滿記甜品

分店早已開到成行成市的滿記相信不用多介紹了吧，大舉進駐商場後反而欠缺了風味及獨特性，質素下滑更是大家談論的焦點。如不是地理佔優，與家人於Yoho Mall吃過晚餐後意猶未盡亦不想走遠的話，也不會選擇光顧呢。甜品時間店內仍有不少座位，但一行8人仍需站在門外等上店員5分鐘慢條斯理的安排，大家也感有點愕然呢。其後點餐、結帳也是冷冷和懶懶的，加上下滑的質素，相信是門前冷清的原因吧。 選擇多元化是其可取之處: 芒果系列、經典中式糖水、港式甜品、鮮果窩夫、芭菲沙冰等，不過價錢定位無可避免是商場價，相比同區的糖水店算是偏高了。 Top 10推介的系列內，點了其中幾款。 雪山白雪黑珍珠 $44非常大堆頭，有桂圓、香蕉、芒果、海底椰和黑珍珠，淋上椰汁，再配上一球綠茶雪糕。雖然口感是豐富，雪糕跟其他食材混合後甜度仍是稍高。 雜果涼粉椰汁底$40西瓜、木瓜、哈密瓜、芒果、涼粉、海底椰，內容看似豐富，椰汁加入忌廉作底，椰汁未算很香濃，涼粉味淡，略欠甘口清爽。 南北杏雪耳燉木瓜 $34滋潤糖水系列，配料是足的，可惜甜度偏高了點，木瓜煮得未夠腍軟，香味一般，雪耳還帶有些硬度，未能感受到滿滿的滋潤滋味。 蓮子陳皮紅豆沙 $21紅豆沙非煮至起沙的狀態，也沒有煮開的效果，原粒的口感未算很濃稠，陳皮的甘香也稍欠奉，這碗基本的中式糖水，吃下只是一般而已。 楊枝甘露豆腐花 $37/ 楊枝甘露涼粉 $37一黑一白的選擇: 豆腐花和涼粉，豆腐花幾乎是碎上，豆香味一般；涼粉則欠缺了預期的爽口。兩者同樣以芒果汁為基礎，汁底較為稀薄，加入了鮮芒果肉，非當造期，加上柚子酸甜，整體味偏微酸，西米軟滑不過偏細粒。 榴槤班戟 $34還記得當年曾經為榴槤設立專區，如今已沒有再細分了。不吃榴槤的我們，當然覺得奇臭無比。愛吃榴槤的媽媽反而覺得班戟非昔日的水準，班戟皮雖薄，但內裡的忌廉比榴槤還要佔多，吃得滿口膩感，未能榴槤忘返。 元朗的甜品/糖水店，不論連鎖或小店加起來數量都不少，當中具質素的亦大有人在，加上市場上有太多後起之秀，如果滿記想以一貫既有的質素及服務於市場上繼續站穩住腳，看來需要大改革才能保住開業以來累積回來的名聲了。 …查看更多

刚刚好到了吃宵夜的時間😋😋雪芭好好吃啊 不會太甜，入面還有椰果和糯米糰子 🤗🤗🤗奶昔很好喝冷冷的正好適合炎熱的天氣甜品的外表也十分的好，拍下這一刻，讓這個好吃的甜品留下你的social media 哈哈…查看更多

下午嘅時候，同朋友諗住搵間甜品店食下行去形點見到就入咗去。雖然聽咗滿記呢個咪好多年，但係都未試過入去食，入到去見到佢有下午茶餐，價錢好商議，只係$50到＄60左右就包一個甜品例如係厚pancake或者係甜薄餅等等再加冰咖啡。我叫左厚pancake係士多啤梨口味嘅，等左好耐終於送到嚟。滿心歡喜見到佢好似好鬆軟可口嘅樣，但係識落竟然係熟悉嘅麥當勞M記熱香餅口味，只係佢幾快搭埋一齊食落口嘅感覺，真係我食過咁多後班cake最特別而奇怪嘅一次。但係佢嘅冰咖啡好用心製作，佢嘅冰係用咖啡預先冰好而成嘅，之後再用溫暖嘅牛奶俾你等你到落去即時用咗啲咖啡。…查看更多

