漁之部屋 (已結業)

book左5點半入坐，平日，係最優惠嘅時段，每位228加一，任食2小時首先每人送一杯飲品，係七喜溝左d藍色嘢馬上order刺身刺身新鮮! 赤貝很甜，三文魚厚切，蟹也很新鮮! 必食。卷物都好食，賣相吸引。有花之戀，軟轂蟹卷等甜品可試焦糖焗蛋和牛乳布丁這個很香，配酒不錯唔記得影梅酒，好好味。不過我飲一杯已經醉了。燒牛舌，雞泡魚乾都唔錯。另外，餐廳會每人送一隻黑松露鮑魚，松露味幾香，鮑魚彈牙軟身。最後有名牌子雪糕揀。有隻岩鹽朱古力雪條幾濃味，士多啤梨味都好食。我地食得好斯文冇乜搏命，不過已經好飽。由於食嘅時段人少，冇漏單情況。係有店員早左一個鐘同我地講last order要埋單，嗰下就嚇親，明明仲可以食多一粒鐘，不過我地講翻清楚佢都知搞錯左。地方就有d迫，明明大把位，但安排你坐埋一邊好窄。

年初七朋友聚會，位於新都城中心地下，一出就寶琳地鐵站，住將軍澳油塘的人位置就腳。星期五晚雖然都多人，但唔算太迫。餐廳係以日式放題型式為主，全部任飲任食，當日二百八加一，魚生類尚算ok，但欠些少新鮮。呢度嘅炸物好食，來果陣都仲熱，夠脆。手卷就無乜特別，都大舊。飲品方面面除左一般汽水外，有日式酒類，有白酒清酒之類。最後有個Hagen Daz雪條，有綠茶味嘅。最搞笑係果日人日，喺日式餐廳打曬射燈播中文新辰歌慶生😂

將軍澳區內唯一日式放題，雖然價錢同市區差不多，但係食物一啲都不馬虎，一樣經常滿座刺身推薦：有三文魚，吞拿魚，甜蝦，赤貝，北寄貝，帶子，長腳蟹等……件件都非常肥美壽司推薦：海膽魚子軍艦，燒三文魚腩壽司，和牛壽司燒物推薦：燒雞泡魚干，限量嘅燒三文魚頭，限量嘅燒三文魚鰭，燒菠蘿其他有炒蜆，炒雜菜，芝士年糕，紫心丸，沙津等等…… 全部都有水準飲品最鍾意佢飲梅酒飲甜品仲有M字頭雪糕，D記雪糕批新都城漁之部屋同天晉漁之部屋兩間都食過，個人覺得新都城舊店最好

見有朋友食過又喺FB度大讚高質放題云云，openrice又超多like, 點都嚟試下。但可能期望過高...... 夜晚唔想食太飽所以揀午飯時間嚟，係咪因為咁啲熟食味道同夜晚有分別？？食物有讚有彈吧~坐位幾迫夾，但佢啲枱椅都有儲物格放吓menu呀手袋呀咁；漏單情況係有但算少；員工服務好好有求必應，攞番唔少分數。連加一$251 一位叫恰如其份；如可選擇會俾多幾十蚊去番主流嗰幾間，食物選擇多啲質素又好少少。講番食物啦~一坐落枱就放兩包哩啲包裝wasabi, 心情一沉。雖然大部份平價日食店啲一舊舊嘅wasabi都係人造，但都未至於堂食都俾哩啲包裝wasabi吧。感覺好似喺超級市場買外帶壽司咁，坦白講已經先入為主覺得啲嘢食好極有限......和風牛肉火炙壽司 - 全餐最好食係哩個。火炙香口，牛肉嫩滑仲有油香，少有encore熟食之一。黑松露鮑魚 - 哩個係經理(?) 提醒喺FB打咭送一人一隻。黑松露味夠香，鮑魚有磯煮味，唔錯，可惜冇得encore ......刺身 - 係幾新鮮，吞拿魚腩冇其他食評提嘅鯹味但一點油花都冇，當然放題嘅點能夠要求咁高，大大舊算係咁；帶子刺身好細粒，口感一般；凍蟹腳細隻

