滿屋日本料理 (大鴻輝(荃灣)中心) (已結業)

同同事食放題，book左荃灣滿屋，貪佢近又多野食，食過幾次都無漏單，感覺幾好。午餐時段黎，好肚餓呀～唔理咁多瘋狂落單先，順便睇下有咩拎。刺身新鮮好鮮甜，今次食豪啲要左極緻餐，係有拖羅食㗎，同事竟然唔知無叫到，即刻補單啦！拖羅好肥美，入口滿口油脂真係好正，放題可以任食真係太開心啦🥰壽司好多款，細細件唔會一下就飽。連手卷都係細細條，好得意呀😆熟食都叫左唔少，食得太快影唔切相，哈哈…推薦牛舌同牛柳粒。比目魚扒必叫！又香又滑超好食。encore刺身先，質素keep住。飲品有熱有凍，仲有唔少酒精飲品可自取。最後梗係唔少得甜品啦，勁多款蛋糕仔、杯仔、雪糕等，太飽只能淺嚐了。極緻餐$518/位，見同事勁食拖羅食到勁滿足，呢個價錢有拖羅、龍蝦、海膽、鮑魚、鵝肝等任食，其實都幾物有所值吖🤤

🥢 香港放題餐廳多不勝數，今次見到荃灣滿屋Menu竟然出現極上大拖羅放題！我即刻忍唔住book位要去食餐飽！ 👍🏻 餐廳環境好大寬闊，張枱坐得舒服，飲品區選擇多，甜品區都有誠意，服務都迅速 ⏳上菜速度: 🐄🐄🐄🐄🐄 今次食左最高級嘅D級極緻套餐！A-C級美食眾多，不能盡錄，所以今次就集中介紹D餐嘅極緻menu！ ✨ 極品大拖羅塊塊都係厚切，拖羅新鮮，味道鮮甜，油脂豐富！揾食指數: 🐄🐄🐄🐄🐄 ✨ 加拿大海膽海膽入口即溶，全部可以一啖品嚐，非常鮮甜綿滑揾食指數: 🐄🐄🐄🐄🐄 ✨ 白松露大拖羅壽司白松露完美帶出大拖羅鮮味，兩者係完美配搭！揾食指數: 🐄🐄🐄🐄🐄 ✨ 香煎鵝肝入口即溶，煎得好香，味道香濃，油脂感爆棚！揾食指數: 🐄🐄🐄🐄🐄 ✨ 海膽鵝肝伴帶子壽司帶子同海膽鮮甜，中和鵝肝嘅飽足感，唔會好快膩揾食指數: 🐄🐄🐄🐄 ✨ 汁煮鮑魚鮑魚煮得唔錯，有咬口容易咬開，加埋啲蔥更香！揾食指數: 🐄🐄🐄🐄 ✨ 鮑魚花膠雞煲花膠都幾足料，夠腍，雞煲醬煮雞同鮑魚都好入味揾食指數: 🐄🐄🐄🐄

我同朋友都好鍾意食海膽 見滿屋放題有海膽任食 所以就一齊黎食下 我地揀左D SET極致放題海膽有澳洲海膽同加拿大海膽2款 澳洲海膽食落firm啲濃味啲 加拿大海膽就鮮甜啲 三文魚子軍艦又係必食刺身 帶子 甜蝦 三文魚 油甘魚 池魚皇 大拖羅 全部都好新鮮松葉蟹腳刺身 幾鮮甜 肉唔霉辣酒煮花螺 微辣 味道普普通通 但就係會令人想一粒接一粒咁食美國薄燒牛肉 薄薄嘅牛肉入面包住好多炒過嘅蒜 連埋醬汁好惹味香煎鵝肝 外脆內軟 滿滿油脂香 最好趁熱食 不過同青瓜唔係幾夾🤔Encore海膽 我同朋友食到不斷讚嘆汁煮鮑魚 細細隻但好林好入味 個汁食落有少少薑味牛油粟米 幾乎係每次放題必食 粟米全部好甜好飽滿好香牛油味爆谷 Keep到脆口 帶有淡淡嘅焦糖味 朋友話有啲似戲院嘅爆谷最後 食埋杯雪糕就圓滿了 少有地有limited edition嘅口味👍🏻有啲食物冇影到相但同樣出色值得一食 例如 吉列炸蠔 一口芝士 燒菠蘿 燒扇貝 榴槤炸彈呢個D SET好高質 絕對值得豪一次 我同朋友食到都超滿足!

