滿記甜品 (已結業)

唔可以堂食 天氣又凍 去滿記甜品外賣咗個甜品番屋企食 見到呢個姜汁桃膠芋圓 二話不說 即刻落單試試佢冇失望姜汁有辣味 都幾重姜味 甜度適中 甜度適中呢樣嘢真係好重要 好多甜品店d糖都好似唔洗錢咁 食完喉嚨係會唔舒服嘅 呢間真係ok再試下桃膠 唔會俾好少 啖啖都有 都足料 芋圓好有口感 Q彈 重點係有香芋味 正~會再戰😂下次再去試試佢其他甜品 佢款式都幾多 唔會好單一 出面多少來來去去都係果幾味 有時其實都選擇唔到 因為根本冇選擇 呢間好有新鮮感 出品都唔錯 值得推介

滿記甜品本身都幾鍾意食，尤其係佢啲中式糖水！我覺得比起坊間其他連鎖嘅甜品糖水舖已經係相對比較出色。雖然性價比唔係太高，一碗嘅size都比較少，但係間唔中食下我覺得係好OK，同埋喺大西北呢個地方基本上都冇咩糖水舖，連最基本嘅小店都好，都比較麻麻所以滿記喺大西北度開其實都係一件好事…今次買咗兩款糖水返屋企同屋企人食紫米露加芝麻湯圓..大家成日以為紫米露同椰汁黑糯米係同一樣嘢，但係其實唔係！椰汁黑糯米只係一舊黑糯米加椰汁，而紫米露係要煲嘅！相對紫米嘅數量冇咁多，食落去係比較流質啲，所以我好鍾意食紫米露…焗芋蓉西米布甸..呢款其實係一款好傳統嘅中式舊式甜品！前期係會用蓮蓉去做餡，但係而家基本上都比較會轉為甜度冇咁高嘅芋頭去做，食落去好軟滑唔膩，西米布甸西米同埋吉士嘅比例好好，焗完之後熱辣辣食好好味！

踩完一日單車，成班朋友食完飯再直落糖水，要好好慰勞一下自己（其實係因為時間尚早，未想返屋企）✨✨紅豆+仙草+芋圓+芋泥呢個組合簡直係賣飛佛😍😍所以諗都唔使諗，就揀咗佢！芋泥做得好香，唔係就咁用一般芋頭雪糕，至於仙草紅豆甜度適中，芋圓又煮得岩岩好，好煙un 😋😋😋整體呢一個組合係我嘅最滿意之選👍🏻👍🏻✨✨另外我都試咗兩位朋友嘅甜品，榴槤系列都真係真材實料，會食到有榴槤肉，所以整體大家都滿意😋😋

滿記外賣自取做六折好鬼抵呀食完飯一於成家人食個甜品先見到個app嗰度寫住領匯有$50減滿$150就得嘩好鬼抵喎抱住一試嘅心態竟然真係減到$50好抵糖水有質素芒果pancake同pancake都好好味呀而且仲好足料添我哋感覺滿記糖水啲生果係特別靚啲嘅

今日同幾個朋友去天水圍滿記食甜品，我哋叫嘅係3碗芝麻糊湯圓（兩碗熱一碗凍）和一個芒果班戟，收銀服務員嗰個四眼阿姐耳仔聽錯嘢，連隻眼也是睇錯野，自己打錯單，結果變咗兩碗熱薑汁湯圓和一碗凍芝麻糊湯圓，我哋要求佢換，佢話係我哋自己叫錯，仲話冇得換！初頭都諗住算數，我哋堂食越食越谷氣，因為呢個服務員態度真係極之差兼無品，佢嘅行為、眼神同埋態度令到我哋火上加油，一路食一路啤住你，好囂張，原本只是上OpenRice俾個差評佢便算，佢嘅服務態度真係不可一世，唔鬧唔醒！佢完全唔覺得自己有問題，係間店舖裏邊同我哋開戰！我覺得做錯野唔緊要最緊要真係要承認，但係佢完全係冇責任感，仲要逼你食，真係好反感！點解會有呢啲人出現，平時行過見到呢間野都已經唔係好生意，甚至好多時都係冇人，原來真係有原因！前線服務員嘅服務質素真係好重要，佢咁嘅態度不如唔好做啦！（最搞笑嘅就係在我哋打呢篇野之前，甘啱見到OpenRice有類似嘅情況又係關於呢個地點和呢個服務員，事件證明我哋都唔係第一個投訴佢！點解公司唔正視呢個問題去處理）

一貫滿記質素，食物ok,但服務員態度真係好差！！我哋5個人，比完錢一分鐘都冇，朋友話想轉另一份甜品，立即問店員可否轉，店員話出左單冇得取消，唔可以轉，點知發現佢張單打錯榴槤pancake 做芒果pancake , 最後都係要取消單。自己打錯就可以取消，客人轉order就唔得🤯🤯5個人點左5份甜品，先後上，其中榴槤pancake店員忘記比餐具，朋友向店員拎返，店員態度好差話朋友一份pancake 要兩份餐具，因為我哋想share食，我想講都係一個膠义姐，唔係叫你送多份甜品比我哋，咁嘅語氣同態度好似我哋乞你咁😧👎👎👎 不會再幫襯