平時有黎食開，所以決定將第一次送比呢間放題！一入黎就直接點刺生，拖羅，三文魚仲有大甜蝦（抱歉相片較暗），甜蝦一向出名好食，三文魚同吞拿魚中上水平，質素比出邊普通放題高，值得一提o既係凍蟹腳，蟹肉有微微的海水味再帶點清甜，刺身整體黎講幾高質。刺身之後到壽司！我出名食肉獸，見到d和牛壽司真係流口水，厚切，炙燒，加上小小脂肪同飯，根本沒可能抗拒到。足足食左4舊，而帶子壽司讓左比朋友食（哈），都係好厚，頂部放左魚籽同沙律醬，錦上添花。到熟食！小第會推介芝士焗蠔同埋炭燒墨魚，先講前者，芝士愛好者，但記住就返份量，因為好快會滯。炭燒墨魚，店家細心切成小件，再加埋泰式辣汁，惹味到不得了，引到我地前後叫左2 round.最後想講下甜品，最欣賞既係雪米糍個setting, 每粒會獨立用一隻湯匙放住，賣相已經滿分，食落去凍得黎唔會太硬，我比十個讚，好，返去減下肥，下次再黎。

平時比較少入寶琳，今次同男朋友去搵朋友玩，咁岩約左係呢頭，都一班朋友，就決定去食放題啦，反正晚市到到都差唔多價錢，咪搵間睇落唔錯既黎試下啦（當中有個朋友都好大食，岩晒，哈哈）。黎到漁屋，雖然d位就唔算好寬鬆，不過勝在野食款式夠多，而且叫幾件就俾幾件，都幾均真。一開波趁有胃口，當然要食下刺身先啦！種類都唔少，又有三文魚、赤貝、大蝦、吞拿魚同帶子等等，都幾鮮美，而且隻蝦都幾大隻，唔會有海水味同埋冷凍味個種，所以我都唔小心食多左好多件，哈哈……另外，我地女仔不嬲都中意叫返碟沙律做下頭盤架啦，試左兩款，都係覺得呢款蟹籽千島醬既最好食！另外，仲有個鐵板炒栗米都好好食，一早加左牛油，所以好夠味，我一食就食晒成份lu。仲有，我覺得佢壽司都幾好食，唔會話太多飯，然後料得少少個款，個人覺得份量正常，味道都唔錯既，就算係普通既腐皮都唔錯，當然蝦既太卷都幾有誠意，賣相都好ok。仲有炒蜆好入味，絕對可以再叫多份黎食……我男朋友超中意！哈哈～暫時黎計，我都幾滿意呢間店既食物，服務都ok。不過，佢地既甜品都幾加分。我唔算好中意食甜野，但係佢個movenpick既士多啤李雪糕真係好好食，酸酸地超開胃，完全滿足埋我第

老老實實，之前呢間既另一間分店上過新聞，我都諗緊好唔好試試，不過，見無咩選擇又好似都有食下，就入去試試la，段估唔會死ge，哈哈。拿，正路放題一開始就緊係食刺身la，老老實實刺身都ok la，但千奇唔好叫吞拿魚，好鬼腥，其他帶子三文魚呀蝦呀都算鮮ge，睇怕下次食之前都係全部叫少少試試好la，自己識做la.壽司都幾多款式，味道都幾好，但唔驚豔，不過金茹肥牛好好食，一定要叫！仲有炒”九”菜，以為會伏，點知好惹味wo…..haha膽粗粗叫左煲牛肉火鍋試試味la，牛肉量都幾多wo！雖然係薄切既肥牛，但口感都幾好la，仲有蛋呀烏冬個d，味道唔錯ga，最岩就係用黎做飽肚之選lor，大家明la….最後記得食返杯雪糕，韓國牌子，都抵返晒ge...而且仲可以任叫其他甜品….

這星期是吃貨的星期，幾乎每晚都在試一家新的餐廰，所以現在是處於肚子很滿足，可是錢包很空虛的狀態。由於懶這種病威力真的很大，已經把想要一一寫出來的欲望殺得片由不留，所以就選這星期最後吃的這家吧－漁屋。會吃這家放題的原因真的很簡單，聽說有長腳蟹喔！好，那就點幾隻來試試囉！嗯，果然如此！這是腳蟹一上桌我們集體的感覺。由於這不是價位高的放題，抱著一分價錢一分貨的心態，這些長腳蟹也没有讓我們失望，還是值得一試的。其他的魚生倒是不錯，帶子肥美可口，三文魚鮮甜，蝦口感也不錯。除了頭一盤是sashimi外，我們基本上其他的東西都點了熟食，意外的也不錯哦。吃壽司我基本上都會點火炙壽司，而這裡的壽司味道確實很好吃。生魚片經過略略燒過以後，都是軟軟嫩嫩的，去了魚腥味卻把魚香味帶出來。雖然油脂有點多，但小小的一塊剛剛好，配合壽司飯，把油膩口感中和掉，暖暖香香的，完全是我喜歡的味道。另外還有不錯的是燒河豚魚乾，燒完的魚乾軟軟韌韌的，雖帶了點魚腥味但味道不濃，不是那種反胃的腥味，那是一種淡淡的魚香味，感覺像是來自海洋的味道，所以這種腥味並不討厭。吃這裡的燒河豚乾好像在吃烤魷魚，咸咸香香的，配冰冰的啤酒一流。簡單一