朋友生日要食放題, 食餐好,好好慶祝,在荃灣收工近近地, 去最多放題的大鴻輝(荃灣)中心-滿屋,多分店,食物質素有保證.餐廳內座位數量都十分闊落及舒適,入座前要先選定組合,由Set A至 Set D四款選擇,由最低的A 去到最高的D .我們食豪些,選了Set D 極緻 116品 (大拖羅x海膽x龍蝦x鵝肝滄海四重奏).餐廳掃QR Code 落單,分類非常清晰容易, 有刺身、壽司、手卷、軍艦、卷物、一品料理、炸物、天婦羅、燒物、串燒、煮物。每樣都有多款及不同選擇。鮪大施羅,油脂非常豐富,入口即溶;中拖羅就也肥膩,美味,非常肥美好食,池魚也好正。松葉蟹腳,夠鮮甜新鮮加拿大海膽,鮮甜刺身:種類都算幾多,有多種蝦刺身選擇,除咗甜蝦、仲有虎蝦、大赤蝦 、三文魚、帶子、赤貝、北寄貝、象拔蚌爽口,全部都非常之新鮮, 鮮甜美味, 肥美可口,我們點了數次,好開心,好滿足, 新鮮又好味,入口爽口彈牙，都幾鮮甜。手卷及壽司 : 優點係細細件,不用擔心易飽肚,可以淺嘗。燒物 : 羊架同燒菠蘿好好食,羊架好野味、不會太肥,燒得好香 , 入口肉質嫩滑,保持到肉汁 ;菠蘿鮮甜多汁,可以幫助消滯。炸物:最愛油炸食物,

今日下晝打左八號波🌀放工無所事事🤔咁岩有朋友同我一樣，就一齊去豪下佢食放題🙌🏼其實滿屋我都食過唔少次，但未食過D級，所以今次就黎試下D級有幾咁豪華😋首先俾佢出面啲野食吸引住，有三款炸雞一個炸薯角，每樣野我都食左舊，認真幾好食！👍🏼冰凍海鮮當然唔少得啦，但我為左食多啲D級既高級料我就冇點食🤭亦都有個前菜櫃，有沙律菜、雜果、車厘茄、酸薑、泰式鳳爪同酸蘿蔔🥬重頭戲黎啦！D級係有分加拿大海膽同澳洲海膽的，咁平時出面都係食加拿大多，今次就黎試下澳洲既係點樣既先🧐佢既質感比加拿大既結實，冇加拿大咁水而且海膽味道亦都更為出黎，仲要好甘甜！🤯我同朋友一食完果下都忍唔住擘大對眼望住大家，估唔到澳洲海膽係咁出色！！刺身方面我地就試左大拖羅、松葉蟹柳同埋池魚皇🐟🦀大拖羅油花好夠，食落似肉多過似魚😍松葉蟹柳肉質結實，絕對唔係水蟹，肉量都好多💪🏼我同朋友對池魚皇都冇乜期望但佢又好出乎意料地好食！係油花好夠既白肉魚，但又未到鯛魚咁清👍🏼👍🏼呢個美國薄燒都非常好食！用一舊真係好大既牛肉捲住一啲炒過既蒜粒，啲汁又甜甜地咁，好惹味同朋友都忍唔住食埋跌左既蒜🥰🥰🧄除左高級刺身之後，佢其他果啲質素都好好！特別要讚帶子，俾得

如果同阿媽或阿仔，對食物要求不太高，也想食不同款式食物的話，我通常去荃灣會選擇這食店。叫一個定食便可任食外邊放置的冷盤、熱葷、小食、前菜等。定食有飯、烏冬、刺身等，價錢由七十多元至一百多元不等。外邊除甜品及水果外，其他都可自取任食。這次有凍蝦、蜆、炸雞翼、辣雞搥、福袋、燘牛腩、菜，還有螺肉、中華沙律、海浙、泡菜等。蝦質地爽，感覺處理不錯，同蜆一樣沒有鮮味，只好沾芝麻醬食，都尚可。今次前菜很吸引，平時中華沙律同螺肉都不平，所以食這前菜櫃都回本。炸雞翼是半邊，香脆也十分方便食。辣雞搥也不錯。今次還有燘牛腩，入味而且夠淋。有次是炆牛舌，但這些熱葷會轉變，又有一次全是菜及福袋，失望非常。如果對食物質素有高要求，就會失望。若要求不高，希望食多款，這裸是個選擇。加了每串$9的燒牛舌，失望至極，又細又靭，只靠面頭的黑椒調味。反而，加$9的炸蠔卻幾好食。

