漁師兄

營業中

休息中

身邊幾個朋友都是烤魚控 試了不少名店今次約了元朗國姊妹試新開小店 有驚喜裝修以魚及漁網作主題 乾淨企理很舒服魚選用每日新鮮漁獲鮮甜結實 調味超正仲有要串燒食有特式飲品 選擇都幾豐富朋友已說下次再帶人來 這是最好的讚美-⧫⧫ 䱽魚 𝕩 麻辣味 ⧫⧫ $𝟑𝟐𝟖我們都不喜歡軟腍魚肉 選了結實的䱽魚調味有六款 香辣麻辣泡椒酸辣豆豉咖哩選了師兄推介的麻辣味 怕辣只叫了小辣上檯好大一條 紅油與辣椒芫茜賣相吸引看起來很辣 店員說是獨家秘方香大於辣在沸騰之中香味漸漸瀰漫 完全食指大動先試一口辣不是死辣是香 真的正宗香辣魚是每天新鮮漁獲 供貨量不定售完即止 䱽魚很鮮甜肉質有口感 吃得出新鮮活魚魚開邊處理很易食用魚骨不多 份量亦大 兩個人食一條絕對足夠有餘 食得好滿足據說不辣的做法更可飲鮮魚湯 下次想試服務不錯 按需要幫忙加水或湯中和咸辣-⧫⧫ 烤魚輔菜組合 ⧫⧫ $𝟒𝟖大豆芽芹菜蓮藕金菇四款 已加在烤魚裏都是很索湯的類型 煮過後非常香辣惹味 -⧫⧫ 串燒 ⧫⧫ 好欣賞串燒選擇不少 價錢抵食配酒一流·· 燒大蔥雞肉串 ·· $𝟐𝟎大蔥多汁清甜雞肉也不錯 穩陣好味配搭·· 燒雞中翼 ·· $𝟏𝟖已切開易食但

而家開左好多食酸菜魚既店～今次黎到試一試漁師兄！有好幾種魚可以揀 揀左江團魚 香港比較少地方有 通常都係食䱽魚鱸魚架嘛 當然跟埋佢個疏菜set 食酸菜魚梗係要有金菇菜喇 好鍾意佢個魚湯底 非常鮮甜 好有心機煮既魚湯 可以再酸多少少 自己本人鍾意食酸d 大量大豆芽都超爽口 另外叫左3條串燒 想食下肉類呀嘛 雞翼 正常五花腩片 推介大蔥雞肉 都推介 已經超飽了 唔係既話諗著叫多串羊肉野飲就叫左白桃味乳酸同埋西柚紅茶 鍾意西柚紅茶多d 仲有西柚果粒食添

今日來了元朗市食lunch…估唔到兩點幾餐廳內都咁多人。第一次黎食返個米線，因為見天氣咁熱，想食下湯粉，濕濕個口，醒胃一點。睇睇餐牌，套餐都幾抵，先揀一個麵，再可以配小食同嘢飲。麵既湯底點少得鮮魚湯，仲可以加蕃茄或加辣。今次朋友點了一個雙拼自選米線，加配了蕃茄魚湯湯底。自選米線可以從名單內點選兩個餸，呢個做法又幾吸引，可以揀自己鍾意既餸食。先講一講呢個蕃茄魚湯湯底，味道濃濃蕃茄湯味，好醒胃，酸酸的，岩曬夏日。蕃茄香濃，襯埋個魚湯，好滋潤好味。配埋米線吃，滑溜溜，好吸味，唔錯唔錯。餸方面，朋友點了豆卜和午餐肉。呢度既午餐肉都好有熱誠。因為午餐肉會先煎炸，之後會另外上，不會放入湯底內，這樣便不會怕午餐肉便腍身，吃起來外皮香脆，啖啖肉很好吃。另外一碗都是點了自選雙拼米線，餸方面點了魚片跟魚腐。魚片啖啖肉，很鮮甜味道都不錯。而且魚片數量十分多，好像吃極都還有。但是要注意魚片會較多碎骨，食用時要小心。另外也有多舊魚腐，啖啖肉，口感較為彈牙爽口，而且魚味也十分濃郁。魚腐十分好吃，亦都較適合小朋友，因為沒有骨。這個魚湯湯底呈現奶白色，十分鮮甜。好鍾意這裏的湯底，因為感覺很足料、很鮮甜，啖啖都充滿魚味