好久沒來光顧了(上一次已是一年前)，今次再來，發覺食客多咗，繁忙時間相信一定要book位，walk in嘅相信要等book咗枱客嘅甩底先有得食。但食物質素唔會因客多或已出名而有所下降，依然keep得到。今次我有學人相機食先啦！不過佢嘅蟹腳就麻麻啦

第二次寫呢間放題喇! 上次係打完牌過嚟，今次行開呢邊睇戲，所以就響呢邊覓食喇。今次嚟到多咗好多新嘢選擇呀，有驚喜! 刺身方面最吸晴係有長腳蟹食! 佢哋嘅蟹size有啲迷你，肉唔係多，但品質唔算差，有淡淡海水味，而且一入座已經有較剪同蟹醋擺咗響度，都係幾貼心嘅。另外刺身都有一貫質素，帶子好正，夠新鮮夠滑夠厚，回本必食!熟嘢方面推介炸廣島蠔，仲有炸一口芝士，天婦羅嘅質素都唔錯。呢度都有唔少海鮮類嘅食物揀，好似炒蜆都有兩款，仲有焗蠔，釀蟹蓋，串燒蝦，燒魷魚等，感覺食海鮮會易啲回本，而且味道唔差，抵叫。甜品點咗個一口雪米滋，其實都唔係一口喇，一口拍落口會好凍，係幾正嘅，同埋有韓國雪條，呢個我第一次食咋，不過太大條，食完試唔到其他甜品。佢哋間唔時都會推啲新菜式出嚟，好想有生蠔任食呀！

人生第一次出bonus，便與最愛旳姐姐吃放題慶祝，聽朋友說這裡的食物質素不錯，又在家附近，便在這裡訂了座。因為訂了座，不用等位便能立刻進去感覺很爽。進去時感覺那裡光線很充足，跟其他放題店有點不一樣。點了餐後很快便上菜了前面是桃沙律，份量多，是不錯的沙律，不過吃得多會有快飽。後面是海蜇，很爽很好吃花之戀，跟平常的差不多，大小適中冷烏冬，烏冬質感煙靭，加了芝麻醬，味道十分好！這個羊架超級正！！能媲美西餐廳，很有羊味海膽三文魚子軍艦，海膽不太新鮮芝士焗蠔燒菠蘿，有點太酸整體不錯，魚生的筫素很好。有幾款特別出色有驚喜，有些比預期差。

父親大人一向喜歡食放，只可惜父親節前後都太難訂位了，只好直接放棄在那段時間食父親節飯，所以就把這餐飯延後再延後。最近聽朋友說食過這家放題，味道與價錢都不錯，於是一家人就特地來這裡吃一頓延後得有點過份的父親節放題了。刺身、牛仔骨、串燒，燒物等香口濃味的東西一向深得父親大人的心，但基於健康問題，不能點得太多，只好一件起兩件止，稍微滿足一下他的口腹之欲。難得地,父親大人出口稱讚刺身鮮甜可口，牛仔骨鮮嫩入味，串燒也很香濃。看到父親大人的反應，心裡悄悄鬆了口氣，這樣就意味著下次可以再帶他來，不用再費神找餐聽了，哈哈！眼見肉實在點得太多了，一定要一些菜來平衡下，所以第二次落單就點了炒韭菜，牛油粟米，沙律等。由於是鉄板炒韭菜，特別惹味，又加上有少少辣，配飯吃一流。牛油粟米也很甜，我自已幾乎把一整碟吃光了。沙律一向都是前菜，而我們則是到了中後段才點沙律，但意外地發現，吃沙律可以去去肉的油膩感。沙律滿分!!有點遺憾的是，這次的燒菠蘿真的酸味太重了，吃了兩口就放棄了。 整體來說這次的放題都幾滿意，父親大人說食物種類也算豐富，最重要家人這晚也吃得很開心，滿足了！