食完拉麵見口渴 打算食個滿記消消濟芒汁雜果西米露水果有西瓜🍉，木瓜，芒果等不過不失 尚算新鮮但芒汁略嫌唔夠多令到個西米露淡左d真是很可惜呢 但整體來說頗健康又唔太heavy朱古力芭菲口感豐富朱古力香蕉同雲呢拿雪糕🍦再加上小丸子煙煙unun 味道好融合 非常好味又有香濃既奶香味食完即刻眼前一亮 佢仲有一支好特別專for呢個芭菲既叉及匙第一次見呢.埋單八十幾蚊 人均40左右值得嘗試既絕對係芭菲 解渴又香甜整潔衛生的環境亦令人好舒服…查看更多

夏天要出門吃個下午茶必須考慮腳程和地點最快就是去離家最近的商場就在YOHO MALL 二期, 滿記支線甜品店 – Sweetish by Honeymoon Dessert 這家最有名的是榴槤芝士薄餅 ($48)榴槤味超香的, 但吃下去沒聞到香, 覺得還好另一樣有名的冰粒杏仁咖啡 (可選杏仁, 牛奶或豆奶) ($38)熱的杏仁倒進冰粒咖啡變成杏仁咖啡初喝下去杏仁味比咖啡重, 越飲越香濃這個讚菠蘿伯爵茶 ($28)想不到古典的伯爵茶可配菠蘿成為果茶伯爵茶本身帶少許檸檬香, 配成果茶也不會奇怪雜果豆腐花芒果底 ($44)這個味道平平無奇綠茶彩虹 $40)綠茶雪糕, 綠茶啫喱和果, 綠茶啫喱最為好吃亮點是身後平平無奇的杏仁露, 香得濃的滑der~~~!覺得沒什麼特別, 閒時試試…查看更多

之前見到有榴連pizza今日經過順利試下，未食之前有d期待，見到個賣相都唔錯。雖然榴連未唔重，但應該係即叫即整，出黎熱辣辣既。但分量有d少，pizza底係薄既，好飲餅乾個種脆脆地，但我個人覺得個芝士同榴連唔係好夾，不過上面既榴連真係好甜好好食，如果冇左芝士，而係一大堆榴連我會更加鐘意，一路食一路望下其他台，都冇人叫榴連pizza，反而幾多人叫榴連班㦸，個榴連pizza試過一次就夠，下次試下其他榴連甜品先…查看更多

今天與女友到元朗yoko mall 看sanrio 展覽，順道品嘗這間滿記旗下的甜品店。下午茶套餐48$，加配飲品加9$，價錢可接受。草莓脆脆窩夫性格比極高，窩夫外脆內軟，的確脆脆，但香味略為欠奉。隨窩夫外，亦提供兩球草莓雪糕，份量較一般餐廳多。伴碟的草莓新鮮，亦帶有果香味及甜味，不俗。另外點了網上介紹的薄餅，卻有點兒言過其實。薄餅份量少，餅底亦鹹味，味道像梳打餅，與榛子朱古力及香蕉不搭。榛子朱古力亦較甜和膩，吃時需多喝水。總體而言，窩夫不錯，值得一試﹔薄餅份量少，味道亦未如理想，不試也罷。…查看更多

