滾餃

營業中

休息中

今次我地就買左外賣, 返到去啲餃子都仲keep到熱辣辣, 都幾開心既😚雙拼餃子🥟今次我地叫左兩set雙拼餃子, 因為餃子既款式唔同, 所以價錢都會唔同🤓 8隻($48/$54) or 10隻($52/$58),我地揀曬10隻, 兩款煎兩款湯🥰 湯餃(韮菜豬肉, 蒜芯鮮蝦豬肉餃)湯同餃分開, 到食既時候先將餃子放落湯☺️ 餃子皮厚度剛好, 餡料好足, 韮菜滿滿咁塞左係餃子入面, 鮮蝦餃都有一隻完整彈牙既鮮蝦係入面, 豬肉就偏細舊, 湯方面見到都有幾舊仔紅蘿蔔🥕煎餃(香菇粟米豬肉, 黑松露芝士)煎餃既皮比湯餃既薄身, 外皮煎到金黃色脆脆地, 黑松露味都幾濃完美地同芝士融入左, 真係好好食😍 香菇粟米都好好食, 餡料都好足, 但係黑松露果款實在太出色🤩涼拌肉鬆皮蛋豆腐🍲($36)勁足料, 醋味偏濃既醬汁勁開胃, 肉鬆帶點蒜泥滿滿咁舖左係嫩滑既豆腐上面, 再配埋帶點溏心既皮蛋係超正🤤呢間餃子店有驚喜, 絕對值得再黎, 有機會黎開觀塘既話推薦大家黎試下😎

《良心黃店 - 餃子篇🥟》好耐無入黎「綠色線」食野🚄香港有好多出色餃子🥟/米線🍜店好想全部試哂呀！！🤤平日Lunch 13:30左右要排隊等位😂等左15 mins左右入得門口等緊已聞到好香餃子味🥟💨💨 好肚餓😢💖 香菇粟米豬肉餃（8隻/ $46）皮好薄，feel到唔係重味精，好快就食哂*每款湯餃配特濃豬骨湯💖 雙拼餃子黑松露/蒜芯蝦煎餃（10隻/$62）即叫即煎，非常之辣口⚡️♨️叫完要等10mins左右蒜芯蝦煎餃，有原隻蝦係入面🦐😄黑松露好香口，芝士無咩存在感🧀💖 自家製支裝奶茶（$18）茶味香濃，不會過甜，好岩本人胃口💖 豆漿（$10）正常野👨‍🎤後記· 全場7張4人桌左右，好多人買外賣/生餃番去煮👌🏻·🤣會見到姐姐們現場包餃，氣氛樂也融融🎶👨‍👩‍👧·去到有3款已賣哂，估計係受歡迎既口味 ，芝士、芫茜，祝所帶黃店都生意興隆！愈做愈有！

//< 滾餃 >呢間餃子店小編久仰大名！除左堂食仲可以買生餃🥟 小編分兩次買終於試到6款😍佢哋嘅餃子係每日新鮮食材做㗎，全部都皮薄非常juicy！————————————- 韭菜豬肉餃 $43/打 -呢款可湯可煎！呢度嘅餃子皮十分滑！！🥰韭菜新鮮好香，不過相對起其他味可能因為周圍都食到，就覺得冇咁特別🤣————————————- 香菇粟米豬肉餃 $48/打 -呢款可湯可煎！香菇非常非常香🥰粟米食得出係新鮮粟米唔係罐頭粟米！整體好Fresh好好食😝————————————- 京葱豬肉餃 $49/打 -呢款可湯可煎！小編大推🤩如果食蔥食京蔥既一定要食～ 因為唔係度度食到既味道😛 京蔥好香味道好出兼爽脆漏曬汁🤤煎餃🥟更加香！————————————- 芝士粟米豬肉餃 $57/打-呢款只能煎！呢款用咗車打芝士同埋mozzarella所以味道非常豐富！粟米🌽亦都係新鮮唔係罐頭好甜！粟米同芝士好夾，唔會過鹹好好食😋————————————- 黑松露芝士豬肉餃 $63/打 -呢款都係只能煎！佢用左15%義大利🇮🇹黑松露，非常香😇黑松露愛好者必叫！反之芝士味就唔係好食到，可能係因為用左

