漁川米線 (沙咀道)

營業中

休息中

《健康魚湯米線-漁川米線》每次去荃灣都會去漁川米線，可惜地點近荃灣地鐵站，對於西鐵沿線既吃貨未必好就腳，相隔大半年終於又再光顧『蠔仔紫菜米線』-$44每次必點之物，記憶中蠔仔非常大粒飽滿，而且大半碗都係，好滿足，都係$40有找。今次再黎，價錢稍為調整到44蚊， 都屬合理範圍，但蠔仔無往日咁大粒，好彩都仲保持新鮮度，唔腥唔苦👍『 蠔仔米線拼粉腸』-$52米線店很少有粉腸食，所以＋$8蚊拼多一點粉腸試試。粉腸共有6條，份量算多， 雖然清潔得乾淨但新鮮不苦，但口感太硬，完全感受到落到位胃依然消化不良，所以食到最後1條直頭放棄。而雙併下原來的蠔仔米線，蠔仔又小又細粒，下次都係嗌返 蠔仔紫菜米線算了😥『手打墨魚餅』-跟餐＋$26🏆墨魚餅簡直係皇牌之選 ，一如以往香口、足料、彈牙，每次都意猶未盡😋👍------------------------------㊙️總評（5分為滿分）環境：3/5味道：4/5性價比：4/5推薦度：4/5

3月底天氣突然又轉翻凍🌬，咁既天氣當然想食D熱辣辣嘅湯麵之類🍜，就跟左同事去覓食啦🤣呢個米線店環境好傳統，好似好舊既冰室咁。不過，D姐姐好熱情❤️‍🔥，服務都好周到，岀餐速度都幾快～聽同事既推薦，呢度主打係魚湯米線🐟，所以我就點左呢個湯底。老實講，嗰魚湯係有少少失望😅，味道唔算特別濃；贏在份量較多，女仔可能需要叫少米啦🙈墨魚丸爽口彈牙，有食到墨魚粒粒，配魚湯更入味👍🏻雲吞冇乜太大特別，不過不失呢碗鮮茄魚湯係同事叫嘅，佢對呢個湯底反而讚不絕口🤣👍🏻，話蕃茄味好濃郁，而且豬膶一D都腥，煮得好軟笪笪🙊是日•點餐📝- 魚湯米線 / 墨魚丸 / 雲吞（$44）- 鮮茄魚湯米線 / 豬膶 / 雲吞（$50）

疫情下又冇得出街食，又冇嘢煮，又唔想煮飯食😂 好彩仲有得叫外賣返屋企食，叫咗一碗墨魚餅米線，最重要係送到黎湯同麵係分開，唔會浸到淋曬，仲係熱辣辣嘅 👍🏻墨魚餅有4粒咁多，而且好大粒。唔係好似泰國菜嗰種墨魚餅，薄身扁圓；反而大大粒好似成舊磗咁😂好surprise，咬落去好實在又彈牙，又有汁😋炸過之後嘅皮 好香口，裡面食到勁多粒粒墨魚粒！真料實料，好唔錯個湯底好鮮甜，可能就係魚湯嘅味道，有幾粒豆卜同香菇想簡簡單單食一餐咁樣幾抵食。

位於荃灣沙咀道嘅「漁川米線」曾經係美食專欄嘅寵兒，平民化嘅價錢，鮮香奶白色嘅魚湯，仲有馳名嘅原條黃花魚魚湯米線都係佢嘅𝚜𝚒𝚐𝚗𝚊𝚝𝚞𝚛𝚎😋 第一次幫趁大約係4年前，當時真係俾佢嘅鮮味深深打動到味蕾！今次再幫趁，發現店舖裝修依舊，但味道就同當年有差距啦...😬😬😬 《 鮮鯇魚腩米線 》$47 3.5 / 5簡單一碗魚腩湯米線，魚肉質感嫩滑👍🏻 唔會煮到過老，米線份量都算大份，可惜作為靈魂嘅魚湯底就好淡，欠缺鮮味，雖然賣相都呈奶白色，但就不及當年嘅鮮甜濃郁😣《 手打墨魚餅 》$32 4 / 5墨魚餅表現中上，手打墨魚肉做出黎肉感飽滿，外表炸到脆脆咬落彈牙，口感好過癮，點埋開胃甜酸醬，啖啖爽口好滋味😚《 雙拼魚湯米線 》$40 3 / 5豬粉腸獨特嘅騷香同油脂感，雖然唔係個個都鐘意，但鐘意嘅人就一定會點！魚皮餃係現成貨，魚皮偏厚，米線份量都足料，但同樣係湯底問題，所以整體表現只係中規中矩🤨 總括黎講，價錢同上菜速度都保持到合格水平，但湯底真係不復當年嘅鮮味😔 變左只係碗好抵食嘅米線🥺