/招集榴櫣同好📣🙋🏻<Sweetish>💛💚榴槤忘返($42)▪️其實咪又係滿記甜品😂不過多左d甜品嘅款式🤔😂總覺得依到d甜品有d hea，不過落雨濕濕唔想周圍去🌧就順腳泥依到食碗甜品。👉🏾之前食開聰少/嫂個榴櫣黑糯米，我覺得幾好食🙆🏻但上次去尖沙咀個間無左😭見依到有咪想試下囉。🌸一球榴櫣果蓉，一球黑糯米，底係雲尼拿沙冰🤦🏽‍♀️都幾細碗，比起聰少/嫂。不過味道可以補救一切！等我又試過先🤔-👉🏾Um... ...個底嘅雲尼拿沙冰一陣奶鬚味😨不太討好，重奶味。👉🏾黑糯米不夠煙韌，味道偏淡，內裡好似有d芋頭粒🤔👉🏾榴櫣果落，有榴櫣味，但不算強烈🙈-🍵抹茶彩虹($40)🌸睇圖見到星星椰果先有興趣🤥但泥到只是普通椰果，又泥欺騙我的感情😬-👉🏾抹茶雪糕偏甜，無乜茶味。👉🏾有芒果🍋木瓜做伴碟，幾好食，不酸😂👉🏾椰果，紅豆係罐頭咁🙁無乜特別。👉🏾抹茶茶凍最驚喜，有嚼勁，又有淡淡茶味👍👉🏾成件事無乜汁，所以都幾dry🤦🏽‍♀️-🍋芒果糯米糍($24)🌸好鐘意食mochi口感嘅嘢！所以食親甜品都會叫d 糯米糍 湯圓 丸子類🙈病態泥！-👉🏾塊皮厚到呢！😂但我幾鐘意依種不太軟嘅口感😋👉🏾芒果粒少，但勝在甜👍👉🏾細個討厭椰絲，但大個越食越愛。.…查看更多

一心黎食甜品（榴槤pizza），入到去見到有個$58 tea set 有甜品加野飲。。 但order 時，叫極都無人應，得一個人做野，黎到態度極差，咩野飲都話無，只得一款，無得揀，要就要，唔要就散叫😳，又無講點解，4點幾已經咩都無.. 未食已經無晒mood ,幾好食都無用…查看更多

行過形點二期呢間“Honey滿“，見佢除了甜品外，中午及下午有個123easy lunch set午餐三部曲，有6種口味薄餅可選，嘩！啱哂我，而且一睇，真的沒有眼花！！！come on$58的價錢，又有薄餅+又特色飲品+糖水喎，又坐得舒服又唔駛等位，咁嘅價錢去邊度揾吖！ 6款都好吸引吓噃，最終pick咗個田園素食薄餅，清新吓，配荔枝花園熱飲，朋友則選燒烤醬雞肉薄餅，配草莓洛神花熱飲，甜品也是一樣要熱的細磨杏仁茶薄餅大約6寸左右，脆薄底，當兩個薄餅上桌時，都令人很有驚喜，平，靚之餘，才料很足都不賴呀我的田園薄餅有牛油果，紫洋蔥，菠菜醬蓉做底，wow，配上芝士真的小清新呀，朋友的BBQ醬雞肉薄餅，蕃茄醬底，雞肉上面有菠菜，BBQ醬是有微辣的，正呀！兩個薄餅都又靚又好味，好食到我倆都唔多想講嘢，不停咁趁熱食食食！真係估唔到滿記做薄餅呢瓣都咁有心機令人咁驚喜餐飲是我最愛的果類熱飲，“荔枝花園“入面有大大粒荔枝，士多啤梨菠蘿果肉粒，“草莓洛神花蜜“都有士多啤梨果肉粒，兩杯飲品雖然輕微甜咗少少，但濃香醒神又有果肉咬吓，好正呀…再嚟跟餐甜品的細磨杏仁茶，是滿記的一向優品，細滑香就不用多說了店內環境走日系路線，簡潔舒適一個薄餅的價錢，有特飲又有糖水，已經抵到無話可說啦驚喜的食品質素，超值的價錢，假日都毋須加一，真係要讚讚讚呀…查看更多