「滾餃」由一間網店做到喺觀塘工廈開到實體店，佢哋嘅餃子款式有8款🥟，仲有5款小食，唔算好多款，但當中最特別嘅一定係黑松露芝士豬肉餃🤩 除咗煎餃同湯餃，仲有做生餃團購，等大家喺屋企都可以食到佢哋嘅餃😋 •🥢 煎餃雙併10隻 $58 煎餃外賣點都會爭啲啲，表面都幾油膩😬 但都會食到餃子皮嘅煙韌，同埋都仲有少少脆，～餃子皮幾薄，餡料就唔算係最飽滿嗰種，但都可以接受～ 今次食嘅兩款煎餃都係只可叫煎餃，唔可以轉湯餃嘅款式～📸 黑松露芝士豬肉餃呢款好有驚喜，因為一打開盒已經聞到好香，食落都好有黑松露味😍 但芝士味唔太出，有少少鹹香味，加埋都幾正，咬開仲有少少芝士拉絲，下次再食嘅話一定會encore呢款！📸 芝士粟米豬肉餃芝士粟米餃好多餃子店都有，但滾餃呢款都好有驚喜！一咬開就見到入面嘅芝士餡係比較深黃色，偏向似車打芝士嘅顏色～ 食落個芝士鹹香味比較重同濃郁，不過都比較易膩，加埋啲好甜嘅粟米粒，都幾夾！•🥢雙併湯餃10隻 $52 湯餃就係配豬骨湯，飲落無乜味精味，幾鮮甜，加餃子都幾啱，缺點係油咗少少🤏🏼湯餃同樣皮薄，外賣會分湯，唔會浸爛晒啲餃子，不過夾落湯嘅時候好易整穿餃子皮 📸 蒜芯鮮蝦豬肉餃蒜

平時自己心血來潮嘅時候都會好想食餃子，今次就去咗呢一間喺觀塘工廠大廈上面嘅餃子店！叫咗外賣返屋企食，今次就叫咗一個黑松露豬肉餃，仲有香菇粟米餃！黑松露豬肉餃嘅香味真係好好，黑松露非常之清新嘅味道！而且呢度嘅豬肉餃嘅湯汁好正！至於呢個香菇粟米亦都好好食，粟米嘅份量好多，香菇夠晒濃郁同埋清甜！

呢日聽聞駱駝漆又有一間餃子店，就趕喺禁堂食嘅6點前去會一會佢啦，來一個early lunch，店舖細細裝修都落咗心思，座位亦算係鬆動，唔會逼逼夾，店員姐姐非常友善主動，好有親切嘅感覺，第一次嚟到試一試個基本盤，雙拼餃子（湯餃八隻）$46 嘅價錢非常抵食，餃子非常足餡好飽滿，$10 一支嘅豆漿同我喺甜記飲嘅一樣，係咪每間餃子都係入呢間豆漿架呢？ 講返餃子先，今次係叫韭菜同香菇口味，好味道再望多次餐牌，原來煎餃嘅口味都好吸引呀，有芝士同黑松露，要下次再嚟試試呀。

今日出觀塘做嘢 ，做完諗起朋友之前介紹過我，駱駝漆工業大廈入面，有間好食嘅餃子店叫❤️滾餃，於是入去食個午餐。 餐廳乾淨企理，坐得舒適，午餐時間都幾多人幫襯。🥢韭菜豬肉餃10隻 $46幾大隻, 韭菜味好香濃。🥢香茜豬肉餃10隻 $52用芫茜做餡料好特別，好香。🥢黑松露芝士豬肉餃10隻$62 煎得香脆，黑松露味好突出。🥢涼拌香麻皮蛋$30調味惹味，皮蛋嫩滑。👍🥤豆漿10蚊支裝夠大枝，幾抵，夠2人share。豆味濃，吾過甜。

