵食。 💢吞拿魚紫菜飯卷$84紫菜飯卷材料豐富，顏色靚，係飯卷內包住吞拿魚、雞蛋、红蘿蔔絲、酸蘿蔔、蔬菜和芝麻，入口清新，飯卷好彈牙。 💢芝士炒年糕$95裡面有芝士和椰菜，上面放左半隻雞蛋和一片芝士，可以等到芝士溶左先食，令年糕的口感更豐富，更煙韌，味道香濃，辣辣地，好惹味。

每次食韓國野，第一時間一定係諗起尖沙咀嘅韓國街。呢間漢城美食既食物好簡單好傳統，但係又咩都有得食。🍖炸雞豬手，🍲湯飯，冷麵，石鍋飯你諗到想食既都有！而且好有古早味既感覺。.平時食炸雞就食得多，今次一於試嚇佢嘅豬手！🐽豬手滷得好入味，而且仲有兩個醬汁可以點黎食，用🥬生菜包住，再加泡菜一齊，口感好豐富外脆內軟嘅感覺，真係好好味！而且豬手唔會太肥，肥瘦均勻。.另外必要嘅就係湯飯，今次清淡啲叫咗🐄牛尾湯，有好多牛尾，每一舊都好多肉，而且個湯好清甜。啱啱送嚟嘅時候因為係石鍋，仲係熱辣辣。飲啖暖湯成個人都舒服曬。.仲叫左杯野飲🫚pineapple ginger ale ，入面有啲🍍波羅粒粒，又唔會太甜，好好味😋.🤤未飽啊指數: 8/10👍🏻餐廳性價比: 7.5/10.漢城美食 (尖沙咀)尖沙咀金巴利道74-76號地舖.

《漢城韓式炸雞🇰🇷》———————————————-#漢城美食 🤤-首爾以前就係叫漢城，呢間韓式小店風格懷舊～主打家庭式經營，價錢親民，而且款式都幾多，環境舒適😊-🐮 辣豬肉石鍋飯熱辣辣，香氣撲鼻，配料非常豐富， 將韓式辣豬肉、芽菜、菠菜絲、雞蛋同韓式甜辣醬撈勻埋一齊食～ 飯底仲有少少飯焦，香脆可口，套餐仲跟咗啲前菜凉盤同海帶湯，好有飽足感😍-🐣 炸雞口味都好多元，半份大約有6件雞左右，件件都啖啖肉，夠哂豐富！而且即叫即炸，炸粉唔會好厚，表皮炸得十分香脆，肉質鮮嫩Juicy，每件雞都沾滿醬汁，十分惹味😚配啤酒好夾🍻-🍌 抵deal 指數：7/10

🇭🇰漢城🇭🇰這家可以說是從小吃到大啦，畢竟。。。學校在附近😂😂看到有一桌韓國人吃飯。 但唯一不好的是這次去的時候 服務員態度不太好這家在同一區是非常正宗還有性價比的，價錢合理也大份。地方比較大，朋友聚會會是不錯的選擇。🍗炸雞 （醬油，蜜糖蒜蓉）我最愛就是這兩款，醬油我是必點的，後者看心情哈哈哈哈。有2種可以選擇： 1）只有炸雞 2）炸雞+炸年糕 我很愛他們的炸年糕好吃😋🦐海鮮煎餅🧀芝士年糕🍝牛肉粉絲🍲牛肋排湯🥟餃子

呢間韓國餐廳已經喺尖沙咀開咗好耐，出名經濟實惠，而且入邊座位好多闊落企理，啱晒同屋企人或者一班同事聚餐，而且款式好多，仲要係韓國人主理，可以食到正宗嘅韓國菜！韓式豬手同朋友嗌咗半隻豬手，估唔到份量都咁多，餐廳會預先將豬手去骨切片，每一舊都連住豬皮，所以每一啖都肥瘦均勻，味道滷得好入味，最鍾意佢嘅豬皮食落滿滿嘅骨膠原，旁邊仲有生菜可以包住一齊食，亦有兩種醬汁可以點嚟食，一款係麵豉醬，另一款就鹹鹹地辣辣地。豆腐海鮮湯每款湯品都會跟一碗白飯，將啲湯同飯一齊食真係好夾，呢款豆腐海鮮湯有大量嘅魷魚、蜆、蝦同埋滑捋捋嘅豆腐，有輕微嘅辣，所以越食越開胃。生米酒食韓國嘢又點可以唔嗌返支生米酒呢，今次試咗原味，鍾意有浸米嘅香味，酒精濃度唔算好高，只有6%，同朋友一路食嘢一路飲酒，好容易就清晒一支！

知己聚頭, 米酒 前菜, 嗯嗯, 輕談淺酌, 開開 心心!魚糕 同 煎餅, 味道都唔錯呀, 我清咗碟, XD!!!米酒香香甜, 好容易入口, 6%酒精, 易醉嘅我都唔怕!2人份量 啱啱好啊, 唔浪費食物, 係美德黎~ 醬油蟹, 一上枱就聞到淡淡清香醬油味喇, 望住佢水滿滿嘅膏, 好吸引呀! 配埋紫菜飯, 身體飯桶嘅我, 餓了!!! 年糕人蔘雞湯, 蔘味 比較淡, 幸好 雞肉份量唔錯, 如果可以再嫩滑一點就更佳了! 配上年糕片, 邊飲邊食, 滿足! 感覺很暖胃!!! 配有白飯的, 鍾意食飯嘅我 又再表示滿意!!!

金巴利道就仿似係為韓國菜而設的一條街，各式各樣的韓國餐廳都有。近排都好沉迷韓劇，除左鍾意韓星外，也喜歡上韓國菜。今次就拉埋老公去一間由2001年開店，尖沙咀區內開店最長時間，仲要係同區最經濟實惠既韓菜餐館。店內裝修企理，座位寬敞，適合相約朋友聚會，又或者家庭聚餐，唔怕坐得太迫逼狹。Menu上菜式種類選擇繁多，除了必需要有的韓式炸雞外，另外也有燉湯，冬天過到黎一定要點，夠哂保暖。 韓國豬手 – 勁大份，兩個人食好怕食唔哂。豬手一d都唔肥，軟淋淋，面頭個層豬皮非常煙靭。甜酸炸雞 – 半份都已經好大份，數落應該有6,7件。雖然淋左甜酸醬汁，但一d都唔影響炸雞的香脆，咬落啖啖肉，而且食到最尾都唔覺得油膩。辣牛肉京蒽湯 – 湯頭好夠辣，但唔搶喉。牛肉份量十足，仲有粉絲金菇等配料，配上白飯，十分好味。生米酒 – 有點點甜，一d都唔苦，平時唔多飲酒的我，都比呢枝米酒吸引住，忍唔住飲下一杯又一杯，非常易入口。