漁之部屋 (已結業)

間店地方雖然細又逼， 但環境幾靚擺設幾有藝術氣色，食物同服務真係唔錯。一開始落單叫沙律刺身，食物好快就黎， 三文魚大大塊，油脂幾靚。甜蝦，鮮甜彈牙，唔會一咬就散。其他刺身都幾新鮮。壽司都係壽司店一般會有既，其中櫻花魷魚外觀不錯，魷魚彈牙新鮮。炸物： 有解油膩既天婦羅汁，食幾多都唔會成口油。南瓜幾甜，炸芝士波芝士溶既程度岩岩好。其他炸物都唔錯。燒物： 肉類雖然醃得唔多入味，還可以。煮物： 煮蜆，細隻有點鮮甜，但係有少少沙。。清酒雖然淡，但係有得飲已經唔錯。 總結，食物真係唔錯幾新鮮，服務態度好，好有禮貌。食物10 分鐘內就到，可以大吃特吃，會有下次

趁中學同學聚會，又想食好食既刺身，聽網上食評話漁之部屋既刺身好似好食咁去試下睇下環境如何。先唔講食物，我覺得服務已經幾好，就算幾多人都會幫手收碟唔洗舉手到抽筋先會幫你，呢方面比like !!我黎既目的都係刺身，所以就叫左一堆刺身，佢每舊刺身又厚切，又大大舊個樣已經好吸引人，仲要有少少乾冰，超型，有心思每一舊刺身凍凍地，會令鮮味更加突出，三文魚 陣魚油香超好味墨魚, 吞拿魚就一般啦!!特別推介大頭甜蝦 超大隻又唔"sing" 令我食唔停，每舊刺身都好岩我心水仲有其他，好似熟食都幾好好似烤蝦咁，陣燒烤香味好香，食落去又唔會cover陣蝦味。仲有雞軟骨之類都係必試，脆脆地幾正。小食既有魚乾，成兩個鐘頭，一定會有休息時間，食住佢飲野吹水係幾好。仲有芝士年糕呀，雞翼其實都好正。總括黎講都好滿意，服務同食物都like！

要搵間熟食同刺身一樣好食真係唔易。漁之部屋我覺得OK Wow!!我覺得無論咩食物都好 刺身好食間間都係架啦。但係好似係"蠔"咁，無論係肉質定係味道都好一流例如芝士焗蠔，其他間放題係芝士味足都蠔好細，好沒口感但呢間蠔都幾大，食到蠔既口感。仲有佢既炸芝士年糕同明太子雞翼都好好味。炸芝士陣芝士年糕香好濃郁，外面又脆熱明太子雞翼雞肉脆香鮮嫩，食落去內面陣香味更加有烤既香味，同明太子汁。仲有佢地其他烤肉都好有水準，好似牛舌咁，牛味足得黎，又有烤既香味，又唔會乾，有肉汗！呢度刺身都幾高質。每種刺身都有佢既鮮味，好似甜蝦咁，鮮味十足，又大舊，又鮮又有口感。想試少少清清地既小食，好似係刺身沙津，佢唔會俾太多所以唔洗怕會食太飽而食唔落其他。價錢就220左右，我覺得都值呢個價!!

將軍澳第一間日式放題，所以我同我班fd想去左試下。黎到當然即刻去食刺身啦！咩生蝦，帶子，魷魚，三文魚全部已經叫左。幾正呀 一來佢地d刺身食落已經好鮮甜，應該係新鮮運到。二來好有口感，因為佢切每一舊都好厚肉，所以食落去都有實實地既感覺。仲有，佢地d羊架好惹味，平時食個d羊架，都好大陣羊驙味，但呢個羊架陣味又唔會咁大,恰到好處，其次易入口，個羊架唔會好難咬，一口都唔會用好多牙力。仲有，佢地有另一樣野好特別，就係每晚都會提供限量三文魚既食物，好似係三文魚頭等我叫左個魚頭，真係好美味，食落去d魚油咇出黎，勁香，勁正。每人二百幾就食到呢d野，都合理，介得試下.

