滾餃

同朋友行觀塘，朋友鍾意食餃子，咁啱一search就搵到依間人氣餃子，就即刻試一試見到佢都有幾隻唔同嘅味道選擇，我哋兩個人所以就揀咗煎餃10隻同埋湯餃6隻煎餃我哋揀咗韭菜味同埋松露芝士味，湯餃我哋就揀咗蒜心鮮蝦同埋泡菜味餃子嚟到嘅時候都算係大隻，但係始終都係煎餃最好食，因為煎餃個皮脆卜卜，但係相對湯餃，個皮就會容易爛晒，所以個人嚟講鍾意食煎餃多啲同埋以湯餃嚟講，蒜心鮮蝦，冇乜味道，不過泡菜味就有少少辣辣地，好味另外我哋再叫咗雞絲粉皮，幾好食，個醬汁都算多，同埋個粉皮唔會好硬，下次都會自己黎食評分：👍🏻👍🏻👍🏻👍🏻/5整體味道指數：😋😋😋/5性價比：💰💰💰💰/5環境：❤️❤️❤️/5服務：✅✅✅/5…Read More

呢度嘅餃子全部每日鮮製，足料爆餡👍🏻超推薦比大家🫶🏻已經幫襯咗幾次，難得味道同之前一樣都keep到數量一份6／8／10隻 湯or煎餃京蔥豬肉煎餃煎得非常香唔會太油 新鮮煎起熱辣辣味道似北京餡餅果類 係好食嘅個餃子皮幾煙韌食落去一啲都唔油煎得好香脆，仲有個蔥油麵值得一讚，蔥油味道非常香店員仲會好細心，問你需唔需要辣菜脯菜脯暫時係我食過咁多間最好食嘅😋滿足嘅一餐最推蒜芯鮮蝦 京蔥豬肉跟芝士粟米都不錯記得配菜脯食小吃泰式鳳爪不錯吃 份量夠…Read More

外賣等咗30分鐘 千祈唔好食飯時間叫 就算你好唔好食 我都唔會再食 管理不善 處理不當 唔計呢樣 佢嘅味道都大不如前 冇黑松露味 冇芝士味 淨係覺得佢好油 以前覺得佢幾好食 時不時幫襯 而家必須脫粉…Read More

位於駱駝漆工廈的滾餃，已經開咗好多年，今次有機會去試。同好多餃子店一樣，有湯餃&煎餃㨂。餃子有9款味道，較為特別嘅係京葱、蒜芯蝦仁及黑松露芝士。今次叫了湯餃雙拼共8隻（京葱及香茜）配豬骨湯。湯底豬骨味唔算勁濃厚，味道都可以，讚讚佢應該冇落任何味精。香茜餃子：除了豬肉、香茜外，仲加了爽脆嘅馬蹄，味道幾好，馬蹄增加咗餃子嘅口感，但餡料較鬆散京蔥餃子：食到好濃郁嘅京蔥味，餡料較結實，整體味道不錯佢個餃子皮有點厚，特別係餃子皮邊太長，做唔到啖啖都係餡料感。…Read More

🧭 滾餃•觀塘🍴觀塘開源道60號駱駝漆大廈第三座9樓K室之前平日lunch time已經食過一次 但果陣都好多人排隊，今日見星期六係駱駝漆睇下多唔多人排，發現星期六係完全唔洗等💙本身以為星期六都有下午茶，點知睇漏眼 原來一至五先有🤣唯有照舊試哂湯餃同煎餃2款啦🤪湯餃🍲黑松露芝士豬肉餃😍一咬果陣黑松露好勁咁飄左出黎😍超香 好食，而且因為夠大隻足料，即刻好滿足。好易就一啖一啖就食哂6隻🤣下次可能要叫8/10隻先夠😛強烈推薦👍🏻另外，我地都加左個湯麵，有上海麵/米粉/ 米線/ 烏冬/蔥油撈麵揀。我地揀左上海麵配豬骨湯底。淡淡地加埋啲餃子 就岩岩好😘個麵 岩岩好硬度 唔係果啲一Pat Pat 淋哂咁。煎餃🥟泡菜豬肉餃😬佢煎到好靚，隻隻都大大隻 金黃色咁。開頭仲怕佢個面咁硬，啲餡應該無乜汁。點知食落有驚喜，入面有滿到瀉既泡菜 而且係仲有汁既添。而且估唔到今日見到有一班姨姨係到人手包餃子。就睇得出佢係人手 而且好有信心先會係客面前咁包餃子。#hongkong #hongkongfood #foodstagram #foodie #dumpling #kwuntong #香港#覓食 #香港美食 #九龍 #觀塘 #觀塘工業區 #餃子 #觀塘美食 #觀塘美食地圖 …Read More