星期六晚同鐘意食烤魚朋友來呢間西鐵朗屏站附近漁師兄品嚐烤魚同串燒，坐位舒適，店舖播放流行音樂。可以用QR code落單點左麻辣味江團魚小辣:一上枱有少少嚇親，好大條烤魚，好多乾辣椒在表面，雖然好多乾辣椒，但食落没有想像中那麼辣，不會就要小心麻味嗆喉。另外仲有少見香口炸蔥同芫茜，江團魚魚肉果然夠晒嫰滑，最適合做烤魚，魚皮烤得香脆，魚腩位肥美。仲加左烤魚輔菜，上枱前預先放落去如烤魚一齊煮，有芹菜、金菇、大豆芽、蓮藕，索晒麻辣湯汁，夠晒惹味﹗仲叫左幾串串燒食，燒麻吉:自己最鐘意的一串，燒烤醬汁帶甜香味，麻吉煙韌，別有滋味﹗燒五花腩片:燒得香口，脂肪比例剛好，食落不會膩燒羊肉:頗重羊肉味，愛羊肉朋友讚不絕口﹗白桃味乳酸:高身大大一杯，夠晒解辣，底圓粒粒透明有咬口珠珠﹗鳯梨綠茶:綠茶底好清新，仲有不少椰肉在底下。

倆姊妹其實係隱藏既烤魚控 見到朗屏有新烤魚店開 趁有時間就一齊去食(˘͈ᵕ ˘͈❀) 餐廳提供𝘘𝘙 𝘤𝘰𝘥𝘦點餐烤魚款式同口味選擇都多 豆豉味｜香辣味｜麻辣味｜泡椒味｜亞參咖喱味｜酸菜味最特別係可以飲完魚湯後再加魚湯 成件事就更完整 ˃́ꇴ˂̀🔺江團魚 (酸菜湯底) $328 江團魚 魚肉多而且嫩滑 骨亦比較少先飲一啖湯底 酸中帶魚既鮮甜味酸菜湯底酸味好突出 味道好順口好易一口接一口就食哂大半條魚 唔洗粉麵都會飽🔺輔菜組合 $48$48就有齊金菇 芹菜 蓮藕 芽菜四款好索湯既蔬菜𝘊𝘗值相當高 配菜都成功吸晒湯汁🔺燒五花腩片 $22五花腩片燒得岩岩好 一路食一路覺得好有罪惡感(´ε｀　)🔺燒花枝丸串 $18簡咗辣味 食落係幾惹味 咬到花枝粒🔺燒牛肉 $18牛肉燒得岩岩好 肉汁鎖住到 啖啖肉🔺鳳梨綠茶 $28鳳梨味幾出唔算太甜 綠茶好解膩🔺紅西柚綠茶 $28紅柚子味幾突出 有好多柚子肉係底 ᵕ̈ 💬餐廳用新鮮活魚 每日供應有限量 售完即止

最鍾意食烤魚既我，見到附近新開左間烤魚又點可以錯過？😂門口已經聞到陣陣花椒味，仲好好彩唔洗book都有位！第一次見烤魚有得揀䱽魚😯 䱽魚鮮味重又少骨，做烤魚應該都唔錯！口味都有六款，我就揀左最經典既麻辣味。一上台已經好香辣椒同花椒味，好似返左大陸咁。上面仲有炸蔥絲同生京蔥，滾起同魚肉一齊食更有風味😬叫左個烤魚拼盤芹菜，金菇，大豆芽，蓮藕，直接加左入烤魚度，令菜式更豐富。另外仲叫左d串燒，估唔到比烤魚更正，超級好食啊😋 燒牛肉、燒大蔥雞肉、燒麻吉全部火候都啱啱好，麻吉燒更令我驚喜！以魚漿包住軟糯既麻糬，燒完半流心效果超好食！士多啤梨味乳酸、白桃味乳酸都幾解辣，味道唔會淡

首先唔講食物質素，平放拎都一褲係油和汁本身包裝好差，未試過甘…….返到去打開條魚未整熱都超多超多油，食到一半都開始肚痛，食完再肚瀉排毒一流，味道麻麻一定唔會再去食……

元朗新開咗漁師兄，除咗有招牌魚湯米線，晚市仲供應香辣雞煲、招牌烤魚添~今晚約埋家姐一齊撐枱腳，試咗招牌烤魚、風味串燒等，價錢相宜又滋味，好抵食！烤魚種類四選一再於炸魚口味六選一，選配埋烤魚輔菜組合就搞掂～今晚食海鱸魚，特點係肉厚嫩滑，烤魚外酥內嫩，入口好鮮滑，鮮味十足！配埋全港首創既亞參咖哩味，酸香微辣好開胃～輔菜組合就有齊金菇、芹菜、大豆芽、蓮藕，款款都好入味，索滿汁特別惹味。另外仲叫咗幾款風味串燒，同樣地出色～燒雞泡魚乾口感煙煙韌韌，咬落好鮮甜，有嚼勁。燒金菇肥牛卷肥牛肥瘦相間配埋有咬口金菇，絕佳組合！燒五花腩片油脂豐富、口感軟嫩，油而不膩～白桃味乳酸淡淡清甜味，唔會過甜，好清爽！紅西柚綠茶清新舒爽，解渴一流。

