滿天星

營業中

休息中

叫左肉眼扒七成熟，上來竟是三成熟，差不多生肉上碟 ，收費竟158，真係戇居到冇朋友，相信吾會再有下次，其實午市已經好少客，都可以咁樣經營，真係佩服，連埋加一174蚊買單，真係食了一份戇居餐，樓上鋪啲經營已經咁困難，食材煮嘢方面都不改善的話，相信都頂不到太耐，難怪咁多人要走上大陸食嘢

我第一次寫食評。這間餐廳給我的感覺是食物好好味、lunch 價錢非常吸引、便宜。值得推薦👍👍😍💕侍應生態度友善，主動招呼，還介紹了晚上有live 表演🎤歌唱，可以點唱或客人自己唱👍😊😀

Don’t know if it’s because the lack of people but the waitress was very nice and allowed us to take out certain things we didn’t want in the dish

.呢間餐廳未改名前已經幫襯，覺得環境好好，地方闊落，職員態度亦都好友善呀。重點！！個價錢真係超級無敵抵食٩(˃̶͈̀௰˂̶͈́)و平均70零蚊加一，午餐食呢個價錢未必係最平但呢個價錢，包括左餐湯、餐包、主食、飲品及甜品，所以加埋係抵！近呢幾次，因為戒牛及食少d煎炸（否則多叫吉列豬）我都會叫意粉，真心好好味！暫時除左有次食左個泰式意粉，唔大岩我口味，佢既卡邦尼同黑松露意粉都好好食，每次都係清碟架(˶‾᷄ ⁻̫ ‾᷅˵)食完到晚餐都飽飽地～前排同同事一行四個去食，大家都叫意粉，連續兩次黑松露，兩次都無失準👍🏻餐廳應該每一個星期轉一次餐單，但剛好我們隔了一個星期再食，所以遇番黑松露😚真心高質🫶🏻另外我地都超鍾意個餐包，烘過好好食，外脆內軟。有次無餐包，轉多士，我地都覺得要為個包要黎😂 但多士都好食既～餐廳午飯時間唔多人，對食客緊係好啦..環境靜少少不過對餐廳應該係惡夢，希望咁好嘅舖頭可以認識，咁先可以間中想幫襯時仲係度😃#唯有食是最治癒的

近排與懷舊，歌都有得你唱啦：「懷舊既是我優點...」今日嚟到銅鑼灣嘅滿天星，餐廳每逢星期四、五、六晚上六點半後都有駐場live band，歌曲以港式情懷為主，懷舊得嚟又耳熟能詳，如果你興致大發，仲可以上台一齊jam歌添！至於餐廳除左live band，餐廳仲設有室外位置，並以西餐為主打，適合大家輕鬆享受晚餐。美國牛肉芝士漢堡配煙肉，煎蛋，大啡菇及薯條牛肉漢堡加芝士同蕃茄生菜係經典嘅組合，而滿天星嘅美國牛肉芝士漢堡仲加上煎蛋、煙肉、大啡菇。流心嘅蛋汁融入本已充滿肉汁嘅牛肉漢堡當中，邪惡得嚟令人相當滿足呀！香煎三文魚柳配意大利米餅及蕃茄忌廉汁今次嘅三文魚柳配搭米餅非常新鮮。而蕃茄忌廉汁感覺醒胃，三文魚煎得恰到好處，保持到魚肉嘅鮮嫩。三文魚魚油融入香脆嘅米餅後，令每啖飯焦都有魚油香，相當吸引。

朋友帶我上嚟呢度食飯，佢話因為逢星期四、五、六有live band, 諗住上嚟聽吓歌，食下飯。點知原來客人都有機會上枱唱歌。自己都忍唔住上枱唱返首歌😂彈琴個哥哥仔好叻，佢點咩歌都識彈👍👍🌟雞肉及青瓜扁意粉配檸檬牛油忌廉汁🌟 水準唔錯，粒粒雞肉食起 上嚟夠方便，雞肉嫩滑，加左青瓜粒粒好特別，一陣清新爽口感，汁底香濃，忌廉汁融意粉亦非常掛汁。😋🌟焗焗春雞及配薯條及芒果沙律醬🌟春雞嘅肉質比較緊實，但比一般雞隻嫩滑、多汁。醃製過嘅春雞有齋香蒜、香草、檸檬、牛油香氣，非常美味。😍餐廳冇限時間，一邊聽下live band ，一邊享受晚餐，認真唔錯嘅體驗👍👍👍後記，職員話平時會有主埸歌手獻唱，不過今晚有事請左假，下次會再嚟感受一下🤭