係天水圍附近食完正餐同小食，雖然都有叫飲品，但都係有啲口渴，所以諗住叫個甜品，順便當解渴。搵野食個陣偶然發現呢到有間滿記甜品，通常都係幫襯旺角朗豪坊個間，印象一直係無咩特別，價錢都唔算好平好抵食。只係見到呢間座位好似都幾舒服，又無咩人流幾安靜，加上自己已經懶得再搵其他糖水鋪，所以先試下呢間有無咩分別。以往去滿記我都會叫抹茶類甜品，因為自己幾鍾意抹茶。今次都唔例外，叫咗抹茶彩虹（好似係咁叫）。簡單而言，呢款甜品大致係被雜果包圍嘅抹茶雪糕。份量唔算好大，都足夠兩個人share，亦唔使驚太飽。但味道上就真係不敢恭維，可能係我食過咁多次滿記最頹嘅味道。抹茶雪糕正常，係偏甜嘅抹茶味。西瓜都算正常，但無鮮甜嘅感覺，亦唔太juicy。芒果亦係無咩味道，酸甜味道較淡。最經典係士多啤梨，完全食得出好唔新鮮，未食過咁乾身且零水份嘅士多啤梨。更加唔使講酸酸甜甜嘅味道，係咩味都無。甜品另外有抹茶啫喱同蒟蒻個類。抹茶啫喱略嫌太大舊，食落無咩茶香味，同普通啫喱無分別。

今日先知原來『桑寄生』對女仔好有益，於是放工就揾下屋企附近邊度有桑寄生蓮子茶賣～唔搵過都唔知，原來桑寄生蓮子茶都比較冷門，唔係間間糖水舖都有賣😮左搵右搵終於比我搵到滿記其實都預咗滿記會比較貴，但係冇預到分量咁少😓『桑寄生紅棗蓮子茶』賣緊21蚊一碗，用細膠碗裝，幾啖飲晒⋯⋯入邊只有兩顆半粒紅棗+三粒蓮子。一打開個聞到一陣涼茶味，飲落甜甜地，紅棗味濃。整體來講勉強可以啦，算不上好抵，但係又唔係太貴。下次我會選擇自己煲😂今次就冇辦法啦，鬼叫周圍都冇得賣咩～

今天是普天同慶的平安夜，和女兒玩了數個攤位遊戲，把我的精力都榨干了。又累又渴之際，決定坐下吃甜品補充體力。我們點了ㄧ客芒果窩夫和一客抹茶茶凍一起分享。两客甜品的賣相都很好，金黃的芒果和墨綠的抹茶相影成趣。芒果窩夫是一球雪糕一層窩夫再一球雪糕加ㄧ層窩夫組成，旁邊還伴着粒粒鮮芒果。冰凍的雪糕和熱的窩夫，雙重口感，好好味呀！而抹茶茶凍是由清香的抹茶茶凍鋪滿杯底，上面是香甜的紅豆伴上一球抹茶雪糕，再加上依韌十足的小丸子。真是多重口感，好滿足呀！

同朋友食完飯，經過呢間甜品鋪，名牌店啊，去試下吧，反正都好耐無食甜品，放緃一下。店子裝修係不錯，因為間間連鎖裝修都係好正，先來左個芒菓脆脆窩夫，窩夫其實唔夠脆口，芒果看來不太新鮮，入口滿是糖水，真係的芒果香和甜酸感完全被搶晒，口感太差，份量又不多，只有芒果雪糕味道叫OK，個醬太少了，多D會好食D，吃這款實在叫人有點失望。榴槤飄香配綠茶雪糕，個沙冰底淡淡地，榴槤好漿下，但味道不濃郁，賣相和味道扣晒分！只配兩粒仔士多啤梨，味道一D都唔MATCH，只有吃綠茶雪糕食得下！海底椰白雪黑糯米，同樣地又係個椰汁底出事，死甜咁，不夠椰味。黑糯米沒有獨特米香，好像生左D，口感差，海底椰撈埋D椰汁底食，都OK，但失色在唔夠椰味，扣晒分！名牌效應唔好信晒啦！

其實我對甜品要求好底~我今次點左個湯丸~個湯没有薑味，只係甜既片糖水……湯丸當然沒有問題，應該係包裝的……其實最普通既糖水都可以咁……可能都係用生果整……窄下汁會好一點~

放假與朋友來到頌富商場買完鞋，見攰攰地又想食下甜品，諗起咁耐都未有機會幫襯下呢間滿記，於是來呢度搵食。選擇唔係好多，見到榴槤系列，不得不試吧！選擇困難症，諗左10分鐘，最後叫左榴槤白雪涼粉和綠茶紅豆窩夫。落單時，收銀員似乎聽得唔太清楚，有點混亂。呢度係自助形式，等待了5分鐘左右，就有得食，朋友拎到來，一睇之下，賣相實在太驚訝.....毫無美感，不過，榴槤白雪涼粉果一件榴槤肉超級美味，可惜只是一小件，成碗涼粉都好香榴槤味，好好食。至於綠茶紅豆窩夫，雪糕唔太甜，窩夫不是即整，已經攤涼了，個人喜歡個窩夫夠實，不會過鬆而切落去唔會散開，算是幾好食，只是賣相較求其。總括來講，不錯的

今日同屋企人食完飯後再食埋甜品今次叫咗一客芒果椰汁黑糯米 芒果肉分量好多 味道 很甜 芒果味好濃 椰汁黑糯米味道香濃椰汁味好重 黑糯米煙煙韌韌 加上配有雲尼拿軟雪糕 雪糕口感幼滑

今日同啲同事啱啱食完野，唸住去食滿記甜品，我揀左個紅豆沙，榴蓮班戟。紅豆沙（熱）:紅豆濃稠足料，口感細膩如沙，味微微甜香而唔腻。榴蓮班戟:外形四方飽滿，切開之後上层係厚厚奶油，中間係榴蓮蓉，口感嫩滑濃香鬆軟，甘甜入口即化！！

天氣涼涼地，肚有點餓又未到晚飯時間，食番碗芝麻糊先！這兒裝修新穎，座位舒適。芝麻糊溫暖剛剛好，稠度適中，唔會水汪汪。芝麻香味撲鼻，唔會太甜，味道算濃郁，一定會echo!