同女朋友食晚時放題，佢話識食緊係先點沙律，點左兩種沙律，蟹籽沙律同埋水蜜桃什果沙律，當然係罐頭水果，但都ＯＫ，夠多沙律醬，而且有加椰果，幾好食。女朋友超中意食壽司，點左超多件海膽三文魚籽壽司，Ｄ三文魚籽同海膽都唔會太腥，但又唔係話好甜，對放題既程度黎講，算係幾ＯＫ。我地仲點左Ｄ巨型蟹棒壽司，同埋幾件芥辣八爪魚軍艦，都幾好食，下次想試下佢Ｄ辣味挪威三文魚軍艦，好似幾特別，唔知味道MA唔MATCH。話說有個女員工幾NICE，推介我地食海鮮釀蟹蓋幾好食，真係幾掂，Ｄ肉幾實幾足料，唔會話太多粉，而且仲幾熱下，唔係炸完放左好耐果Ｄ。我地仲點左金菇牛肉卷同埋鐵板牛油粟米，牛肉卷幾入味，而且有切一半，女仔食起黎可以無咁輪盡。整體黎講都幾ＯＫ，以後有GATHERING都可以BOOK呢間分店。

練習完排球，大家都拖著疲累的步伐找吃的，在將軍澳繞了一圈，漆黑中看見光亮炫目的招牌，如圖所見「空降NO.1放題」，多霸氣的文字，讓人不得不入內一試。場內空間不算寬敞，但「麻雀雖小，五臟俱全」，桌與桌之間的通道行走尚算方便。先點下燒物填填肚子，燒多春魚、蝦、雞軟骨均不錯，味道適中，不淡亦不濃。刺身比燒物慢了一步上枱，服務員送來一大盤「出煙」刺身，大家都對住盤魚生大叫「好正啊！」終於恨到放肆食刺身。平日，因為要填飽肚關係，隊員都少買刺身當飯食，一來氛量少二來難飽肚，這次大家都食到盡興。刺身送來不夠五分鐘，已被解決掉了。再來了一個雪花肥牛鍋，肥牛薄切，肉質還不錯，湯底也好，整體個鍋真的可再試。天氣炎熱，忍不住配合一罐冰涼的啤酒，呷一口啤酒，整個人都爽透。除了啤酒，也有其他選擇，隊友就喝錫蘭紅茶、忌廉鮮奶、樂天芒果汁，應該會有不同的牛肉味。食完幾輪美食，當然不能少的是──甜點。馬可龍確實吸引，很少日式放題會提供甜甜的馬可龍，在這裡就可以食多些了。整體喜歡這裡的食物。

行過寶琳地鐵站成日都見到有間放題好多人係度等位，都有少少想試下，咁岩上星期又父親節，就帶左一家人去食。遇著大日子，我梗係book 定位先啦，但係預左去到都係要等位，只不過係唔洗咁耐咁解。去到門口，竟然唔洗等喎，直接入得，正！帶位果個待應都幾好禮貌，去到仲提我地d袋可以放落椅下面，環境又光猛清潔，舒舒服服，幾好！一開波當然係食刺身先啦，佢有十幾款剌身俾我地揀既，但因為果陣都幾肚餓，所以就揀左幾款大熱既剌身先，三文魚，甜蝦同赤貝。三文魚剌身切得幾厚，油脂的分怖幾平均，好有光澤，非常新鮮，雖然呢個唔係三文魚腩位，但都食到魚油香，好滿意！甜蝦唔會好似爭先咁細隻，亦都無雪味，食落口好鮮嫩，連蝦頭都食埋。赤貝都係驚喜之作，出奇都鮮，出奇地甜，要encore！通常食放題係好少叫壽司，遁例試下咁樣，火炙的壽司都整得有水準，唔係hea，特別推薦個火炙三文魚壽司。軍艦方面首選梗係海膽三文魚籽軍艦啦，兩種口感，一啖食又得，兩啖食又得，三文魚籽同海膽都新鮮，但個人不太喜歡兩者混在一起的味道，分開兩啖食好味d。蟹棒壽司好大件，好滿足，蟹棒無雪味，水準已經高過大部份日本放題。熟食方面，燒蠔係信心推介！現場即叫即燒