甫一進門發現現場有樂隊歌手表演十分驚喜歌手落力的演唱令現場氣氛極佳今晚是懷念哥哥之夜多首金曲帶來不少回憶餐廳裝潢別樹一格戶外燈飾在夜間更顯情調惜下雨天未能細賞食物方面南瓜湯口感綿滑細膩有淡淡忌廉襯托令整體味道昇華雞肉及意青瓜扁意粉配忌廉汁同樣不俗青瓜雞肉清新的配搭加上牛油忌廉汁油而不膩味道濃淡恰到好處值得一讚是盤子呈上時是熱騰騰的令食物一直保持理想溫度最後點了焗燒春雞配薯條及芒果沙律醬燒春雞肉質鮮嫩味道濃郁薯條作為配菜亦不枉多讓脆口非常飲品方面點了蜜桃梳打充滿果香的梳打底層配上椰果口感不錯喜歡香甜飲料者絕對不能錯過

今日去銅鑼灣同屋企人食飯，經過京都廣場見到呢間西餐廳，性價比好似幾高，幾吸引，就上咗去試吓！兩個人叫咗兩樣嘢，整體來講，味道，價錢，環境都幾好！🤣叫咗一個精選晚餐，西班牙黑毛豬鞍配巴馬火腿，味道好濃郁，朱鞍燒得啱啱好，肉質唔會太鞋，切落去仲有肉汁添！配上巴馬火腿，鹹鹹地，加埋嘅口感有幾新奇😋另外再叫咗個大蝦大啡茹意粉配香辣龍蝦汁，呢個好推介意粉煮得啱啱好，意粉有種煙靭嘅質感，係我最鍾意食嘅嗰種意粉！龍蝦汁好濃郁，啖啖龍蝦汁配意粉同大蝦，而家諗返起都仲好想食🤣🤣環境方面，佢有得坐室內同室外，室外嘅環境幾靚，如果攞嚟開party應該都會幾正，佢逢星期五六日都會有樂隊駐場表演音樂，成個feel都好chill😆

今日同老公行銅鑼灣，行到有D攰，想早少少黎個early dinner。行到呢度知道呢幢大廈全是食肆，咁我就話睇吓有無樓上café食吓嘢先。呢間café有室內同室外，今晚落雨，我哋都係坐室內。餐廳裝修簡約，乾淨整齊。原來呢度逢星期四、五同六都有live band，上到黎見佢哋在預備中。餐牌都幾多嘢食，有set dinner同單點，老公發辦點左個羊架同意粉。餐湯：是日餐湯係粟米忌廉湯，味道鹹鹹地，口感比較creamy，ok喎。香煎蒙古羊架配焗薯仔 (野菌汁)：羊架七成熟，老公話味道煎得好香，肉質好嫩，咬落去juicy，配野菌汁係幾好食。焗薯亦都焗得香，食完覺得飽肚。大蝦及大啡菇意粉配香辣龍蝦汁：大蝦有好幾隻，食落爽口。意粉入口每啖都有切碎左嘅大啡菇同醬汁，龍蝦汁味道濃，好夠味道，都幾好食。

📍 滿天星 (銅鑼灣)銅鑼灣駱克道491-499號京都廣場4樓琴晚去呢間餐廳真係勁難忘😍😍原來逢星期四，五，六晚上六點半後有駐場歌手。啲音響真係好勁好有feel 😍想帶另一半有不同凡響感受一定要去👉美國牛肉芝士漢堡配煙肉，煎蛋，大啡菇及薯條，配餐飲💰178😋😋😋😋/5超足料嘅漢堡包，入面有齊煙肉片，加入芝士、太陽蛋、生菜、蕃茄、牛肉配埋脆啡菇，所以超大個！漢堡包🍔烘左底同牛油香味十足食落好juicy，層次好豐富🤤🤤🥲薯條🍟都好香脆，好滿足好正！👉香煎蒙古羊架配焗茨仔及野菌燒汁配餐湯💰189😋😋😋😋/5是日餐湯係粟米忌廉湯，粟米鮮甜味十足，好香甜😋羊架有兩件，無咩羊羶味，羊架夾雜啲肥膏，嫩滑騷香的羊架，伴碟有唔少蔬菜同薯仔仲有小量磨菇，配埋特色嘅野菌燒汁😋😋🤤🤤回頭：YESYES，有靚歌聽又有好嘢食，我同朋友都表示難忘極了！如果鍾意唱歌嘅仲可以即場表現返一首🤭另外值得一提佢哋仲有戶外可以坐！#kermit食在銅鑼灣