冬天時候就最愛食餃子，出晒名多餐廳嘅觀塘工廈有間主打特色餃子，滾餃出面買得外賣多，就決定過黎買d生餃番去屋企慢慢嘆！平均$44-$60/打 餃子外，另有麵食及冷盤小食供應揀左兩盒，一盒水煮、一盒用來煎！形狀都有不一樣！黑松露豬肉餃$64 香菇粟米豬肉餃 $48/打盒上清楚寫明水餃及煎餃煮法，超方便煎餃先不要動，煎了一邊金黃，再煎另外兩邊、加水蓋上蓋焗焗就ok香菇夠濃郁、粟米新鮮清甜，餃子夠紮實！煎到金黃香脆，聞到陣陣黑松露香氣，咬開juicy惹味～

今日跟朋友聚一聚拜下年，之後朋友想食餃子🥟，就去左附近新開既餃子店食番個lunch! 地方乾淨企理，睇完menu就點左以下：黑松露芝士豬肉餃子（煎）10隻$62: 即點即煎，薄薄的餃子外皮煎得十分金黃微焦，入口香脆，香氣撲鼻；塞滿了豬肉餡，口感紮實，黑松露+芝士配搭新鮮又十分match，一口咬下去，黑松露的香氣跟芝士的鹹香紛紛而至，口感十足！蒜芯鮮蝦豬肉餃（湯）多蔥；10隻$62:餃子豬肉餡料飽滿，薄薄的外皮隱約透出餡料顏色，豐富的蒜芯餡料口感實在，有完整的大蝦很爽口彈牙，鮮爽味美！以上餃子加烏冬$12:配埋豬骨湯底既彈牙烏冬一齊食，飽感十足；仲有自家製既菜脯，辣辣地好惹味！豆漿$10: 豆漿唔太甜同豆味香濃，大大支都抵飲！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

觀塘駱駝漆大廈一向好多隱世小店，呢間餃子店🥟每件餃子人手包，抵食又好味！一共有七款口味，韭菜豬肉餃、香菇粟米豬肉餃、京蔥豬肉餃、香茜豬肉餃、蒜芯鮮蝦豬肉餃、芝士粟米豬肉餃、黑松露芝士豬肉餃🥟可以揀湯或者煎餃，仲可以配上海麵、米線或者烏冬第一次嚟食，先食最普通嘅餃子先我叫咗香菇粟米豬肉餃🥟餃子皮好薄好滑，一啖咬落去好足料，好多粟米同埋香菇粒而且豬肉餃非常多汁，配豬骨湯底，好好味呀！另外香茜豬肉餃🥟都係揀湯餃好香啊☺️香茜味好濃郁一咬落去多汁之餘，好香京蔥味，同豬肉嘅比例剛剛好！呢度仲有生餃，可以買返去慢慢食，下次打邊爐都可以買呢間嘅餃子啊🥟

這間滾餃隱藏於駱駝漆工廈之中，裝修簡單，餐牌亦不花巧，主打手工餃子，除了堂食，還有生餃可以外賣，今日見到有員工會即場包餃，所以他們的餃子很新鮮吧。他們提供7款不同的餃子，有湯餃/煎餃，可選8隻/10隻，還可以配粉麵，或者可以雙併餃子。點了一碗8隻的蒜芯鮮蝦豬肉餃配上海湯麵（$60),湯底是豬骨湯底，餃子大隻皮薄，有原隻彈牙的蝦仁，爽脆的蒜芯及豬肉的軟腍，口感豐富好味，再配埋上海麵，十分飽肚。另一碗是8隻的雙併湯餃子，是京蔥豬肉餃併香茜豬肉餃（$46). 每隻餃子都脹卜卜的，京蔥/香茜跟豬肉比例一半半，兩款比較，香茜餃味道會比較突出。餐廳亦有提供數款冷盤小食，麻辣木耳（$28),用蔥花香蒜來撈，惹味開胃。而飲品我要推介他們自家製的支裝奶茶，幼滑香濃，不太甜。