荃灣眾安街美食林立，中西日意泰菜色也有很多選擇，競爭非常之大，所以普遍質素都非常之高，這間滿屋日本放題成立多年，而且人氣非常，質素相當有保證，今次很好彩早幾天預約已經有位。刺身方面，這類質素非常高，跟omakase素差不多,特別係吞拿魚方面,有中拖羅同大拖羅選擇賣相非常好,而且份量超多,這裏有日本長腳蟹提供,鮮味十足.其他刺身方面,亦都非常高質，例如scallop說得很大粒，是來自北海道嘅,蝦亦有三款可以選擇,包括大蝦,日本甜蝦,以及泰式生蝦,非常適合鍾意多款式的我,其他主食方面相當出色，牛舌同羊架燒得剛剛好，肉質鮮嫩，證明師傅水平非常好預測火喉準確。

收工突然想食放題放縱下自己。聽講滿屋食物質素唔錯，就揀左佢嘅極緻放題。放題當然唔少得刺身，一嚟就叫咗中拖羅同埋大拖羅，因為平時放題都好少見，食得出都幾新鮮，可以明顯見到大拖羅嘅紋理都幾靚。另外要大讚佢哋嘅海膽，有加拿大海膽同澳洲海膽揀。加拿大海膽仲配埋三文魚子，食落口滿滿嘅鮮味同海水味，十分滿意。連埋塊青瓜食非常之清新，感覺食一板都唔會膩。除咗啲高檔刺身，基本嘅甜蝦、三文魚、帶子都唔錯，而且其他嘅料理熱食都好值得一試。食到差唔多，仲可以食埋個甜品，甜品種類都有好多唔同嘅選擇。除咗食物本身嘅質素，上菜速度執枱速度亦都好快，唔使驚嗌得太多嘢，堆晒啲碟喺張枱度冇人執。最後佢其實有超過100種食物，食一次真係未必食得晒，睇嚟下次都係要再放縱多次。

任食高質海膽放題第二次食荃灣滿屋放題，全因揀佢地個Set D可以任食高質海膽，上次食完覺得啲海膽真係好正，真係淨係食海膽都回到本！今次一嚟就決定拎碗熱湯同熱sake暖左肚先！跟住開始任食刺身叫咗大量我最鍾意嘅蝦、帶子同海膽！另外仲叫左中拖羅同大拖羅海膽超出色！係超有海水味超Fresh!今次都嗌多咗串燒同熱食，例如天婦羅、牛舌、花膠、辣酒煮螺、鮑魚咁，樣樣都好食又熱辣辣！另外壽司都叫咗火炙拖羅壽司、芝士鰻魚壽司、芝士和牛壽司仲喺出邊夾左啲蔬菜同埋菇，估唔到佢啲菇同埋雞翼超好食，好驚喜😂其實一個放題有咁多種唔同款嘅食物，感覺已經好滿足，佢最好嘅位係啲熟食都唔會好大份，唔使驚嗌完會太飽，咁就咩都可以淨係食少少。再加上我要再強調佢嘅海膽好出色，所以俾錢入嚟淨係係咁食海膽都已經值回票價！

慶生飯想食放題，揀左呢間，貪佢環境好地方大，坐得舒適。估唔到刺身壽司款式有咁多！最驚喜係連拖羅、池魚王、鯛魚、海膽、鵝肝都有！！海膽份量仲好多，完全唔孤寒，味道鮮甜。鵝肝又好大件，油香滿溢。赤蝦好大隻又夠彈牙，象拔蚌大塊爽口！另有好多款創意壽司，海膽鵝肝伴帶子壽司、黑松露赤蝦壽司、芝士軟殼蟹卷、蟹膏蟹肉手卷通通都配搭得美味，值得一試！熟食款式亦有驚喜，西京比目魚魚肉嫩滑，燒到剛好，正！蒲燒鰻魚亦不能錯過，醬汁入味。虎蝦天婦羅大大隻好彈牙。鹽燒雞軟骨都好惹味！御品鮑汁燴花膠好大塊又夠腍身，吸滿鮑汁。竹笙瑤柱蟹肉翅味道濃郁。

餐廳佔地很大，九成都是大卡位，環境佳，坐得舒適。最欣賞係落單後食物超快送到，亦沒有漏單情況，抵讚！剌身壽司款式極多，拖羅、三文魚、池魚、赤貝、象拔蚌、帶子、赤蝦都好新鮮。最開心係海膽都有，而且份量超多，味道鮮甜。還有我最愛的鵝肝，油香超豐滿，好味！熱食也有驚喜，燒羊鞍肉嫩味濃，吉列炸蠔香脆爆汁還有少見的西京比目魚，燒得恰到好處，肉質嫩滑。蒲燒鰻魚也非常美味，要一吃再吃。牛油炒粟米和燒新鮮菠蘿都好香甜，解滯一流！