一般銅鑼灣西餐廳價錢都唔平，但尼間真係抵食又好食，座位坐得好舒服，環境又不太嘈，份量味道剛剛好，服務又好，係銅鑼灣區有咁嘅質量算係唔錯，下次再試下佢下午茶同晚餐

滿天星 ⭐@stellacafehk外出用餐除咗想偷下懶唔使煮都有好嘢食之外，都希望享受下個Relaxing嘅環境😌 而音樂有助改善情緒，同時減緩壓力同心理焦慮，讓身心暫時處於一個舒服嘅空間🎶上openrice介紹銅鑼灣呢間樓上餐廳有live music，每人最低消費$30，仲唔洗入場費添🎧 諗住調劑一下聽朝又要返工嘅心情，點知原來逢星期四到六晚上6點半後先有live music🥲 不過淨講食物質素都令人喜出望外🥳忌廉南瓜湯 🎃一開始見個湯咁橙色，淨係見到面頭有少少忌廉同parsley裝飾，仲諗緊「咦，唔係有忌廉㗎咩？」點知放咗隻匙羹落去攪勻先知係內有乾坤，好多忌廉係底，攪拌後變咗粉橙色🧡 口感香甜creamy，有一絲絲嘅南瓜肉，絕對同平時廉價西餐廳嘅開粉加水嘅忌廉湯唔一樣‼️美國牛肉芝士漢堡配煙肉，煎蛋，大啡菇及薯條 🍔烘底嘅漢堡包，牛油香味十足🧈 juicy牛肉配埋脆煙肉片，加入芝士、太陽蛋、生菜、蕃茄同啡菇，層次感豐富🍅大蝦及大啡菇意粉配香辣龍蝦汁 🦞餐廳好細心咁考慮埋呢啲濃醬汁嘅意粉凍咗會變得渴撻撻一坺嘢，就連意粉碟都係烘熱咗，咁就可以保持熱度🔥 龍蝦汁香中帶少少辣， 每條意粉

Stella Cafe逢星期四、五、六有現場樂隊歌手助興，大唱8、90年代懷舊金曲，客人仲可以寫紙仔點唱，或者自己上台大展歌喉，氣氛一流😆南瓜忌廉湯南瓜嘅自然甜味同忌廉嘅柔和口感可以話係完美結合，口感濃郁豐富，香氣十足☺️香煎蒙古羊架配焗薯仔及野菌燒汁 $189羊肉處理得好好，尤其係火侯方面令到煎完嘅羊架食落仲係咁嫩滑，而且佢個野菌燒汁仲有少少蒙古嘅風味，配埋焗薯仔一齊食味道更加豐富😙美國牛肉芝士漢堡配煙肉、煎蛋、大啡菇及薯條 $178漢堡嘅用料好豐富，有牛肉、芝士、流心煎蛋、大啡菇、蕃茄同生菜，連個包都有用牛油烘過，非常鬆脆👍🏻

銅鑼灣駱克道食肆林立，好多人氣美食喺呢度都搵到，今日竟然比我食到間高質西餐廳，佢嘅高質係在於煮法同味道，每樣餸菜都好精緻，而價錢亦相當合理。香煎三文魚柳配意大利米餅及蕃茄忌廉汁（$189）三文魚煎得剛剛好，外皮少少香脆，肉質非常嫩滑多汁。下面配置嘅係意大利米餅，其實就係類似risotto整成既飯焦，重點係佢嘅蕃茄忌廉汁調配得好香，加埋三文魚油嘅香令到個意大利米餅好好味，味道層次好豐富，係一個高質嘅菜式。大蝦及大啡菇意粉配香辣龍蝦汁（$115）首先大蝦嘅肉質仲係好新鮮，食鮮甜嘅蝦味，另外就係個龍蝦汁調配得非常惹味，少少辣辣地令到成個意粉都好出色，其他西餐廳好少食到，值得讚一讚廚師嘅心思。而main course係包餐湯或者餐飲而今日嘅是日餐湯係南瓜忌廉湯，不過不失未去到好濃郁，但都幾好飲。

星期日同fd行街shopping，行到見到間樓上西餐廳，見menu幾吸引就上咗去食飯，跟住一出𨋢就見到姜濤同Edan嘅牌！😍喺等食物嘅期間，見到原來餐廳平時有幾晚會有live band演出！可惜我地嚟嘅係星期日冇演出，下次一定擇日過嚟再食！1. 粟米忌廉湯&凍朱古力我同朋友一個叫咗粟米忌廉湯，同埋凍朱古力。作為湯控嘅我，真心覺得好好飲，入口好幼滑，仲要最緊要有cream，飲完冇耐好快就到主菜上菜，值得一讚係上菜速度快！呢樣好重要！！啱哂啱啱行完街又攰嘅我哋🤣2.豬助骨主菜方面，BBQ sauce嘅豬肋骨係今日嘅Chef’s special，豬肋骨肉質好淋，最緊要係唔會乾。因為之前喺其他餐廳食豬肋骨成日都會整得較為乾冇咁juicy，但呢間整得好好味。個sauce應該仲落咗孜然粉嘅味，配埋bbq sauce，幾夾，令到豬肋骨更加香！另外，配菜薯角係即炸，好香口，唔會淋！👍🏻3.香煎三文魚柳配意大利米餅至於另一個主菜，香煎三文魚柳配意大利米餅，呢個配搭好新鮮！三文魚好香脆又開胃，啱哂鍾意食魚嘅我。同埋本身仲諗住米餅可能只會脆身，但食落係外脆內軟，內裡仲有米飯嘅軟，幾驚喜！餐廳環境幾好，又有播