作為米線控❣️發現自己竟然未食過魚湯米線🍲有點小羞愧😳·上網見到有人推介呢間位於元朗既漁師兄米線主打鮮魚湯底 · 烤魚🐟餐廳環境好闊落用QR code落單 · 夠哂方便🤳🏻♡魚鮫湯米線（$55）配芫茜皮蛋湯（$3）超級大碗既米線 · 兩大塊既魚鮫🫰🏻一黎當然要試下白雪雪既鮮魚湯底鮮甜到不行 · 完全無怪味♥️魚肉新鮮而且處理得好好 · 無腥味無魚鱗無幼骨最緊要大大舊 · 剩食魚肉同飲湯都飽左7成🙈而且食完完全無口乾 · 如果可以添湯我會更開心😂♡ 椒鹽雞軟骨（$22）雞軟骨份量都幾多👍🏻炸到香酥肉脆 · 椒鹽配微辣幾開胃💥♡ 涼拌皮蛋（$18）皮蛋無腥味 · 配生蒜食真係好正🥰♡ 紅西柚綠茶（$14）好清爽舒服既飲品🍹仲食到粒粒既西柚肉 · 好岩夏天飲🥵༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：鍾意食酸辣既我 · 對魚湯既好感度大升〽️可能之前怕腥一直唔敢試估唔到今次幾有驚喜🔆最後仲外賣左碗魚腩泡飯比媽咪試🍲連媽咪都話可以慳番唔洗煲湯🧏🏻‍♀️

漁師兄（元朗）元朗新開烤魚店座位枱面都好闊落就算放左一盤烤魚都仲有好多空間今次試左一份泡椒味烤江團魚（$328)絕對係用心之作賣相真係好靚先飲少少魚湯充滿鮮味條魚🐟就好大條烤到外皮好乾身焦香但魚肉保持到嫩滑有彈性面頭仲有大量京葱絲入口香味濃郁好有層次辣辣地再有豆豉香葱香真係好好味😋但會越食越辣越有後勁🤣配料加左一份輔菜組合（$48)有大豆芽、蓮藕片、芹菜同金菇蓮藕片好爽甜芹菜可以增加香味金菇索哂湯勁正另外試左少少串燒燒牛肉串（$18)、花枝丸（$18)同大葱雞肉🐔（$20)全部都好入味充滿孜然香燒嘅生熟度都啱啱好保留到肉汁唔會太乾飲品方面就試左🍹荔枝紅茶（$28)超大杯勁抵飲而且充滿荔枝香仲有蒟蒻可以食士多啤梨🍓味乳酸（$32)粉紅色好靚同樣勁大杯酸酸味味好開胃餐廳整體無論食物同環境都好好店員服務態度都一流👍🏻不時主動幫我地加湯絕對值得再食

自己非常之咁鐘意食烤魚🐟見到烤魚都會兩眼發光好想食😁近近地又見好似新開就即刻入去食返個烤魚之夜😎首先叫咗個烤魚先啦👍🏻魚種類有4款，而湯底味道有6款☺️✨江團魚 $328 (麻辣味)⭐️⭐️⭐️⭐️⭐️爆星星麻辣味叫左小辣，但係食得辣嘅人可以再食辣啲，味道好正宗，好入味，亦都唔會得個辣字，江團魚都好大條，非常之多魚肉，人感覺比起出邊食嘅烤魚又多肉又大條，份量非常足夠，肉質亦都好嫩滑😋✨烤魚輔菜組合 $48⭐️⭐️⭐️⭐️烤魚，當然唔少得有配菜做底啦👍🏻叫咗呢個組合，一啖魚肉一啖配菜，簡直完美，而呢個組合包括大豆芽，芹菜，蓮藕，金菇4款亦都叫左d串燒🤩好有驚喜，燒得好好味，好香口，外脆肉軟，亦都好入味，連串燒都做得好出色😎👍🏻✨燒大蔥雞肉 $20⭐️⭐️⭐️⭐️雞肉做到好juicy，唔乾身，夠味✨燒五花腩肉片 $22⭐️⭐️⭐️⭐️⭐️雖然略為薄咗啲，但都咁好味，不過如果厚返少少，口感會更好👍🏻✨燒雞中翼 $18⭐️⭐️⭐️⭐️⭐️外皮好脆口🤩最後飲品值得一提既就係餐廳既手調特飲-✨荔枝紅茶 $28⭐️⭐️⭐️⭐️⭐️荔枝味好出，但茶底勁好飲，完全唔會俾甜味覆蓋左，飲得出一半荔枝味一半茶味，加上飲品唔會好甜，個人覺得勁好飲，因為出邊好多都會冇咗