每碟份量都大份，飲品種類繁多，有貴價雪糕，但壽司飯頗乾及硬，炸物油膩，刺身還可以，食物質素比以前差左好多，個人問題，唔會想再去食。門口個阿姐有令人反白眼既效果，係咁講用餐時間同加錢既野，好似機械人咁。枱太細，碟又太大，枱面又油膩，感覺不太乾淨，用餐感覺不太好，但要讚的是收碟好快，有些服務員是ok 的。可能是星期一，現在地去大，但7點半走既時候都係坐得3分1滿，感覺係曾經好多人好風光，但現在很冷清咁樣，相信不久嘅將來應該都會消失呢。

日式放題從來都是我的至愛自己同朋友鍾意食咩就叫咩個個都揀到岩自己胃口的食物餐廳整體環境闊落 自助熱食區 沙律吧 海鮮區 飲品區 甜品區 包羅萬有而佢最吸引我去的必定係大拖羅拖羅的油脂非常充足 入口即溶 少少筋都冇海膽和煎鵝肝仲要係任食配上青瓜片減去油膩感淨係海膽任叫 已經值回票價炸物 鍋物 燒物都應有盡有其中最推薦厚燒鰻魚和牛肉鍋鰻魚大大塊 勁厚身 非常彈牙牛肉鍋湯底香甜 牛肉亦非常鮮嫩仲有仲有 佢個炸雞翼非常好食皮香肉滑 咬落勁多肉汁搞到我都忍唔住口食左4 5隻整體食物質素非常高 員工態度亦不錯 鍾意食日式放題的朋友千祈唔好錯過

日式放題最吸引到我可以試到不同食物外一班人聚餐都係好好選擇記得要提早預約 唔係就冇位啦環境好大，座位多 又寬闊今次食咗D餐 會有拖羅，龍蝦，松葉蟹鉗掃Code點餐 必叫刺身中拖羅，大拖羅，池魚皇拖羅夠肥美新鮮 魚脂味出晒嚟 好食到停唔到口三文魚 甜蝦 北寄貝 大大份 好鮮甜最欣賞 海膽無限Encore 每一份都大大個甘甜 有海水鮮味 停留口入面即溶 好滿足平時少食嘅松葉蟹鉗 原來好大隻 肉好飽滿原本有海水咸咸地鮮味加入去 作為凍食一流刺身，壽司款已經好多仲有炸物，熟食類，多到試都試唔晒其中要推薦係 芝士沙律燒扇貝 酸酸甜甜滿口芝士 香口 而且大大粒扇貝 好正呀牛肉鍋 壽喜燒湯底好濃 仲有牛肉菜燒物：雞軟骨 雞翼 牛肉 都好惹味最後記住一人一杯 HaagenDaz 作為完滿高質素食物 加 環境大又靚 記得訂枱呀！

念住六百幾個好評黎試下 吃到全年最伏餐廳 我吃過大埔果間覺得D壽司質素一般念住總店會好點點知仲伏 帶埋朋友吃伏埋朋友原本打算吃C餐中拖羅 問一問佢係冰鮮定急凍 佢講急凍直接唔考慮 甘既價錢吃急凍 甘多人吃三間分店 新鮮做唔到 冰鮮係得既 用急凍咁你賺錢賺得有點盡囉 主題野 拖羅噱頭多過實際兩個人 買單8XX B餐其實咁價錢 咁既質素真系不可一不可再本人之前做餐飲唔想為難同行但真系惡劣 收人488一位仲要加一 我懷疑佢廚房請散工做 唔係廚師 D手門非常求其D刺身都一般般 爭鮮水平 切厚點 量足 融雪處理得唔好 普遍刺身溫度過低 真系吃唔出鮮味 吃出一陣冰水味我吃左個花膠冇味 大大份 個蟹肉翅都係冇咩味 上菜速度OK我之後點左個炸蝦 天婦羅 哇真系正到我想cut曬其他落過既炸物單 一塊急凍蝦包一團粉 炸 仲要係冇味既 熱食爐全部refill唔切 但其實當時7點半D人都未爆仲要好多吉台已經甘樣 我就唔會再去 直至佢地有改善問題為止 發呢篇文 主要係想挽救想去試 同對你間餐廳有期待既人既銀包利益申報 非打手 冇收錢 真金白銀比錢吃