漁港艇仔粉 (鴨脷洲大街) (已搬遷) 新店位置

今日試下新開的艇仔粉，睇睇有咩特別。我叫了招牌艇仔粉，應該係食店主打，滿有期待。店鋪稱艇仔粉用大地魚做湯底，配料有燒鴨、叉燒、紅腸、魚片、魚蛋、炸魚皮、生菜，盛惠四十元正。問題就黎嘞，因為料款多，價錢平，所以份量好少，燒鴨和叉燒各一細件，紅腸和魚片各一片，生菜得一塊葉， 瀨粉少，唔夠飽。上碗時，擺位唔得，初時以為 miss 左啲餸，原來沉哂底，外觀扣分。味道方面，只是將外賣餸溝埋做一碗，沒有廚技可言。而所謂的大地魚湯底，我相信不是用大地魚淆，只是普通的魚湯底，沒有大地魚的濃味。我個人係非常支持本土小店，希望食店有改善，留住食客個胃，留住漁港文化。我稍後一定會再去食，希望會另眼相看。

鴨脷洲新開咗一家「漁港艇仔粉」，K仔就應唔同朋友邀約前後去咗4次，4次味道都不盡相同，所以K仔就將4次唔同味道都寫吓。先講一下店舖內部，座位都幾寬敞，唔似一般大排檔/茶餐廳逼，兩邊牆壁一邊貼滿小食相片，另一邊就印上有關大地魚熬湯嘅文章，相信係艇仔粉嘅特別湯底。另外說一下，未知是否因為新開張，4次光顧此店的時候，店員服務都很好，給人感覺很禮貌。第一次：淡淡無味K仔第一次去，叫咗個雲吞魚片頭米粉，本來入店見到牆上有關大地魚簡介，一心覺得湯底會有濃濃大地魚香味，未食粉之前，先嚐一口湯；點知湯底味道都幾令人失望，唔講大地魚，連魚味都無，只有雞湯味。味道唔係難食，不過同預期中嘅味道有出入。另一方面，雲吞味道正正常常，而炸魚片頭係新鮮炸，放在湯內依然脆口，可惜有層炸粉在外，破壞魚片頭質感，如果鍾意食脆炸粉嘅朋友應該會鍾意。******************************第二次：早餐味道K仔第二次去係朝早10點，原來呢間舖11點後先有艇仔粉供應，早餐有自己早餐Menu，於是隨便點一個湯粉早餐。意料之內，湯粉湯底當然唔會係魚湯，整個早餐都係正常茶餐廳level。**************

在一個繁忙嘅中午、去了一間在鴨利洲大街嘅舖頭，佢話佢嘅艇仔粉湯底係大地魚煲嘅。就入去了解吓、座底睇吓个餐牌、見到有招牌艇仔粉、就叫左一個套餐加多一個炸片頭、等左無耐、就有嘢食、片頭幾脆、艇仔粉入面有燒鵝、义燒、紅腸、魚片、脆魚皮、湯底真係有大地魚味、大大碗食得飽、食食吓杯凍啡就來了、飲完就要趕住開工。

今天一心去試新野，叫了這店説自己的招牌足料艇仔粉，一位不知是否老板娘（沒有穿橙色制服）的女士來落單，她竟然說沒有粉，因為現在天氣超級熱，粉會容易變壞，話只有米粉，麵及粗麵，我心想這個世界沒有雪櫃嗎？ 何必用這樣牽強的理由我們最後叫了麵，湯沒有大地魚的香味，所謂足料只不過是每樣材料一小件，份量少得可憐，只是大在盛麵的那隻雞圖案的碗，魚旦片及义燒超薄，鴨件細嚿到搵唔到，魚皮無味，成件事跟本不是地道香港仔的艇仔粉，老實講一碗這樣低質的湯粉賣＄40實在太誇張了。價格對不起質素及份量，總之一句「超級伏」，無下次，要吃正宗艇仔粉唯有去香港仔港旁踫踫運氣了。

星期日約咗班friend 出海釣魚，有幾個約定在香港仔碼頭上船，而我哋四個人就約在利東站等，先去大街食早餐，然後去買飲品，再到鴨脷洲碼頭坐街島去香港仔碼頭會合。四人一起去食早餐，揀咗呢間舖仔食早餐。舖仔細細無咩裝修。星期日大清早，無咩客人，舖內員工都唔忙。估唔到舖內連餐牌都無，只有一張紙仔寫住8個餐。我就揀咗個B餐，沙爹牛肉麵、火腿煎蛋、熱奶茶 $32。唔明啲職員忙咩，其他三人的早餐等一陣就有得食，而我就等到佢哋食完，份B餐才到，莫非份B餐要煮好耐? 算吧啦，趕時間，拿臨食。個煎蛋尚算可以，是半生熟的，OK。牛肉麵是完全無沙爹味的，建議舖頭可以在手寫餐單上寫少沙爹兩個字，慳番啲力。反而杯奶茶唔錯，用黑白淡奶，都幾香奶。有樣嘢怪怪地，張單是用另一間舖的排頭 "漁米鎮"，莫非呢間舖係香港仔大街嗰間漁米鎮的分舖? 食完趕住走，都驚啲食物未落膈，上到船會嘔番晒出嚟。願主保佑!