之前見呢間米線鋪出名魚湯，想試好耐因我鐘意食海鮮同魚湯（飲魚湯多皮膚會好d)，終於得閒同朋友去試下⋯食左蝦卷米線，但食完覺得無想像中咁好，個湯唔夠鮮甜，蝦卷正常但米線口感一般。坐落都有d 迫。不過佢價錢唔貴，算係咁…..

因為太鍾意食佢地既米線所以我早午晚 都有試過佢地既出品早餐真係好抵食 30蚊有交易重要份量都足夠一定要必食蕃茄魚湯XX蕃茄魚湯配咩都好食不過要小心佢魚片係鮮魚片超級非常多骨 趕頭趕命趕車我就覺得叫鮮牛肉比較好午晚餐 如果要叫野食一定要叫米線因為佢米線好滑 魚味又夠 成碗湯飲曬都唔會口渴炸墨魚餅都十分熱辣辣 即叫即炸 唔會凍曬因為墨魚餅太出色所以每次黎都淨係會叫墨魚餅米線墨魚餅彈牙 重要有粒粒墨魚肉係入面最正既係 比埋泰式甜酸醬你點大家不坊一試

嬲到顛！今朝系外賣平台 order左荃灣沙咀道漁川米線叫左6個餸，走米線（低碳飲食）由於外賣平台無得remark特別口味所以每次都要親自打電話📲比餐廳大大話話 呢2星期叫左9次漁川米線所以都算熟客仔黎當然覺得好味先叫咁密啦但今朝7:00am 叫外賣平台 同打電話比餐廳走米線就比電話入面個呀姨罵我：「老細話唔做你生意」你成日取消單又叫咁多餸緊系倒瀉啦我話：下我幾時有取消過單一次都無哦 系咪有咩誤會係上2次個車手一個鍾都咪送到之後外賣平台主動call back我原來碗野倒瀉左而我中途從來無吹單 我以為12:00-1:00繁忙時間所以咁耐之後車手自己打去cs講外賣平台就同我講唔好意思 可唔可以再叫餐廳重新送反碗比我 好快 大約20分鐘內有 車手即刻去就係呢件事 餐廳認定我成日取消？而我有record ， 買左共9次每次都有用MasterCard找數好多時仲叫2碗 差唔多$200（連運費）我同餐廳呀姨講咁咪分湯囉 湯還湯餸還餸佢話公司規矩吾得一定一碗過佢罵我叫咁多餸每次都我R L晒頭 我每個餸都有加錢加上佢個app兼所有外賣平台 呢間餐廳都無規定個客簡幾多個餸喂，多餸分湯好正常？點解淨系可

平日少反胃 , 值得一試!第一次食, 亦都係最後一次! 有同事食過介紹, 專登去幫襯試吓, 下午茶時段外買咗個牛筋腩勝瓜魚湯泡飯 $40, 好彩通常食有湯又熱既食物習慣用匙摷兩下, 搵到一條短毛, 諗緊會唔會係牛筋腩嘅毛, 點知越搵越多, 初頭幾條好似睫毛咁長, 之後搵到第7條毛有4cm長, 冇再摷, 幫佢影嗰張相留念, 琴埋蓋揼咗, 白白浪費$40同腳骨力, 餓住去買過第二様嘢食！成件事令人好反胃, 從來未遇過衞生情況甘出乎意料既食物23 -7 - 2021

想吃咖哩牛腩飯，經過過沙咀道，這家店招牌寫住馳名咖喱，心想這店已開咗好耐，以為有一定水準，於是試吓。不過三分鐘便到，賣相好麻麻，顏色深棕色偏黑，層油好厚，再咬落牛腩好硬身，咖喱汁死咸，無香味，未食過咁差嘅咖哩飯，中伏。