將軍澳有間放題我覺得都幾好食，可以去第二次有一樣野係幾好 係佢地服務質素幾好，你一舉手一定有人幫你，加分 D刺身真係幾好，好食到係咁狂叫。三文魚，希靈魚叫完再叫。但最正係大頭甜蝦刺身，肉質厚實，鮮味十足所以叫最多係頭甜蝦刺身。 佢炸物我最喜歡食既係芝士年糕，外暖內熱剛剛炸出來溫度係最正 個一陣濃郁既芝士香味一咬出黎，真係我側邊既朋友都聞到但我怕滯，所以食左一兩舊之後就沒叫 仲有個壽司都好正 好似個帶子壽司咁，上面個帶子鮮味幾濃下三文魚壽司都肥美好食 但帶子鮮味勁d 熟食都唔差，好似個燒蝦咁，陣燒味幾正，食完又唔會好乾，因為蝦汁好多。 所以真係好正，加埋二百幾可以一試

又有放題係屋企附近新開啦!!!我成日去食開放題，呢間點會放過呢呢間有名叫漁之部屋，我估刺身一定有返咁上下啦!見佢係刺身方面放左好多心機 佢拎刺身拼盤出黎個時侯，個賣相好吸引~~成個感覺好華麗!!!而且D刺身又夠冰凍，加強左成味道個鮮味，加上佢個肉身本身夠厚，口感更加厚實，亦好多魚油香 佢無論係咩刺身，好似係三文魚或者係吞拿魚都做到呢個效果。佢仲有好多種類既食物，佢D熟食真係幾好，例如D羊架，唔會食到好辛苦同好UN，羊汁咇哂出黎。食日本野，壽司更係要食啦佢地D火灸壽司味道唔錯，飯少料足，料同飯 唔會各自搶走大家嘅味道味道剛好。呢放題幾正 下次再食過

這家店開業不久,,見晚上放題時段都幾乎滿座於是在午餐時段來試試其實力老公點了手打烏冬配壽司我則點了蒲燒鰻魚飯定食兩份定食的份量算是豐富有沙律﹑麵豉湯&飲品老公說烏冬很滑~~配的壽司全是熟的/炙燒的,,所以未能一試刺身如何灸燒壽司的味道都不錯鰻魚飯定食,,鰻魚size不算適中,,蒲燒汁也不會太鹹,,味道剛好!但略嫌鰻魚汁少了點..整體較乾,,不足夠配飯吃另外如果鰻魚飯的溫度可以暖一點會更好!!微溫的會比較好吃!!而且,,究竟是枱太小還是餐盤太大?枱上已放了很多雜物,,再加上兩份定食的餐盤像是砌俄羅斯方塊一樣,,才能將物品堆砌好建議不要放那麼多雜物在餐桌上吧!!

作為將軍澳友,知道將軍澳開左放題就當然要試下，又近近地。之前見過個場幾細下，所以就book左位先，果然去到就好多人等緊。講返食物先，見佢地d刺身無論係賣相同味道都好好，首先個盤既裝飾同乾冰帶來既效果都好吸引。味道同口感方面都好有鮮味，加埋佢既刺身有冰凍既口感，更加突出佢個鮮味。如果話食壽司，會推介大家食個牛肉壽司，因為一來肉厚，二來牛味重，食落去好多牛汁，好正。值得一提係芝士生蠔，如果有去開其他放題，就知道其他放題d芝士係多到爆，蠔基本上就唔見，但係呢間雖然唔係特別大，但係佢粒肉都足夠食到佢陣蠔味。佢d炸物都OK,唔算好油膩，但幾飽下，最後可以用黎填飽自己。如果想健康少少，可以選擇埋沙律，真心幾好食，又可以當甜品。呢間放題價錢都係200左右，大家可以去食下。

琴日同朋友去食呢間放題😛好開心唔洗再走到cwb,tst,mk食放題d野食好好味 店員服務態度好好👍good 首先叫左個蟹籽沙律😆味道吾錯之後叫左三文魚 甜蝦 帶子刺身😍好正 d三文魚切得好厚 好有口感😆d帶子好正 好大粒 好新鮮 第一次放題有帶子食真係好好食 自己都忍吾住食左20粒😜當然要食d壽司😆 仲有好多火焰壽司 不過驚食壽司食飽 所以叫得好小 😆😆 之後嚟左d蜆 味道都ok 不過好多沙😓 嚟左d炸物，天婦羅 全部都好正 一口芝士最正 👍👍👍 芝士年糕上面有d小丸子汁 咁配搭好特別 好好味😆 終於到最期待既蠔💜真係好正 有沙律醬加芝士好正😍😍😍😍無得頂 1000000 like👍👍 嚟左牛肉排 都吾錯 叫左3碟 吾知點解一碟入面硬係有一舊好肥😂d羊都吾錯得小小蘇😆😆😆 串燒好好食 d全翼好好食 牛舌都好正🙈🙈🙈真心好味道😍最後有Dreyer's雪條 一人一條😆仲有好多其他甜品糯米糍 啫喱 泡芙😆😆整體都好好 會再食😆

