漁川米線 (沙咀道)

營業中

休息中

之前已來過這裡食都覺得吾錯，見魚大條又好味，所以今次再過來吃，沒想到二點鐘都差不多滿座。午餐時間沒有午餐，最後我們叫了原條魚米線 大眼雞 配 勝瓜 叫多咗個 西多士和凍檸茶。 不用十分鐘食物就來到了，看到大眼雞有點失望，大眼雞米線一碗約$6x幾蚊，偏細條有點失望但幸好魚肉吾錯，湯底好味夠鮮甜，勝瓜份量可以，不過米線夠滑但偏淋身，勝瓜和米線吸晒湯不錯。等咗一陣西多都來到，西多士新鮮而且味香，吾太油，配糖漿一齊食幾好味，有驚喜。檸檬茶味不錯，檸檬夠酸但偏甜。

今時今日想食得健康有營又美味，除了自己煑，出街食選擇不多。難得一碗米缐巳包括瓜丶蕃茄丶魚,加上淸甜魚湯，可謂有益有營又美味，一個人都可以好精彩。鮮茄勝瓜黃花魚米線淨係聽個名巳經覺得好健康。黃花魚兩面煎香，成條放喺面，加埋綠色嘅勝瓜，紅卜卜蕃茄，齋睇都已經好開心，其實配料仲有豆卜和冬菇，實在好豐富。食晒成碗真係好滿足。番茄🍅黃腳立。冇勝瓜平6蚊，湯底配料基本上一樣。個人覺得黃腳立D肉散D，較為喜歡黃花魚D肉實D。蝦卷好好味！表層腐皮炸得很脆，蝦肉好彈牙，點埋甜酸醬，絶配！

過開來荃灣楊屋道街市買海鮮，又順便去漁村川嘆番碗魚湯米線做下午茶😍次次黎親都係食原條魚米線，今日突然間想轉下口味，所以揀咗自選米線-魚腐+紫菜+蠔仔！本身已經鮮甜嘅魚湯，加咗蠔仔之後將湯底帶到去另外一個層次💕啖啖濃郁，極之鮮甜，真係不得了！蠔仔肥美飽滿，肉質creamy好鮮甜!魚腐一如以往係新鮮炸嘅，啖啖肉而且肉質彈牙！已經成為我嘅必食之選！紫菜既份量都好足！成碗米線令我非常之滿意呀！💕下次有機會再嚟嘅話我會試吓叫原條魚加蠔仔，一定會更加好味

招牌米線- 奶白色的魚湯清甜，魚味不重。芫茜及蔥花新鮮清香。豆卜吸湯- 鯇魚腩肉厚嫰滑，魚味淡雅不腥；魚腐棉密彈牙，魚香豆香融為一體；魚餅香口吸湯，鯪魚味濃- 米線滑溜彈牙

平時行過門口，見食物相都白白雪雪，感覺淡而無味，好不吸引，但見佢原來係第二間分店，應該都唔差，所以決定一試。主打當然係鮮魚湯米線，好幾款全條魚上嘅魚米線。我最愛魚腩，又想食多餸，所以同男朋友一人叫了招牌米線，一人叫了金牌米線個湯真係值得讚，奶白色魚湯，無味精，少少薑味，好清甜，我成碗飲曬🤪要食多啲先得😆 又健康，又美顔

本人一直都非常鍾意飲湯，尤其係魚湯💕🐟所以經常都會去試唔同既魚湯米線專門店，試過好多間都覺得個湯底好淡，滿足唔到我，直到遇上荃灣既漁川米線😻因為佢哋嘅魚湯底真係好鮮味濃郁， 店員仲同我講佢哋嘅魚湯之所以咁好味係每日用大量新鮮魚經過多個小時淆製🐠🐟，而且絕不含味精！仲有好多選擇配搭，緊有一款啱你😻🐟我最鍾意就係叫原條魚米線🐟，因為原條魚既湯底係會濃郁Double up🤤原條黃花魚+魚腐米線，湯底一如以往咁鮮甜好味，本身米線跟咗少量嘅豆卜同埋芫荽、蔥😻黃花魚肉質鮮嫩，炸到金黃既魚腐啖啖肉，魚味濃又彈牙！真材實料！正！👍🏻鮮茄原條大眼雞魚米線😻，大眼雞肉質雖然冇黃花魚咁滑，但係勝在少骨！加咗番茄酸酸甜甜好開胃！佢哋嘅新鮮爽魚皮配埋芥辣同埋豉油，非常惹味，直情有刺身級嘅享受😹總結：雖然呢度環境比較狹窄坐得唔太舒服，但係佢哋既魚湯真係好出色，係最令我念念不忘嘅魚湯米線，所以我經常都會專登搭車過去荃灣食順便行下街， 如果你都鍾意魚湯或者鍾意食米線，誠意推薦你去漁村米線試吓