因為本身唔食熟魚嘅關係，所以對D魚湯底嘅食物都小食小食 ; 呢間小店係小數會幫襯嘅食店。今日簡咗海鮮米線，大蝦好新鮮; 好彈牙。蜆有D入面仲有小小沙。魚湯底無腥味，飲完都完全唔會口渴。所以應該都真係不加味精真材實料。 米線好滑，唔會淋有D爽口。 除咗米線我亦都好鍾意呢度嘅小食，今日點咗鮮魚皮同埋炸墨魚餅。鮮魚皮唔算太多粉麵店有得食，幾爽口所以可以試試。 手打墨魚餅，無想象中咁彈牙；但墨魚味都好足。如果鍾意食魚，呢度都有好多魚種同埋不同嘅部位。仲有蔬菜同魚湯嘅組合，所以都幾多口味選擇。因為店面唔太大，所以店內座位之間都幾貼。撞啱午餐時間都係真幾爆，好彩今日安排坐到卡位，所以食得比較舒服D。

荃灣出名多好東西，自問若不是友人推介的好味鮮魚湯，真的不會步入這小店。就是有上一輩人才會光顧的感覺。而店入的客人又真的多是上年紀。友人點了一碗米線加一份小食。餐到了才明白友人的用意，真的是超大碗，足夠兩人的份量呢。可以用分量十足和新材實料來形容，而且價錢超親民的。如果你要來試，記得多帶一個朋友了。鮮魚湯味道一流，魚腐都很好吃。小食是炸墨魚餅，這個是必點的。新鮮炸起的墨魚餅，雖然是熱氣了一點，但墨魚味很重。好味總在老店。

上次食完好想再食，好掛住個魚湯。今次叫左個自選木瓜魚腐個魚湯真係好正，好有屋企feel.木瓜加埋個魚湯一流👍🏻最最最好食係魚腐好full好軟，索晒啲魚湯好正😊朋友叫左人鯪魚球紫菜鯪魚球個形狀粒粒唔一樣係人手打，食落好彈，唔粉唔多魚骨最怕又咸又多粉又多骨嘅鯪魚球，鍾意食鯪魚球必叫☺️加埋紫菜好正重點推介蝦卷好食到爆蝦肉多超彈牙炸到剛剛好一定要試

好耐冇食啦，荃灣米線選擇真係太多，真係好想全部試晒。今日想食返清少少嘅魚湯米線，好彩唔多人。個湯好香，好新鮮嘅魚湯，食完唔會太口渴。有一段時間冇食就會掛住魚湯☺️魚腐大大粒吸晒啲魚湯真係好正😊魚腐真係必試👍🏻

位於沙咀道馬路旁的漁川米線深受當地公公伯伯歡迎👏🏻以鮮魚湯為賣點，並可配多種魚類或魚餅鮮蔬等餐牌列有多種配搭外，亦有自選款式。個人感覺餐牌比較亂，如果可以變得更清晰會更好。今次叫了魚腩米線，店員很貼心會有骨碟提供。首先魚腩份量大大舊，熟度也剛好，不會太柴保持濕潤另外也有少量豆卜，吸了湯後，讚！魚湯也是滿滿奶白色，帶有少少清甜，不會感到口渴除左米線外，也可選擇飯或銀針粉。小食也有很多選擇，滿足大食既客人

行荃灣買野肚餓又唔知食咩既時候我80%會去漁川食個lunch.呢度可以食米線或湯飯，呢度出名食魚仲要係原條上。小食都好正即叫即整新鮮熱辣。今日叫左魚腩泡飯+炸雲吞。魚腩泡飯，上面魚腩是鲩魚腩，有3大件新鮮肉厚。湯底係用鮮魚煲的奶白色好好味，我通常都全喝掉。炸雲吞，即叫即炸新鮮熱辣，皮脆蝦爽口彈牙，令人食完一粒又一粒。呢度仲有好多不同款的泡飯、米線。小食都有其他款式也好好食。推介，金牌米線或泡飯，可以食到幾樣野而且好好味，想知就去試下。原條馬友米線都正。小食可以試下墨魚餅，非常彈牙值得試。