同朋友去左將軍澳聚會 食放題, 朋友話呢間新開連平日都要排隊呀! 好彩我地等大約5-8分鐘就可入座啦, 個場人頭湧湧 , 算有氣氛啦!Order左好多野食, 刺身絕對係主打，賣相甚討好帶子size 算大啦 好鮮甜三文魚刺身給了魚腩  都很肥美  脂味重 - 正！當中甜蝦最鮮美 一字排開的甜蝦 和 極大赤蝦最吸引。赤蝦以蝦膏取勝-  鮮味呀壽司飯軟不鬆散、手卷幾足料軟穀蟹壽司的蟹新鮮炸起的，正 !焗生蠔香噴噴 Size可以，蠔殼上加上磨菇 ,沙律醬等去焗，正！買飛弗值得一試！！羊架，羊味足但唔穌，醃料剛好雞翼 - 一般唔唔突出芝士年糕，燙口，芝士湧出來 !!總括餐廳甚有水準，不過坐位可闊落D  , 就更好啦!!

朋友住將軍澳, 話最近開左間"日式放題" , 叫我一齊試下入到去見到裝飾幾特別 , 座位尚算舒適之後 二話不說 先點刺身啦 叫左三文魚，吞拿魚，甜蝦，螺肉，鮑片 希靈魚同帶子  三文魚厚切，魚味好濃 好有魚油香 帶子必食，有個1蚊size咁大 雖然唔算好大粒 但一般放題都未必有得供應 ，好鮮甜好味！甜蝦好大隻 冇sing味 希靈魚 爽口 冇雪味  其他都正正常常 壽司，配搭特別又細細件，唔會咁易飽  飯有微溫 淋身 正!燒物最正係燒羊架 好入味 燒得好淋 味道較得好 又唔鞋口燒雞翼脆卜卜  熱la la芝士年糕 , 勁多芝士呀天婦羅沒特別 唔太脆 一啲都吾吝嗇，食到尾段，餐廳一啲都吾吝嗇 甜品有Dreyers雪糕枇 呢餐很滿足呀! Like ar 

       新都城本來都有好幾間壽司刺身店，但市場現實，汰弱留強。啱啱結業嘅壽司舖，轉眼裝修完又開日式食肆，仲要係將軍澳從未開過嘅日式放題。一見有魚生任食，梗係去試吓佢實力。         放題於唔同時段收費略有不同，但段段時間都人頭湧湧。餐廳裝修簡約乾淨光猛，以木色做主調。放題食物選擇頗多，啲點菜紙都有十幾項。😳       刺身併盤一坐低梗係嗌刺身先，上枱時眼前一亮，新鮮刺身砌滿獎盃型器皿，裏面舖滿碎雪保持溫度，所有刺身夠凍夠新鮮，連食三盤都係保持水準。      而且放題包括冷熱SAKE,香醇易入喉，配搭嚟食魚生真係最高享受😋     魚生得之外，燒物天婦羅前菜都係水準以上，當中燒澳洲和牛壽司尤其出色，油脂豐富入口即溶，香味媲美頂級西冷，薄薄一片做壽司，絶！              除咗冷熱食品多選擇，仲有雪糕批做甜品。雖然放題時限兩小時，但伙記上菜快捷，全晚無冷場，SAKE魚生枝豆從未間斷，食得盡興，慶幸將軍澳又多一個優質蒲點。

將軍澳第一間放題，所以小記抱著一試何妨的心態就進來了！這家餐廳，首先不足的服務人員不夠。我看著一位年約50多歲的阿姨不停地清理桌上的垃圾，及後又被顧客叫去落單。第二，關於食物問題。後來點的食物就沒有繼續拍照了，因為食物質素一般，但比起我們上次在新都城2期吃的一家所謂放題，相較之下好得多了。如果這個晚市價格相比較，小記認為這個餐廳不容再試，當時我們一邊食野，一邊比較。一致認為下次不會再黎，因為每位$238晚市時段，用餐2個小時。這個價格可以在極尚大喜屋大吃一餐了。況且極尚大喜屋中午時間用餐3個小時，味道很不錯！我記得這家餐廳最令我驚喜的是，火焰三文魚是最好吃的！大致上對它的想法便是如此。。。誰知。好戲在後頭！回到家中都要10點半了，11點幾一陣肚痛，2點多打算就寢，死火！想嘔添！！大禍，真係瀨野！！打死真係以後都唔會再光顧呢間野！！！