今日入去元朗國探朋友，想搵雞煲食，見到呢間漁師兄就走左入去，望多兩望，好似烤魚仲吸引喎！好，坐低睇吓有咩好食先。因為太肚餓，叫左3串串燒食下先。燒羊肉，好腍有少少羊羶味。燒麻吉，裏面個麻薯煙煙韌韌好得意。燒大葱雞串，要左少辣，雞肉惹味，個大葱好甜。招牌烤魚，終於到主角啦，條魚好有份量，仲有大量芫荽，成個菜又麻辣又香。條魚又新鮮啲肉又實淨，由於餐廳只用新鮮活魚部位，所以每日供貨量數不定，未必足夠給予所有食客，只可以售完即止。 仲有好多配菜，蓮藕爽口，芽菜都好入味。飲品叫咗荔枝紅茶，好大杯，抵飲！

酸菜魚系列又黎了，有冇人幫我數下我食過幾多間酸菜魚😅今日我地去食個烤魚，竟然有得揀酸菜味😛呢度既酸菜味烤魚係唔辣既，連偽韓仔都可以一齊食！個烤魚都唔錯架，我地揀左鱸魚，魚骨都唔算多，就算有都係大骨，加埋個蔬菜底，啲洋蔥同芽菜吸晒啲湯汁，勁正😊呢到有個獨特既烤魚食法，首先可唔先飲湯，呢到既魚湯好鮮甜，可以當湯飲都ok🤩食到咁上下，店員仲會自動走埋嚟同你加湯，非常細心🤩我地仲叫左幾串串燒，分別有雞肉、五花腩同燒麻吉，偽韓仔最like就係麻吉，因為結合左佢最中意食既魚蛋同年糕😝燒到熱辣辣，煙煙韌韌媽媽都覺得幾好食😋食串燒，當然要叫返杯飲品，呢度嘅首條特飲，超級大杯，仲有甜度邊度可以選擇，一定啱你口味☺️

元朗新開咗呢間食烤魚，見幾乾淨又闊落就入咗去試試🐟䱽魚泡椒味 $328-先煮滾然後轉細火慢烤-嚐一啖湯底 鮮甜酸辣 十分開胃-䱽魚好大條 霸哂成個煲-啖啖魚肉 無嘜骨 都幾鮮甜 連湯食好惹味-餐廳採用新鮮活魚 每日供應不定 售完即止 所以特別鮮味🥬輔菜組合 $48-金菇+芹菜+大豆芽+蓮藕-吸味菜當然唔少得 湯底鮮甜所以配菜都吸收哂精華🐓燒大蔥雞肉 $20-調味粉燒得幾香 重重的孜然味🐏燒羊肉 $18-羊肉騷騷地 夠味🐖燒五花腩片 $22-五花腩微微焦脆 微辣🥭芒果紅茶 $28-果茶相當大壺 有芒果味 底有果肉🍓士多啤梨味乳酸 $32-乳酸味強勁 相當大杯 底有啫喱珍珠總括嚟講，都幾好食，可能因為店舖用新鮮魚，所以特別好味，唔錯

新開的魚湯米線專門店，牆上掛滿🐟魚形既碟，天花板掛咗魚網裝飾，好吸晴睇番個menu📖果然名符其實🐟魚頭、魚咀、魚尾、魚腩……魚任何部位都有得食🤩選擇超多，仲有烤魚同雞煲我哋食lunch就簡單啲叫咗兩個自選魚湯麵+兩個小食就算🍜「鮮魚湯魚腐豬潤米線」魚湯底好濃厚，呈奶白，味道清甜，好似飲緊住家煲魚湯咁😋魚腐香滑彈牙，豬膶略薄，但味鮮，👍🏻無失望！🍜「麻辣魚湯墨丸腩肉（轉拉麵）」加咗麻辣依然有魚香，又唔會太濃味，拉麵夠爽唔會太腍，墨丸腩肉普通野就唔評價啦要讚下個小食🍗「椒鹽雞軟骨」同🌶「涼拌皮蛋」！兩款聽落應該係會好重口味既菜式，但食落味道唔會過咸過辣！皮蛋又唔似第二度果d勁重醋酸味，佢調味調得恰到好處🫰🏻整得好用心！份量又多！追加兩杯手搖特飲🍹🍹🍍「鳳梨綠茶」味道較淡，茶味大過果味。🍓「士多啤梨味乳酸」符合想像中既士多啤梨味益💪🏻多，仲加咗透明珍珠