成日經過都想去試，我係一個極鍾意食魚既人，今日出開去荃灣行街就終於可以試到，一入到去都幾多人係度食，不過座位真心比較逼, 我就叫左個黃花魚湯米線，男朋友就叫左個紫菜四寶(蝦卷,蟹子丸,魚旦,墨魚丸)米線，叫左一碟墨魚餅一碟煎魚餅小食，其實佢有好多款米線比客人選擇，唔算等好耐，10分鐘左右就到，黃花魚湯米線仲有隻碟仔比你放魚骨，米線既魚湯好濃，米線比較軟身，我一個人係可以食晒成條魚，男朋友個魚湯反而無嘜魚湯味，可能唔係原條魚既米線而又不含味精，蝦卷好重蝦味，墨魚餅都好食，有一粒粒既墨魚，煎魚餅就差小小，可能煎得過火左小小，一咬落去比較硬，總括黎講係唔錯既，下次想食米線就唔洗次次去食連鎖米線咁悶嚕。

近年一兩年壓力大，放肆地暴飲暴食，肥左10磅，勁樣衰，我近來開始展開減肥project2.0。以我結婚前成功減15磅嘅經驗，魚湯米線係減肥飲食嘅好選擇之一。減肥最緊要低鹽、低油、多菜、有d carbohydrate、有d protein ，魚湯米線店就可食到以上嘅requirement。我今餐選左 :蠔仔 + 魚腐 + 牛筋腩 魚湯米線 ~ 蠔仔、魚腐、腩係protein，筋有骨膠原食左皮膚靚d，魚湯好味、低鹽。蠔仔肥美，我超鍾意 白灼菜心 ~viber，飽肚、低脂、低鹽老公叫左:雲吞~佢話唔recommend魚皮餃~ 佢話我鍾意食，叫俾我 (其實有d肥，我好多謝佢有我心，食左一隻)

以前喺附近返工，見住附近嘅餐廳不停咁轉，但漁川到而家都仲係到！深受荃灣人歡迎！而漁川米線咁受歡迎，喺因為佢嘅魚湯真係好好味仲好濃郁！會食上癮。最近午餐時間經過呢到，約咗班舊同事嚟返漁川食米線，順道比我懷念下佢既味道而家附近都唔係裝修就執咗 好彩漁川仲喺到！午餐時間固然多人，要等一陣先有位，不過時間唔長而且喺值得等嘅！漁川有好多種唔同嘅米線，中意食成條魚嘅，可以試下原條黃花魚或者魚米至尊系列！如果只係想試佢嘅魚湯，可以簡佢地其他餸，而小妹會推薦食手打墨魚餅、鮮蝦卷、魚腐同雞翼！呢幾樣都好正！除此之外，其實佢哋仲會有泡飯同埋咖哩飯等，岩晒唔同需要唔同口味嘅人而小妹同朋友仔今次都叫咗手打墨魚餅米線，今次我又講咗走蔥唔係講走青不過以前真係成日嚟食嘅關係，就算無黎7-8個月，姐姐竟然仲記得我要走青，最後都有走嘅！好感動魚湯仍然好濃好好味！墨魚餅好彈牙，唔會痴牙。而米線好滑好好食，最後我仲成碗湯飲晒佢，無味精嘛！漁川到而家都係小妹最愛嘅米線店之一

見佢用魚做主打，就想試好耐了！食個下午茶先～$35一餸包熱飲，都合理魚腐米線🍜魚湯比想像中淡⋯⋯有啲失望呀⋯⋯😫米線質感，還可以吧⋯⋯但魚腐就滿有驚喜！😍豆腐魚肉比例岩岩好，仲要係脹卜卜🤤另外，鋪頭較細，坐位比較窄，如介意，可以外賣哦。