觀塘出名多美食今次喺駱駝漆搵到一間餃子店淨係聽個名都覺得幾得意於是乎就吸引咗我去試一試今次試咗兩種餃子，一種係黑松露芝士，另一種係韭菜餃子。個人鍾意韭菜餃子多啲，好重嘅韭菜味正，值得一提嘅係佢嘅菜脯，辣得來之餘好開胃，配埋餃子同面食一流。

同朋友行過駱駝漆大廈買嘢，行行下見到有間餃子店，就行入去試吓。入到去店員全部都包緊餃子，我哋照樣坐低。今次叫咗煎餃同埋湯餃，煎餃要咗芝士粟米餃子同埋黑松露芝士餃子。湯餃就要左香茜豬肉餃同埋香菇粟米豬肉餃。煎餃方面，餃子皮都幾薄，芝士都做到啲拉絲感覺，黑松露唔會太濃味遮晒所有味。至於湯餃如果鍾意香茜可以試吓，香菇粟米豬肉餃都唔失禮。小食方面要咗個肉鬆皮蛋豆腐，肉鬆辣辣地，幾過癮。嘢飲本身要奶茶，不過賣晒，所以要咗豆漿同埋可樂。

駱駝漆一向都多嘢行多嘢食🥰 今日我又過嚟覓食，發現呢一間新餐廳，水泥風裝修座位闊落，入邊唔少食客估計應該質素唔錯，所以就試下啦！睇個名就知主力食餃子，有七款餃子味道，可以揀湯煮/ 煎，8隻/ 10隻，又可以揀雙拼~ 價錢有$40至$60不等，lunch 都幾抵食手拍青瓜 $22 青瓜分量少，非常新鮮，伴以陳醋加上秘製蒜醬，都幾滋味~雙拼煎餃 (10pcs) $56香茜豬肉餃：爆多香茜！滿足到香茜控既小妹～好吃😋芝士粟米豬肉餃：感覺幾得意，有種爆醬芝心丸既feel~ 煎餃上枱新鮮熱辣辣，雙拼食多2款~ 滿足貪心既我！餃子配埋佢地自家製既香辣菜脯又幾夾，大家可以試下呢～豆漿 $10係經常都見到既正遠出品，凍嘅支裝，香港製造品質保證呢同店員傾落先知原來開左個幾月咋～唔怪得印象中無哩間餐廳啦餃子會即日人手包🥟用料新鮮~ 等我過完年再黎食先！

香港近年出現了不少手工餃子店，當中有很多都標榜新鮮即製，不含味精及防腐劑，令人食得放心又安心。最近就同屋企人幫襯咗觀塘呢間新開嘅「滾餃」。餐廳地方不大，一眼睇晒，水泥牆身配以室內嘅霓虹燈裝飾，設計簡約又充滿質感。先睇下餐牌，餃子嘅款式唔算多，只有 7 款，另外亦有 5 款冷盤小食同飲品等供應，揀咗湯餃同煎餃各一，另加小食同飲品。蒜芯鮮蝦豬肉湯餃 ($58/10隻)  率先送上，湯底以豬骨熬製而成，嚐一口，啖啖豬骨精華，濃而不膩，而且飲得出無落味精，就算成碗飲晒都無問題！餃子新鮮即製，大大隻，好足料，外皮煙韌滑溜。蒜芯很爽口、味甜鮮嫩；鮮蝦成隻手指咁長，真係抵食到爆；豬肉甘香肥美、幼嫩得嚟又有肉汁。加咗 $12  配烏冬，麵質好爽滑，軟嫩中略帶一絲彈牙，夾埋飽滿嘅餃子同辛口爽脆嘅菜脯一齊食，真係令人回味無窮。至於煎餃就點咗黑松露芝士豬肉餃 ($60/10隻)，餃子煎得十分香脆，外形脹卜卜，入面嘅肉餡鬆軟又多汁，咬下啖啖都係松露同芝士嘅香氣，口感甚佳。小食揀咗涼拌肉鬆皮蛋豆腐 ($36)，豆腐清涼嫩滑，面頭嘅肉鬆夠晒澎湃，而且食落頗有咬口，皮蛋甘香軟綿，加上淋滿了自家製嘅醬汁，味道酸酸鹹鹹