五點幾想食少少野，原想去這間店食個甜品，但見到竟然初四仲有平日的下午茶餐，$58有窩夫全份和一杯特飲，非常超值，跟老公叫了一份再加一杯雜莓乳酪$42。首先來杯冰凍杏仁咖啡，咖啡是結左冰，另外有杯杏仁汁給我們自己倒落去，好有誠意。好有杏仁味，可惜份量只有給我們隻杯的一半紅豆抹茶窩夫都很好味，真係全份無偷工減料。除了窩夫下午茶餐，還有薄餅下茶餐，可惜我覺得叫兩份太飽了，故另外叫左杯雜莓乳酪，計晒卡路里，對體重控制的朋友是一個不錯的選擇。…查看更多

約左朋友係係元朗食下午茶，口水多講唔完就轉地方，再邊食邊講，行到黎Yoho Mall底層呢間Sweetish，睇真D原來係滿記甜品旗下既新搞作，平時食滿記都有信心，以為呢間無死，點知有D失望...簡約店舖設計以原木做色調，又係影相好地方，甜品款式同樣係中西合壁，呢間行年青人路線，所以多d時下流行既甜品例如pancake等朋友叫左楊支甘露好稀，係有粒雪糕陪襯下；我叫杯熱蛋白杏仁茶，好淡唔夠香.. 另外叫左多啤梨班戟share，一上台覺得.. 咁姑寒既，連D CREAM都集中係PANCAKE中間，就算抹開都唔夠分，搞到有一部分其實要乾爭爭入口，士多啤梨碎到加埋唔知有冇兩粒..…查看更多

又是另一個帶寶貝參加AWANA的中午。參加活動前，先吃個午飯。今天，因為不想吃的太多，路過這邊發覺竟然有個以薄餅 + 飲品 + 甜品的組合，價錢由$58起，也算是合理的，反正店內有位，就試試看。午餐的組合見下圖。可以在六款薄餅選擇其一(包括一款素食薄餅)，另有三款飲品及三款甜品選擇。SWEETISH是滿記的副線，店內裝修清新雅緻，餐牌感覺同樣色彩繽紛，除了滿記原有的甜品，也有部份食物是只限這裡提供。不過今天我們是吃個簡單午飯，直接跳過。侍應態度很一般，基於侍應及厨房人手都極不足，等候食物時間相對較長。我選了香辣薄餅+凍菠蘿伯爵茶+凍杏仁茶，另叫了一個芒果PANCAKE，$84。也基於人手極度不足，等上菜真的等了很久。先上的是菠蘿伯爵茶，味道尚可。 然後上的是香辣夏威夷薄餅。賣相可以，餅底如餅乾鬆脆，但饀料不多，只有數片火腿，極少量菠蘿，以紫洋蔥，少量辣椒粉及茄汁提味，但說它很辣呢，我倒不覺。最後上的是冰凍杏仁茶，整體而言只是一般，不過甜。雖然這次午餐可以一次過滿足三個願望，但老實說，雖然價錢不算貴，但整體很一般。如果你不趕時間，想在個安靜環境懶洋洋的HEA一下，可以考慮。…查看更多

由滿記upgrade的一間西式甜品甜。裝潢好美，有單車有盆栽，女士們來到都會選靠牆的位置坐，拍照更方便嘛。點了榴槤芝士pizza，榴槤雪糕涼粉，旁邊是朋友點的綠豆雪糕涼粉。Durian cheese pizza $48，味道不錯，熱辣辣香噴噴，薄薄的脆餅很易入口，榴槤味香濃，芝士伴榴槤真的很配。旁邊更有切批的用具提供，方便客人食呢，加上價錢不貴，不妨一試。其餘的2款涼粉跟其他滿記甜品店吃到的一樣，就不多介紹了。…查看更多

There is not enough staff. It took more than 20 minutes for two simple drinks, and there were other customers waiting too. So I canceled our order. The operators were nice and kind in their assistance though. …查看更多