我們也喜愛麻辣，但較少吃酸辣的食物，但太太表示聽到一個電台節目推介這間小店，故趁我們到訪荃灣，便入內一試。現場所見，坐位差不多全滿，但幸好有半邊卡位讓我們塔枱。我們點了蟹子丸酸辣米線（中辣）、蝦卷酸辣米線（小辣）及冰鎮魚皮。蟹子丸酸辣米線（中辣）：蟹子丸夠彈牙，米線可口，加上湯底有微酸帶點辣，配塔合適。蝦卷酸辣米線（小辣）：我太太揀選了此米線，據她表示，蝦卷味道香口，唯感覺小辣的辣度，比起其他大型米線店的小辣，辣度較位不足，如下次再光顧，應需要中辣。冰鎮魚皮：爽趣，可口，配以芥辣，確係美味。坐位：需塔枱，坐得較為擠迫。服務：該店的的服務質素可能未必是最佳，但也未至於部份食評所說得那麼差，起碼到了我們結賬後，店員也會對我們說「多謝」。總結：整體而言，該店的食物味道可口，配塔合適，我們也差不多把米線的湯全飲光，唯如需由魚湯湯底改為酸辣湯底，需加六元，個人感覺稍貴。By the way，我們食完後，到回家，仍不覺口喝，這可能反映該店的確用了較少味精。

漁川的賣點是鮮甜魚湯米線，環境絕對不吸引，坐得也不舒服，但時不時會心思思想吃一碗。比起成行成市的麻辣酸辣米線，我更欣賞這種簡單溫和的味道。之前吃過原條魚的米線，覺得比同區「三條魚」米線好吃。這次嚐嚐招牌米線，鯇魚啖啖肉，加上香口的魚餅和軟綿的魚腐，超級滿足。魚湯依舊鮮甜，相信沒有味精。雖然招牌米線不錯，但下次再來我應該會點原條魚的米線加蕃茄，湯底比招牌米線更鮮甜！另外招牌米線跟一杯熱飲，我點了奶茶，意外地質素不錯，值得一讚👍🏻

鮮蠔蜆魚湯米粉- 奶白色湯底滲出淡淡魚味之餘，還有蠔仔及蜆的鮮甜味，為魚湯添上多兩種層次，多喝也不寡- 芫茜、青蔥花、冬菇片及豆卜作配料，為湯底添上多重香味。豆卜吸湯力強但略油- 蠔仔及蜆均量多兼飽滿鮮甜，但有微量蠔殼及蜆殼混入了湯粉之中，吃時需留神- 米粉吸湯- 辣椒油辣勁足帶微酸

也就是荃灣美食多的是，這天與大陸來自由行的表叔試試魚湯泡飯。說起荃灣區有經典的「四條魚」賣魚湯泡飯，小妹也有時光顧該店的有。而這間「漁川」與「四條魚」一東一西，可以說各自平分春色。吃過「四條魚」都知道在這店門前相當虛冚，而其所賣的魚湯泡飯或米線的款式，也搞出很多花巧，而「漁川」整體的感覺，有如我這位大陸表叔一樣，走平實路線，味道是真材實料。表叔點了簡單的魚湯泡飯配牛肉，他說簡單菜式更能食得出熬魚湯的功夫。不過他吃過後，並沒有長篇大論的向我解釋他如何「食得出熬魚湯的功夫」，只是一邊吃著這大大碗的魚湯泡飯，一邊不停說「好味…好味…好味…」有夠誇張！而我就點了「魚尾魚骨魚湯泡飯」，另外加了一份魚腐。阿媽教落，煲魚湯一定要用魚尾，魚骨和魚尾所散發出的魚鮮美味，會讓這碗湯飯加分不少。我讓了幾段魚骨給表叔，因為他喜歡把魚骨「拆解」的，說用口啜每節魚骨，可以吸盡魚味精華！不說的話你們可能不知，或許有些錯覺說魚尾把碗子佔去大部份位置，沒有甚麼魚肉吃。其實，魚尾的肌肉特別嫩滑的，與魚腩是兩種口感。識得食的一定會選魚尾。魚腐只有兩粒，不過放在面層，因此仍然有外脆內腍的口感。看這間店子經常高朋滿座，在附近的

原本想到四坡坊的Eat with Me吃特色雞蛋仔，怎料鹹食雞蛋仔只在星期六日供應，只好另覓食點。漫無目的地在街上遊走，看見出名吃魚湯米線的漁川，自認愛吃米線的我從未吃過鮮魚湯米線，一於試試。魚類有黃花魚，馬友，大眼魚，黃腳立，三文魚扒，鯇魚等選擇。點了蕃茄黃花魚米線，湯底不夠蕃茄味，也沒特別鮮的魚味與想像中有出入。全條黃花魚放在米線上，另給一隻碟放魚骨。黃花魚不會太細條，頗多肉，放湯後皮也浸淋了。這間試過一次便好，下次嚐嚐其他魚湯米線，希望能改善我對魚湯米線的印象。